Yoane 14
14
1Utūyēōmpele ūnōwami. Utavnirigi iran Nōbū, mūtavnirĭgi yaū sugkū. 2Unisog nimo eni Itemen yaū ōvun silebōkeves sikat, nagkū tawi sugkū, yaū penūwi pugkūm. Ya umampe woresiman sī nūrū nisekomi. 3Im nagkū ya ampe woresiman sī nūrū nisekomi, ya umampelum mampi kimi dal yaū; 4ĭm ra nūrū yaū, kimi yūi sugkū; im kĭmi kūmagkili nūrū mori ya umampewi, im kimi kūmagkili selat. 5Tomas yemenūwi pugi, memokū, Novsuromon, ka keletūmlagkili nūrū kĭk emampewi, ĭm ka kelagkili selat nokowo? 6Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū. 7Marugi nempugon marima kĭmi kūmagkili Iyi, mūmagesi. 8Fĭlĭp yemenūwi pugi, memokū, Novsūromon, sesi pugkam iyi Itemen, ĭm ka keletūlentagkelok mōmū. 9Iesū yemtagkeli, memokū, Fĭlĭp, Yaū dal kĭmi nempugon tantop, ĭm kĭk otūmagkili yaū kū? Iyi sī okesi yau, okesi Itemen; ĭm kĭk eminūwi memagkū, sesi pugkam iyi Itemen, nokowo? 10Kĭk ōtūmentavnirĭgi ma yaū ra mumpon Itemen, miyi Itemen ra mumpon yaū, kū? nam mori ya umanūwi pugkūm ya otūmasepen nenūwi; Iyi Itemen mori umantendōwi ra mumpon yaū, Iyi mori umnumpi ōvun numpūrah. 11Utavnirĭgi yaū, ma yaū ra mumpon Itemen, miyi Itemen ra mumpon yaū; ĭm nagkū tawi, ūtavnirĭgi yaū popōwo ugi ōvnumpūrah mori. 12Itnesog, ĭtnesog, ya umanūwi pugkūm, memagkū, iyi sī umentavnirĭgi yaū, ōvun numpūrah ya umnumpi iyi onumpi sugkū, miyi onumpi mōmū horog ra imosū, popōwo ya umampe pugi Itemen. 13Im sīsesī kĭmi kwonesenĭgi magkū ra nin enyaū, ya onumpi, ma iyi Itemen ampi nilasilaswi iran ugi Netni. 14Nagkū kĭmi kwonesenĭgi sīsesī magkū ra nin enyaū, ya onumpi. 15Nagkū kĭmi kūmnelintoko yaū, walekoleki ōvun nempasewugisū enyaū. 16Im ya onesenĭgi Itemen, miyi ampugkūm sī mōmū Nempari nevĭeves woretendowi dal kĭmi ūvūm nevisū. 17Iyi mori Naviat ĭtnesog ra nemap tawi faneteme worevi iyi, popōwo ūtū magesi iyi mōmūtūkili iyi kō, kĭmi kūmagkili Iyi, ĭt iyi umante dal kĭmi, miyi antendōwi iramī. 18Ya ōtūawi kimi ōvun neviumpūwi; ya umampelum pugkūm. 19Nempugon virok ĭm nemap otūōmagkesi yaū; kō, kimi kūmagkos yaū; popōwo ya umnomūrep kĭmi sugkū kwamūrep. 20Ra nempugon mori kĭmi kwagkili ma yaū ra mumpon Itemen yaū, ĭm kĭmi ra mumpon yaū, ĭm yaū ra mumpon kĭmi. 21Iyi sī umumpī ōvun nempasewugi enyaū, memalekolekisū, iyi mori umnelintokoyaū; miyi sī umnelintokoyaū, Itemen enyaū onelintugi iyi, ĭm ya onelintugi memesepen sesi yaū pugi. 22Yūdas, tawi Iskariot, yemenūwi pugi memokū, Novsūromon, kĭk asepen sesi kĭk pugkam, ĭm tawi punora ra nemap, nokowo imo sugkū? 23Iesū yemtamsi memenūwi pugi, memokū, Nagkū sī umnelintokoyaū iyi onalekoleki nam enyaū; ĭm Itemen enyaū onelintugi iyi ĭm ka kūampelum pugi, ĭm ka kūantendōwi dal iyi. 24Iyi sī otūmnelintugi yaū otūmnalekoleki nam enyaū. Im imo nam kūmandĭgi, tawi enyaū, eni Itemen mori yemtamūli yaū.
25Ya umanūwi imo pugkūm nempugon yaū dal kĭmi. 26Miyi Nempari nevĭeves, Naviat tumpora, mori Itemen ontamūli ra nin enyaū, Iyi mori ontavsokūm ugi siamesū, menumpi kĭmi worentemi siamesū ya umanūwi pugkūm. 27Ninparata ya awi pugkūm ninparata enyaū ya umampugkūm. Ya otumampugkūm sugkū ōveteme ra nemap. Utūyēōmpeli ūnōwami, ūtūmtetugi, kĭmi kūrĭgi mori ya onūwi pugkūm, mokū, ya umampe, ĭm ya umampelum pugkūm. 28Nagkū kĭmi polintokoyaū, kĭmi pavos popōwo ya onūwi, mokū, ya umampe pugi Itemen; popōwo iyi Itemene yaū, mōmū horog irag. 29Im ya umanūwi pe pugkūm marima, pol sugku otūvelum, ma kĭmi kwontavnirĭgi pol sugkū ampelum. 30Penuri imo ya otūanūwi nam tantop pugkūm; popōwo iyi Narisah ra imo nemap umampelum miyi otūagesi sīsesī eni ūnisog yaū. 31Kō, ma Nemap wagkili ma ya umnelintugi Itemen; ĭm ya umnumpi sugkū Itemen yempasewokoyaū, Utūok; kos kelampe.
Markert nå:
Yoane 14: ERGNT79
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Erromangan New Testament © British and Foreign Bible Society, 1909,1979.
