Maatiusiup Aglangit 1
1
Jiisusi Christuusiup Sivuliviningit
Luukasi 3:23-38
1Ukua nalunaiqsivut Jiisusi Christuusiup sivulivininginnik, taanna Taivitiup kinguvaarilautanga, Aiprahaamlu kinguvaarilluniuk.
2Aiprahaam irniqtaarivaa Aisaki, Aisaki irniqtaaqpuq Jaikumik, Jaikup irniqtaapuq Juutamik qatanngutinginnillu. 3Juuta irniqtaaqpuq Pirisi Jiiralu anaanaqaqtuuk Tamaarimik, Pirisi irniqtaapuq Hisran, Hisran irniqtaarivaa Raam, 4Raamiullu irniqtaarivaa Aminatap, Aminataullu irniqtaarivaa Naisana, Naisanaullu irniqtaarivaa Saalman, 5Saalmanaullu irniqtaarivaa Puasi Raihaapimit, Puasiullu irniqtaarivaa Upiti Ruutimit, Upitiullu irniqtaarivaa Jisi, 6Jisiullu irniqtaarivaa angajuqqaarjuaq Taiviti.
Taivitimit pigiarlugit Paapiluunimut aullarujjauninginnut tikillugit, taakkua kinguvaarit titiraqsimagivut; Taivitiup irniqtaarivaa Suulumuuni Juraiap nuliarilauqtanganit. 7Suulumuuniup irniqtaarivaa Rihupuam, Rihupuam irniqtaarivaa Apaija, Apaijaup irniqtaarivaa Aisa, 8Aisaup irniqtaarivaa Jihuusapat, Jihuusapat irniqtaarivaa Juraam, Juraamiup irniqtaarivaa Usaia, 9Usaiaup irniqtaarivaa Juutam, Juutamiup irniqtaarivaa Aihas, Aihasiup irniqtaarivaa Hisikaia, 10Hisikaiaup irniqtaarivaa Manasi, Manasiup irniqtaarivaa Aimuusi, Aimuusiup irniqtaariva Jusaia, 11Jusaiaup irniqtaarivaa Jikunaia qatanngutingillu, tavvani Paapiluunimut aullarujjaulilauqput.
12Paapiluunimut aullarujjauninganit kinguvaariit titiraqsimagivut; Jikunaiaup irniqtaarivaa Sialtiul, Sialtiuliup irniqtaarivaa Jirupapiul, 13Jirupapiuliup irniqtaarivaa Apiut, Apiutiup irniqtaarivaa Iliakim, Iliakimiup irniqtaarivaa Asuri, 14Asuriup irniqtaarivaa Satuuk, Satuukiup irniqtaarivaa Akim, Akimiup irniqtaarivaa Iliut, 15Iliutiup irniqtaarivaa Iliasa, Iliasaup irniqtaarivaa Maatana, Maatanaup irniqtaarivaa Jaiku, 16Jaikuup irniqtaarivaa Juusipi Miariup uinga, taassuma irniqtaarivaa Jiisusi, taanna Christuusimik taijaujuq.
17Tavva Aiprahaammit Taiviti tikillugu irniriit 14-nguvut, Taivitimillu Paapiluunimut aullarujjauningannut tikillugu irniriit 14-ngugivut, Paapiluunimullu aullarujjauninganit Christuusiup irnianguninga tikillugu irniriit 14-ngugivut.
Jiisusi Christuusiup Irnianguninga
Luukasi 2:1-7
18Jiisusi Christuusiup irnianguninga imaak pilauqpuq. Anaananga Miari uiksaqalaurmat Juusipimik, katilauratigli Miari qaujijauvuq nutaraksaqaliqtuq Anirnirmit Ijjurnaittumit pijumik; 19uiksanga Juusipi, piqujanik malitsiarami kanngusuktitsijumalaunngilaq Miarimik, isumaqaliqpuq qaujititsinngilluni avittumalluniuk. 20Tamatuminga isumaqaliqtillugu, takugit, Ataniup aingilingata saqqivvigivaa sinnaktuumakkut, uqarluni, “Juusipii, Taivitiup Irninga, sivuuraniarnak Miarimik nuliaqtaariaksaq, nutaraksanga Anirnirmit Ijjurnaittumit pingmat. 21Irnirmik irnijumaaqpuq, taanna Jiisusimik atiqtaaqtilaaqpat, taassuma inuqutini piulijumaarmagit ajurninginnit.”
22Tamanna taimailauqpuq Ataniup uqausingit nalauttaijukkut nalautsiliqullugit, imailijut: 23“Takugit, uiggasuk angummut aktuqtaulauqsimanngittuq nutaraksaqtaarumaaqpuq, irnirmik irnijumaarluni, taanna Imaanuilimik atiqaqtittumaaqpaat.” Atingata tukinga imailivuq, “Guutiup najuqpaatigut”.
24Juusipi siningminit tupakami, Ataniup aingilingata uqausingit maliglugit pinasualauqpuq; nuliaksani Miari nuliaqtaarivaa. 25Katimatuinnalauqpaali, aktulaurnagu, irnirmik irnilauqqaaqtinnagu; inuungmallu atiqtaaqtippaa Jiisusimik.
Atualmente selecionado:
Maatiusiup Aglangit 1: EAIBR
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Eastern Arctic Inuktitut Bible (Romanized) © Canadian Bible Society, 2022-2023.