Versículos bíblicos populares de Jọnị 14

Partilhar

“Ḍuu tẹ à koroma-so ọ́ pịrịarị ye anie dein; ì soku-ḅẹ dein mie à kẹ ọ́ pịrịarị ye. À tomikiri mẹ pịrị-pịrị ḅara pịrị-a. Ọ́ ḍụkụ tẹ ḅụụ-ḅalaḅala ọmịna aḅioḅẹngbọ pikirima ma, ọ́ pịkị ḅalafa ma.

Jizọsị nwẹnị ọ̀ pakịrị, “Yẹrị anie etela mẹ, karakara mẹ, pịkị ḍumo mẹ; gbọrụḅọ-sọ mu Ḍaḅọ ḅe la la-a, mḅọ ị̀ ḅụụ ḅọrọ sikima.”

Jizọsị nwẹnị ḍuko ịn pịrị, “Ọ́ ḅụụ-ḅalaḅala nyana tẹ ọmịna aḅioḅẹngbọ pikirima ma. Ọ́ Tamụnọ ḅụ minini nyana-a, pịkị ị̀ ḅụụ sọ.

Ḅarasụaḅọ ḅe, anie Fịafịa Tẹmẹ ḅee, Ḍaḅọ ḅe ị̀ ẹrẹ ḅụ kẹ fịrịma ḅẹ ḅọ ḅe, ye goyegoye kẹ ó toluma ḅa, tẹ pịkị mịẹtẹ ọmịnị à ḍuko ọ́ pịrị tẹ aị mamgba kẹ ḅiokoroma ḅa.

“Ì oloko ma ọkị tẹ arị ḅẹẹ ḅara mịẹarị ḅọ, mịẹarị ḅọ anie ị̀ ḅẹlẹmarịḅọ, ị̀ Ḍa ḅe ị̀ ḅẹlẹmaḅọ, ḅẹlẹmaḅọ ḅẹlẹma ḅa, yẹrị sọ mḅọ ḅẹlẹma tẹ ị̀ ḅụụ mịẹfinji mḅọ pịrị ḅa.”

Tẹ à Ḍaḅọ ḅe tẹkẹ tẹ ò jen Ḅarasụaḅọ kẹ ọ́ pịrị ḅa, tẹ ori ọmịnị na sime gbamaso ḅa. Ḅị Tẹmẹ ḅe anie Tamụnọ gboloma karakara mẹ mịẹfinji ọ́ pịrị ḅarị ḅọ. Tomikiri mẹ inetẹ ọ̀ daa-ọkị ḅịa; anị inetẹ ori ẹrị ḅịa, pịkị ò nimi ḅịa ẹrẹsị. Kụma ọmịnị ò nimi wararị; ori ọmịnị na simearị tẹ pịkị ọmịna ḅụụ ḅio emi ẹrẹsị.

Tẹ ọmịnị ị̀ ẹrẹ ḅụ ḅii ye, ḅii ye à mịẹ ọ́ pịrị ḅa, mịẹtẹ tomi Tụḅọ ḅe ḅụ ḅọrọ tẹ Ḍaḅọ ḅe ebube mẹ ẹrị ḅẹ ḅara. Ọmịnị ị̀ ẹrẹ ḅụ ị̀ ḅara ḅii ye, ḅii ye arị arị mịẹ ḅa.

“Ọmịnị ị̀ ḅẹlẹmarị ḅẹ kụma ọmịnị ì oloko ma koko ḅa.

Ị̀ Ḍa warị tọnwa aḅio emi, tẹ à sime-yọ tẹlẹma ọ́ pịrị ḅẹ muarị. Ọkọ-a namịna à miemẹ ḍuko ọ́ pịrị ḅịa.

Tẹ à sọ-mu tẹ sime-yọ mẹ tẹlẹma ọ́ pịrị tẹ ḅẹḅẹ, à pịkịma-ḅo ọmịnị ọkị ị̀ ḅụụ pịrị ḅa, mịẹtẹ ọmịnị à sime anga sime ḅarị ḅara.

Tọmọsị nwẹnị ọ̀ ḅẹẹ, “KỊNỊNYANAḄỌ, wa í muarị anga nimi-a sakị ndẹẹ wa inetẹ mu anị la ḅẹ etela mẹ nimi ḅẹ ḅara?”