Yoane 16
16
1Ya umanūwi imosū pūgkum ma kĭmi kūtūontamsal. 2Irora wontevelegunokūm marugi ōvun nimo tavsogi; ĭm nempugon umampelum pol sugkū irora mori wantalugkūm, wagkū, aremī ĭndōwi ūnĭpmi eni Nōbū. 3Irora wonumpi imosū irami popōwo ūtūmagkili Itemen, kū yaū. 4Imosū ya umanūwi pugkūm memagkū kwonentemisū, pol sugkū nempugon mori ampelum, magkū, yaū menūwisū pugkūm. Im yaū metūnūwi imo pugkūm mampūm, popōwo yaū dal kĭmi. 5Kō, marima ya umampe pugi Iyi mori yemtamūli yaū; ĭm tawi sī ra kĭmi umentagkol yaū, memagkū, Ia kemampea? 6Im popōwo ya onūwi imosū pugkūm, kūmandugompūnū tamas ugi. 7Kō, ya umanūwi pugkum itnesog, memagkū, aremī nisekomi ma ya umampe: ĭt nagkū ya otū ampe Iyi Nempari nevĭeves otū ampelum irami; 8ĭm nagkū ya ampe ya ontamūli irami. Im pol sugkū Iyi ampelum Iyi osesi punora ōveteme worokili ugi sat, ĭm tanepo, ĭm nūrian; ugi sat, popowo irora ūtum tavnirigi yaū; 9-10ugi tanepo popōwo ya umampe pugi Itemen yaū ĭm kĭmi kūtūōmagkoseyaū; 11mugi nurian, popōwo yūrian iran Narisah ra imo nemap. Sikat mōmū nam enyaū worenūwi pugkūm, 12kō kĭmi tawi faneteme wororĭgisū marima. 13Pol sugkū Iyi ampelum, Naviat itnesog mori, Iyi ontorokūm worokili itnesog omwisū: ĭt Iyi otūasepen nenūwi; siamesū Iyi andĭgi anūwi; miyi osesi pugkūm siame ampelūm. 14Iyi onumpi nilasilaswi irag, popōwo ampi marugi siamesū enyaū manūatumpene pugkūm. 15Siamesū eni Itemen, enyaū sugkū; popōwo imo sugkū ya onūwi rnokū, Iyi ampi marugi enyaū manūatumpene pugkūm. 16Nempugon virok, ĭm kĭmi kūtūagesi yaū; ĭm penūri, nempugon virok, kwōmagkusi yaū. 17Popōwo imo sugkū nugkon ra irora ovūn nūrie dūmūsepen tagkēlora, mūmōkū, sie imo Iyi umanūwi pugkos? Nempugon virok, ĭm kĭmi kūtūagesi yaū; ĭm penūri, nempugon virok, kwōmagkusi yaū, ĭm, 18popōwo ya ōmem ampe pugi Itemen; irora dūmōkū, sie imo Iyi umanūwi memagkū ugi? Nempogon virok; kos kĭmlamgīugi nam eni. 19Iesū yemokili ma irora dumakīugi woretagkeli, miyi yemenūwi memokū, kūmnesorugkūm ugi fan nam imo ya onūwi, mokū, Nempugon virok ĭm kimi kūtūagesi yaū; ĭm penūri, nempugon virok, ĭm kimi kwomagkusi yaū, kū? 20Itnesog, ĭtnesog, ya umanūwi pugkūm, memagkū, Kĭmi kwonageri monakūr, ĭm nemap wonavosūwi; ĭm kwandugompūnū, kō pe norigompūnū enugkĭmi anti navos. 21Sī nasiven ra nempugon netni amprokamol umandugompūnū popōwo nempugon eni okovelum; ĭm pol sugkū netni umprokomol iyi otūmnentemi nesorū ugi, popōwo ugi navos ma sī netni ĭtnataman okovelum ra nemap. 22Im kĭmi marima kūmandugompūnū; kō, ya ōmagkusokūm ĭm kĭmi kwonavos ūnōwami, ĭm tawi sī ampī parugkūm navos enugkĭmi. 23Ra nempugon mori kĭmi kūtu-ontagkoloyaū sī. Itnesog, ĭtnesog ya umanūwi pugkūm, memagkū, sīsesī kĭmi kwonesenĭgi Itemen magkū ra nin enyaū, iyi ampugkūm. 24Kĭmi kūtūosenĭgi sīsesī mūmōkū, ra nin enyaū, mafeli ra nempugon marima; ūsenĭgi; ĭm kĭmi kwampī, ma sugkū, navos enugkĭmi ampūarasah ūnōwami.
25Ya umanūwi imosū pugkūm ugi ōvun parabel: kō, nempugon ampelum pol sugkū ya otūōmanūwi pugkūm ugi ōvun parabel; ya anūatumpene pugkūm magkū ugi Itemen. 26Ra nempugon mori kĭmi kwonesenĭgi magkū ra nin enyaū; ĭm ya otūmanūwi pugkūm memagkū, ya ontagkeli. 27Itemen nisekomi; ĭt iyi Itemen umnelintug kūm, popōwo kūmnelintokoyaū, ĭm kūmūntavnirigi ma yaūĭmpelum memne ra Nōbū. 28Yaūĭmpelum memne ra Itemen, mempelum ra nemap; ĭm ya awi nemap mōmampe pugi Itemen. 29Ovun nūrie eni dūmūtagkeli mūmōkū, Marima kĭk emanūasūmperi, metūmanūwi sī parabel. 30Marima ka kĭmlagkili ūnam ma kemagkĭli siamesū, metūmentevetūi sī woretagkelok ugi sī; popōwo imo sugkū ka kĭmlagkili kempelum memne ra Nōbū. 31Iesū yemenūwi punora, memokū, Kĭmi kūmūntavnirĭgi marima kū? 32Urĭgi, umampelum nempugon, okovelun marima, pol sugkū kĭmi kwonaseviugi, kwōmampe ran temnesū enugkĭmi, kĭmisū, mawi yaū kosī kō yaū tawi kosī, popōwo iyi Itemen ūndū yaū. 33Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.
Markert nå:
Yoane 16: ERGNT79
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Erromangan New Testament © British and Foreign Bible Society, 1909,1979.
