Versículos bíblicos populares de Mâki 11

Partilhar

M̀ɛni ma, ŋá m̀ó kâa, nyii kélee ka Ɣâla fɛ̀li m̀ɛni ma, kà zìɣe a tɔ̃yâ a gɛ́ɛ ka pâi zɔlɔ ƃôi, a pâi kɛ̂i káyêei.

Tɔ̃yâ ma, ŋá m̀ó kâa, à kɛ̀ núu da à mò ǹyéei ŋí ma, ‘Ímu síɣe í píli ǹyái su,’ à wàla sîa too ǹíi su, kɛ́lɛ, à làa la a gɛ́ɛ m̀ɛnii a m̀ôi a pâi kɛ̂i, gɛ̀ ní, a pâi kɛ̂i m̀ɛni ma.

Kà kɛ̀ Ɣâla fɛlîi, núu da kélee sɔŋ à kɛ̀ kâa, kà maa nuui su-mɛni lɛɛ, a gɛ́ɛ Kánâŋ máŋ gáa ŋ̀elei sui, é kásu mɛni lɛɛ zɔnyɔ̂ŋ-ŋai ka gɛ́i mɛni ma. [

Zîsɛ è m̀o dîa ǹyɛɛi, “Ka láa a Ɣâla.

Nya ƃe è Ɣâla mɛni lɛ̀ ǹûai dîa. È m̀o dîa, ǹyɛɛi, “Ɣâla è m̀o Ŋ̀âla-kɔlɔi su ǹyɛɛ, ‘Da pâi ŋápɛrɛi tôlii a Ɣâla fɛli-pɛrɛ sîi kélee mɛni ma.’ Kɛ́lɛ, ká naa kɛ́ a ŋúma-ƃela kɛ̂i.”

Diai kɛ̀ dúɛ-pere da diai kɛ̀ bôlu-perei, dí kɛ̀ lâɣii, “Kwa laa-maa-tɛ tɛɛ Ɣâla pɔ́! Lûwa é kɛ́ ǹúui ma a pâi Kúnuu-namui láai su!

Lûwa é kɛ́ Kúnâŋ Deeƃé ŋɔkâloŋ-laai ma, nyii gáa pâi! Kwa laa-maa-tɛ tɛɛ Ɣâla pɔ́ ɣelêi-pere póŋ-póŋ!”