Bikambelo biki bikima 7
7
Boloko wa Setefano
1Ko nkanga ea joso mongo aokela, La baoyiʼane bale nsosolo nde? 2Ko ende aolamba, Balongo la bafafa, lokoza; Nzakomba ea jilangi aolenya ele fafa ekiso Abalayama, akiʼnde nda Mesopotamia, atafʼende ofetsa nda Alana, 3ko aolokela, Imanaka limʼese eke, ko lima bioto bike, ko kendaka ndʼese eʼemʼokeneya. 4Nkako aolimana ndʼese ea Kaldea, ko aofetsa nda Alana. Limʼako, ndʼafeka bʼiwa yʼise ekae, aoloyela ndʼese ene efetsʼinyo aeyoko. 5Ko ntokayʼende lisango ndʼesʼene, nko la bokili bomatela likaka limoko. Lolo aolocikelʼelaka wae okay a ese ngʼeatelo, lʼende la bana bakande ndʼafeka bakande, nkʼatafʼende oota bona. 6Ko Nzakomba atefelaki ngone; wete banʼakae bifoyala beyaya ndʼese ea lifaya, ko ba ese eko bifatuka nda likwala, ko bifenʼelo mbula benkama benei. 7Ko Nzakomba aokela, Esʼeko endatuka likwalanjifokweya likambo, ko ndʼafeka bʼaoyiʼako bifola limʼeko, ko bifommemya ndʼitenelʼine. 8Ko aolokaya bokolo wʼelembelo wʼetenelo ea nsonge. Ko la ngoko aotaki Yisaka, ko aolotena nsonge ndʼokolo wa mwambi. Ko Yisaka aotaki Yakoba. Ko Yakoba aotaki bingambi jom la bife.
9Ko bingambi biko baolokela Yosefa inkunya, ko baolotekya ndʼEjipeto; lolo Nzakomba aki lʼende; 10ko aolosikola lima bielo biuma skola lima bielo biuma bikiʼndʼndʼenaka, aoloatela boya la wanya nda joso ja Falo, Roi eʼEjipeto; ko ende aoloila bokonji ndʼEjipeto la ndʼilombe ikae iuma. 11Nkako eto ea nzala eleki eokwelʼEjipeto euma ko la Kanana, elo ea ndekola mongo; ko baise bakiso ntabataneya toma ta ndala. 12Nkako aki Yakoba okaka wae toma tolʼeko ndʼEjipeto, aotoma baise bakiso botoma wa joso. 13Ko ndʼotoma wʼefe, Yosefa aoleana ele batomolo bakae, ko ilongo ikande yoleana ele Falo. 14Nkako Yosefa aolatoma, ko aoletʼelʼende Yakoba ise ekae, o lʼende la bioto bikande biuma banto ntuku nsambo lʼatano. 15Ko Yakoba aokitela ndʼEjipeto. Ko aowa, ende lʼaise bakiso. 16Ko baotombama mpiko nda Sekeme, ko baokundama ndʼekundelo eki Abalayama osombaka la wiko wʼaumba limʼele bana ba Amola nda Sekeme.
17Nkako aki ekeke ea elaka eki Nzakomba osimbelaka Abalayama otutamaka, bantʼako baofula, ko baokaka ndʼEjipeto, 18elaka nko emaelo ea roi emo oteaki Yosefa. 19Ende aokakatanya ilongo ikiso la jongo, aokela baise bo be, aolaaka wae baboke bana bakiyo wae bafoike. 20Ndʼekekʼeko Mose aotswaki, ko aki la lituka ndʼaiso ba Nzakomba; aongwama nsanza isato ndʼilombe yʼise ekande. 21Ko akiʼnd’ obokamaka, bonʼowʼomoto owa Falo aoloambola, ko aoloongola ngole bonʼokae mongo. 22Ko Mose aolakema bianya beuma bia Ejipeto; ko aki la mpamba mongo ndʼetefeelo la ndʼeketo bekae.
23Akiʼndʼokitaka mbula ntuku inei ci, mposa eolokana ndʼotema wae acwʼele balongo bakae, wete bana ba Yisalaele. 24Akiʼndʼenaka omo okiyo onyokwa, aosombola nkele eʼonto onyokwaki, ko aomaki bo-Ejipeto. 25Atangaki wae balongo bakae bifokotola wete Nzakomba ayoka iyo esikwelo la likata likande, lolo iyo ntabakotola ngoko. 26Nda mbile ea lobi aolenya elʼiyo akiʼyʼoune, ko asaki oamanyʼiyo ndʼoseka, aokela, Bauwa! inyo lole balongo, lokelana bobe lae? 27Lolo ende okelaki lilongo bobe aolotona, aokela, Okilaki we bokonji la juge elʼiso na? 28Olanga ombomʼemi ngoki wʼoomaka owʼEjipeto lobi nde? 29La ncinʼeʼetefeelo eko Mose aolota, ko aoyala boyaya ndʼese ea Midiana; ko eko aotaki bana bʼaende bafe.
30Aki mbula ntuku inei olekaka, ndʼetekeleke ea ngongo ea Sinai ekima ea loola aolenya elʼende ndʼefetelo ea tsa ndʼitamba. 31Aki Mose enaka, aokamwa lʼetalo eko. Akiʼndʼotutama wae engele, lolaka ja Nkolo loyaki wete, 32Emi nde Nzakomba ea baise bakawe, wete Nzakomba ea Abalayama, lʼea Yisaka lʼea Yakoba. Ko Mose aolenga lolengi mongo, ko ntakuseya loala lʼaiso. 33Ko Nkolo aolokela, Imolaka bikoto lima bakaka bake; ele itenela indemi we ile wete bokili wʼoeko. 34Nsosolo njolena bonyoko bonyokwa bantʼakami ndʼEjipeto, ko njoloka bosaʼokiyo, ko njokitela oasikola. Emala aeyoko, kela nkotome ndʼEjipeto. 35Mose one okiʼyʼotonaka, akiʼyʼokelaka, Okilaki we bokonji la juge na? Nkʼende, Nzakomba atomaki wae lʼokonji lʼosikoli o la likata jʼekima ondenyaki elʼende ndʼitamba. 36Bontʼone aolaoza limʼeko, ko aokela belemo bia nkakamwa ko la ntaza ndʼese eʼEjipeto la nda Lieke ja Ngola la ndʼetekeleke mbula ntuku inei. 37Mose one wete oko osangelaki bana ba Yisalale, Nzakomba ifemaezʼinyo boteli limʼele balongʼakinyo ole ngʼemi. 38Ko ale nkʼende oki ndʼetakano ndʼetekeleke, lʼekima otefelaki lʼende nda ngongo ea Sinai, ko la baise bakiso; ko ende ondambaki besise beyoike wae atokitsʼiso beko. 39Baise bakiso ntabalanga jokozʼende la lifiki, lolo baolotandola, ko ndʼetema bekiyo baokengwana ndʼEjipeto. 40BaotefeelʼAlona, Otemele nzakomba kelʼiko ikende nda joso likiso; lolo ndʼeloko ea Mose one otoyelaki lima Ejipeto, isotofea wiji bokiʼndʼocwaka. 41Ko baotula bonʼowa ngombo ndʼembilʼeko, ko baolekezʼidola eko mbeka, ko baosalangana lʼolemo wʼakata bakiyo. 42Nkako Nzakomba aolaututala, aolacika ele ememyelo ekiyo ea belemo bele nda loola, elenge ekotama ndʼonkanda wʼateli;
La londekezaki nyama ya mbaoma ko la mbeka
Mbula ntukʼinei ndʼetekeleke, inyo ilombe ya Yisalaele?
43O mpampa; lolo, lambolaki ilombe ya Moloka
Ko la ioci ya nzakomba ea Lapana,
Wete baidola bakiʼnyʼotulaka kela lomemyʼako. Ko njifosekolʼinyo wijʼa Babulona.
44Baise bakiso baki lʼilombe ya nsango ndʼetekeleke, ngokiʼnde otefelaka la Mose, ko otomaki lotomo wete, ato-ngʼilombe elengʼele lotaza lokiʼndʼenaka. 45Akiʼyʼoataka ilombʼiko, baise bakiso la Yoswa bayelakʼiko nda bise biʼafaya bikiʼyʼosangolaka lisango, wete bise biʼafaya baki Nzakomba itaka lima joso ja baise bakiso elaka nko bembile beki Dawidi. 46Ende aotana losimo nda joso ja Nzakomba, ko uolaki efosa wae atongele Nzakomba ea Yakoba ilombe. 47Lolonde ondotongelakʼilombe wete Solomo. 48Lolo Oleki ka afoyale nda tolombe totongama lʼakata: nkʼelenge ekela boteli, 49Loola lole wete ngwende ekami, Ko bokili bole ebonga ea bakaka bakami. Nkolo aokela, Mpa lontongele ilombe elenge na? Ko esilamelo ekami ele nko? 50Likata likami ntajema belemʼene beuma nde? 51Inyʼanto bʼocilingano, batatename nsonge yʼetema la yʼatoi, inyo lasa losuka Bolimo wʼoeko seko; ngoki baise bakinyo, o lʼinyo lole o ngoko. 52Omo owa bateli oki baise bakinyo ntabanyokola na? Ko baomaki iyʼatelaki eyelo ea Owa Nj elama. Ko aeyoko inyo lole-kyʼende, ko loomaki ci; 53nkʼinyo, banto bandambaki Esekyelo eko ekaemaki la bikima bia loola, ko ntalofongʼeko nye!
Eomelo ea Setefano
54Akiʼyʼokaka baoyiʼane, baoloka nkele mongo, ko baolokesanyela baino. 55Lolonde ende aoyola la Bolimo wʼoeko ayoale nda loola te. Ko aolena jilangi ja Nzakomba ko la Yesu emi nda likata jʼelome ja Nzakomba. 56Ko aokela, Bala njena loola lokombwa, ko Bonʼowʼonto emi nda lo jʼelome ja Nzakomba! 57Nkako iyo baobeleza la lofoso ja lone-ne, baolifʼatoi bakiyo ko baolikumwʼelʼende bolongo. 58Baolooza limʼonanga, nkako baoloonya bikenje. Ko baaki ba likambo baolambya benkoto bekiyo ndʼakaka bʼosekota otangema Saula. 59Andoonyʼiyo bikenje, Setefano aoonda, aosangya lolaka, akela, Nkolo Yesu, ambaka bolimo bokami! 60Nkako aokusʼaongo, ko aobeleza la lolaka jʼo-nene, Nkolo, toakelakʼiyo likambo ja joi line jʼobe. Akiʼndʼotefelaka ngoko, awaki.
Atualmente selecionado:
Bikambelo biki bikima 7: LOL87
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987