Versículos bíblicos populares de ಮತ್ತಾಯೆ 6

Partilhar

ಅಂಚಾದ್ ನಿಕುಲು ದುಂಬತ್ತ ದೇವೆರೆ ರಾಜ್ಯೊನು ಬೊಕ್ಕ ಆಯ ನೀತಿನ್ ಬಯಕ್ಲೆ. ಉಂದೆತ್ತ ಒಟ್ಟುಗು ಮಾತಲಾ ನಿಕ್ಲೆಗ್ ತಿಕ್ಕುಂಡು.

ಅಂಚಾದ್ ನಿಕುಲು ಏಲ್ಲೆದ ಚಿಂತೆ ಮಲ್ಪೊಡ್ಚಿ. ಏಲ್ಲೆಗ್ ಎಂಚಿನ ಬೋಡು ಅವು ಏಲ್ಲೆನೇ ಚಿಂತೆ ಮಲ್ಪುಂಡು. ಆ ಪೊರ್ತುದ ಕಾಟ ಆ ಪೊರ್ತುಗೆ ಯಾವು.

“ಈ ಕಾರಣೊಗಾದ್ ನಿಕ್ಲೆ ಪ್ರಾಣೊಗು ಒವೆನ್ ತಿನೊಡು, ಒವೆನ್ ಪರೊಡು, ನಮ ಶರೀರದ ರಕ್ಷಣೆಗ್ ಒವೆನ್ ಪೊದೆತೊನೊಡು ಅಂದ್‌ದ್ ಚಿಂತೆ ಮಲ್ಪಡೆ ಅಂದ್‌ದ್ ನಿಕ್ಲೆಗ್ ಪನ್ಪೆ. ವಣಸ್‌ಡ್ದ್ ಪ್ರಾಣ ಮಿತ್ತ್‌ದವು, ಅಂಗಿ ಕುಂಟುಡ್ದು ಶರೀರ ಮಿತ್ತ್‌ದವು ಆದುಂಡತ್ತಾ?”

ಆಂಡ ಈ ಪ್ರಾರ್ಥನೆ ಮಲ್ಪೊಡಾಂಡ ನಿನ ಕೋಣೆದುಲಯಿ ಪೋದು ಬಾಕಿಲ್‌ನ್ ಮುಚ್ಚೊಂದು ನಿನ ಉಡಲ್‌ಡ್ ಉಪ್ಪು ನಿನ ಅಮ್ಮೆರೆಗ್ ಪ್ರಾರ್ಥನೆ ಮಲ್ಪುಲ. ಉಡಲ್‌ಡುಪ್ಪು ನಿನ ಅಮ್ಮೆ ನಿಕ್ಕ್ ಪ್ರತಿಫಲ ಕೊರುವೆ.

ಅವೆಡ್ದಾವರ ನಿಕುಲು ಇಂಚ ಪ್ರಾರ್ಥನೆ ಮಲ್ಪೊಡು. ‘ಪರಲೋಕೊಡುಪ್ಪು ಎಂಕುಲೆ ಅಮ್ಮೆರೇ, ನಿನ ಪುದರ್ ಪರಿಶುದ್ಧ ಆವಡ್. ನಿನ ರಾಜ್ಯ ಬರಡ್, ನಿನ ಚಿತ್ತ ಪರಲೋಕೊಡು ಆಪಿಲೆಕ್ಕನೇ ಭೂಲೋಕೊಡ್ಲಾ ಆವಡ್.

ಎಂಕುಲೆ ದಿನದಿನತ ಪಡಿನ್ ಎಂಕ್ಲೆಗ್ ಇನಿ ಕೊರ್ಲ.

ಎಂಕ್ಲೆಗ್ ತಪ್ಪು ಮಲ್ತಿನಾಕುಲೆಗ್ ಎಂಕುಲು ಮಾಪು ಮಲ್ಪುಲೆಕ್ಕ, ಎಂಕ್ಲೆನ ತಪ್ಪುಲೆನ್ಲಾ ಮಾಪು ಮಲ್ಪುಲ.

ಎಂಕ್ಲೆನ್ ಶೋಧನೆದ ಉಲಯಿ ಸೇರಾವಂದೆ, ಕೇಡ್‌ಡ್ದ್ ಎಂಕ್ಲೆನ್ ತಪ್ಪಾಲ.’

“ನಿಕುಲು ಜನೊಕುಲೆ ತಪ್ಪುಲೆನ್ ಮಾಪು ಮಲ್ತರ್ಡ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ನಿಕ್ಲೆನ ತಪ್ಪುಲೆನ್ ಮಾಪು ಮಲ್ಪುವೆ.

ಬಾನೊಡು ರಾಪಿನ ಪಕ್ಕಿಲೆನ್ ತೂಲೆ, ಐಕುಲು ಬಿತ್ತುಜ, ಕೊಯ್ಪುಜ, ತುಪ್ಪೆಲೆಡ್ ದಿಂಜಾವೊನುಜ. ಆಂಡಲಾ ಪರಲೋಕೊಡುಪ್ಪು ನಿಕ್ಲೆ ಅಮ್ಮೆ ಐಕ್ಲೆನ್ ತಾಂಕ್‌ದ್ ಕಾಪುವೆ. ಐಕ್ಲೆಡ್ದ್ ನಿಕುಲು ಏತೋ ಹೆಚ್ಚ್‌ದಾಕುಲತ್ತಾ?

“ಭೂಲೋಕೊಡು ಗಂಟ್ ಮಲ್ತ್ ದೀವೊನಡೆ; ಮುಲ್ಪ ಪುರಿ ಪತ್ತ್‌ದ್ ಕಲೆಂಗಿಡ್ದ್‌ ಹಾಳಾದ್ ಪೋಪುಂಡು; ಮೂಲು ಕಲ್ವೆರ್ ಮಾಟೆ ಕುರೆದ್ ಕಂಡೊನುವೆರ್. ಆಂಡ ಪರಲೋಕೊಡು ಗಂಟ್ ಮಲ್ತ್ ದೀವೊನ್ಲೆ; ಅಲ್ಪ ಪುರಿ ಪತ್ತ್‌ದ್ ಕಲೆಂಗಿಡ್ದ್‌ ಹಾಳಾದ್ ಪೋಪುಜಿ; ಅಲ್ಪ ಕಲ್ವೆರ್ ಮಾಟೆ ಮಲ್ತ್‌ದ್ ಕಂಡೊನುನಲಾ ಇಜ್ಜಿ. ನಿನ ಗಂಟ್ ಇತ್ತಿನಲ್ಪನೇ ನಿನ ಮನಸ್ ಉಪ್ಪುಂಡತ್ತಾ?

“ಏರ್ಲಾ ರಡ್ಡ್ ಯಜಮಾನನ ಚಾಕ್ರಿ ಮಲ್ಪೆರೆ ಸಾದ್ಯ ಇಜ್ಜಿ. ಆಯೆ ಒರಿಯನ್ ಪಗೆ ಮಲ್ತ್‌ದ್ ಬೊಕ್ಕೊರಿಯನ್ ಪ್ರೀತಿ ಮಲ್ಪುವೆ. ಇಜ್ಜಾಂಡ ಒರಿಯನ್ ಎಡ್ಡೆ ಮಲ್ತೊಂದು ಬೊಕ್ಕೊರಿಯನ್ ತಾತ್ಸಾರ ಮಲ್ಪುವೆ. ನಿಕುಲು ದೇವೆರೆನ್ಲಾ ಕಾಸ್‌ನ್ಲಾ ಒಟ್ಟುಗು ಸೇವೆ ಮಲ್ಪೆರೆ ಆವಂದ್.

ಓ ಒಂತೆ ನಂಬುನಾಕುಲೇ, ಇನಿ ಇತ್ತ್‌ದ್ ಎಲ್ಲೆ ದಿಕ್ಕೆಲ್‌ದ ಪಾಲಾಪಿ ಕಾಡ್‌ದ ಪಜಿರ್‌ಗ್ ದೇವೆರ್ ಇಂಚ ಪೊದೆಪಾವೆಡ ಅವೆಡ್ದ್ ಏತೋ ಹೆಚ್ಚಾದ್ ನಿಕ್ಲೆಗ್ ತುತ್ತಾದ್ ಪೊದೆಪಾವೆ ಅತ್ತಾ?

ಈ ದಾನ ಕೊರ್ನಗ ಗುಟ್ಟುಡು ಉಪ್ಪಡ್. ನಿನ ಬಲತ್ತ ಕೈ ಮಲ್ತಿನವು ದತ್ತ ಕೈಕ್‌ಲಾ ತೆರಿಯಂದೆ ಉಪ್ಪಡ್. ಗುಟ್ಟುಡು ಕೊರ್ಪಿ ದಾನೊನು ತೂಪಿನ ನಿನ ಅಮ್ಮೆ ನಿಕ್ಕ್ ಪ್ರತಿಫಲ ಕೊರುವೆ.

“ಜನೊಕುಲು ತೂವೊಡು ಅಂದ್‌ದ್ ನಿಕ್ಲೆನ ಧರ್ಮಕಾರ್ಯೊನು ಅಕ್ಲೆನ ಎದುರುಡು ಮಲ್ಪೆರೆ ಬಲ್ಲಿ. ಅಂಚ ಮಲ್ತರ್ಡ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆರೆಡ್ದ್ ನಿಕ್ಲೆಗ್ ಫಲ ತಿಕ್ಕಂದ್.

“ಉಪವಾಸ ಮಲ್ಪುನಗ ಕಪಟಿಲೆ ಲೆಕ್ಕ ಮೋನೆನ್ ಬಾಡಾವೊಡ್ಚಿ, ತನ್ಕುಲು ಉಪವಾಸೊಡುಲ್ಲ ಅಂದ್‌ದ್ ಜನೊಕುಲೆಗ್ ತೋಜಾವೆರೆಗಾದ್ ತನ್ಕುಲೆ ಮೋನೆನ್ ವಿಕಾರ ಮಲ್ತೊನ್ವೆರ್. ಅಕ್ಲೆಗ್ ತನ್ಕುಲೆ ಫಲ ಅಪಗನೇ ತಿಕ್ಕ್ಂಡ್ ಅಂದ್‌ದ್ ನಿಕ್ಲೆಗ್ ಸತ್ಯಾದ್ ಪನ್ಪೆ. ಆಂಡ ಈ ಉಪವಾಸ ಮಲ್ಪುನಗ ತರೆಕ್ ಎಣ್ಣೆ ಪಾಡೊಂದು ಮೋನೆನ್ ದೆಕ್ಕೊನ್ಲ. ಇಂಚ ಮಲ್ತ್ಂಡ ಈ ಉಪವಾಸೊಡುಲ್ಲ ಪಂಡ್ದ್ ಜನೊಕುಲೆಗ್ ತೋಜಂದೆ ಇತ್ತ್ಂಡಲಾ ಉಡಲ್‌ಡ್ ಇತ್ತಿ ನಿನ ಅಮ್ಮೆರೆಗ್ ಈ ಉಪವಾಸೊಡುಲ್ಲ ಪಂಡ್ದ್ ತೋಜಿದ್ ಬರುವ. ಉಡಲ್‌ದ ಉಲಯಿ ನಡಪುನೆನ್ ತೂಪಿನ ನಿನ ಅಮ್ಮೆ ನಿಕ್ಕ್ ಪ್ರತಿಫಲ ಕೊರ್ಪೆ.