Versículos bíblicos populares de Start 11

Partilhar

He figga lidis: “Dis peopo, dey all one, an dey all get one language. Cuz get dis towa, dis peopo ony start fo do stuff! An laytas, dey goin do moa. Cuz now, dey get da powa fo do wateva dey make plan fo do. So! I goin go down dea by dem an jam up dea language. Den no goin get nobody dat undastan each odda.”

Den dey tell: “Eh! You know wat? Us go build one big town fo all us guys. Us make one big towa dea fo go up inside da sky wea God stay! If we do dat, den us goin get one big name, an all us guys goin stay hea togedda. We no need move house all ova da place no moa.”

An dass how come nowdays dey call dat place Babylon, cuz was dea dat Da One In Charge wen jam up dea language. Dat make all da diffren peopos hea inside da world talk diffren kine. “Babylon” soun kinda like how dey tell “jam up,” Hebrew language. Dass how Da One In Charge make all da diffren peopos go way from Shinar an go all ova da world.

Had one time, all da peopo inside da world stay talk da same language.

Da One In Charge go down by dea town fo look an check out da towa dat da peopo build.

Dass how Da One In Charge make da peopo move all ova da world, an az why dey neva pau build da town.