Ja̰ Ta-je kɨ́ dɔ Poyta kɨ́ Majɨ-tɨ kɨ́ Ja̰ ndàngɨ
Ta-je kɨ́ dɔ Poyta kɨ́ Majɨ-tɨ kɨ́ Ja̰ ndàngɨ
Ja̰ ndàngɨ mbete kin kdɔ kadɨ dow ndó ə adɨ-né mḛḛ-é kɨ́ Jeju to Kristɨ dow kɨ́ Lubə mbətɨ-é, to Ngon lə Lubə, adɨ dow adɨ-é mḛḛ-é rəmə, isɨ kəm kɨ̀ ri-é (ꞌNdó 20:31). Ḛ ɔsɨ kagɨ dɔ to-tɨ kɨ́ Jeju to Lubə, ngà ḛ tɔjɨ-é kɨ́ to dow kɨ́ oy dɔ kagdəsɨ-tɨ kdɔ kadɨ njéra majal-je dꞌisɨ-né kəm kisɨ kɨ́ sartagangɨ rəm tɔ.
Ja̰ to kɨ́ káre dan njéndó né-je-tɨ lə Jeju kɨ́ dɔgɨ gidɨ-é joo, adɨ né-je kɨ́ ra né kɨ́ ta-é tò mḛḛ mbete-tɨ kinlé, ḛ a̰ lo-é-tɨ. Né-je kinlé, ḛ ɔsɨ go-na̰-tɨ kɨ̀ gangɨ-é gangɨ-é adɨ tò gay kɨ̀ mbete-je kɨ́ mutə kɨ́ dꞌɔr poy kisɨ kɨ̀ dɔ taá lə Jeju. Ja̰ ɔr poy nékɔjɨ-je siri kɨ̀ ta-je kɨ́ Jeju pa nja siri kɨ́ tɔjɨ-né kɨ́ nꞌto Lubə: Jeju panè: «Ma̰ ya mꞌto nékuso kɨ́ njèkadɨ dow-je dꞌisɨ kəm» (6:35,48), «mꞌto londógɨ lə dɔnangɨ» (8:12; 9:5), «mꞌto tarəbɨ» (10:7,9), «mꞌto njèkul batɨ-je kɨ́ majɨ» (10:11,14), «mꞌto njèkadɨ dow-je ꞌtɔsɨ ndəl rəm, mꞌto njèkadɨ dow-je dꞌisɨ kəm rəm» (11:25), «mꞌto rəbɨ, mꞌto ta kɨ́ tɔgrɔ-tɨ rəm, mꞌto kiskəm rəm» (14:6), «mꞌto kagɨ nduu kɨ́ tɔgrɔ-tɨ (15:1,5).»
Lo tum gin mbete-tɨ kinlé Ja̰ panè «Ta isɨ nɔ̰ɔ̰» ə «Ta» lé to Jeju kɨ́ isɨ natɨ kɨ̀ Lubə lo tum gin né-je-tɨ, adɨ kɨ̀ takul-é ɓá Lubə ra-né né-je lay. «Ta» kinlé, təl dow. Kadɨ Ja̰ tɔl-né ta mbete liə kinlé, ḛ ɔr poy né-je kɨ́ bɛtɨ-bɛtɨ kɨ́ sɔbɨ dɔ koy Jeju kɨ̀ tɔsɨ kɨ́ tɔsɨ ndəl ində lo tḛḛ, kɨ̀ tɔjɨ kɨ́ tɔjɨ rɔ-é njéndó né-je liə go tɔsɨ-tɨ kɨ́ ḛ tɔsɨ ndəl ində lo tḛḛ dan dḛ-tɨ kɨ́ dꞌoy.
Atualmente selecionado:
Ja̰ Ta-je kɨ́ dɔ Poyta kɨ́ Majɨ-tɨ kɨ́ Ja̰ ndàngɨ: mngNT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2018, Wycliffe Bible Translators, Inc. All rights reserved.