مقتطفات من الزبور 4
4
دعاء الرثاء للنبي داود (ع)
1يا الله، يا واسِع، برحمتَك أنا بريء،
يا مفرِّج عليِّ بوقت الضّيق،
استجِب لي لمّا بدعيك بترجّاك،
بُطلُب رَحِمتَك بِتوسَّل إليك!
2يا عالَم، لأَيمَتى رح تضلّوا شَرفي مْدَنْسين؟
لأَيمَتى رح تْضَلّوا الباطِل حابّين، وْوَرا الكِذب ماشيين؟
3اعْرِفوا كتير منيح إنّه الله بيخْتار لنفسُه المُخْلِصين،
فهوّ بيسمَع دعائي، لأنّي من الصّالحين.
4خافوا الله! وبِكَفّي تْضَلّوا مُذنبين،
راجعوا حَالكُن، مع توبة وندم، وإنتو بهدوء قاعدين،
5اعبدوا ربكُن بِكلّ أمانة وعَليه تْوَكَّلوا.
6كتير من المُشَكِّكين يلّي بيسألوا:
"مين رح يبعَتِلْنا الخير ويساعِدْنا؟"
يا ربّ! شْروق بوجَّك علينا ونوّرنا.
7أنعمْت عْلَيّي وفرَّحِتْني كتير،
أكتر من أصحاب البَلاط ويلّي عندُن مال وَفير.
8بكلّ سَلام،
بْحُطْ راسي وبنام،
لأنَّك يا ربّ يا حَنّان،
وَحْدَك بْتوهَبْني الأمان.
Atualmente selecionado:
مقتطفات من الزبور 4: LRT
Destaque
Partilhar
Copiar
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fpt-PT.png&w=128&q=75)
Quer salvar os seus destaques em todos os seus dispositivos? Faça o seu registo ou inicie sessão
© 2021 Sabeel Media