Yaya 12
12
Labundɛ madon koe Isa kɛŋɛnu ma
1A be toren tele wɔɔrɔ Hɔrɔya Sale ni ke, wo lun Isa tagata Betani, Lasari be sabatiren ka min na, a ka min nawuli fagabaganu tɛma. 2Anu ka murade dɔmɛ tabɛn Isa la biliya kɔtɔ ɲɔ. Marata le tota dɔmɛ fatanna. Minnu be sigiren Isa fɛ dɔmɔ dɔmɔ dula, Lasari be wonu ɲaama.
3Awa, Mariyama ka labundɛ sɔn bɛlɛŋɛ bitira litari tɛma jigan, min be bɔɔren Narida lɔgɔ je doro tɔ, a ka a madon Isa kɛŋɛnu ma a ka anu mafitan a kunsige la. Labundɛ kuɲɛ diyama ka boŋɛ butɔ bɛ bita. 4Wo butɔ, Isa la talibenu ɲaama, Judasi Isikariyoti tugun be ɲɔ, min si naa a janfa, a ka a fɔ, a ko: 5«Fen de kɛ labundɛ ma mayita nun, ka a nafulu kole dii fondobɔnɛnu ma? A si san dɔndɔ wale sɔŋɛ bɔɔ le!» 6Kɔnɔ Judasi haju bele fondobɔnɛnu la ko tɔ. A ka wo fɔ le bayi a mu kankante le la, ale le mu nafulu mandilá la. Nafule min tini don a ni do jigan a la. 7Kɔnɔ Isa ka a fɔ: «Bɔɔ Mariyama kɔma! A be kɛ mandiren nun n sa luŋɛ le la ko la gabure tɔ. 8Wagate bɛ, fondobɔnɛnu si to le wo fɛ, kɔnɔ nde kan te to wo fɛ wagate bɛ.»
9Yahude jama banba to ka a mɔɛ, Isa bata na Betani, ande tugun tagata ɲɔ. Anu ma taga Isa dɔrɔn na ko la, fɔ anu ni Lasari tugun yen, a ka min nawuli fagabaganu tɛma. 10Wo butɔ, sarika lakela kuntigenu ka natá jigan Lasari tugun faga koe la. 11Bayi ale le la ko ka a ma Yahude siyama ka anu matuntun anu la, anu naata dɛnkɛnɛya Isa ma.
Isa don koe Darisalamu
12Wo lun tabantaka, jama banba min nata Hɔrɔya Sale tɔ, wonu ka a mɔɛ Isa be nala Darisalamu. 13Wo butɔ, anu ka tugu pɛnsɛnu jigan, anu tagata a labɛndula. Anu tota sɔnkɛ layɛlɛla, anu ko:
«Tantue be malakisilá ye!
Barikɛ be mɔgɛ ye,
min be naren Marige tɔgɛ la!
Barikɛ be bani Isirayila mansa ye!»
14Isa ka sofali deŋɛ do sɔtɔ, a sigita a kunma. Wo bɛ mata iko a be sɛbɛren ki min na, a ko:
15 «Wole Siyɔn # 12:15 Darisalamu le tɔgɔ tugun Siyɔn. kaanu, wo kana kilan.
Wo la mansa le be nala ka.
A be sigiren sofale muse la deŋɛ kunma.» # 12:15 Annabi Jakariyawa la kitabue, sora 9, haaya 9 fɛlɛ.
16Wo wagate, Isa la talibenu ma fahamu sɔtɔ wo koe ma betunna. Kɔnɔ Isa ka kunnawule sɔtɔ wagate min tɔ, anu naata a talɔn de sɛbɛre ka wo koenu fɔ le a la ko tɔ, ka a fɔla mɔgɛnu si naa wo koenu ma a ye. 17Wo ka a taran, Isa nun jama min be ɲɔgɔn na, Isa ka Lasari lawuli fagabaganu tɛma wagate min tɔ, wo jama tota mala a seede la. Anu tota a fɔla aa Isa ka Lasari kele a ni bɔɔ gabure tɔ ki min na, a ka a lawuli fagabaganu tɛma. 18Wolo ka a ma, jama gbɛtɛ la a mɔɛla, ka a fɔla a bata wo kabanakoe ma, anu tagata a labɛndula. 19Wo butɔ, Farisinu ka a fɔ ɲɔgɔn ye: «Wo a fɛlɛ tun! Wo mɔ te nɔ fenfen gasɛla, dunuya bɛ bata sɔ a kɔma.»
Isa be a la faga la ko yitala
20Minnu tagata Ala batudula Hɔrɔya Sale tɔ, Girɛki donu be wonu tɛma minnu be donden Yahudenu la diina tɔ. 21Anu tagata anu madon Filipu la, min be bɔɔren Galile duge tɔ, Betasayida saa tɔ. Anu ka a madiya, anu ko: «N tige, a sɔgɔ be mɔ la mɔ ni Isa yen.» 22Filipu tagata a ka a fɔ Andire ye, anu fila tagata a fɔ Isa ye. 23Isa ka anu jaabi, a ko: «Wagate bata ke, Ala ni nde Adamadeŋɛ kunnawuli. 24N ni tɔɲa beeyareŋɛ fɔ wo ye, suge kole tini sa duge tɔ, iko anu be furenu mandila ki min na, a si bula le. Ka a ma sa duge tɔ, a te bula, a dɔrɔn de be tola. Kɔnɔ ka a sata duge tɔ, a bulata, a si wole siyama labɔɔ le. 25Wo butɔ, min be a nidiya tun makanula, wo si bɔnɔ le a nɛ tɔ sinan. Kɔnɔ min be diɲɛla a nidiya ma kɛ dunuya, wo si a nɛ mandi le abada kise ye. 26Ka mɔgɔ yo dita mala n na walilá la, a ká sɔ n kɔma. N tini to ka min na, n na walilá tugun be tola ɲɔ le. Wo butɔ, min tini ma n na walilá la, n Baaba si wo tigi kunnawuli le.
27Kɔtɛ, n juse be ɲatadonden. N ɲan si fen fɔ? N Baaba, n ni i táran ba, i ni n natanga kɛ wagate ma? Ade! N be naren kɛ wagate yati le la ko la. 28N Baaba, a ma, i tɔgɛ ni biliya!» Wo butɔ, kumari kulɛ do bɔɔta saŋɛ tɔ, a ko: «N bata a biliya, n mɛn si a biliya tugun.» 29Jama minnu be sɔren ɲɔ, wonu to ka wo kulɛ mɔɛ, anu ko aa sangi bula kulɛ le be bɔɔren. Donu tugun ko aa maleka do le be kumaren a ye. 30Isa ka anu jaabi, a ko: «Kɛ kulɛ bele bɔɔren nde la ko la, a be bɔɔren wole le la ko la. 31Bi, kɛ dunuya makiiti wagate do bata ke. Bi, Sentanɛ dunuya mansa koroŋɛ si lafili bara tɔ. 32Nde tugun, anu tini n nayɛlɛ kantɔ lɔgɔ bangalandeŋɛ la wagate min tɔ, bɔɔla duge tɔ, n si mɔgɛ bɛ nati n ma.» 33Awa, Isa be a faga ɲa le yitala wo kuma la.
34Wo butɔ, jama ka a maɲininka: «Mɔle ka a yen mɔ la sariya kitabue tɔ, ka a fɔla Ala la mɔgɔ masubɛreŋɛ la ko te ban feu.#12:34 Jaburu sora 89, haaya 37 fɛlɛ. Ile ka a fɔ fenna a fɛrɛ bele fɔ Adamadeŋɛ ni layɛlɛ kantɔ? Kɛ Adamadeŋɛ mu ɲɔmɔ le la?» 35Wo butɔ, Isa ka anu jaabi, a ko: «Wagatenden de be toren, malaŋɛ ni wo lakɛnɛ. Wo ni to tagamanna fanni wo be kɛnɛ tɔ, alako dibe kana wo latɛrɛnna. Min be tagamanna dibe tɔ, wo tigi te a tagadula yen. 36Kɛnɛ be malanna wo tɛma wagate min tɔ, wo ni dɛnkɛnɛya kɛnɛ ma, alako wo ni ma kɛnɛ la deŋɛnu la.»
Yahudenu la dɛnkɛnɛyabaliya
Isa to banta wo fɔla, a tagata dogon anu la. 37Hali a to ka kabanako siyama ma anu ɲala, anu bele dɛnkɛnɛya saren a ma. 38Wo mata le alako annabi Esayi la kuma fɔreŋɛ ni kamali, a ko:
«N Marige, ɲɔmɔ le laata mɔ la kawande la?
I sɛnbɛ bata makɛnɛn ɲɔmɔ le ye?» # 12:38 Annabi Esayi, sora 53, haaya 1 fɛlɛ.
39Kɛ mɔgɛnu ma nɔ dɛnkɛnɛyala, wo butɔ, Esayi ka a fɔ, a ko:
40 «Ala ka anu ɲanu bita a la,
a ka anu hakkile labɛlɛya,
alako anu ɲanu kana nɔ ɲɔ tayenna,
anu kana fahamu sɔtɔ anu hakkile tɔ ka tuubɛ,
nde Ala ni anu lakendeya.» # 12:40 Annabi Esayi, sora 6, haaya 10 fɛlɛ.
41Esayi ka wo fɔ le, a to ka Isa le la nɔɔra yen. Wo butɔ, a ka ale le la ko fɔ. 42Kɔnɔ wo bɛ butɔ, hali kuntigenu ɲaama, a siyama dɛnkɛnɛyata Isa ma. Farisinu la ko ka a ma, anu bele suusɛla a fɔla, alako anu kana naala anu latɔnna don koe la kawandi ma boŋɛnu butɔ. 43Bayi mɔgɛnu la anu matɔgɔla, wolo fisa anu ye Ala tɛŋɛ ko.
Mɔgɛnu makiiti koe Isa la kuma la
44Isa ka a kulɛ mayɛlɛ, a ko: «Min tini dɛnkɛnɛya n ma, wo bele dɛnkɛnɛyaren nde ma, a be dɛnkɛnɛyaren n Kiilá le ma. 45Min tini n yen, wo tigi bata n Kiilá yen. 46Kɛnɛ le mu nde la, n be naren de dunuya alako ka mɔgɔ yo dɛnkɛnɛyata n ma, wo tigi kana to dibe tɔ. 47Ka mɔgɔ min ka n na kuma mɔɛ, a ma a bita, nde le bele wo tigi makiitila, bayi n ma na dunuya mɔgɛnu makiiti koe le la, fɔ a lakisi koe. 48Min tini n aɲɛ, a ma sɔn n na kumanu bitala, do be ɲɔ min si wo tigi makiiti: n ka kuma min fɔ, wolo be a makiitila kiiti sa luŋɛ sinan. 49Bayi n ka kuma min fɔ, wo bele fatanden n yɛtɛ hanige le la. N Baaba min ka n kii, wolo yɛtɛ ka n yamɔri n bɛnta n ni min fɔ, anun n bɛnta kumala ki min na. 50N ka a lɔn a la yamɔre mu abada kise dii koe le la. Wolo mu, n be kuma minnu fɔla, n be anu fɔla le iko n Baaba ka anu fɔ n ɲɛ ki min na.»
Atualmente selecionado:
Yaya 12: MOG
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão