Versículos bíblicos populares de MATEO 18

Partilhar

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

“Sok ya kalbeyex: teme ay chaꞌtulex tem ya achap akꞌopik liꞌ ba balmilale tem ay tut ya akꞌanbeyik te Diose, te jTat te ay ta chꞌulchane ya me yaꞌbeyex.

Te Jesuse la yikꞌ tal jtul chꞌin alal, sok la stejkꞌanbe ta yolilik. La yal: —Jamal ya kalbeyex. Teme ma xjelonexe sok teme ma jichuk chꞌin ya awakꞌ abaik jich tutꞌil te chꞌin untike, ma xjuꞌ ya awajwalinik te Diose.

Jaꞌ yuꞌun te machꞌa chꞌin ya yakꞌ sbae jich tutꞌil te chꞌin untik to, jaꞌ me mukꞌ ya xkꞌot te ba ay ta mantal te Diose.

Sok te machꞌa joꞌon ta jkuenta te ya yikꞌ ta sna jtuluk jich tutꞌil te chꞌin untik to, joꞌon la yikꞌon ta sna abi.

“Jamal ya kalbeyex te tut ya akomik ta pasel liꞌ ba balmilale, jich kombil ya xkꞌot skꞌoplal ta chꞌulchan. Jich euk te tut ya awakꞌik ta pasel liꞌ ba balmilale, jich albilix skꞌoplal ta chꞌulchan abi.

“Jaꞌ jich euk te jTat te ay ta chꞌulchane, jich me ya spasbeyex teme makꞌ ya apasbe abaik perdon jujutul ta awoꞌtanik sok te awermanoe —xchi te Jesuse.

“Machꞌauk a te ya yakꞌ yaluk ta mulil jtuluk te machꞌatik chꞌin ayik te xchꞌuunejikone, jaꞌ lek te yauk yichꞌ chukel mukꞌul chaꞌton ta snukꞌ te ya xchꞌojot ochel ta stoylejal te mare.

“¿Tut lek ta pasel ya awaꞌiy? Teme ay jtul winik te ay sien ta jkojt te skarnerae, teme jowi jilel ta be jkojtuke, ¿me ma wan yauk sjiles ta wits te noventa y noeve, yuꞌun ya xba slej tal te jkojt skarnera te chꞌay jile?