Markus 15
15
Nuarin-tas alupas 15.
1IS wat lahlah an tak apnyin, eris tas jipe a ilpu atimi ahlap esjilid, im ilpu atimi tas alep, im ilpu atimi esege, im lep ilpu atimi asega u nasjapicnaig, um arore Iesu, um imyiapan yin, um ati yin ehele Pailet.
2Is ahodai yin a Pailet, um ika, Na Atimarid u nupu Jutaia aiek, ka oʼo? Is tas aien, um ika ehelen, Na mun asaig aiek.
3Eris atijai niji itai is ahinag iran a ilpu atimi ahlap esjilid; ja is eti tas aien.
4Is lep ahodai yin a Pailet, um ika, Na auri aiek par eti tas? et ahinag intas iji eigki era asuptecnaig vai euc ara.
5Ja is eti tas a Iesu; is um imyiali a Pailet.
6Nedo o un ineigki irai iji asjapicnaig va napaska, is ahiyi natimi is ethi aien eris arore yin, aien aigki eris merit vai yin ara.
7Is eteuc natimi is ethi, nidan Barabas, eris arore yin, im lep atimi eris ahced yin ara an nehtauo, eris atgei natmas ara an nehtauo iyehki.
8Eris ahlaig ijinies natimi is ahinag, um ugni yin mika yi ago vai ra et idivaig nupyi edo o un.
9Ja is tas ehele ra a Pailet, um ika, Eka merit aijaua mika ki ahiyi Natimarid u nupu Jutaia imi caua ainyak, ka oʼo?
10Is ato aien, nikavaig, eris ati yin an nuhup o un a ilpu atimi ahlap esjilid va nauatitai ura rai yin.
11Eris ehtei tas imi atimi is ahinag a ilpu atimi ahlap esjilid, mika eri ugni yin yi ahiyi Barabas imi ra.
12Is lep tas a Pailet, um ika ehele ra, Eka merit aijaua mika ki ago inhe ainyak vai yin eka anvi nidan aijaua par ika Natimarid u nupu Jutaia?
13Eris lep ahlaig ijinies ara, um ika, Atgei yin aiek an nauincai atgeig.
14Is um ika ehele ra a Pailet, Auri? is ago nev edo has aien? Eris um lep ahlaig ijinies acen ara, um ika, Atgei yin aiek an nauincai atgeig.
15¶ Is merit a Pailet neropsevaig inliinmopoi atimi, um ahiyi Barabas imi ra, um aredei Iesu, um atceijai yin ehele ra, mika eri atgei yin an nauincai atgeig.
16ERIS imyiapan yin a ilpu eucsupo an nimnim o Natimarid, nidan Pritoryum; eris lep asjapicnaig pan ilpu eucsupo asega ara;
17um aso yin ara an napelumai cop, um ahod incat irai itai upunupun, um adgaig imi yin;
18eris aiheuc vai yin ara, ika, Kaiheuc vai euc, ak Natimarid u nupu Jutaia!
19Eris auud nidjinin ara an nauanieg, um agdei yin, um atpuse, um alaigaheni vai yin.
20Eris wat imyiafakahcil yin ara, eris atipagki napelumai cop iran ara, um lep aso yin an napelumai o un, um imyialau ijo yin mika eri atgei yin an nauincai atgeig.
21Eris acaiji natimi is ethi ara, Saimona, nupu Sairini, is ahes an tah anuarin aien, um atga an nefalaig, is etmai Aleksanter im Rufus aien, mika yi ahelwei nauincai atgeig o un aien.
22ERIS imyiapan yin ara an nuarin is ethi nidan Colcoda, nesgan tas ineigki, Nuarin o nipjinipek o atimi.
23Eris ati nitai auanipin a waina, um aluman: ja is eti umnyi aien.
24Eris wat atgei yin ara an nauincai atgeig, ja par ahai apelumai o un, um edaig jipe itai asjaaicnaig va apelumai, mika eri ato nitai iji eig eri leucse atimi asega.
25Is wat adiat metto, eris atgei yin ara an nauincai atgeig.
26Eris aged nitasvitai par asuptecnaig nitai ineig eris atgei yin vaig, um atijai ijinies, um ika, NATIMARID U NUPU JUTAIA.
27Eris lep atgei natimi ehneg itai is ero ehelen; is ethi an matan, im lep is ethi an moun.
28Is um ehneijid intas ineig eris upyi aged, um ika, “Eris esvi pan yin irai ilpu atimi auatatimi.”
29Ara eris atga an nefalaig ara, eris atuh yin ara, um auhohaig nidjinira, um ika, Auwi! aiek, na auahas neom ahlap aiek, um lep actaig an nadiat et eseij,
30namu imyiatamaig euc aiek, um asuol an nauincai atgeig.
31Eris lep imyiafakahcil yin a ilpu atimi ahlap esjilid, im ilpu atimi esege, um ika sjipe ehele ra, Is imyiatamaig tak atimi aien; jam auatialidi par imyiatamaig yin;
32etmu asuol an nauincai atgeig a Kristo Natimarid u nupu Isreel, mika ti ecet yin akaija, um asgeig iran. Erus lep asan tas has vai yin arau eris atgei rau an nauincai atgeig ehelen.
33Is wat adiatadiat, is um asuol inmehcim an pece asega um yetpan an jupki.
34Is wat jupki, is ahlaig ijinies a Iesu, um ika, “Eloi, Eloi, lema sabakdenai?” nesgan tas ineigki, “Ak Atua unyak, ak Atua unyak, na auri aiek par ude nyak?”
35Eris atahaijeg intas o un nahaiji ra eris aiji ubutpotet, um ika, Et ahlaig vai Elaija aien.
36Is um athut natimi is ethi, um leh nisa, um ahtaijuli a vinecar, um ahcai an nauanieg, um aluman, um ika, Eklim erop; intupu almoi akaija, kit etpu yetpam a Elaija par atise yin.
37Is um ahlaig ijinies a Iesu, um edekjai nesgan.
38Is ahpati natcai apelumai anliin neom ahlap, is ahes ijinies um asuol.
39¶ Is wat ecetai nahlaig o un a natimi alupas u ilpu eucsupo, is aiji an nuhup o un aien, im nedekjai o nesgan, is ika aien, Et inivaijec ineig, nikavaig, et Hal o Atua a natimi ineigki.
40Eris lep aiji a ilpu takata itac acen, um almoi: ehtijis amen ehele ra a Mere nupu Mactala, im Mere risi Jakobus atiminivaijec im Joses, im Salomi;
41is wat amen aien Calili, ehtijis lep apitac yin ahtaij, um aheca o un; im lep ilpu takata is ahinag is eche, eris ahced yin ara um yetpan Jerusalem.
42IS wat jupura, va nitai ineig is adiat auaretha, nikavaig, nadiat asgeig pan nadiat atumop,
43is emda a Joseph nupu Arimadia, um apan ehele Pailet, um ugni nohui Iesu, is atimi tas alep upene aien, um aitgaig nelcau o Atua.
44Is imyiali a Pailet va nauroauro o unmas o un: is ahlaig va natimi alupas o ilpu eucsupo aien, um ahodai yin, um ika, Et mun mas aien itu, ka oʼo?
45Is wat asuptecnaig ehelen a natimi alupas o ilpu eucsupo, is alupai Josef nohun aien.
46Is auanimtan napelumai yilyil aien, um atise yin, um aso yin an napelumai iyehki, um ati yin an mun nij eris ahti, um atcelcaig inhat um atapanes an neucsen mun nij.
47Erus ecetai a Mere nupu Mactala, im Mere risi Joses, nuarin ineig eris ati yin iran.
Atualmente selecionado:
Markus 15: VAO63
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Vanuatu Bible (Intas Etipup) © United Bible Societies, 1863, 2019.
Markus 15
15
Nuarin-tas alupas 15.
1IS wat lahlah an tak apnyin, eris tas jipe a ilpu atimi ahlap esjilid, im ilpu atimi tas alep, im ilpu atimi esege, im lep ilpu atimi asega u nasjapicnaig, um arore Iesu, um imyiapan yin, um ati yin ehele Pailet.
2Is ahodai yin a Pailet, um ika, Na Atimarid u nupu Jutaia aiek, ka oʼo? Is tas aien, um ika ehelen, Na mun asaig aiek.
3Eris atijai niji itai is ahinag iran a ilpu atimi ahlap esjilid; ja is eti tas aien.
4Is lep ahodai yin a Pailet, um ika, Na auri aiek par eti tas? et ahinag intas iji eigki era asuptecnaig vai euc ara.
5Ja is eti tas a Iesu; is um imyiali a Pailet.
6Nedo o un ineigki irai iji asjapicnaig va napaska, is ahiyi natimi is ethi aien eris arore yin, aien aigki eris merit vai yin ara.
7Is eteuc natimi is ethi, nidan Barabas, eris arore yin, im lep atimi eris ahced yin ara an nehtauo, eris atgei natmas ara an nehtauo iyehki.
8Eris ahlaig ijinies natimi is ahinag, um ugni yin mika yi ago vai ra et idivaig nupyi edo o un.
9Ja is tas ehele ra a Pailet, um ika, Eka merit aijaua mika ki ahiyi Natimarid u nupu Jutaia imi caua ainyak, ka oʼo?
10Is ato aien, nikavaig, eris ati yin an nuhup o un a ilpu atimi ahlap esjilid va nauatitai ura rai yin.
11Eris ehtei tas imi atimi is ahinag a ilpu atimi ahlap esjilid, mika eri ugni yin yi ahiyi Barabas imi ra.
12Is lep tas a Pailet, um ika ehele ra, Eka merit aijaua mika ki ago inhe ainyak vai yin eka anvi nidan aijaua par ika Natimarid u nupu Jutaia?
13Eris lep ahlaig ijinies ara, um ika, Atgei yin aiek an nauincai atgeig.
14Is um ika ehele ra a Pailet, Auri? is ago nev edo has aien? Eris um lep ahlaig ijinies acen ara, um ika, Atgei yin aiek an nauincai atgeig.
15¶ Is merit a Pailet neropsevaig inliinmopoi atimi, um ahiyi Barabas imi ra, um aredei Iesu, um atceijai yin ehele ra, mika eri atgei yin an nauincai atgeig.
16ERIS imyiapan yin a ilpu eucsupo an nimnim o Natimarid, nidan Pritoryum; eris lep asjapicnaig pan ilpu eucsupo asega ara;
17um aso yin ara an napelumai cop, um ahod incat irai itai upunupun, um adgaig imi yin;
18eris aiheuc vai yin ara, ika, Kaiheuc vai euc, ak Natimarid u nupu Jutaia!
19Eris auud nidjinin ara an nauanieg, um agdei yin, um atpuse, um alaigaheni vai yin.
20Eris wat imyiafakahcil yin ara, eris atipagki napelumai cop iran ara, um lep aso yin an napelumai o un, um imyialau ijo yin mika eri atgei yin an nauincai atgeig.
21Eris acaiji natimi is ethi ara, Saimona, nupu Sairini, is ahes an tah anuarin aien, um atga an nefalaig, is etmai Aleksanter im Rufus aien, mika yi ahelwei nauincai atgeig o un aien.
22ERIS imyiapan yin ara an nuarin is ethi nidan Colcoda, nesgan tas ineigki, Nuarin o nipjinipek o atimi.
23Eris ati nitai auanipin a waina, um aluman: ja is eti umnyi aien.
24Eris wat atgei yin ara an nauincai atgeig, ja par ahai apelumai o un, um edaig jipe itai asjaaicnaig va apelumai, mika eri ato nitai iji eig eri leucse atimi asega.
25Is wat adiat metto, eris atgei yin ara an nauincai atgeig.
26Eris aged nitasvitai par asuptecnaig nitai ineig eris atgei yin vaig, um atijai ijinies, um ika, NATIMARID U NUPU JUTAIA.
27Eris lep atgei natimi ehneg itai is ero ehelen; is ethi an matan, im lep is ethi an moun.
28Is um ehneijid intas ineig eris upyi aged, um ika, “Eris esvi pan yin irai ilpu atimi auatatimi.”
29Ara eris atga an nefalaig ara, eris atuh yin ara, um auhohaig nidjinira, um ika, Auwi! aiek, na auahas neom ahlap aiek, um lep actaig an nadiat et eseij,
30namu imyiatamaig euc aiek, um asuol an nauincai atgeig.
31Eris lep imyiafakahcil yin a ilpu atimi ahlap esjilid, im ilpu atimi esege, um ika sjipe ehele ra, Is imyiatamaig tak atimi aien; jam auatialidi par imyiatamaig yin;
32etmu asuol an nauincai atgeig a Kristo Natimarid u nupu Isreel, mika ti ecet yin akaija, um asgeig iran. Erus lep asan tas has vai yin arau eris atgei rau an nauincai atgeig ehelen.
33Is wat adiatadiat, is um asuol inmehcim an pece asega um yetpan an jupki.
34Is wat jupki, is ahlaig ijinies a Iesu, um ika, “Eloi, Eloi, lema sabakdenai?” nesgan tas ineigki, “Ak Atua unyak, ak Atua unyak, na auri aiek par ude nyak?”
35Eris atahaijeg intas o un nahaiji ra eris aiji ubutpotet, um ika, Et ahlaig vai Elaija aien.
36Is um athut natimi is ethi, um leh nisa, um ahtaijuli a vinecar, um ahcai an nauanieg, um aluman, um ika, Eklim erop; intupu almoi akaija, kit etpu yetpam a Elaija par atise yin.
37Is um ahlaig ijinies a Iesu, um edekjai nesgan.
38Is ahpati natcai apelumai anliin neom ahlap, is ahes ijinies um asuol.
39¶ Is wat ecetai nahlaig o un a natimi alupas u ilpu eucsupo, is aiji an nuhup o un aien, im nedekjai o nesgan, is ika aien, Et inivaijec ineig, nikavaig, et Hal o Atua a natimi ineigki.
40Eris lep aiji a ilpu takata itac acen, um almoi: ehtijis amen ehele ra a Mere nupu Mactala, im Mere risi Jakobus atiminivaijec im Joses, im Salomi;
41is wat amen aien Calili, ehtijis lep apitac yin ahtaij, um aheca o un; im lep ilpu takata is ahinag is eche, eris ahced yin ara um yetpan Jerusalem.
42IS wat jupura, va nitai ineig is adiat auaretha, nikavaig, nadiat asgeig pan nadiat atumop,
43is emda a Joseph nupu Arimadia, um apan ehele Pailet, um ugni nohui Iesu, is atimi tas alep upene aien, um aitgaig nelcau o Atua.
44Is imyiali a Pailet va nauroauro o unmas o un: is ahlaig va natimi alupas o ilpu eucsupo aien, um ahodai yin, um ika, Et mun mas aien itu, ka oʼo?
45Is wat asuptecnaig ehelen a natimi alupas o ilpu eucsupo, is alupai Josef nohun aien.
46Is auanimtan napelumai yilyil aien, um atise yin, um aso yin an napelumai iyehki, um ati yin an mun nij eris ahti, um atcelcaig inhat um atapanes an neucsen mun nij.
47Erus ecetai a Mere nupu Mactala, im Mere risi Joses, nuarin ineig eris ati yin iran.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Vanuatu Bible (Intas Etipup) © United Bible Societies, 1863, 2019.