Versículos bíblicos populares de MATEO 19

Partilhar

Te Jesuse la skꞌelulanbe sit y la sjakꞌbe: —Te genteetike ma xjuꞌ yuꞌunik spasel to. Yan te Diose spisil ya xjuꞌ yuꞌun spasel stukel —xchi.

Jich ma chebikukix. Jun nax ayikix. Jaꞌ yuꞌun te genteetik ma spas ta pitel yuꞌunik te machꞌatik jun nax a yakꞌ te Diose —xchi te Jesuse.

La sjakꞌ te Jesuse: —¿Meꞌn maꞌ awilojikuk te tut ya yal te Sjun Diose? Kꞌalal ta slijkibal te Diose la spas winik sok ants. Y la yal te Diose: “Jaꞌ sluwar te ya sjiles smeꞌ-stat te winike y ya yikꞌ sba sok te yiname, y jun nax stiꞌbalulik ya xkꞌot ta xchebalik”, xchi me.

La yal te Jesuse: —Ma me xꞌakomik. Aꞌ taluk ta jtojol te untike. Te machꞌatik jachik yoꞌtanik tutꞌil untik to jaꞌ me ya xꞌoch te ba ay ta mantal te Diose —xchi.

Pero te machꞌatik nail a talike, jaꞌ me patil ya xlaj kꞌot. Y bayal te machꞌatik patil ya xlaj tale, jaꞌ me nail ya xlaj kꞌot —xchi.

Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

La sjakꞌ te Jesuse: —¿Tut yuꞌun te ya awalbon te ben lekone? Jtul nax te machꞌa ben leke, jaꞌ nax te Diose. Pero teme ya akꞌan te ya xkuxuyinate, chꞌuuna me spasel te tut ya yal te mantaliletike —xchi te Jesuse.

Sok ya kalbeyex xan: Jich tutꞌil ma xjuꞌ ta kꞌasesel ta yit tsꞌisonajib jkojtuk te kameyoe, jaꞌ jich euk te jkꞌulejetike ma xjuꞌ yuꞌunik te ya yajwalinik te Diose —xchi.

Joꞌon ya kalbeyex te machꞌa ya xchꞌoj sba sok te yiname, teme ma ta skajuk skreme, teme ya yikꞌ yan antse, yipalix ta antsiwejel abi. Sok te machꞌa ya yikꞌ te ants te chꞌojbile yipal ta antsiwejel abi —xchi te Jesuse.

Te Jesuse lijk yalbe te jnopojeletik yuꞌune: —Jamal ya kalbeyex: Te jkꞌulejetike lom wokol ya yajwalinik te Diose.