Versículos bíblicos populares de Jọnị 15

Partilhar

“Yẹrị anie kụrọ sịn mẹ, ọmịnị anie sịn-aḅara ma. Ị̀ ḅụụ simearị ḅọ goḅọ-goḅọ, tẹ yẹrị sọ mḅọ ḅụụ emi ḅọ, mgbọlụ sụa lama ḅa; yẹrị ofori tẹ ọmịnị inetẹ mịẹ ḅẹ gberie-sọ ofori ẹrẹsị.

Ọmịnị ị̀ ḅụụ ọmịnị oḅolo simearị ḅara sime ma tọrọkọ muu, anịsakị yẹrị sọ ọmịna ḅụụ ọkọ kẹ sime ḅa. Gbọrụ sịn ḅara sọ inetẹ anị ngẹrị sikima tẹ koro simearị ḅara kẹ mgbọlụ sụa sụa-a. Anị sịn iyingi mẹ ḅụ emi rẹ mie anị inetẹ mgbọlụ sụa ḅarịye. Mị gbọrụ ḅara ḅụ ọmịnị sọ ọmịnị inetẹ mgbọlụ sụa ḅịa, ọmịnị ị̀ ḅụụ emi sikima.

Ọmịnị ị̀ ḅụụ ḅio emi tẹ ị̀ ẹkwẹn mẹ pịkị ọmịna ḅụụ ḅio emi ḅẹḅẹ ọmịna ḅụụ-ḅẹlẹ tẹ ó ḅii ye, ḅii ye ọ́ nyana ḅa.

Ọmịnị ị̀ sẹlẹ-ọkị-a, yẹrị rẹ ọ́ sẹlẹ-ọkị tẹ tọnm mịnẹ ó mu mgbọlụ sụa lama, anie sime ene la ḅarị mgbọlụ. Mie ḅụ ọmịnị ị̀ ẹrẹ ḅụ ḅii ye, ḅii ye, Ḍaḅọ ḅe anị kẹ ọ́ pịrị ḅa.

Ḍụḅatẹịn ḅẹlẹma tẹ tomḅọ nyana mḅọ ikiapụ pịrị ḅarịye anie mḅọ ḍumo fama mḅọ ikiapụ pịrị.

Ị̀ ḅụụ simearị sịn ḅara tẹ mgbọlụ sụa-a ye goyegoye ori anị anyịma sin-arị, tẹ ị̀ ḅụụ simearị sịn ḅara tẹ mgbọlụ sụarị ye goyegoye ori anị tẹlẹma fịafịama tẹ anị ye sụa tarị ḅara nẹngị ḅa.

Mie ì oloko mẹ mịnẹ ọ́ jụmọ-jụmọ ḅẹlẹmaa, yẹrị sọ kẹ ọ́ ḅẹlẹmarị gbọrụ ḅara mẹ.

Ọmịnị mgbọlụ sụa lama mẹ anie ị̀ Ḍa ḅe ebube mẹ ḍie-pakama ḅarịye, tẹ mị ḅọkọ ḅụ mie ọ́ ḅọrọ tẹ ì ḍukamẹnjịapụ sọ ḅarịye.

“Yẹrị anie karakara kụrọ sịn mẹ, anịsakị ị̀ Ḍa ḅe anie ḍụọ-kọrịḅọ ḅee.

Ị̀ ḅụụ ofori ḅọ, ofori ḅọ, ini mḅọ kẹ wakị nguma ḅa, ḅịyatẹ sịn wakị nguma ḅara; ọkọ sime sịn-aḅara ma ini arị kobiri tẹ kẹ fịnị ḅio gbin suu dọkịma dọkịmam.

“À miemẹ ḍuko ọ́ pịrị tẹ, mịẹtẹ ị̀ ḅioḅẹlẹ mẹ ọmịna ḅụụ ḅio sọ tẹ ọmịna ḅioḅẹlẹ mẹ bebe ye sọ ḅarị ḅara.

Ọ́ kẹ ị̀ ḅẹlẹma mẹ ḅụ so ḅịa ye anie ọmịnị à tọn ọ́ pịrị aị ma mịẹ, ḅara anie yẹrị sọ kẹ ị̀ Ḍa ḅe tọn ye mịẹ tẹ ọ̀ ḅẹlẹma mẹ ḅụ simearị ḅara.

Ọkọẹrẹsị, miemẹ mie à tọn ọ́ pịrị ye mẹ, mịnẹ ọ́ jụmọ-jụmọ ḅẹlẹmaa.

Ó sime tomikiri mẹ pịrị namịna mimgbe ini ọ́ ḅẹlẹma tẹẹ, sime tomikiri mẹ pịrị apụ ḅara ḅụ. Kụma à tomikiri mẹ ḅụ ọ́ sẹlẹ-ọkị tẹ ẹrẹsị ọ́ ḅarị sime tomikiri mẹ pịrị-a. Anie mie tomikiri mẹ gotẹ ó ḍiki-ḅioḅuarị ye.