Mathayo 11
11
1Go tɔ, te ci Yecu kɔcpiocke keethiɛr ku rou thol ne weet, ke jiɛl etɛɛn le pioc ku weet ne bɛiken yic.
2Ɣɔn piŋ e Jɔn luɔi de Kritho ke tɔ ɣon de dom, go tuɔc kɔckek piocke, 3thiec, Ye ye yin man wen bi bɛn eka, ka buk dɛ tiit? 4Go Yecu dhuɔk keek jiɛm, Ye lak lɛkke Jɔn ka yaake piŋ ku ŋɛmeke: 5coor aayiɛn, ku ŋot aacath, ku kɔc ke abiɛl aadem, ku miiŋ aapiŋ, ku kɔc ci thou aa roth jɔt, ku kɔc ŋɔŋ aawɛɛt ne welpiath. 6Raan ee thiei, ran cie kɔth ne ɣɛn. 7Ana yi lek, ke Yecu gɔl yook de duut ne Jɔn, Ye yeŋo yaka lɔ ŋem roor? ye aruɔr ye yom yiir? 8Ku yeŋo ye we lɔ lak ŋem? ye ran ye rɔt piɔth ne alanh piath? Ŋɛmka, kɔc ye alath piath ceŋ aaye tɔ ne ɣoot ke meleek. 9Ku yeŋo ye we lɔ? yee bak nebi lɔ ŋem? Ee yic, we ya yɔɔk, ku kawɛr nebi. 10Ee yen yekene, yen man ci gɔɔr,
Ya ŋɛmka, an tooc dutunydie tueŋ bi yi ŋɔɔr,
Bi dholdu lɔ juiric.
11We ya yɔɔk neyic, Ya kɔc ci tiik ke dhieth aacin toŋ wɛr Jɔn Baptith ne keek; ku ran thin de ceŋ de pan nhial yeneka wɛr yen. 12Ku ne akol ke Jɔn Baptith agut ci yemane aguume ceŋ de pan nhial atɛɛr, ku kayee kɔc ke atɛɛr dɔm ne riɛr. 13Nebii kedhia ku looŋ aaye lek agut Jɔn. 14Na yaka piɔth naŋ bak kap, ke Elija eke, man bi bɛn. 15Nɛke piŋ ran nɔŋ yith. 16Ye keno ba thɔŋ yekuane? Acit mith rɛɛr ne thuk yic ye wariɛcken cɔɔl, 17ku jamki, Yi we cuk kuɔth tuŋ, ku kɛnke diɛr; wɔ ci wui, ku kɛnke dhiau. 18Ne ke ci Jɔn bɛn ku cii ye cam ku cii dek, goki ya jam, Yi kanɔŋ jɔŋ rac. 19Wen de raan ee bɛn, ee cam ku dek, goki ya jam, Yi ŋɛmka, kee dumith, ku kee medeŋ de piukeabiei, ee manhe de mejueer ku kɔc rac! Ku nyic aye cɔk ye yic ne mithke.
20Go bɛi gɔl ne wɛi, bɛi cen ke kadit juɛc loi thin, ne ke ken kek kepiɔth wel. 21Ye yin bi naŋ dhieu, yin Karadhin! Yin bi naŋ dhieu, yin Bethaida! Nee kadit loike ne Turo ku Thidon, ci man loie ke ne weyic, e kee te cik kepiɔth wel thɛɛr ne alanh e cual ku ŋeth. 22We ya yɔɔk, Ya Turo ku Thidon aabi ŋuɛɛn ne week ne akol e luk. 23Ku yin Kapernaum, bi yi jat pan nhial? Yin bi laar piny pan de tip ke kɔc. Nee kadit loike ne Thɔdom, ci man loie ke ne yiyic, e kee te ci dhiac agut ci yemane. 24Yin ya yɔɔk, Ya piny de Thɔdom abi ŋuɛɛn ne yin ne kol e luk.
25Yekole aci Yecu dhuk jiɛm, Ye yin lɛɛc, Yin Awa, Bɛnydiit de pan nhial ku piny, ne ke cin keekake muɔny kɔc nyic kaŋ, ku yiki ke dot, ku yee ke nyuɔth miththii. 26Ee yic, Awa, ee piath ne yipiɔu yeya. 27Kaŋ kedhia acii Awa ke yiɛn ɣa: ku kacin ran toŋ nyic Wa, aye Awa yetok. Ku kacin ran toŋ nyic Awa, ee Wa yetok, ku ran bii Wa ya nyuɔth en. 28Baka enɔŋ an, kɔc ye piɔth dak wedhia, ku kɔc ye kethiek jɔt ke nɛk we, ku we ba miɔc lɔŋ bak ya lɔŋ. 29Yaka yoŋdie ket, ku yaka pioc ne ɣan; ne ke can ye ɣok ku ya piɔu kuur: ku lɔŋ abak ya yok ne tiipkuɔn. 30Yoŋdie ee kac, ku kedien ye ɣaac ee pial.
Atualmente selecionado:
Mathayo 11: LEKJOT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© British and Foreign Bible Society 1940, 2017
Aprenda Mais Sobre Lek Jot de Jecu Kritho 1940