Dimatekenu 6
6
Mundu mu ngongo ua di sebulula
1Mu kukala ni kukala-phe, athu kia kuata kusololoka kulu dia mundu, anga a vuala anʼa ahatu. 2Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu. 3Ngana anga uamba, uixi: Nzumbi iami ki i kuata kubhanga jinga ni muthu, ki ki kale se dizubhilu, kuma muene ue xitu; izuua iê-phe a i fikisa mu hama ia muvu ni makuinhi aiadi. 4Izuua ienʼoio mu ngongo mu kala iiala ia makota, ni ku pholo kunu anʼa Nzambi a mala kia sakana ni anʼa athu a ahatu, anga a vuala-nâ ana; enhá ene a kexile o mazonda ma xahulu, o iiala ia xi fuma.
5Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso. 6Ngana anga u dielesa mu ku bhanga o muthu mu ngongo, kia mu bhekela lamba ku muxima uê. 7Ngana anga u zuela, uixi: Muthu nga mu bhange, ngi mu jimuna kulu dia mundu tunde ku athu katé ni iama, ni ibamba ienda mala bhoxi, ni jinjila ji bhita bhulu; kuma nga diʼelesa mukonda dia ku a bhanga. 8Noué-phe u sanga kiadi ku mesu ma Jihova.
Noué
9O malunda a Noué eneʼá: Noué ua kexi muthu uaiuka, sè kuêla kua kima muʼa xaxe ka akua muiji uê; Noué anga uenda ni Nzambi. 10Noué anga u vuala anʼa mala kitatu, ni Seme, ni Hame, ni Jafete. 11Ixi anga i kala iasekala bhu pholo ia Nzambi, mungongo anga muizala usuéia. 12Ngana Nzambi anga u tala ixi, u mona kuma ia sekala; xitu ioso ia sebuluka mu kuenda kuê mu ngongo.
Nzambi u dimuna Noué kuma kua-nda kuiza Dilúvio#6.12 Sulumbembe ia menha.
13Nzambi anga u ambela Noué, uixi: Dizubhilu dieza dia xitu ioso; kia ngi tetulukila muene; kuma ixi ioso iezala usuéia mukonda dia athu; ijiia na-kiu kuma nga-nda ku a buidisa kumoxi ni ixi ioso. 14Iudika-phe alaka ié ni muẋi ua ngofele; u ta-mu ibatulu, u i xiia ni moxi ni ku kanga ni uiji ua betume. 15U i kalakala kiki: O kulebha kua álaka ku kale hama jitatu ja kóvado, o kukula kuê makuinhi atanu a kóvado, o kitala kiê makuinhi atatu a kóvado. 16Álaka u i ta ni njanena iê, i kamba ngó kóvado imoxi mu bhiẋila ku thandu; o muelu ua álaka u kale mu mbanjidilu iê; u i bhanga ni ditala dia bhoxi, ni dia kaiadi, ni dia katatu. 17Mukonda ijiia na-kiu kuma eme nga-nda kulundulula dilúvio#6.17 Sulumbembe ia menha. dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika. 18Maji-phe nga-nda ku ta kikutu kiami ni eie: ua kà bokona mu álaka, eie, ni anʼé a mala, ni mukajiʼé, ni akaji a anʼé, kumoxi. 19Ku jixitu joso jala ni muenhu, kala mbutu ua kà bheka-ku kiiadi-kiiadi mu álaka, ndumbe ni mukaji, phala a xale ku muenhu ni eie. 20Ku jinjila ni kidifua kiâ, ku ibhaku ni kidifua kiâ, ku ibamba ienda mala bhoxi ni kidifua kiâ, kala mbutu kuà kala kiiadi à keza kokué phala ua kà a bhake ku muenhu. 21Eie-phe u katula ue ku makudia moso mene mu kúdia, u ma bhongoluela muenhomo phala eie; ma kale kúdia kué eie ni kua ene. 22Noué anga u bhanga kienhókio kala kioso kia mu tumu Nzambi, kiene muene kia kumbidila.
Atualmente selecionado:
Dimatekenu 6: KMB80
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Kimbundu Bible © United Bible Societies, 1980.