Markus 14
14
Nuarin-tas alupas 14.
1IS wat ti pan itac nadiat is ero eris asjapicnaig va napaska im nareto ti leven iran: eris tas jipe a ilpu atimi ahlap esjilid im ilpu atimi esege, mika eri efaifa vai yin par atgei yin.
2Ja eris ika ara, eri jim ago nedo ineigki ira adiat asjapicnaig, va eri jim ehtauo natimi.
3¶ Is amen aien Bedane anliin neom o Saimona natimi lepros, is wat ateuc aien um hag, is han intakata is ethi, um apos nipjinitai alabaster is amen iran nitai aspi nidincai upene nipin is alupas nimtan; is um ahtagarei nipjinitai aien, um atladwijai an nidjinin.
4Is edemda inliinmopoi nahaiji ra, um ika, Er auahas nitai aspi ineigki vanhe?
5el eh ahtai, pah leh tollar inyi forte im faiv um eled, par alupai ilpu ihki atimi. Is acen inliinmopura ara vai yin.
6Is ika a Iesu, Ude yin aijaua; eka auri aijaua par imyidohalav yin? et mun ago nauritai upene irak aien.
7Era amen a ilpu ihki atimi ehelemia irai iji adiat, el eka merit aijaua, et tup upene vai caua nagovaig nedo upene vai ra: ja inki ti amen ehelemia ainyak irai iji adiat
8Et mun ago nedo ineigki aien et emda aien par ago: et mun ham aien, um uhup um aspi nohuk va natelmoi nyak.
9Et inivaijec ineig ek asaig ehelemia ainyak mika, Uhpu asuptecnaig nedo ineigki et mun ago aien, nitai imyiehva yin irai iji pece asega an nobohtan, uhpu asuptecnaig intas-upene ineigki iran.
10¶ Is apan a Jutas nupu Karyot ehele ilpu atimi ahlap esjilid, mika yi aniv yin ehele ra, is atimi is ethi aien ira atimi is twelv.
11Eris wat atahaijeg ara, um imyiacitak ara, um upyi ika eri alupai yin mune, Is um imyiiris naopan upene aien par aniv yin ehele ra.
12AN nadiat uhup eris ecaig nareto ti leven iran, um atgei napaska, eris ika ehelen a ilpu atimi atahaijeg yin, Nai merit aiek vaig eda ecri apan aijama, um imyecrei napaska, mika apu ecaig aiek?
13Is abrai ohwat atimi atahaijeg yin is ero aien, um ika ehele rau, Apan aijaurau an nuarin-pece itaup ineig, etpu ehtet iramirau natimi inyi ethi, um apos nipjinitai inyi amen inwai iran: arumu apitac yin aijaurau:
14arumu asaig aijaurau ehele natimi alupas an neom ineig inyi apan iran aien, um ika, Et ika a Natimi esege, Nuarin-neom imi ilpu alaig yek eda, mika ki caig napaska iran ainyak im ilpu atimi atahaijeg nyak?
15Etpu asuptecnaig ehelemirau aien nuarin-neom ijinies um alupas, et amen niji itai iran er idim ikni: arumu imyecrei vai caija eahki aijaurau.
16Erus ahes eahki ahwat atimi atahaijeg yin erahki, um apan an nuarin-pece itaup iyehki, um ecetai et idivaig is asaig ehele rau aien: erus imyecrei napaska arau.
17Is wat jupura is han aien im lep atimi is twelv.
18Eris wat ateuc ara um hag, is ika a Iesu, Et idim inivaijec ineig ek asaig ehelemia ainyak mika, Etpu aniv nyak a natimi et ethi iramia et hag aien ehelek.
19Eris taigtaig ara, um ika athiathi ehelen, Ainyak, ka oʼo? ainyak, ka oʼo?
20Is tas aien, um ika ehele ra, Et ethi aien ira atimi et twelv, ecrau esipiaig nipjinitai aijumrau:
21et apan a Inhal o natimi et idivaig eris aged vai yin: ja aʼa, auwe vai nat naico et aniv Inhal o natimi aien! el is upene vai nat naico el eris eti apos yin.
22¶ Eris wat hag ara, is um leh nareto a Iesu, um naaurineig iran, um aswaplec, um alupai ra, um ika, Leh aijaua, um caig: nohuk ineigki.
23Is lep leh nipjinitai aien, um naaurineig iran, um alupai ra: eris umnyi ara asega.
24Is ika ehele ra aien, Inja irak ineigki vai intas-etipup mat, eh mun atladwi va atimi et ahinag:
25et inivaijec ineig ek asaig ehelemia ainyak mika, Inki ti lep umnyi nidi vaine ainyak, wat uhum pan nadiat iyehki ekpu umnyi waina mat ainyak an nelcau o Atua.
26¶ Eris acesaces nohranitai ara ja par apan an nedoon Olivet.
27Is ika ehele ra a Iesu, Akupu imyiehcamai nyak aijaua asega an nepeig ineigki: eris idim aged, um ika, “Ekpu auud natimi asgi siip ainyak, erupu terimterim jipe siip.”
28Ja ek wit nusjai ainyak, ekpu apan ainyak Calili, um uhup iramia.
29Ja is um ika ehelen a Pitrus, Neri imyiehcamai euc atimi asega, ja inki ti imyiehcamai euc ainyak.
30Is ika ehelen a Iesu, Et inivaijec ineig ek asaig ehelum ainyak mika, Napu ehceseij ateri nyak aiek, inpeg an nepeig, ja etpu ehcero ahlaig injaa.
31Ja is tas emda aien, um ika, El ek mas ainyak ehelum, el ek eti ateri euc ainyak. Is idim ucce intas ura asega.
32ERIS apan ara an nuarin is ethi, nidan Kedsemani: is ika aien ehele ilpu atimi atahaijeg yin, Ek wit alaigaheni ainyak, aki ateuc aijaua igcaki.
33Is leh Pitrus im Jakobus im Joanes aien, is ehioehio inliinmopon aien, um ohocred;
34um ika ehele ehtaij, Et ohocred alupas inliinmopok ainyak, um idivaig inmas: amen aijautaij igcaki, um aiji.
35Is eti elvatga aien, um eropse an nobohtan, um alaigaheni, um ika, El et wat eti ehka, etmu jim yetpan ehelek nuarin-nadiat iyehki.
36Is ika aien, Abba, ak Etmak, et tup upene vai euc niji itai asega; atipagki nipjinitai ineigki ehelek aiek: jai jim imyiaiji intas unyak, jam imyiaiji intas unyum.
37Is han aien, um ecet ehtaij numjegvaig, um ika ehele Pitrus, Ak Saimona, tak umjeg aiek; na auatialidi aiek naijivaig an aur et ethi ache, ka oʼo?
38aiji aijautaij um alaigaheni, va ahtiji jim apan an nedo oop cautaij; et emda inliinmopomitaij aijautaij, jam auatialidi nohumitaij.
39Is aketo aien um han alaigaheni, um lep asan tas iji ehki.
40Is adumoij pan aien, um ecet ehtaij numjegvaig, (is aroparop nesganimtai ehtaij,) is ehka vai ehtaij nasaigvaig tah nitai ehelen.
41Is ehceseij han aien, um ika ehele ehtaij, Umjeg aijautaij, um atumop: et idim upene, et mun yetpam nuarin-nadiat ineig; eh mun aniv Inhal o natimi ehele ilpu atimi auatatimi:
42atidai aijautaij, ti atga uja akaija; et mun ubutpotet aien et aniv nyak aien.
43¶ Is wat tas aien, is auroauro um han a Jutas, natimi is ethi aien ira atimi is twelv, eris ahced yin atimi is ahinag, um apos auitoga im nelop, eris ahes ehele ilpu atimi ahlap esjilid ara, im ilpu atimi esege, im ilpu atimi tas alep.
44Is upyi hup a natimi ineig is aniv yin um asaig ehele ra, um ika, Aien ekpu aijumnyi yin ainyak, aien aigko; asjiraig yin aijaua, um imyiapan upene yin.
45Is wat yetpan eahki aien, is apan aien ehelen, um ika, Ak Natimi esege, ak Natimi esege; um aijumnyi yin.
46¶ Eris arop iran ara, um asjiraig yin.
47Is aihiacse nauitoga a natimi is ethi ira ra eris aiji ubutpotet, um auud naheca o natimi esjilid an nahlap, um auudyialis intikgan.
48Is tas a Iesu, um ika ehele ra, Eka mun idim ham aijaua, um apos auitoga im nelop, um auanedo an natimi ehneg itai irak, mika aki leh nyak:
49kis amen ehelemia ainyak irai iji adiat anliin neom ahlap, um esege, ja akis eti arop irak aijaua: jai va uhpu ehneijid intas eris aged.
50Eris ude yin ara asega, um aha.
51Ja is apitac yin intakuras is ethi, is ahelig pam yin aien an napelumai yilyil; eris arop iran a ilpu takuras:
52is apijadi napelumai iyehki iran aien, um aha vai ra, is tup atga aien.
53ERIS imyiapan Iesu ara ehele natimi esjilid an nahlap: eris asjapicnaig ehelen a ilpu atimi ahlap esjilid asega, im ilpu atimi tas alep, im ilpu atimi esege.
54Is apitac yin a Pitrus, jam itac acen vai yin, um apan an nimnim o natimi esjilid an nahlap: is ateuc aien ehele ilpu aheca, um atijcop.
55Eris ahilek atimi par asan tas ahcil vai Iesu a ilpu atimi ahlap esjilid, im ilpu atimi tas alep asega, mika eri atgei yin; jam eti ecet tah.
56Eris asan tas ahcil vai yin natimi is ahinag, ja is acheiachei intas ura.
57Eris atidai nahaiji ra, um asan tas ahcil vai yin, um ika,
58Ecris atahaijeg intas o un aijama, is ika aien, Ekpu auahas neom ahlap ineigki ainyak, eris ago atimi irai ikmara, um lep ago inyi eche an nadiat inyi eseij, um eti ago irai ikmai atimi.
59Ja is lep acheiachei intas ura.
60Is atidai a natimi esjilid an nahlap an nuhup ura, um ahodai Iesu, um ika, Na asaig tah nitai aiek, ka oʼo? inhe ineigki era asuptecnaig vai euc ara sji eigki?
61Ja is eti tas aien, um eti asaig tah nitai. Is lep ahodai yin a natimi esjilid an nahlap, um ika ehelen, Nai Kristo aiek, Inhal o un Et upene aien, ka oʼo?
62Is ika a Iesu, Maiya: akupu ecet Inhal o natimi aijaua nateucvaig an matan Et emda aien, im lep napam o un an nepeig an nohatag.
63Is um ahpati napelumai iran a natimi esjilid an nahlap, um ika, Inta auri akaija par lep ahilek atimi par asuptecnaig vai yin?
64eka mun atahaijeg intas has esjilid o un aijaua: eka ikha aijaua? Eris ika ara asega, Et upene natgei yin vaig.
65Eris um agdei yin nahaiji ra, um adahpoi nesganimtan, um abli yin, um ika ehelen, Asuptecnaig aiek. Eris lep ahpoi yin irai ikmara a ilpu aheca.
66IS wat amen a Pitrus sepamki an nimnim, is um han naheca atahaig is ethi o natimi esjilid an nahlap:
67is wat ecet Pitrus aien natijcopvaig, is almaijidjid yin aien, um ika, As amen ehele iesu nup an Nasared aiek.
68Is ateri aien, um ika, Ek eti ato ainyak, um eti ahaijeg intas ineig na asaig aiek. Is alau ijo aien, um apan an naiyu an neom; is um ahlaig injaa.
69Is um lep ecet yin naheca atahaig, um ika ehele atimi aiji ubutpotet, Et atimi et ethi ira ra aien.
70Is lep aketo aien um ateri. Eris epitpitac ara eris aiji ubutpotet, um ika ehele Pitrus, Nai idim atimi et ethi ira ra aiek: na upu Calili aiek, na auoh intas ura aiek.
71Is asan tas has aien, um asan tas itaup, um ika, Ek eti ato natimi ineigki ainyak, eka tas vai yin aijaua.
72Is um ehcero ahlaig injaa. Is imyiehva a Pitrus intas iyehki is asaig ehelen a Iesu, um ika, Napu ehceseij ateri nyak aiek, ja etpu ehcero ahlaig injaa. Is wat aktaktai aien, um imyitaig.
Atualmente selecionado:
Markus 14: VAO63
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Vanuatu Bible (Intas Etipup) © United Bible Societies, 1863, 2019.
Markus 14
14
Nuarin-tas alupas 14.
1IS wat ti pan itac nadiat is ero eris asjapicnaig va napaska im nareto ti leven iran: eris tas jipe a ilpu atimi ahlap esjilid im ilpu atimi esege, mika eri efaifa vai yin par atgei yin.
2Ja eris ika ara, eri jim ago nedo ineigki ira adiat asjapicnaig, va eri jim ehtauo natimi.
3¶ Is amen aien Bedane anliin neom o Saimona natimi lepros, is wat ateuc aien um hag, is han intakata is ethi, um apos nipjinitai alabaster is amen iran nitai aspi nidincai upene nipin is alupas nimtan; is um ahtagarei nipjinitai aien, um atladwijai an nidjinin.
4Is edemda inliinmopoi nahaiji ra, um ika, Er auahas nitai aspi ineigki vanhe?
5el eh ahtai, pah leh tollar inyi forte im faiv um eled, par alupai ilpu ihki atimi. Is acen inliinmopura ara vai yin.
6Is ika a Iesu, Ude yin aijaua; eka auri aijaua par imyidohalav yin? et mun ago nauritai upene irak aien.
7Era amen a ilpu ihki atimi ehelemia irai iji adiat, el eka merit aijaua, et tup upene vai caua nagovaig nedo upene vai ra: ja inki ti amen ehelemia ainyak irai iji adiat
8Et mun ago nedo ineigki aien et emda aien par ago: et mun ham aien, um uhup um aspi nohuk va natelmoi nyak.
9Et inivaijec ineig ek asaig ehelemia ainyak mika, Uhpu asuptecnaig nedo ineigki et mun ago aien, nitai imyiehva yin irai iji pece asega an nobohtan, uhpu asuptecnaig intas-upene ineigki iran.
10¶ Is apan a Jutas nupu Karyot ehele ilpu atimi ahlap esjilid, mika yi aniv yin ehele ra, is atimi is ethi aien ira atimi is twelv.
11Eris wat atahaijeg ara, um imyiacitak ara, um upyi ika eri alupai yin mune, Is um imyiiris naopan upene aien par aniv yin ehele ra.
12AN nadiat uhup eris ecaig nareto ti leven iran, um atgei napaska, eris ika ehelen a ilpu atimi atahaijeg yin, Nai merit aiek vaig eda ecri apan aijama, um imyecrei napaska, mika apu ecaig aiek?
13Is abrai ohwat atimi atahaijeg yin is ero aien, um ika ehele rau, Apan aijaurau an nuarin-pece itaup ineig, etpu ehtet iramirau natimi inyi ethi, um apos nipjinitai inyi amen inwai iran: arumu apitac yin aijaurau:
14arumu asaig aijaurau ehele natimi alupas an neom ineig inyi apan iran aien, um ika, Et ika a Natimi esege, Nuarin-neom imi ilpu alaig yek eda, mika ki caig napaska iran ainyak im ilpu atimi atahaijeg nyak?
15Etpu asuptecnaig ehelemirau aien nuarin-neom ijinies um alupas, et amen niji itai iran er idim ikni: arumu imyecrei vai caija eahki aijaurau.
16Erus ahes eahki ahwat atimi atahaijeg yin erahki, um apan an nuarin-pece itaup iyehki, um ecetai et idivaig is asaig ehele rau aien: erus imyecrei napaska arau.
17Is wat jupura is han aien im lep atimi is twelv.
18Eris wat ateuc ara um hag, is ika a Iesu, Et idim inivaijec ineig ek asaig ehelemia ainyak mika, Etpu aniv nyak a natimi et ethi iramia et hag aien ehelek.
19Eris taigtaig ara, um ika athiathi ehelen, Ainyak, ka oʼo? ainyak, ka oʼo?
20Is tas aien, um ika ehele ra, Et ethi aien ira atimi et twelv, ecrau esipiaig nipjinitai aijumrau:
21et apan a Inhal o natimi et idivaig eris aged vai yin: ja aʼa, auwe vai nat naico et aniv Inhal o natimi aien! el is upene vai nat naico el eris eti apos yin.
22¶ Eris wat hag ara, is um leh nareto a Iesu, um naaurineig iran, um aswaplec, um alupai ra, um ika, Leh aijaua, um caig: nohuk ineigki.
23Is lep leh nipjinitai aien, um naaurineig iran, um alupai ra: eris umnyi ara asega.
24Is ika ehele ra aien, Inja irak ineigki vai intas-etipup mat, eh mun atladwi va atimi et ahinag:
25et inivaijec ineig ek asaig ehelemia ainyak mika, Inki ti lep umnyi nidi vaine ainyak, wat uhum pan nadiat iyehki ekpu umnyi waina mat ainyak an nelcau o Atua.
26¶ Eris acesaces nohranitai ara ja par apan an nedoon Olivet.
27Is ika ehele ra a Iesu, Akupu imyiehcamai nyak aijaua asega an nepeig ineigki: eris idim aged, um ika, “Ekpu auud natimi asgi siip ainyak, erupu terimterim jipe siip.”
28Ja ek wit nusjai ainyak, ekpu apan ainyak Calili, um uhup iramia.
29Ja is um ika ehelen a Pitrus, Neri imyiehcamai euc atimi asega, ja inki ti imyiehcamai euc ainyak.
30Is ika ehelen a Iesu, Et inivaijec ineig ek asaig ehelum ainyak mika, Napu ehceseij ateri nyak aiek, inpeg an nepeig, ja etpu ehcero ahlaig injaa.
31Ja is tas emda aien, um ika, El ek mas ainyak ehelum, el ek eti ateri euc ainyak. Is idim ucce intas ura asega.
32ERIS apan ara an nuarin is ethi, nidan Kedsemani: is ika aien ehele ilpu atimi atahaijeg yin, Ek wit alaigaheni ainyak, aki ateuc aijaua igcaki.
33Is leh Pitrus im Jakobus im Joanes aien, is ehioehio inliinmopon aien, um ohocred;
34um ika ehele ehtaij, Et ohocred alupas inliinmopok ainyak, um idivaig inmas: amen aijautaij igcaki, um aiji.
35Is eti elvatga aien, um eropse an nobohtan, um alaigaheni, um ika, El et wat eti ehka, etmu jim yetpan ehelek nuarin-nadiat iyehki.
36Is ika aien, Abba, ak Etmak, et tup upene vai euc niji itai asega; atipagki nipjinitai ineigki ehelek aiek: jai jim imyiaiji intas unyak, jam imyiaiji intas unyum.
37Is han aien, um ecet ehtaij numjegvaig, um ika ehele Pitrus, Ak Saimona, tak umjeg aiek; na auatialidi aiek naijivaig an aur et ethi ache, ka oʼo?
38aiji aijautaij um alaigaheni, va ahtiji jim apan an nedo oop cautaij; et emda inliinmopomitaij aijautaij, jam auatialidi nohumitaij.
39Is aketo aien um han alaigaheni, um lep asan tas iji ehki.
40Is adumoij pan aien, um ecet ehtaij numjegvaig, (is aroparop nesganimtai ehtaij,) is ehka vai ehtaij nasaigvaig tah nitai ehelen.
41Is ehceseij han aien, um ika ehele ehtaij, Umjeg aijautaij, um atumop: et idim upene, et mun yetpam nuarin-nadiat ineig; eh mun aniv Inhal o natimi ehele ilpu atimi auatatimi:
42atidai aijautaij, ti atga uja akaija; et mun ubutpotet aien et aniv nyak aien.
43¶ Is wat tas aien, is auroauro um han a Jutas, natimi is ethi aien ira atimi is twelv, eris ahced yin atimi is ahinag, um apos auitoga im nelop, eris ahes ehele ilpu atimi ahlap esjilid ara, im ilpu atimi esege, im ilpu atimi tas alep.
44Is upyi hup a natimi ineig is aniv yin um asaig ehele ra, um ika, Aien ekpu aijumnyi yin ainyak, aien aigko; asjiraig yin aijaua, um imyiapan upene yin.
45Is wat yetpan eahki aien, is apan aien ehelen, um ika, Ak Natimi esege, ak Natimi esege; um aijumnyi yin.
46¶ Eris arop iran ara, um asjiraig yin.
47Is aihiacse nauitoga a natimi is ethi ira ra eris aiji ubutpotet, um auud naheca o natimi esjilid an nahlap, um auudyialis intikgan.
48Is tas a Iesu, um ika ehele ra, Eka mun idim ham aijaua, um apos auitoga im nelop, um auanedo an natimi ehneg itai irak, mika aki leh nyak:
49kis amen ehelemia ainyak irai iji adiat anliin neom ahlap, um esege, ja akis eti arop irak aijaua: jai va uhpu ehneijid intas eris aged.
50Eris ude yin ara asega, um aha.
51Ja is apitac yin intakuras is ethi, is ahelig pam yin aien an napelumai yilyil; eris arop iran a ilpu takuras:
52is apijadi napelumai iyehki iran aien, um aha vai ra, is tup atga aien.
53ERIS imyiapan Iesu ara ehele natimi esjilid an nahlap: eris asjapicnaig ehelen a ilpu atimi ahlap esjilid asega, im ilpu atimi tas alep, im ilpu atimi esege.
54Is apitac yin a Pitrus, jam itac acen vai yin, um apan an nimnim o natimi esjilid an nahlap: is ateuc aien ehele ilpu aheca, um atijcop.
55Eris ahilek atimi par asan tas ahcil vai Iesu a ilpu atimi ahlap esjilid, im ilpu atimi tas alep asega, mika eri atgei yin; jam eti ecet tah.
56Eris asan tas ahcil vai yin natimi is ahinag, ja is acheiachei intas ura.
57Eris atidai nahaiji ra, um asan tas ahcil vai yin, um ika,
58Ecris atahaijeg intas o un aijama, is ika aien, Ekpu auahas neom ahlap ineigki ainyak, eris ago atimi irai ikmara, um lep ago inyi eche an nadiat inyi eseij, um eti ago irai ikmai atimi.
59Ja is lep acheiachei intas ura.
60Is atidai a natimi esjilid an nahlap an nuhup ura, um ahodai Iesu, um ika, Na asaig tah nitai aiek, ka oʼo? inhe ineigki era asuptecnaig vai euc ara sji eigki?
61Ja is eti tas aien, um eti asaig tah nitai. Is lep ahodai yin a natimi esjilid an nahlap, um ika ehelen, Nai Kristo aiek, Inhal o un Et upene aien, ka oʼo?
62Is ika a Iesu, Maiya: akupu ecet Inhal o natimi aijaua nateucvaig an matan Et emda aien, im lep napam o un an nepeig an nohatag.
63Is um ahpati napelumai iran a natimi esjilid an nahlap, um ika, Inta auri akaija par lep ahilek atimi par asuptecnaig vai yin?
64eka mun atahaijeg intas has esjilid o un aijaua: eka ikha aijaua? Eris ika ara asega, Et upene natgei yin vaig.
65Eris um agdei yin nahaiji ra, um adahpoi nesganimtan, um abli yin, um ika ehelen, Asuptecnaig aiek. Eris lep ahpoi yin irai ikmara a ilpu aheca.
66IS wat amen a Pitrus sepamki an nimnim, is um han naheca atahaig is ethi o natimi esjilid an nahlap:
67is wat ecet Pitrus aien natijcopvaig, is almaijidjid yin aien, um ika, As amen ehele iesu nup an Nasared aiek.
68Is ateri aien, um ika, Ek eti ato ainyak, um eti ahaijeg intas ineig na asaig aiek. Is alau ijo aien, um apan an naiyu an neom; is um ahlaig injaa.
69Is um lep ecet yin naheca atahaig, um ika ehele atimi aiji ubutpotet, Et atimi et ethi ira ra aien.
70Is lep aketo aien um ateri. Eris epitpitac ara eris aiji ubutpotet, um ika ehele Pitrus, Nai idim atimi et ethi ira ra aiek: na upu Calili aiek, na auoh intas ura aiek.
71Is asan tas has aien, um asan tas itaup, um ika, Ek eti ato natimi ineigki ainyak, eka tas vai yin aijaua.
72Is um ehcero ahlaig injaa. Is imyiehva a Pitrus intas iyehki is asaig ehelen a Iesu, um ika, Napu ehceseij ateri nyak aiek, ja etpu ehcero ahlaig injaa. Is wat aktaktai aien, um imyitaig.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Vanuatu Bible (Intas Etipup) © United Bible Societies, 1863, 2019.