YOHANES PENGANTAR
PENGANTAR
Delom Kabar Betik sai disampaiko ulihni Yohanes inji, Isa dikemukako injuk Firman Allah sai abadi sai radu jadi manusia rik tinggal di hantara ram. Injuk sai diucakko delom buku inji, Kabar Betik inji ditulis in sunyinni sai ngebaca dapok percaya bahwa Isado Raja Penyelamat sai dijanjiko – Ia Anak Allah tenggalan. Juga in sapa sai percaya jama Ia tian dapok hurik (20:31).
Seraduni pengantar sai ngemukako bahwa Firman Allah sai abadi ano yakdo Isa, bagian mula-mula buku inji ngisahko lamon keajaiban sai disani ulih-Ni. Keajaiban-keajaiban ano nunjukko bahwa Isa Raja Penyelamat sai dijanjiko, Ia Anak Allah. Masing-masing kisah tentang keajaiban ditutuk ulih kicik-kicikan hantara Tuhan Isa jama jelma-jelma. Jak kicik-kicik udi jelas api sai diungkapko ulih keajaiban-keajaiban ano. Di delom bagian inji dikemukako bahwa wat jelma sai percaya jama Isa kak raduni jadi jelma sai nutuk Ia, kidang wat muneh sai menantang Ia rik mak haga percaya jama Ia. Pasal 13–17 nyatat secara tijang lebar injuk repa akrabni Isa jama jelma-jelma sai nutuk Ia waktu di bingi waktu Ia haga ditangkok, rik injuk repa Ia mempersiapko rik nguatko hatini tian waktu bingi ano. Pasal-pasal paling akher nguraiko injuk repa Isa ditangkok rik diadili, injuk repa Ia disalibko, mati rik bangkit luot, rik injuk repa Ia ngeliakko diri-Ni jama jelma-jelma sai nutuk-Ni seraduni Ia hurik luot.
Cerita tentang bebai sai tetangkok basoh lagi bebuat zinah (8:1-11), dikurukko hantara kurung balak mani lamon naskah rik terjemahan-terjemahan tumbai mak ngemuat cerita seno, sedang sai lain-lainni ngemuatni di bebagai rang.
Delom bukuni inji Yohanes menitik beratko pengenian, yakdo hurik sejati rik kekal, sai dikeniko Allah liwat Almasih. Pengenian ano radu mulai di dunia, rik dapok dialami ulih jelma-jelma sai nerima Isa sebagai renglaya mik jama Allah, sebagai sai nyatako Allah, rik sebagai sai ngeni hurik. Tanda khas Yohanes yakdo kiasan-kiasan sai diakukni jak hal-hal serani-rani untuk nunjukko kebenoran-kebenoran rohani, misalni: way, ruti, terang, gembala rik biri-birini, batang anggor rik uahni.
Isi
Pendahuluan 1:1-18
Yohanes Pembaptis rik jelma-jelma sai mula-mula jadi jelma sai nutuk Isa 1:19-51
Guai-Ni Isa di tengah-tengah masyarakat 2:1–12:50
Rani-rani paling akher di Yerusalem rik redik Yerusalem 13:1–19:42
Kebangkitan Isa rik pengliakan diri-Ni 20:1-31
Penutup: suatu pengliakan diri lagi di Galilea 21:1-25
Atualmente selecionado:
YOHANES PENGANTAR: LAILJP
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
@ LAI 2002 Indonesian Bible Society (Lembaga Alkitab Indonesia)