Yoane 15
15
1Yaū vīn ĭtnesog ĭm Itemen enyaū nasĭmnūok. 2Ovun dugon omwisū ra yaū mori ūtūmampūo, iyi umentantevi, mirorasū mori ūmampūo, iyi umnarovĭn, memagkū anapūo nifiri. 3Kĭmi kūmnarovĭn marima ugi nam mori ya onūwi pugkūm. Utendōwi ra yaū, ĭm yaū ra kimi. 4Sī dugon tawi faneteme woresepen novūo; otūampūo nagkū otūantendōwi ra nelumpoi vin. Kĭmi sugkū, nagkū kūtūwantendōwi ra mumpon yaū. 5Yaū vīn mori ĭm kĭmi ōvun dugon; iyi sī umantendōwi ra yaū, ĭm yaū ra iyi, ūmampūo nifiri; popōwo kimi wokon tawi faneteme worumpi sīsesĭ, nagkū yaū tawi ramumpon kĭmi. 6Nagkū sī otūmantendōwi ra yaū, ontafugi iyi ratilat sugkū dugon, ametū, wonalekon montafugi ra nom, matni. 7Nagkū kĭmi kwantendōwi ra mumpon yaū, ĭm nam enyaū antendōwi ra mumpon kimi, sisesī kĭmi kwonakīugi kwonesenĭgi, ĭm onumpi irami. 8Umnumpi nilasilaswi iran Itemen yaū pol sugkū kĭmi kūmampūo nifiri; ĭm kĭmi kwanti ōvun nūrie enyaū. 9Itemen umnelintokoyaū, ĭm ya umnelintugkūm sugkū; ūteadōwi ra nelintugi enyaū. 10Nagku kĭmi kwonalekoleki ōvun nempesewugi enyaū, kĭmi kwantendōwi ra nelintugi enyaū; sugkū ya umnalekoleki ōvun nempasewugi eni Itemen enyaū, memantendōwi ra nelintugi eni. 11Ya umanuwi imosū pugkūm ma navosavos enyaū antendōwi ūnisog kĭmi, ĭm navos enugkĭmi ampūarasah ūnōwami. 12Imo nempasewugi enyaū pugkūm ūsepen nelintug kūm; sugkū ya umnelintug kūm. 13Imo nelintugi ra nūsian pol sugkū sī neteme umasepen ōwi nomūrep eni woretampnemokonda raveneme. 14Kĭmi ravūgeme nagkū kūmnumpi sugkū ya umnempasewugkūm, Ya otūōmanūwi magkū kĭmi ōvun lĭvsaū, 15popōwo sī lĭvsaū otūmagkili siame Narisah eni umnumpi. Ya onūwi mokū kĭmi ravūgeme, popōwo siamesĭ yaū morigi marugi Itemen enyaū ya okotavsogkūm ugi. 16Kĭmi kūtūtampoli yaū, yaūĭmtampoli kĭmi memtamūlokūm memokū kwampe, mōmampūo, ĭm ma novūan enugkĭmi wantendowi; ma sĭsesī kĭmi kwonesenĭgi Itemen magkū ra nin enyaū, Iyi ampugkūm. 17Ya umnempasewugkūm imo, memagkū usepen nelintugkūm. 18Nagkū nemap umnakan pugkūm, kĭmi kūmagkili yepmakan poyaū. 19Nagkū kĭmi enirora ra nemap, irora polintugkūm; kō, popōwo kĭmi tawi enirora ra nemap, yaūĭmtampoli kĭmi marokonda ra nemap, popōwo imo sugkū nemap umnakan pugkūm. 20Wuntemi nam mori ya onūwi pugkūm, mokū, sī lĭvsaū, tawi mōmū horog ra narisah eni. Nagkū irora dūmūvĭesisat yaū irora wampĭesisat kĭmi. Nagkū irora dūmalekoleki nam enyaū, irora wonalekoleki nam enugkĭmi sugkū. 21Kō imosū omwisū irora wonumpi irami ugi nin enyaū, popōwo irora ūtū kili iyi mori yemtamūlyaū. 22Nagkū yaū petū velum menūwi nam punora, irora pūtūte satindi; kō marima tawi sī en tie sī woreseni sat enirora. 23Iyi mori umnakan poyaū umnakan pugi Nate sugkū. 24Nagku yaū petū umpi ōvun numpūrah ūnimĭnda sugkū tawi sī neteme yemumpi, irora pūtūte satĭndi; kō marima irora dūmokesi yaū ĭm Nate dūmakan poyaū ĭm pugi Nate sugkū. 25Kō umetepū sugkū, ma wonampesog nam mori dūmūtĭyi ra nam alam enirora, Dūmūsepen nakan poyaū. 26Kō pol sugkū Iyi mori onesitū irami ampelum, mori ya ontamūli pugkūm marugi Itemen, mori Naviat itnesog, mori umamne marugi Itemen, iyi onumpūvsok ugi yaū. 27Im kimi sugkū kwonumpūvsok, popōwo kūmūte dal yaū marugi nimpugon ra nōbūm.
Markert nå:
Yoane 15: ERGNT79
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Erromangan New Testament © British and Foreign Bible Society, 1909,1979.
