JOHANA 8
8
1Isua erawh chu Oliv tlângah a kal a. 2A tûk zîng takah chuan Tempulah a lût leh a. Mipui zawng zawng a hnênah an lo kal a; tin, a ṭhu a, anmahni a zirtîr ta a. 3Dân zirtîrtute leh Farisai-te chuan hmeichhia, a uire lai man an rawn hruai a, a laiah an dintîr a.#8:3 Hmeichhe uire thu hi Mss ṭhenkhatah a awm lo. A ṭhenah châng 36 dawtah a chuang.
4Isua hnênah, “Zirtîrtu, he hmeichhia hi a uire lai taka man a ni a. 5Kan Dân, Mosia min pêkah chuan hetiang hmeichhia hi lunga den hlum tûr tih a ni a. Nangin engtin nge i ngaih le?” an ti a. #Lev. 20:10; Deut. 22:22-24. 6Chu chu amah fiah nân an ti a ni. Isua chu a kûn a, a kut zungṭangin leiah a ziak a. 7Chutia an zawh sek sek tâkah chuan a han dâk a, an hnênah, “In zînga sual nei lovin lungin dêng hmasa rawh se,” a ti a. 8A kûn a, leiah#8:8 Mss ṭhenkhatah, ‘an sualna a ziak,’ tih a ni. a ziak leh ta a. 9Chu chu an hriat chuan pakhat khatin a upa bera ṭanin#8:9 Mss ṭhenkhatah, ‘a nau ber thlengin,’ tih a ni. an chhuak fai ta vek a, hmeichhia a awmna ngaia awm nên chauh chuan an awm ta a. 10Isua chu a han dâk a,#8:10 Mss ṭhenkhatah ‘Hmeichhia lo chu tu mah a hmu lo va,’ tih a tel. a hnênah, “Hmeichhia, khawiah nge an awm tâk? Tu man thiam loh an chantîr na che nge?” a ti a. 11Ani chuan “Chantîr lo, Lalpa,” a ti a. Isuan a hnênah, “Kei pawhin thiam loh ka chantîr lo va che; kal la, tûn chinah chuan sual leh tawh suh,” a ti a. #7:53—8:11 Mss tam takah leh lehlin hmasa lamah chuan he lai thu hi a awm lo. Ṭhenkhat chuan he lai thu hi Jn. 21:24 dawtah an dah a, ṭhenkhat chuan Lk. 21:38 dawtah an dah; Mss pakhat chuan Jn. 7:36 dawtah a dah.
Isua khawvêl êng
12Isuan an hnênah thu a sawi leh a, “Kei khawvêl êng ka ni. Tu pawh mi zui chu thimah an lêng tawp lo vang a, nunna êng an nei zâwk ang,” a ti a. #Mt. 5:14; Jn. 9:5; 12:35. 13Farisai-ten, “Mahni thu i hriattîr a ni; i thu hriattîr hi a dik lo ve,” an ti a. #Jn. 5:31. 14Isuan, “Mahni thu hriattîr ka nih pawhin ka thu hriattîr chu a dik a ni, ka lo chhuahna leh ka kalna tûr ka hre si a; nangni zawngin ka lo chhuahna leh ka kalna tûr in hre si lo. 15Nangnin tisa dânin in rêl a, kei zawngin tu ma thu ka rêl ve lo. #Jn. 7:24. 16Rêl pawh ni ila, ka thu rêl chu a dik ang a, a rêltu chu keimah mai ni lovin, kei leh Pa, mi tîrtu kan ni dâwn si a. 17In Dânah pawh mi pahnih thu hriattîr chu a dik a ni, tih ziak a nih kha. #Deut. 19:15; Mt. 18:16. 18Kei hi mahni thu hriattîrtu ka ni a, Pa mi tîrtu chuan ka thu mi hriatpui bawk a ni,” a ti a. 19Anni chuan, “Khawiah nge i pa chu?” an ti a. Isuan, “Nangnin mi hre lo, ka Pa in hre hek lo. Kei mi hria ni ula, ka Pa pawh in hre tawh tûr,” a ti a. 20Chûng thu chu Tempul thawhlâwm bâwm dahna hmuna a zirtîr laiin a sawi a ni. Tu man amah an man si lo, a hun a la thlen loh avângin. #Mk. 12:41; Jn. 7:30.
Ka kalna tûrah in kal thei lo
21Isuan an hnênah, “Ka kal bo dâwn a, nangnin mi zawng ang, nimahsela, in sualnaah chuan in thi ang; ka kalna tûrah in lo kal thei lo vang,” a ti leh a. #Jn. 7:33. 22Juda-te chuan, “Amah a intihlum dâwn em ni ang? ‘Ka kalna tûrah in lo kal thei lo vang,’ a tih hi?” an ti a. 23Isuan an hnênah, “Nangni hnuai lam aṭanga lo chhuak in ni, kei zawng chung lam aṭanga lo chhuak ka ni; nangni chu he khawvêl ata lo chhuak in ni a; kei zawng he khawvêl ata lo chhuak ka ni lo. 24Chuvâng chuan a ni, ‘in sualnaah chuan in thi ang,’ ka tih che u ni. ‘Ka ni’ ka tih hi in awih loh chuan, chu in sualnaah chuan in thi ang,” a ti a. 25Anni chuan, “Tu nge i nih?” an ti a. Isuan, “A tîrin in hnênah ka sawi tawh a ni lâwm ni? 26In chungchângah hian sawi tûr leh rêl tûr tam tak ka nei; eng pawh ni se, mi tîrtu chu mi dik tak a ni, a hnên aṭanga ka hriat chauh khawvêl hnênah ka sawi ṭhîn,” a ti a. 27An hnênah Pa thu a sawi tih an hre lo.
28Isuan an hnênah, “Mihring Fapa hi in khai kân hunah keimah ka ni tih leh, keima thuin eng mah ka ti lo va, Pain mi hrilh ang zêl chauh ka sawi zâwk tih in la hria ang.#Jn. 3:14; 12:32. 29Mi tîrtu chu ka hnênah a awm a, keimah chauhva awm tûrin mi kalsan ngai lo; a lâwmzâwng hlîr ka tih ṭhin avângin,” a ti a. 30Chu thu chu a sawi laiin mi tam takin amah an ring ta a.
Thutakin a zalêntîr ang che u
31Isuan amah ringtu Juda-te hnênah chuan, “Ka thu-a in awm reng chuan ka zirtîrte in ni tak tak ang; #Jn. 15:7; 2 Jn. 9. 32thutak in hria ang a, thutak chuan a zalêntîr ang che u,” a ti a. #Rom. 6:18,22; Gal. 5:1. 33Anni chuan an chhâng a, “Abrahama thlahte kan ni a, tu bawihah mah kan awm ngai lo; ‘a zalêntîr ang che u,’ engtiziaa ti nge i nih?’ an ti a.#Mt. 3:9; Lk. 3:8. 34Isuan a chhâng a, “Thu dik tak ka hrilh a che u, thil sual ti apiang chu sual#8:34 Mss ṭhenkhatah ‘sual’ tih a tel lo. bawih an ni. 35Bawih chu chhûngkuaah a tel kumkhua lo, fapa erawh chu kumkhuain a awm reng.#Gen. 21:10; Gal. 4:30. 36Chutichuan, Fapain a zalêntîr che u chuan in zalên tak tak tawh ang. 37Abrahama thlahte in ni tih ka hria e; nimahsela, min thah in tum si, ka thuin nangmahniah hmun a neih loh avângin. 38Keiin Pa hnêna ka hmuh ka sawi a, nangni erawh chuan in pa hnên aṭanga in hriat chu in ti ṭhîn,” a ti a.
In pa Diabola
39Anni chuan, “Kan pa Abrahama a ni,” tiin an chhâng a. Isuan, “Abrahama fate in nih chuan Abrahama tih ang in ti ang chu. 40Pa hnêna ka hriat thutak hrilhtu che u hi tûnah mi thah in tum si a. Abrahaman hetiang a ti ngai lo. 41In pa tih ang in ti ve a nih hi,” a ti a. Anni chuan, “Sâwn kan ni lo ve, pa pakhat kan nei, Pathian chu,” an ti a. #Deut. 32:6; Isa. 63:16; 64:8.
42Isuan an hnênah, “Pathian in pa a nih chuan mi hmangaih ang, Pathian hnên ata lo kal ka ni si a. Keima thu-a lo kal ka ni si lo, amahin mi tîr zâwk a ni. 43Engati nge ka thu sawi in hriatthiam loh? Ka thu in dawn fuh theih loh vâng a ni. 44Nangni zawng in pa Diabola laka chhuak in ni a, in pa duhzâwng tih in duh a ni. Ani chu a tîr ata tualthattu a ni a, thutakah a ding ngai lo, amahah thutak a awm loh avângin. Dâwt a sawiin amaha chhuak chu a sawi a ni; dawthei a ni a, dâwt pa a nih avângin. 45Keiin thutak ka sawi avângin mi ring lo a ni. 46In zîngah ka sualna tu nge sawi thei awm? Thutak ka sawi a, engati nge mi rin si loh? 47Pathian aṭanga chhuak chuan Pathian thu a ngaithla ṭhîn; nangni erawh zawngin ka thu in ngaithla lo, Pathian laka chhuak in nih loh avângin,” a ti a.
Abrahama awm hmain ka awm
48Juda-te chuan an chhâng a, “Samari mi i ni a, ramhuai i zâwl a ni kan tih kha kan tidik a ni lâwm ni?” an ti a. #Jn. 13:1; 16:28. 49Isuan, “Ramhuai zâwl ka ni lo va, ka Pa ka chawimawi a ni zâwk e, nangni lahin mi tihmingchhe si. 50Keima ropuina tûr ka zawng lo, a zawngtu leh a ngaihtuahtu chu a awm. 51Thu dik tak ka hrilh a che u, tu pawh ka thu zâwm chuan thih ni hmêl a hmu lo kumkhua ang,” a ti a. 52Juda-ten a hnênah, “Tûnah chuan ramhuai i zâwl a ni tih kan hre chiang ta; Abrahama a thi tawh a, zâwlneite pawh an thi tawh a, nang lahin, ‘Tu pawh ka thu zâwm chuan thihna a tem lo kumkhua ang,’ i ti si a. 53Min thlahtu Abrahama aiin i ropui zâwk em ni? Ani pawh a thi tawh, zâwlneite pawh an thi tawh, tu-ah nge i insiam le?” an ti a.
54Isuan, “Mahni inchawimawi ila ka mawina chu eng mah a ni lo. Ka Pa, ‘Kan#8:54 Mss ṭhenkhatah ‘kan’ tih a tel lo, a ṭhenah ‘in’ tih a ni. Pathian a ni,’ in tiha chu mi chawimawitu a ni. #Gen. 3:4; 1 Jn. 3:8. 55Ani chu in hre si lo, kei erawh chuan ka hria; ‘Ani chu ka hre lo,’ ka tih chuan, nangmahni ang bawka mi dawthei ka lo ni ang; nimahsela, amah ka hria a, a thu pawh ka zâwm a ni. 56In thlahtu Abrahama kha ka ni hmu tûr a nih avângin a hlim êm êm a, a hmu ta ngei a, a lâwm rêng a ni,” a ti a. 57Juda-te chuan a hnênah, “Kum sawmnga pawh la tling lo pui che, Abrahama i hmu maw?”#8:57 Mss ṭhenkhatah ‘Abrahaman a hmu che maw?’ tih a ni. an ti a. 58Isuan, “Thu dik tak ka hrilh a che u, Abrahama pian hma pawhin Ka Awm tawh,” a ti a.
59Amah den nân lung an chhar ta a; mahse, Isua a biru a, Tempul ata a chhuak ta a. #Jn. 10:32; 11:8.
Markert nå:
JOHANA 8: MIZCLBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
