ᠢᠣᠸᠠᠨ 9
9
ᠶᠢᠰᠦᠳᠦᠭᠡᠷ ᠪᠦᠯᠦᠭ ᠅
1ᠲᠡᠨᠳᠡᠴᠡ ᠲᠡᠷᠡ ᠢᠨᠦ ᠥᠭᠡᠳᠡ ᠪᠣᠯᠤᠭᠠᠳ᠂ ᠲᠥᠷᠥᠭᠳᠡᠭᠰᠡᠭᠡᠷ ᠰᠣᠬᠣᠷ ᠠᠭᠰᠠᠨ ᠬᠦᠮᠦᠨ ᠢ ᠦᠵᠡᠪᠡᠢ᠃ 2ᠲᠡᠶᠢᠨ ᠬᠦ ᠲᠡᠭᠦᠨ ᠦ ᠱᠠᠪᠢᠨᠠᠷ ᠠᠨᠤ ᠲᠡᠭᠦᠨ ᠡᠴᠡ ᠠᠰᠠᠭᠤᠷᠤᠨ᠃ ᠪᠠᠭᠰᠢ ᠡ᠂ ᠡᠨᠡ ᠬᠦᠮᠦᠨ ᠦ ᠰᠣᠬᠣᠷ ᠢᠶᠠᠷ ᠲᠥᠷᠥᠭᠳᠡᠭᠰᠡᠨ ᠪᠥᠭᠡᠲᠡᠯᠡ ᠬᠡᠨ ᠬᠢᠯᠢᠨᠴᠡ ᠶᠢ ᠦᠢᠯᠡᠳᠦᠭᠰᠡᠨ ᠪᠤᠶᠤ᠃ ᠲᠡᠷᠡ ᠪᠤᠶᠤ᠃ ᠲᠡᠭᠦᠨ ᠦ ᠡᠴᠢᠭᠡ ᠡᠬᠡ ᠪᠤᠶᠤ᠃ 3ᠬᠡᠮᠡᠨ ᠠᠶᠢᠯᠠᠳᠬᠠᠭᠰᠠᠨ ᠳᠤᠷ ᠢᠢᠰᠦᠰ ᠢᠨᠦ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠡᠨᠡ ᠬᠦᠮᠦᠨ ᠦ ᠴᠤ ᠲᠡᠭᠦᠨ ᠦ ᠡᠴᠢᠭᠡ ᠡᠬᠡ ᠶᠢᠨ ᠴᠤ ᠬᠢᠯᠢᠨᠴᠡ ᠶᠢ ᠦᠢᠯᠡᠳᠦᠭᠰᠡᠨ ᠢᠶᠡᠷ ᠪᠤᠰᠤ᠃ ᠬᠠᠷᠢᠨ ᠡᠨᠡ ᠬᠡᠮᠡᠪᠡᠰᠦ ᠪᠤᠷᠬᠠᠨ ᠤ ᠦᠢᠯᠡᠰ ᠦᠨ ᠲᠡᠭᠦᠨ ᠢᠶᠡᠷ ᠦᠵᠡᠭᠦᠯᠦᠭᠳᠡᠬᠦ ᠶᠢᠨ ᠲᠤᠯᠠ ᠪᠣᠯᠠᠢ᠃ 4ᠡᠳᠦᠷ ᠪᠤᠢ ᠠᠲᠠᠯᠠ ᠪᠢ ᠪᠡᠷ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠦ ᠦᠢᠯᠡ ᠶᠢ ᠪᠦᠲᠦᠭᠡᠬᠦ ᠶᠣᠰᠤᠲᠤ ᠪᠤᠢ᠃ ᠰᠥᠨᠢ ᠶᠢᠨ ᠴᠠᠭ ᠠᠨᠤ ᠢᠷᠡᠮᠦᠢ᠃ ᠲᠡᠷᠡ ᠴᠠᠭ ᠲᠤᠷ ᠬᠡᠨ ᠴᠤ ᠦᠢᠯᠡ ᠶᠢ ᠪᠦᠲᠦᠭᠡᠵᠦ ᠦᠯᠦ ᠴᠢᠳᠠᠬᠤ᠃ 5ᠪᠢ ᠪᠡᠷ ᠶᠢᠷᠲᠢᠨᠴᠦ ᠳᠦᠷ ᠪᠤᠢ ᠴᠠᠭ ᠲᠤᠷ ᠢᠶᠠᠨ ᠶᠢᠷᠲᠢᠨᠴᠦ ᠶᠢᠨ ᠭᠡᠷᠡᠯ ᠮᠥᠨ᠃ 6ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠠᠳ ᠲᠡᠷᠡ ᠢᠨᠦ ᠭᠠᠵᠠᠷ ᠲᠤᠷ ᠨᠢᠯᠮᠤᠨ᠂ ᠨᠢᠯᠮᠤᠰᠤᠨ ᠢᠶᠠᠷ ᠰᠢᠩᠭᠡᠨ ᠪᠠᠯᠴᠢᠭ ᠢ ᠪᠦᠲᠦᠭᠡᠭᠡᠳ᠂ ᠰᠣᠬᠣᠷ ᠬᠦᠮᠦᠨ ᠦ ᠨᠢᠳᠦᠳ ᠦᠨ ᠳᠡᠭᠡᠷᠡ ᠲᠦᠷᠬᠢᠭᠡᠳ ᠲᠡᠭᠦᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠷᠤᠨ᠃ 7ᠣᠳᠤᠭᠠᠳ᠂ ᠰᠢᠢᠯᠣᠸᠠᠮ ᠤᠨ ᠨᠠᠭᠤᠷ ᠲᠤᠷ (ᠨᠢᠳᠦᠳ ᠢᠶᠡᠷ) ᠤᠬᠢᠶᠠᠨ ᠦᠢᠯᠡᠳ᠃ ᠰᠢᠢᠯᠣᠸᠠᠮ ᠬᠡᠮᠡᠭᠴᠢ ᠶᠢ ᠲᠠᠶᠢᠯᠪᠤᠷᠢᠯᠠᠪᠠᠰᠤ᠂ ᠢᠯᠡᠭᠡᠭᠳᠡᠭᠰᠡᠨ ᠬᠡᠮᠡᠨ ᠪᠣᠯᠠᠢ᠃ ᠲᠡᠶᠢᠮᠦ ᠶᠢᠨ ᠲᠤᠯᠠ ᠲᠡᠷᠡ ᠢᠨᠦ ᠣᠳᠴᠤ ᠤᠬᠢᠶᠠᠭᠠᠳ᠂ ᠦᠵᠡᠬᠦᠢ ᠪᠡᠷ ᠪᠣᠯᠤᠨ ᠬᠠᠷᠢᠵᠤ ᠢᠷᠡᠪᠡᠢ᠃ 8ᠲᠡᠶᠢᠨ ᠪᠥᠭᠡᠳ ᠲᠡᠭᠦᠨ ᠦ ᠠᠶᠢᠯ ᠨᠤᠭᠤᠳ ᠬᠢᠭᠡᠳ ᠤᠷᠢᠳᠤ ᠴᠠᠭ᠋ᠠ ᠲᠡᠭᠦᠨ ᠦ ᠰᠣᠬᠣᠷ ᠠᠭᠰᠠᠨ ᠢ ᠦᠵᠡᠭᠰᠡᠨ ᠢᠨᠦ ᠥᠭᠦᠯᠡᠯᠳᠦᠷᠦᠨ᠃ ᠡᠨᠡ ᠢᠨᠦ ᠭᠤᠶᠢᠯᠢᠨᠴᠢᠯᠠᠨ ᠰᠠᠭᠤᠭᠰᠠᠨ ᠬᠦᠮᠦᠨ ᠪᠢᠰᠢᠶᠦ᠃ 9ᠵᠠᠷᠢᠮ ᠤᠳ ᠠᠨᠤ ᠲᠡᠷᠡ ᠮᠥᠨ ᠬᠡᠮᠡᠨ᠃ ᠪᠤᠰᠤ ᠵᠠᠷᠢᠮ ᠤᠳ ᠠᠨᠤ ᠡᠨᠡ ᠢᠨᠦ ᠲᠡᠭᠦᠨ ᠳᠦᠷ ᠠᠳᠠᠯᠢ ᠪᠤᠢ ᠬᠡᠮᠡᠨ ᠥᠭᠦᠯᠡᠯᠳᠦᠪᠡᠢ᠃ ᠬᠠᠷᠢᠨ ᠲᠡᠷᠡ ᠢᠨᠦ᠂ ᠲᠡᠷᠡ ᠪᠢ ᠮᠥᠨ᠂ ᠬᠡᠮᠡᠨ ᠥᠭᠦᠯᠡᠪᠡᠢ᠃ 10ᠲᠡᠳᠡ ᠢᠨᠦ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠴᠢᠨᠦ ᠨᠢᠳᠦᠳ ᠢᠨᠦ ᠶᠠᠬᠢᠨ ᠨᠡᠭᠡᠭᠳᠡᠪᠡᠦ᠃ 11ᠲᠡᠷᠡ ᠢᠨᠦ ᠬᠠᠷᠢᠭᠤ ᠡᠶᠢᠨ᠃ ᠢᠢᠰᠦᠰ ᠬᠡᠮᠡᠭᠴᠢ ᠬᠦᠮᠦᠨ ᠢᠨᠦ ᠰᠢᠩᠭᠡᠨ ᠪᠠᠯᠴᠢᠭ ᠢ ᠪᠦᠲᠦᠭᠡᠭᠡᠳ᠂ ᠮᠢᠨᠦ ᠨᠢᠳᠦᠳ ᠢ ᠲᠦᠷᠬᠢᠭᠡᠳ ᠨᠠᠳᠤᠷ ᠡᠶᠢᠨ᠃ ᠰᠢᠢᠯᠣᠸᠠᠮ ᠤᠨ ᠨᠠᠭᠤᠷ ᠲᠤᠷ ᠣᠳᠤᠭᠠᠳ (ᠨᠢᠳᠦᠳ ᠢᠶᠡᠷ) ᠤᠬᠢᠶᠠᠨ ᠦᠢᠯᠡᠳ᠃ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠢᠶᠠᠷ ᠪᠢ ᠪᠡᠷ ᠣᠳᠴᠤ ᠤᠬᠢᠶᠠᠭᠠᠳ ᠦᠵᠡᠬᠦᠢ ᠪᠣᠯᠪᠠᠢ᠃ 12ᠬᠡᠮᠡᠭᠰᠡᠨ ᠳᠦᠷ ᠲᠡᠳᠡ ᠢᠨᠦ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠲᠡᠷᠡ ᠢᠨᠦ ᠬᠠᠮᠢᠭᠠ ᠪᠤᠶᠤ᠃ ᠲᠡᠷᠡ ᠢᠨᠦ ᠪᠢ ᠪᠡᠷ ᠡᠰᠡ ᠮᠡᠳᠡᠮᠦᠢ ᠬᠡᠮᠡᠪᠡᠢ ᠅ 13ᠤᠯᠤᠰ ᠠᠨᠤ ᠲᠡᠷᠡ ᠬᠦ ᠤᠷᠢᠳᠠ ᠰᠣᠬᠣᠷ ᠠᠭᠰᠠᠨ ᠬᠦᠮᠦᠨ ᠢ ᠹᠠᠷᠢᠰᠢ ᠨᠠᠷ ᠲᠤᠷ ᠠᠴᠠᠷᠠᠪᠠᠢ᠃ 14ᠢᠢᠰᠦᠰ ᠦᠨ ᠰᠢᠩᠭᠡᠨ ᠪᠠᠯᠴᠢᠭ ᠢ ᠬᠢᠵᠦ ᠲᠡᠭᠦᠨ ᠦ ᠨᠢᠳᠦᠳ ᠢ ᠨᠡᠭᠡᠭᠰᠡᠨ ᠡᠳᠦᠷ ᠢᠨᠦ ᠰᠠᠪᠠᠳ ᠡᠳᠦᠷ ᠪᠥᠯᠦᠭᠡ᠃ 15ᠲᠡᠶᠢᠨ ᠬᠦ ᠹᠠᠷᠢᠰᠢ ᠨᠠᠷ ᠠᠨᠤ ᠳ᠋ᠠᠬᠢᠨ ᠲᠡᠭᠦᠨ ᠡᠴᠡ ᠡᠶᠢᠨ᠃ ᠴᠢ ᠪᠡᠷ ᠶᠠᠬᠢᠨ ᠦᠵᠡᠬᠦᠢ ᠪᠣᠯᠤᠭᠰᠠᠨ ᠪᠤᠶᠤ᠃ ᠬᠡᠮᠡᠨ ᠠᠰᠠᠭᠤᠭᠰᠠᠨ ᠳᠤᠷ᠂ ᠲᠡᠷᠡ ᠢᠨᠦ ᠲᠡᠳᠡᠨ ᠳᠦᠷ ᠥᠭᠦᠯᠡᠷᠦᠨ᠃ ᠲᠡᠷᠡ ᠢᠨᠦ ᠮᠢᠨᠦ ᠨᠢᠳᠦᠳ ᠦᠨ ᠳᠡᠭᠡᠷᠡ ᠪᠠᠯᠴᠢᠭ ᠢ ᠲᠠᠯᠪᠢᠭᠰᠠᠨ ᠪᠥᠭᠡᠳ᠂ ᠪᠢ ᠴᠤ ᠤᠬᠢᠶᠠᠭᠠᠳ ᠦᠵᠡᠬᠦᠢ ᠪᠣᠯᠪᠠᠢ᠃ 16ᠹᠠᠷᠢᠰᠢ ᠨᠠᠷ ᠠᠴᠠ ᠵᠠᠷᠢᠮ ᠤᠳ ᠠᠨᠤ ᠥᠭᠦᠯᠡᠷᠦᠨ᠃ ᠡᠨᠡ ᠬᠦᠮᠦᠨ ᠢᠨᠦ ᠪᠤᠷᠬᠠᠨ ᠠᠴᠠ ᠪᠤᠰᠤ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠰᠠᠪᠠᠳ ᠡᠳᠦᠷ ᠢ ᠡᠰᠡ ᠰᠠᠬᠢᠳᠠᠭ᠃ ᠪᠤᠰᠤᠳ ᠠᠨᠤ ᠥᠭᠦᠯᠡᠷᠦᠨ᠃ ᠬᠢᠯᠢᠨᠴᠡ ᠲᠦ ᠬᠦᠮᠦᠨ ᠢᠨᠦ ᠶᠠᠬᠢᠨ ᠲᠡᠷᠡ ᠮᠡᠲᠦ ᠭᠠᠶᠢᠬᠠᠮᠰᠢᠭ ᠤᠳ ᠢ ᠦᠢᠯᠡᠳᠴᠦ ᠴᠢᠳᠠᠬᠤ ᠪᠤᠶᠤ᠃ ᠬᠡᠮᠡᠯᠳᠦᠭᠡᠳ ᠲᠡᠳᠡ ᠢᠨᠦ ᠥᠪᠡᠷ ᠵᠠᠭᠤᠷᠠ ᠪᠠᠨ ᠪᠤᠯᠢᠶᠠᠯᠳᠠᠯ ᠲᠤ ᠪᠣᠯᠪᠠᠢ ᠅ 17ᠲᠡᠳᠡ ᠢᠨᠦ ᠰᠣᠬᠣᠷ ᠠᠭᠰᠠᠨ ᠬᠦᠮᠦᠨ ᠳᠦᠷ ᠳ᠋ᠠᠬᠢᠨ ᠥᠭᠦᠯᠡᠷᠦᠨ᠃ ᠲᠡᠷᠡ ᠢᠨᠦ ᠴᠢᠨᠦ ᠨᠢᠳᠦᠳ ᠢ ᠨᠡᠭᠡᠭᠰᠡᠨ ᠪᠥᠭᠡᠲᠡᠯᠡ᠂ ᠴᠢ ᠪᠡᠷ ᠲᠡᠭᠦᠨ ᠦ ᠤᠴᠢᠷᠠ ᠶᠠᠭᠤᠨ ᠢ ᠥᠭᠦᠯᠡᠮᠦᠶᠦ᠃ ᠲᠡᠷᠡ ᠢᠨᠦ ᠡᠶᠢᠨ᠃ ᠲᠡᠷᠡ ᠢᠨᠦ ᠨᠢᠭᠡᠨ ᠹᠣᠷᠣᠹᠢᠳ ᠪᠣᠯᠠᠢ᠂ ᠬᠡᠮᠡᠪᠡᠢ᠃ 18ᠬᠠᠷᠢᠨ ᠶᠦᠳᠠᠲᠠᠨ ᠢᠨᠦ ᠦᠵᠡᠬᠦᠢ ᠪᠣᠯᠤᠭᠰᠠᠨ ᠬᠦᠮᠦᠨ ᠦ ᠡᠴᠢᠭᠡ ᠡᠬᠡ ᠬᠣᠶᠠᠷ ᠢ ᠢᠷᠡᠭᠦᠯᠬᠦ ᠪᠣᠯᠲᠠᠯᠠ ᠲᠡᠭᠦᠨ ᠦ ᠰᠣᠬᠣᠷ ᠠᠭᠠᠳ ᠦᠵᠡᠬᠦᠢ ᠪᠣᠯᠤᠭᠰᠠᠨ ᠢ ᠡᠰᠡ ᠢᠲᠡᠭᠡᠪᠡᠢ᠃ 19ᠲᠡᠶᠢᠨ ᠬᠦ ᠲᠡᠳᠡᠭᠡᠷ ᠢᠨᠦ ᠲᠡᠳᠡᠨ ᠡᠴᠡ ᠠᠰᠠᠭᠤᠷᠤᠨ᠃ ᠲᠠᠨᠤ ᠥᠭᠦᠯᠡᠭᠰᠡᠨ ᠢᠶᠡᠷ ᠡᠨᠡ ᠲᠥᠷᠥᠭᠳᠡᠭᠰᠡᠭᠡᠷ ᠰᠣᠬᠣᠷ ᠠᠭᠰᠠᠨ ᠠᠨᠤ ᠲᠠᠨᠤ ᠬᠥᠪᠡᠭᠦᠨ ᠮᠥᠨ ᠪᠤᠶᠤ᠃ ᠲᠡᠶᠢᠨ ᠪᠥᠭᠡᠲᠡᠯᠡ ᠲᠡᠷᠡ ᠢᠨᠦ ᠡᠳᠦᠭᠡ ᠶᠠᠬᠢᠨ ᠦᠵᠡᠮᠦᠶᠦ᠃ 20ᠬᠡᠮᠡᠭᠰᠡᠨ ᠳᠦᠷ ᠲᠡᠭᠦᠨ ᠦ ᠡᠴᠢᠭᠡ ᠡᠬᠡ ᠬᠣᠶᠠᠷ ᠠᠨᠤ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠥᠭᠦᠯᠡᠷᠦᠨ᠃ ᠡᠨᠡ ᠢᠨᠦ ᠪᠢᠳᠡᠨ ᠦ ᠬᠥᠪᠡᠭᠦᠨ ᠮᠥᠨ ᠪᠥᠭᠡᠳ᠂ ᠲᠡᠭᠦᠨ ᠦ ᠲᠥᠷᠥᠭᠳᠡᠭᠰᠡᠭᠡᠷ ᠰᠣᠬᠣᠷ ᠠᠭᠰᠠᠨ ᠢ ᠪᠢᠳᠡ ᠪᠡᠷ ᠮᠡᠳᠡᠮᠦᠢ᠃ 21ᠵᠦᠭᠡᠷ ᠲᠡᠭᠦᠨ ᠦ ᠡᠳᠦᠭᠡ ᠶᠠᠬᠢᠵᠤ ᠦᠵᠡᠬᠦᠢ ᠪᠣᠯᠤᠭᠰᠠᠨ ᠢ ᠪᠢᠳᠡ ᠡᠰᠡ ᠮᠡᠳᠡᠨ᠂ ᠲᠡᠭᠦᠨ ᠦ ᠨᠢᠳᠦᠳ ᠢ ᠬᠡᠨ ᠨᠡᠭᠡᠭᠰᠡᠨ ᠢ ᠡᠰᠡ ᠮᠡᠳᠡᠮᠦᠢ᠃ ᠲᠡᠷᠡ ᠢᠨᠦ ᠲᠡᠭᠦᠰ ᠨᠠᠰᠤ ᠲᠤ ᠪᠤᠢ᠃ ᠲᠡᠭᠦᠨ ᠡᠴᠡ ᠠᠰᠠᠭᠤᠭᠲᠤᠨ᠃ ᠲᠡᠷᠡ ᠢᠨᠦ ᠥᠪᠡᠷ ᠦᠨ ᠲᠤᠯᠠ ᠥᠭᠦᠯᠡᠬᠦ ᠪᠤᠢ᠃ 22ᠬᠡᠮᠡᠨ ᠲᠡᠭᠦᠨ ᠦ ᠡᠴᠢᠭᠡ ᠡᠬᠡ ᠬᠣᠶᠠᠷ ᠠᠨᠤ ᠶᠦᠳᠠᠲᠠᠨ ᠠᠴᠠ ᠠᠶᠤᠵᠤ ᠥᠭᠦᠯᠡᠪᠡᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠬᠡᠷᠪᠡ ᠠᠯᠢ ᠬᠡᠨ (ᠢᠢᠰᠦᠰ ᠢ) ᠬᠡᠷᠢᠰᠲ᠋ᠣᠰ ᠪᠣᠯᠭᠠᠵᠤ ᠥᠭᠦᠯᠡᠪᠡᠰᠦ᠂ ᠲᠡᠭᠦᠨ ᠢ ᠬᠤᠷᠠᠯ ᠠᠴᠠ ᠭᠠᠷᠭᠠᠬᠤᠢ ᠶᠢ ᠶᠦᠳᠠᠲᠠᠨ ᠢᠨᠦ ᠵᠥᠪᠯᠡᠯᠳᠦᠭᠰᠡᠨ ᠪᠥᠯᠦᠭᠡ᠃ 23ᠡᠨᠡ ᠤᠴᠢᠷ ᠠᠴᠠ ᠲᠡᠷᠡ ᠢᠨᠦ ᠲᠡᠭᠦᠰ ᠨᠠᠰᠤᠲᠤ ᠪᠤᠢ᠃ ᠲᠡᠭᠦᠨ ᠡᠴᠡ ᠠᠰᠠᠭᠤᠭᠲᠤᠨ᠃ ᠬᠡᠮᠡᠨ ᠲᠡᠭᠦᠨ ᠦ ᠡᠴᠢᠭᠡ ᠡᠬᠡ ᠬᠣᠶᠠᠷ ᠠᠨᠤ ᠥᠭᠦᠯᠡᠭᠰᠡᠨ ᠪᠥᠯᠦᠭᠡ᠃ 24ᠲᠡᠶᠢᠨ ᠪᠥᠭᠡᠲᠡᠯᠡ ᠲᠡᠳᠡᠭᠡᠷ ᠢᠨᠦ ᠲᠡᠷᠡ ᠰᠣᠬᠣᠷ ᠠᠭᠰᠠᠨ ᠬᠦᠮᠦᠨ ᠢ ᠳ᠋ᠠᠬᠢᠨ ᠢᠷᠡᠭᠦᠯᠦᠭᠡᠳ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠪᠤᠷᠬᠠᠨ ᠳᠤᠷ ᠮᠠᠭᠲᠠᠭᠠᠯ ᠢ ᠡᠷᠭᠦᠲᠦᠭᠡᠢ᠃ ᠡᠨᠡ ᠬᠦ ᠬᠦᠮᠦᠨ ᠦ ᠬᠢᠯᠢᠨᠴᠡ ᠲᠦ ᠠᠬᠤᠢ ᠶᠢ ᠪᠢᠳᠡ ᠪᠡᠷ ᠮᠡᠳᠡᠮᠦᠢ᠃ 25ᠬᠡᠮᠡᠭᠰᠡᠨ ᠳᠦᠷ ᠲᠡᠷᠡ ᠢᠨᠦ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠡᠶᠢᠨ᠃ ᠲᠡᠷᠡ ᠢᠨᠦ ᠬᠢᠯᠢᠨᠴᠡ ᠲᠦ ᠪᠤᠶᠤ ᠬᠡᠮᠡᠨ ᠪᠢ ᠪᠡᠷ ᠡᠰᠡ ᠮᠡᠳᠡᠮᠦᠢ᠃ ᠪᠢ ᠪᠡᠷ ᠨᠢᠭᠡᠨ ᠢ ᠮᠡᠳᠡᠮᠦᠢ ᠬᠡᠮᠡᠪᠡᠰᠦ᠂ ᠪᠢ ᠪᠡᠷ ᠰᠣᠬᠣᠷ ᠠᠭᠠᠳ ᠡᠳᠦᠭᠡ ᠦᠵᠡᠬᠦᠢ ᠪᠣᠯᠪᠠᠢ᠃ 26ᠬᠡᠮᠡᠭᠰᠡᠨ ᠳᠦᠷ ᠲᠡᠳᠡ ᠢᠨᠦ ᠳ᠋ᠠᠬᠢᠨ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠲᠡᠷᠡ ᠢᠨᠦ ᠴᠢᠮᠠᠳᠤᠷ ᠶᠠᠭᠤᠨ ᠢ ᠦᠢᠯᠡᠳᠪᠦᠦ᠂ ᠴᠢᠨᠦ ᠨᠢᠳᠦᠳ ᠢ ᠶᠠᠬᠢᠨ ᠨᠡᠭᠡᠪᠦᠦ᠃ 27ᠲᠡᠷᠡ ᠢᠨᠦ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠡᠶᠢᠨ᠃ ᠪᠢ ᠪᠡᠷ ᠤᠷᠢᠳᠠ ᠲᠠᠨ ᠳᠤᠷ ᠥᠭᠦᠯᠡᠪᠡᠢ᠃ ᠬᠠᠷᠢᠨ ᠲᠠ ᠪᠡᠷ ᠡᠰᠡ ᠰᠣᠨᠣᠰᠪᠠᠢ᠃ ᠲᠠ ᠪᠡᠷ ᠶᠠᠭᠤᠨ ᠤ ᠲᠤᠯᠠ ᠳ᠋ᠠᠬᠢᠨ ᠰᠣᠨᠣᠰᠬᠤᠶᠠ ᠳᠤᠷᠠᠰᠢᠮᠤᠶᠤ᠃ ᠲᠠ ᠴᠤ ᠲᠡᠭᠦᠨ ᠦ ᠱᠠᠪᠢᠨᠠᠷ ᠪᠣᠯᠬᠤᠶᠠ ᠳᠤᠷᠠᠰᠢᠮᠤᠶᠤ᠃ 28ᠬᠡᠮᠡᠭᠰᠡᠨ ᠳᠦᠷ ᠲᠡᠷᠡ ᠢᠨᠦ ᠲᠡᠭᠦᠨ ᠢ ᠳᠣᠷᠣᠮᠵᠢᠯᠠᠨ ᠡᠶᠢᠨ᠃ ᠴᠢ ᠪᠡᠷ ᠲᠡᠭᠦᠨ ᠦ ᠱᠠᠪᠢ᠃ ᠵᠦᠭᠡᠷ ᠪᠢᠳᠡ ᠪᠡᠷ ᠮᠣᠰᠢ ᠶᠢᠨ ᠱᠠᠪᠢᠨᠠᠷ ᠪᠤᠢ᠃ 29ᠪᠤᠷᠬᠠᠨ ᠤ ᠮᠣᠰᠢ ᠳᠤᠷ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠢ ᠪᠢᠳᠡ ᠪᠡᠷ ᠮᠡᠳᠡᠮᠦᠢ᠃ ᠬᠠᠷᠢᠨ ᠡᠨᠡ ᠬᠦᠮᠦᠨ ᠦ ᠬᠠᠮᠢᠭᠠ ᠠᠴᠠ ᠭᠠᠷᠤᠭᠰᠠᠨ ᠢ ᠪᠢᠳᠡ ᠪᠡᠷ ᠡᠰᠡ ᠮᠡᠳᠡᠮᠦᠢ᠃ 30ᠬᠡᠮᠡᠭᠰᠡᠨ ᠳᠦᠷ ᠲᠡᠷᠡ ᠬᠦᠮᠦᠨ ᠢᠨᠦ ᠥᠭᠦᠯᠡᠷᠦᠨ᠃ ᠲᠡᠷᠡ ᠢᠨᠦ ᠮᠢᠨᠦ ᠨᠢᠳᠦᠳ ᠢ ᠨᠡᠭᠡᠭᠰᠡᠨ ᠪᠣᠯᠪᠠᠴᠤ ᠲᠡᠭᠦᠨ ᠦ ᠬᠠᠮᠢᠭᠠ ᠠᠴᠠ ᠢᠷᠡᠭᠰᠡᠨ ᠢ ᠲᠠᠨᠤ ᠡᠰᠡ ᠮᠡᠳᠡᠭᠰᠡᠨ ᠢᠨᠦ ᠭᠠᠶᠢᠬᠠᠮᠰᠢᠭ ᠲᠤ ᠪᠤᠢ᠃ 31ᠪᠤᠷᠬᠠᠨ ᠠᠨᠤ ᠬᠢᠯᠢᠨᠴᠡ ᠲᠡᠨ ᠢ ᠡᠰᠡ ᠰᠣᠨᠣᠰᠤᠳᠠᠭ᠃ ᠵᠦᠭᠡᠷ ᠬᠡᠷᠪᠡ ᠠᠯᠢ ᠬᠡᠨ ᠪᠤᠷᠬᠠᠨ ᠳᠤᠷ ᠰᠦᠰᠦᠭ ᠲᠦ ᠠᠭᠠᠳ ᠲᠡᠭᠦᠨ ᠦ ᠲᠠᠭᠠᠯᠠᠯ ᠢ ᠪᠦᠲᠦᠭᠡᠪᠡᠰᠦ᠂ ᠲᠡᠭᠦᠨ ᠢ ᠰᠣᠨᠣᠰᠤᠳᠠᠭ ᠬᠡᠮᠡᠨ ᠪᠢᠳᠡ ᠮᠡᠳᠡᠮᠦᠢ᠃ 32ᠰᠣᠬᠣᠷ ᠢᠶᠠᠷ ᠲᠥᠷᠥᠭᠳᠡᠭᠰᠡᠨ ᠦ ᠨᠢᠳᠦᠳ ᠢ ᠨᠡᠭᠡᠭᠴᠢ ᠢᠨᠦ ᠡᠬᠢᠨ ᠡᠴᠡ ᠢᠨᠠᠷᠤ ᠰᠣᠨᠣᠰᠳᠠᠭᠠ ᠡᠳᠦᠢ᠃ 33ᠬᠡᠷᠪᠡ ᠡᠨᠡ ᠢᠨᠦ ᠪᠤᠷᠬᠠᠨ ᠠᠴᠠ ᠪᠤᠰᠤ ᠪᠣᠯᠪᠠᠰᠤ᠂ ᠲᠡᠷᠡ ᠢᠨᠦ ᠶᠠᠭᠤᠨ ᠢ ᠴᠤ ᠦᠢᠯᠡᠳᠴᠦ ᠡᠰᠡ ᠴᠢᠳᠠᠬᠤ ᠪᠥᠯᠦᠭᠡ᠃ 34ᠬᠡᠮᠡᠭᠰᠡᠨ ᠳᠦᠷ ᠲᠡᠳᠡ ᠢᠨᠦ ᠲᠡᠭᠦᠨ ᠳᠦᠷ ᠬᠠᠷᠢᠭᠤ ᠡᠶᠢᠨ᠃ ᠴᠢ ᠪᠡᠷ ᠬᠢᠯᠢᠨᠴᠡ ᠶᠢᠨ ᠵᠠᠶᠠᠭᠠᠲᠤ ᠪᠣᠯᠵᠤ ᠲᠥᠷᠥᠭᠳᠡᠭᠰᠡᠨ ᠠᠲᠠᠯᠠ ᠪᠢᠳᠡᠨ ᠢ ᠰᠤᠷᠭᠠᠬᠤ ᠶᠤ᠃ ᠬᠡᠮᠡᠭᠡᠳ ᠲᠡᠭᠦᠨ ᠢ ᠭᠠᠷᠭᠠᠵᠤ ᠣᠭᠤᠷᠪᠠᠢ ᠅ 35ᠲᠡᠳᠡᠨ ᠦ ᠲᠡᠭᠦᠨ ᠢ ᠭᠠᠷᠭᠠᠭᠰᠠᠨ ᠢ ᠢᠢᠰᠦᠰ ᠢᠨᠦ ᠰᠣᠨᠣᠰᠤᠭᠠᠳ᠂ ᠬᠣᠶᠢᠨᠠ ᠲᠡᠭᠦᠨ ᠢ ᠣᠯᠤᠭᠠᠳ ᠲᠡᠭᠦᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠴᠢ ᠪᠡᠷ ᠪᠤᠷᠬᠠᠨ ᠤ ᠬᠥᠪᠡᠭᠦᠨ ᠳᠦᠷ ᠢᠲᠡᠭᠡᠮᠦᠶᠦ᠃ 36ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠳᠤᠷ ᠲᠡᠷᠡ ᠢᠨᠦ ᠡᠶᠢᠨ᠃ ᠡᠵᠡᠨ ᠡ᠂ ᠮᠢᠨᠦ ᠲᠡᠭᠦᠨ ᠳᠦᠷ ᠢᠲᠡᠭᠡᠬᠦ ᠶᠢᠨ ᠲᠤᠯᠠ ᠲᠡᠷᠡ ᠬᠡᠨ ᠪᠤᠶᠤ᠃ 37ᠬᠡᠮᠡᠨ ᠠᠶᠢᠯᠠᠳᠬᠠᠭᠰᠠᠨ ᠳᠤᠷ ᠢᠢᠰᠦᠰ ᠢᠨᠦ ᠲᠡᠭᠦᠨ ᠳᠦᠷ ᠡᠶᠢᠨ᠃ ᠴᠢ ᠪᠡᠷ ᠲᠡᠭᠦᠨ ᠢ ᠦᠵᠡᠪᠡᠢ᠃ ᠴᠢᠮᠠᠯᠤᠭᠠ ᠥᠭᠦᠯᠡᠯᠳᠦᠭᠴᠢ ᠢᠨᠦ ᠲᠡᠷᠡ ᠮᠥᠨ᠃ 38ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠳᠤᠷ ᠲᠡᠷᠡ ᠢᠨᠦ ᠡᠶᠢᠨ᠃ ᠡᠵᠡᠨ ᠡ᠂ ᠪᠢ ᠪᠡᠷ ᠢᠲᠡᠭᠡᠮᠦᠢ᠃ ᠬᠡᠮᠡᠭᠡᠳ ᠲᠡᠭᠦᠨ ᠳᠦᠷ ᠮᠥᠷᠭᠦᠪᠡᠢ᠃ 39ᠲᠡᠨᠳᠡ ᠢᠢᠰᠦᠰ ᠢᠨᠦ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠡᠰᠡ ᠦᠵᠡᠭᠴᠢᠳ ᠢᠨᠦ ᠦᠵᠡᠬᠦ ᠪᠥᠭᠡᠳ᠂ ᠦᠵᠡᠭᠴᠢᠳ ᠢᠨᠦ ᠰᠣᠬᠣᠷ ᠠᠬᠤ ᠪᠣᠯᠲᠤᠭᠠᠢ ᠬᠡᠮᠡᠨ ᠪᠢ ᠪᠡᠷ ᠵᠠᠷᠭᠤᠨ ᠢ ᠰᠢᠭᠢᠳᠬᠡᠬᠦ ᠶᠢᠨ ᠲᠤᠯᠠ ᠡᠨᠡ ᠶᠢᠷᠲᠢᠨᠴᠦ ᠳᠦᠷ ᠢᠷᠡᠭᠰᠡᠨ ᠪᠤᠢ᠃ 40ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠢ ᠲᠡᠭᠦᠨ ᠦ ᠳᠡᠷᠭᠡᠳᠡ ᠠᠭᠰᠠᠨ ᠵᠠᠷᠢᠮ ᠹᠠᠷᠢᠰᠢ ᠨᠠᠷ ᠠᠨᠤ ᠰᠣᠨᠣᠰᠤᠭᠠᠳ ᠲᠡᠭᠦᠨ ᠳᠦᠷ ᠡᠶᠢᠨ᠃ ᠪᠠᠰᠠ ᠪᠢᠳᠡ ᠴᠤ ᠰᠣᠬᠣᠷ ᠪᠤᠶᠤ᠃ 41ᠬᠡᠮᠡᠭᠰᠡᠨ ᠳᠦᠷ ᠢᠢᠰᠦᠰ ᠢᠨᠦ ᠡᠶᠢᠨ᠃ ᠬᠡᠷᠪᠡ ᠲᠠ ᠪᠡᠷ ᠰᠣᠬᠣᠷ ᠠᠭᠰᠠᠨ ᠪᠣᠯᠪᠠᠰᠤ᠂ ᠲᠠ ᠬᠢᠯᠢᠨᠴᠡ ᠦᠭᠡᠢ ᠪᠣᠯᠬᠤ ᠪᠥᠯᠦᠭᠡ᠃ ᠵᠦᠭᠡᠷ ᠪᠢᠳᠡ ᠪᠡᠷ ᠦᠵᠡᠮᠦᠢ ᠬᠡᠮᠡᠨ ᠲᠠᠨᠤ ᠥᠭᠦᠯᠡᠳᠡᠭ ᠦᠨ ᠲᠤᠯᠠ ᠲᠠᠨᠤ ᠬᠢᠯᠢᠨᠴᠡ ᠢᠨᠦ ᠲᠣᠭᠲᠠᠨ ᠪᠠᠶᠢᠮᠤᠢ᠃ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠢ ᠅
Obecnie wybrane:
ᠢᠣᠸᠠᠨ 9: MB1840
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Digital edition of the Mongolian translation published in 1840 (the Old Testament) and 1846 (the New Testament) by Edward Stallybrass and William Swan. Created by Bayarjargal Garamtseren and Simon Wong. Digital edition © United Bible Societies, 2020.