Uumama 4
4
1Duuba Adamuuni Hawai niiti tolfate, isiini garaachoofte Kaini d'alte waan jette, Qarqaarsa AABBO Waaqatini ya ilma argad'e. 2Eegi suni ilma d'ibi d'alte maqa Habili baafteefi. Habiliini nama ree tissu, ammo Kainiini nama oobru qotu. 3Eegi turani, gaafa toko Kainiini waan oobru keesaa argate d'ufeeni AABBO Waaqaa baase. 4#Ebr 11.4 Habiliini ree qara d'alate qale fooni gabbo AABBO Waaqaa baase. AABBO Waaqi waan Habiliini baaseefi jaalate iraa fud'ate, 5ammo Kainifi waan inni baase fud'achu dide. Duuba Kainiini aka hama dallane garaa hammaate. 6Jennaani AABBO Waaqi waan jed'eeni, Atini maafi akana dallante garaa hammaatte fuula guurta? 7Yo waan dansaa tolchite sila waan atini baaftu siraa fud'atani, ammo waan atini waan hamtu tolchiteefi ch'ubbuuni balbala keesa kurfo teete si eegatti. Isiini si qabachu feeti, ammo atini dabsachu malte.
8 #
Mat 23.35; Luk 11.51; 1 Yoh 3.12 Jennaani Kainiini waan oboleesa isaa Habiliini jed'e, Oobru nu yaasi. Achi geennaani Kainiini oboleesa isaa Habiliti garagale d'ae ijeese.
9Duuba AABBO Waaqi Kaini gaafate waan jed'eeni, Oboleesi kanke Habiliini me? Inni waan jed'eeni, Anini imbeekhu. Qara oboleesa kiyya nati tissa? 10#Ebr 12.24 AABBO Waaqi waan jed'eeni, Atini maafi waan hamtu akana tana tolchite? D'iigi oboleesa keeti qonqo lafa iraa iyyitu nati fakaata. 11Amma si abaarani, lafa d'iigi oboleesa keeti harka keetiini irati jige, isiini liqimsite, keesaa si gussani. 12Yo atini lafa qotatte, lafti deebite woma sii imbaaftu; worra d'abde seseega taate lafa marta.
13Duuba Kainiini waan AABBO Waaqaani jed'e, Abaarsi kunini la haga nati dabre nati guddate. 14Atini ya fuula kanke duraafi lafa tana iraa na gussite, worra d'abe seseege lafa mare, ammalle nami na argu ch'ufti na ijeesa.
15Jennaani AABBO Waaqi waan jed'eeni, Akasiniti, yo nami si ijeese maro torba haalo baasani. Duuba AABBO Waaqi beesisa Kaini ira kaye, aka nami isa arge inijeemne. 16Akasiini Kainiini fuula AABBO Waaqa duraa kae biraa deeme, lafa Nodi ta Edeniini ilaboru tae.
Ilmaani Kaini
17Kainiini niiti fuud'e, isiini garaachoofte Henoko d'alteefi. Duuba eege inni dira jaare, dira sunile maqa ilma isaa gula Henoko baaseefi. 18Henokooni Iradi d'ale, Iradiini Mehuyaeli d'ale, Mehuyaeliini Methushaeli d'ale, Methushaelini Lameki d'ale. 19Lamekiini nad'eeni lama fuud'e, ta qara maqaani Ada, taani maqaani Sila. 20Adaani Yabali d'alte. Inni abba worra hori horate waaro keesa tau. 21Oboleesa isaa maqaani Yubali; inni abba worra sirbaa, ka kerarifi fulludo d'au. 22Silaleeni Tubal-Kaini d'alte; inni nama qara sibiila diimafi sibiila guraacha tume. Oboleetiini Tubal-Kaini Naama.
23Lamekiini waan nad'eeni isaatini jed'e,
Adafi Sila, dubbi tiyya ch'aqasa;
isani nad'eeni Lameki, jecha kiyya d'agaya:
anini nama na madeese yokhaani kaima na d'aane la ijeese.
24 #
Mat 18.22 Yo haalo Kaini maro torba baasani,
ta Lameki maro torbatami torba baasani.
Sethifi Enoshi
25Adamufi niitiini isaa ilma d'ibi d'alani jennaani isiini waan jette, Waaqi ya ilma naa kenne fulla Habili, ka Kainiini ijeese; tanaafi isiini maqa isaa Sethi baafteefi. 26Sethiini ilma d'ale maqa Enoshi baaseefi. Gaafi sunini gaafa qara nami yo Waaqa yaamatu AABBO jed'e yaamatu.
Ilmaani Adamu
(1 Odu duri 1.1-4)
Atualmente selecionado:
Uumama 4: BOR
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Borana Bible © Bible Society of Kenya, 2019.