Versículos bíblicos populares de Yoane 15

Partilhar

Mi nga bakakue, oni nga abehe; gu ni ka nye rogo re yo, mi ki nye rogo ni yo, ni ka zu gbe; bambiko kparaka oni ti re ka oni mangi nga he wa sa te.

Oni nyé rogo re yo, mi nye rogo roni yo a. Ka behe zu nga ni tihe te, kina gu ka si nye rogo bakakue yo; wo du oni, kina gu ka oni nye rogo re yo.

Ka oni nye rogo re yo, gimi apai ki nye rogo roni yo, oni nikpari akpara tipa gu he oni akpi nyemu he, si ki mangi amanga fu roni.

Oni asia nga re te, ono mi nasia roni, ki moi roni, oni ndu ka zuka, gaoni rindi ngua nye anye. Gu he ka oni kpari fu Buba tipa ha ni rimore, ko fu he afu fu roni.

A nga boro sa du na bakere nyemuse susi gi nga, boro bagi kpioni tipa abadiangbani te.

Gu be du ti re dunduko azu nga ya, ko di he adia ku sa yo. Gu be dunduko nazu, ko girisi he agirisa, si zu susi gu nadu mbata.

“Gi nga gi rugute re, nga oni nikpi nyemu akuaroni, wa gu mi nakpi nyemu roni.

Ka oni azuka gbe, si ka Buba du ti ni ni taasitaasi ko; si ka oni du ti ni a ni gimi abawiriki.

“Mi nga ndikidi bakakue, Buba nga babanda ati.

Ka boro anye nga rogo re yo ya, i ba ni aba wa be ngua, si ki ugu auga; i ki dungura ha, ki ba ha ku we yo, si ki gbi.

Gumba mi agi apai fu roni re, gi ngbarago du rogo roni, gaoni ngbarago moi pai.

Ka oni ka kuti gi rugute, oni nye anye rogo gi nyemuse; wa ka mi kuti ga Buba rugute, ki nye rogo gako nyemuse.

Agi apai re mi naruga roni kuti ni, oni kpí nyemu akuaroni akpi.

Ka oni du ni aboro zegino, ka aboro zegino nakpi nyemu gayo aboro; ono bambiko wa adu nga oni ni aboro zegino ya, mi asia roni asia zegino, si aboro zegino asoga roni ti ni.