MATEU 25
25
Bampëli untaaja, bameets-niints
1 #
Lúk 12.35
Unk, pësien batsi ka naam pi bampëli untaaja ba meets biki niints, bän jej biki ngëlamp bukul, a ba tsëp pii jëk ni nanim. 2Kañan tsi bukul, bë ci bafuur, a kañan ci bameko. 3A ban fuur bukunk kë jej ngëlamp bukul, bu tsijandats mkër. 4Maa a bameko bukun kë jej ngëlamp bukul, a ba tsijand mkër tsi itsuuni mul. 5Bi nanim wama bi ka jon pëbaandi, a ba ŋënd bëlieng aa ba ŋooy. 6Tsi myëŋ, a kalië tea, aja: ‘Nanim, abaandi oo! Nda cili ndii jëk ni nul!’ 7A bukul, bameets-niints, natsa bëlieng, a ba yecis ngëlamp bukul. 8A ban fuur bukunk ja bameko bukun: ‘Nda tseend wund ko tsi mkër ind, par ngëlamp wund ka tsas pëjimbar.’ 9A bameko yank bukul aja: ‘Nin a, di kee man kës wund ni ind. Nda roon ndë tsëp di ba waap mul, ndii weeli míic ind.’ 10Bi bu kë tsëp bi pëweeli mul, a nanim baandi. A bando bukunk yecis niaj ni nul pa ufesta bënim, a pëlëman dica. 11#Lúk 13.25Tsi bërun, a bacints bukul, bameets-niints, baandi a ba ja: ‘Ajug! Ajug! Waants wund!’ 12Maa a na yank bukul aja: ‘Mán leents ind ucär: Nji n meets ind.’ 13Bi u ci bank, nda waayan, par nda meets nin unu umënts, nin uwoora umënts.
Baleemp ba wëla biki këtaleentu
(Lúk 19.11-27)
14 #
Lúk 19.11-27
Pësien batsi naam pi ñaan ni kan pëni pëya bëyaas, a na rui balempul, a na pëtanan bukul bëkaul. 15Awël nalon këtaleentu kañan, nacints këtëb, a nawaajantsan pëloole; ñaan, ni ko wi na yëlan wi. Din a na pën aya bëyaas. 16A na yank unk këtaleentu kañan tsëp ee leempëna kul, a na gaañaari këtaleentu kañan këcínts. 17Unk, a na yank unk këtaleentu këtëb, gaañaari këtaleentu këtëb këcínts. 18Maa a na yank unk pëloole pën ee jëp baar tsi utsia, a na bek uncaam nawiakul. 19Bi u par bi ajon, a nawiak baleemp bamënts bukun witsee, a na tsu bukul ba ro unkoont. 20A nando unk yank këtaleentu kañan kikee, a na tsiji këtaleentu kañan këcínts, a na ja: ‘Ajug! M do tananin këtaleentu kañan, kañan këcínts kul ki, ki n gaañaari ki.’ 21A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’ 22A nando unk yank këtaleentu këtëb kikee buts, a na ja: ‘Ajug! M do tananin këtaleentu këtëb, këtaleentu këtëb këlon ki, ki n gaañaari ki.’ 23A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’ 24A nando unk yank pëtaleentu pëloole kikee buts, a na ja: ‘Ajug! Ma me m ci ñaan na liinci tsi ko unjaka wi; m ja m doon kë cët tsi m wayaants tsi, a kë jukëlën tsi m gurats tsi; 25a n lal, a n tsëp ee bek pëtaleentuu, di utsia. Pul pi, yankan aci piicu.’ 26A ajugul yankul aja: ‘Wi naleemp na waraatsee, a m ciind nabisarën! M do me nja ndoon koo cët tsi wayaants tsi, a n dë coonts tsi gurats tsi; 27m do ka pëtsu uncaam nji di bank, koo witsee iink, ka yanki ko un ci wi umiñ, ni balak. 28Nda caaniul pëtaleentu pun, ndë wël pul nan ka unk këtaleentu untaaja. 29#Mat 13.12; Mar 4.25; Lúk 8.18Par kaja nan kai, nii wëlaa, në ka na pelëkën. Maa nan kaatsi, nii caana ŋal ko wi na ka wi. 30#Mat 8.12; 22.13; Lúk 13.28A nda gutsanul naleemp nan kaats unk bëkat, di karëm utsand, tsul tsi irug kë ci tsun, ni kañaam irumaj.’
Kawat umundu pëleents
31 #
Mat 16.27
Mat 19.28
Uwal wi Abuk ñaan-najin kë bi wi di përëmbul, ni ngëwaanju bëlieng, në tsoar tsi pëtsoari-pësien, pi përëmbul. 32Bañaan ban cits biki Bajudeu bëlieng ka júk tsi bërunul, në patsës balon tsi bacints bukul, bi nayafan kë patsës bi ngënkaanel ni ngëpi; 33në tsu ngënkaanel tsi kariirul, maa ngëpi tsi kamay. 34Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki. 35Par mando n bonats, a nda wëlin bariala; a ndo n lofënts, a nda wëlin përaan; a ndo n ci natsooŋ, a nda welanin; 36a ndo n ci bëruent, a nda tiemanin; a ndo n maak, a nda bi pëteenin; a ndo n ci di ukalabus, a nda bi pëwinin.’ 37Din, bamabal ka yankul ka jaul: ‘Ajug, lum di wund windun m bonats, a wund wëlu bariala, oo m lofënts, a wund wëlu përaan? 38A lum di wund windun m ci natsooŋ, a wund welanu, oo m ci bëruent, a wund tiemanu? 39Lum di wund windun m maak, oo m ci di ukalabus, a wund bi pëwinu?’ 40Nasien ka yank bukul ka ja: ‘Mán leents ind ucär: Ko wi nda roor wi ba naloole tsi ban pe bikink pëci baties, tsi ban tsaar biki ni nji, nji ni nda roor un.’ 41Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju. 42Par mando n bonats, a nda wëlatsin bariala; mando n lofënts, a nda wëlatsin përaan; 43mando n ci natsooŋ, a nda welanatsin; mando ci bëruent, a nda tiemanatsin; mando n maak, mando n ci di ukalabus, a nda biits pëwinin.’ 44Din, bukul buts, bu ka yank ka ja: ‘Ajug! Lum di wund windun m bonats, oo m lofënts, oo m ci natsooŋ, oo m bëruent, oo m maak, oo m ci di ukalabus, a wund këmandatsu?’ 45Din, në yank bukul na ja: ‘Mán leents ind ucär: Ko wi nda roorats wi ba naloole tsi ban pe bikink pëci baties, tsi ban tsaar biki ni nji, nji ni nda roorats un.’ 46#Dan 12.2Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”
Atualmente selecionado:
MATEU 25: KPKNT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament en langue Manjaku © Alliance Biblique du Sénégal, 2020.
MATEU 25
25
Bampëli untaaja, bameets-niints
1 #
Lúk 12.35
Unk, pësien batsi ka naam pi bampëli untaaja ba meets biki niints, bän jej biki ngëlamp bukul, a ba tsëp pii jëk ni nanim. 2Kañan tsi bukul, bë ci bafuur, a kañan ci bameko. 3A ban fuur bukunk kë jej ngëlamp bukul, bu tsijandats mkër. 4Maa a bameko bukun kë jej ngëlamp bukul, a ba tsijand mkër tsi itsuuni mul. 5Bi nanim wama bi ka jon pëbaandi, a ba ŋënd bëlieng aa ba ŋooy. 6Tsi myëŋ, a kalië tea, aja: ‘Nanim, abaandi oo! Nda cili ndii jëk ni nul!’ 7A bukul, bameets-niints, natsa bëlieng, a ba yecis ngëlamp bukul. 8A ban fuur bukunk ja bameko bukun: ‘Nda tseend wund ko tsi mkër ind, par ngëlamp wund ka tsas pëjimbar.’ 9A bameko yank bukul aja: ‘Nin a, di kee man kës wund ni ind. Nda roon ndë tsëp di ba waap mul, ndii weeli míic ind.’ 10Bi bu kë tsëp bi pëweeli mul, a nanim baandi. A bando bukunk yecis niaj ni nul pa ufesta bënim, a pëlëman dica. 11#Lúk 13.25Tsi bërun, a bacints bukul, bameets-niints, baandi a ba ja: ‘Ajug! Ajug! Waants wund!’ 12Maa a na yank bukul aja: ‘Mán leents ind ucär: Nji n meets ind.’ 13Bi u ci bank, nda waayan, par nda meets nin unu umënts, nin uwoora umënts.
Baleemp ba wëla biki këtaleentu
(Lúk 19.11-27)
14 #
Lúk 19.11-27
Pësien batsi naam pi ñaan ni kan pëni pëya bëyaas, a na rui balempul, a na pëtanan bukul bëkaul. 15Awël nalon këtaleentu kañan, nacints këtëb, a nawaajantsan pëloole; ñaan, ni ko wi na yëlan wi. Din a na pën aya bëyaas. 16A na yank unk këtaleentu kañan tsëp ee leempëna kul, a na gaañaari këtaleentu kañan këcínts. 17Unk, a na yank unk këtaleentu këtëb, gaañaari këtaleentu këtëb këcínts. 18Maa a na yank unk pëloole pën ee jëp baar tsi utsia, a na bek uncaam nawiakul. 19Bi u par bi ajon, a nawiak baleemp bamënts bukun witsee, a na tsu bukul ba ro unkoont. 20A nando unk yank këtaleentu kañan kikee, a na tsiji këtaleentu kañan këcínts, a na ja: ‘Ajug! M do tananin këtaleentu kañan, kañan këcínts kul ki, ki n gaañaari ki.’ 21A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’ 22A nando unk yank këtaleentu këtëb kikee buts, a na ja: ‘Ajug! M do tananin këtaleentu këtëb, këtaleentu këtëb këlon ki, ki n gaañaari ki.’ 23A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’ 24A nando unk yank pëtaleentu pëloole kikee buts, a na ja: ‘Ajug! Ma me m ci ñaan na liinci tsi ko unjaka wi; m ja m doon kë cët tsi m wayaants tsi, a kë jukëlën tsi m gurats tsi; 25a n lal, a n tsëp ee bek pëtaleentuu, di utsia. Pul pi, yankan aci piicu.’ 26A ajugul yankul aja: ‘Wi naleemp na waraatsee, a m ciind nabisarën! M do me nja ndoon koo cët tsi wayaants tsi, a n dë coonts tsi gurats tsi; 27m do ka pëtsu uncaam nji di bank, koo witsee iink, ka yanki ko un ci wi umiñ, ni balak. 28Nda caaniul pëtaleentu pun, ndë wël pul nan ka unk këtaleentu untaaja. 29#Mat 13.12; Mar 4.25; Lúk 8.18Par kaja nan kai, nii wëlaa, në ka na pelëkën. Maa nan kaatsi, nii caana ŋal ko wi na ka wi. 30#Mat 8.12; 22.13; Lúk 13.28A nda gutsanul naleemp nan kaats unk bëkat, di karëm utsand, tsul tsi irug kë ci tsun, ni kañaam irumaj.’
Kawat umundu pëleents
31 #
Mat 16.27
Mat 19.28
Uwal wi Abuk ñaan-najin kë bi wi di përëmbul, ni ngëwaanju bëlieng, në tsoar tsi pëtsoari-pësien, pi përëmbul. 32Bañaan ban cits biki Bajudeu bëlieng ka júk tsi bërunul, në patsës balon tsi bacints bukul, bi nayafan kë patsës bi ngënkaanel ni ngëpi; 33në tsu ngënkaanel tsi kariirul, maa ngëpi tsi kamay. 34Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki. 35Par mando n bonats, a nda wëlin bariala; a ndo n lofënts, a nda wëlin përaan; a ndo n ci natsooŋ, a nda welanin; 36a ndo n ci bëruent, a nda tiemanin; a ndo n maak, a nda bi pëteenin; a ndo n ci di ukalabus, a nda bi pëwinin.’ 37Din, bamabal ka yankul ka jaul: ‘Ajug, lum di wund windun m bonats, a wund wëlu bariala, oo m lofënts, a wund wëlu përaan? 38A lum di wund windun m ci natsooŋ, a wund welanu, oo m ci bëruent, a wund tiemanu? 39Lum di wund windun m maak, oo m ci di ukalabus, a wund bi pëwinu?’ 40Nasien ka yank bukul ka ja: ‘Mán leents ind ucär: Ko wi nda roor wi ba naloole tsi ban pe bikink pëci baties, tsi ban tsaar biki ni nji, nji ni nda roor un.’ 41Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju. 42Par mando n bonats, a nda wëlatsin bariala; mando n lofënts, a nda wëlatsin përaan; 43mando n ci natsooŋ, a nda welanatsin; mando ci bëruent, a nda tiemanatsin; mando n maak, mando n ci di ukalabus, a nda biits pëwinin.’ 44Din, bukul buts, bu ka yank ka ja: ‘Ajug! Lum di wund windun m bonats, oo m lofënts, oo m ci natsooŋ, oo m bëruent, oo m maak, oo m ci di ukalabus, a wund këmandatsu?’ 45Din, në yank bukul na ja: ‘Mán leents ind ucär: Ko wi nda roorats wi ba naloole tsi ban pe bikink pëci baties, tsi ban tsaar biki ni nji, nji ni nda roorats un.’ 46#Dan 12.2Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament en langue Manjaku © Alliance Biblique du Sénégal, 2020.