Luka 16
16
1Ši ekē̱ ekaselo̱i le̱ hũ ake̱: Nū niiatše̱ ko ni yo̱, ni eye̱ tšũlo̱nukpa ní abaflo̱ enā ahãle̱ ake̱ ēkpãtã enii ahĩe.
2Ni etšé̱le̱ ni ekē̱le̱ ake̱: Té fe tēṅ ní minuo̱ ene̱ ye̱ ohe ne̱? Babu onukpayeli le̱ he akontā; edšake̱ onyẽṅ onukpa le̱ oye doṅṅ.
3Ni tšũlo̱nukpa le̱ kē̱ ye̱ emli ake̱: Ni minuṅtšo̱ šõo̱ onukpayeli le̱ ye̱ mideṅ ne̱, té mafe tēṅ? minyẽṅ ši matša, ni sisemo̱ hũ mīfemi hĩegbĕle.
4Mina bo̱ni mibafe, ní ké̱ akpámi onukpayeli le̱, ní ame̱heremi ye̱ ame̱šĩai.
5Ni etšé̱ enuṅtšo̱ nyōdšiatše̱mei le̱ fẽ ke̱-ba ekomekome, ni ekē̱ kleṅkleṅmo le̱ ake̱: Nyõmo̱ enyie ohĩe minuṅtšo̱ le̱?
6Ni ekē̱: Mũ to̱i oha. Ni ekē̱le̱ ake̱: Hemo̱ owolo le̱ ní otá ši mrãmrã ni oṅmã nyoṅmai-enumo̱.
7No se̱ le̱ ekē̱ mokroko hũ ake̱: Ši bo hũ enyie ohĩe? Ni ekē̱: Ṅmã flo̱to̱i oha. Ni ekē̱le̱ ake̱: Hemo̱ owolo le̱ ni oṅmã nyoṅmai-kpānyo̱.
8Ni nuṅtšo̱ le̱ dšie tšũlo̱nukpa kũtũmpo̱fo le̱ yi ake̱ eye esane le̱ ṅā mli. Edšake̱ dše ne̱ṅ bii le̱ le ame̱nõ le̱ mli ṅã fè *la bii le̱. *Ef. 5,9. 1 Tes. 5,5.
9Ni mi hũ mīkē̱nye ake̱: Nyeṅõa kũtũmpo̱o mamona le̱ eko nyefea šientše̱mei nyehãa nyehe, koni, beni nyebe̱ noko doṅṅ le̱, ní ame̱herenye ye̱ nāno̱ būi le̱ amli. 14,14. Mat. 6,20; 10,40; 19,21.
10Moni yeo̱ noko bibiō mli ano̱kwa le̱, eyeo̱ babaō hũ mli ano̱kwa; ni moni yee noko bibiō mli ano̱kwa le̱, eyee babaō hũ mli ano̱kwa. 19,17.
11Nohewo̱ le̱ ké̱ nyeyeko kũtũmpo̱o mamona le̱ po mli ano̱kwa le̱, noni dši ano̱kwa le̱, namo aatu no awo nyedeṅ?
12Ni ké̱ nyeyeko mokroko nõ mli ano̱kwa le̱, nyedientše̱ nyenõ le̱, namo aaṅõ-hãnye?
13Wenū ko nyẽṅ nuṅtšo̱mei enyo̱ asúmo̱; edšake̱ ekole̱ eenye̱ mokome ni eesumo̱ mokroko le̱, alo eekpe̱te̱ mokome he, ni eegbe mokroko le̱ he guo. Nyenyẽṅ Nyoṅmo̱ ke̱ mamona nyesúmo. Mat. 6,24.
14Ni Farisifoi le̱ hũ ní dši šika suolo̱i le̱ nu nii ne̱ fẽ, ni ame̱yele̱ ahĩ́. Mat. 23,14.
15Ni ekē̱ame̱ ake̱: Nye dši mei ní *nyebuo̱ nyehe bem ye̱ gbomei ahĩe; ši Nyoṅmo̱ le̱, †ele nyetšuiiaṅ; edšake̱ noni dši godšō ye̱ gbomei ateṅ le̱, Nyoṅmo̱ mīhĩ. *18,9-14. †Lal. 7,10. Abe̱i 6,16. 17.
16Mla le̱ ke̱ gbalo̱i le̱ gba ke̱-baši Iohane no̱; ke̱-dše̱ nakai be le̱ no̱ ne̱ āšie̱ Nyoṅmo̱ maṅtše̱yeli le̱ he sanekpakpa le̱, ni mofẽmo boteo̱ mli ekā̃ nā. Mat 11,12. 13.
17Ši edšraa hãã ṅwei ke̱ šikpoṅ ake̱ ame̱aho ameya fè noni mla le̱ mli kuli kome aagbe ši. Mat. 5,18.
18Mofẽmo ní ſieo̱ eṅã ni eyaw̌e̱o̱ mokroko le̱ efite gblã; ni moſẽmo ní w̌e̱o moni ewù eſiele̱ le̱, le̱ hũ efite gblã. Mat. 5,32; 19,9.
19Ši nū niiatše̱ ko ni yo̱, ni ewoo̱ atade tšuru ke̱ klala ſe̱fe̱o, ni enáa tšuidšŭrõ ni efeo fe̱onii dāne̱.
20Ni ohĩafo ko hũ ye̱ ni atšé̱o̱le̱ Lazaro ní kã egbó le̱ nā ke̱ ehe fadši obõ,
21ni ebaä etšine ake̱ ená ṅmā̃ fufudši ní dše̱o̱ niiatše̱ le̱ okplõ le̱ no̱ ſieo̱ ši le̱ eye; ši gbéi tete ba ame̱bale̱mo̱ efadši le̱ ano̱.
22Ni eba mli ake̱ ohĩafo le̱ bagbo, ni ṅweĩbo̱foi bawóle̱ ke̱-te Abraham mliši; ni niiatše̱ le̱ hũ bagbo, ni afũle̱
23Ni beni eyo̱ hedsramo̱i amli ye̱ gbohĩĩadše ní eyahole ehĩṅme̱ii ano̱ le̱, ena Abraham ye̱ šoṅṅ, ke̱ Lazaro ni ho̱ emliši.
24Ni ebo ekē̱: Atā Abraham, nami mo̱bo̱ ni otšũ Lazaro ní eke̱ ewao nā nyatšo̱ nu mli ní eke̱-badšo̱ milile̱i he, edšake̱ mīna nõ ye̱ lalilei ṅe̱ mli.
25Ši Abraham kē̱: Mibi, kaimo̱ ake̱ bo le̱ oná onii kpakpai le̱ ye̱ owalabe le̱ mli, ni nakai noṅṅ Lazaro hũ ná nibii fõdši; ši agbe̱ne̱ āse̱dše emī ye̱ bie̱, ni bo le̱, āpĩo.
26Ni ene̱mei fẽ se̱ hũ le̱, dšō̱ kpeteṅkple ko ka wo̱ke̱nye teṅ, koni mei ní taoo̱ adše̱ bie̱ aya nyeṅõ le̱ akanyẽ, ni mei hũ ní taoo adše̱ dše̱i afoṅ ke̱-ba wo̱ṅõ le̱ akanyē.
27Ši ekē̱: Bĕle̱ mikpao fai mo̱, atā, ní otšũle̱ mitše̱ we le̱;
28edšake̱ miye̱ nyemimei enumo̱, beni afe ní eyaye odase etšõame̱, koni ame̱ hũ ame̱kaba pīmo̱he ne̱.
29Ni Abraham kē̱le̱ ake̱: Mose ke̱ gbalo̱i le̱ ye̱ ame̱deṅ; hã ame̱bo nomei atoi! 2 Tim. 3,16.
30Ši le̱ le̱ ekē̱: Dabi, atā Abraham, ši ke̱dši moko dše̱ gbohĩĩ ateṅ te ame̱ṅõ le̱, no ame̱atšake ame̱tšui.
31Ši ekē̱le̱ ake̱: Ké̱ ame̱boo Mose ke̱ gbaloi le̱ atoi le̱, no le̱ ke̱dši moko te ši ke̱-dše̱ gbohĩĩ ateṅ tete le̱, ame̱yiṅ tšṍṅ.
Atualmente selecionado:
Luka 16: GBV96
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
The Bible in Ga © Bible Society of Ghana, 1896, 1992.