MATAYO 1
1
1Buku na wuroni merenyezi ti Yesu Kristo‚ ŋiro lo Dawidi‚ laga a ŋiro lo Abarahamalo. 2Abarahama a monye lo Isaka‚ Isaka a lo Yakobo‚ Yakobo a lo Yuda ku luŋaseri ti lepe kilo. 3Yuda a monye lasi Perezi seku Zera‚ (ŋote nasikona a Tamari), Perezi a lo Hezerona, Hezerona a lo Ramu. 4Ramu a monye lo Aminadaba‚ Aminadaba a lo Nasona‚ Nasona a lo Salimona. 5Salimona a monye lo Boaza (ŋote na Boazana a Rahaba), Boaza a lo Obede (ŋote na Obedena a Ruta), Obede a lo Yese. 6Yese a monye lo Dawidi laga a matalo. Dawidi a monye lo Solomona (ŋote na Solomonana nyena gbo a kayona a noka na Uriya). 7Solomona a monye lo Rehoboama, Rehoboama a lo Abiya‚ Abiya a lo Asa. 8Asa a monye lo Yehosafata, Yehosafata a lo Yorama‚ Yorama a lo Uzia. 9Uzia a monye lo Yotama‚ Yotama a lo Ahaza‚ Ahaza a lo Hezekia. 10Hezekia a monye lo Manase‚ Manase a lo Amona‚ Amona a lo Yosia. 11Yosia a monye lo Yekonia ku luŋaseri ti lepe kilo‚ i baŋe na zoŋani ŋutulu i ka na Babulona nu. 12I bo na zoŋani ko Babulona yuna‚ Yekonia a monye lo Salatieli, Salatieli a lo Zerubabeli. 13Zerubabeli a monye lo Abiuda, Abiuda a lo Eliyakima‚ Eliyakima a lo Azori. 14Azori a monye lo Zadoka‚ Zadoka a lo Akimu‚ Akimu a lo Eliuda. 15Eliuda a monye lo Eleazari, Eleazari a lo Matana‚ Matana a lo Yakobo. 16Yakobo a monye lo Yosefa‚ laga a lale lo Maria‚ naga a ŋote na Yesu ilo. laga lo luŋu a Kristolo. 17Gbode merenyezi giri i driŋi na Abarahama seku Dawidi ina ko mere gele konye iŋmani. Merenyezi i driŋi na Dawidi yeŋadru tozo i baŋe naga ma ko zoŋani Babulona yuna ko mere gele konye iŋmani. ’Bo merenyezi i driŋi na zoŋani ko Babulona yuna yeŋundra ku Kristo ko mere gele ku konye iŋmani. 18Nyenaga yuŋe na Yesu Kristona gbo de. Luŋa lo ŋote na lepe naga Maria lo tokuliakini ko seku Yosefa a lale lonye ilo ti inga ko aku mora kugele‚ lepe arie ti gbo ku pele na Yuka Nakiyena. 19Igbonaga Yosefa‚ lale lo lepelo‚ a ŋutu laga mŋgba ina, ’bo ani nyadru tikindra Maria yukuwe i konye ti ŋutulu ina‚ lepe ayo’yu i ko’yu na lepeŋa tali. 20Kugbo lepe laga inga ilo yoyo’yu kine kulia de‚ lepe amedra malaikata lo Matalo i kpeza na mugu kanyeni i rudesi kata‚ akulia adi‚ “Yosefa‚ ŋiro lo Dawidilo‚ ku kukuze i ’deba na Maria a noka nonu‚ igbonaga pele naga ma lepe riondri ina de a na Yuka Nakiyena. 21Lepe iyuyuŋundro ŋiro lalale‚ ’bo do igbizo lepe a Yesu‚ igbonaga lepe iriritu ŋutulu kanye kilo i torozi kasiko kine ina. 22Kine kulia de giri ayeŋundra i torumokindro kulia ti Matalo na pupute ku kakeyonilo kine adi. 23“Mete‚ ŋiro ’diye iririozu pele‚ iyuyuŋundro ŋiro lalale‚ ’bo lepe igbiyo a Imanuele” trugo adi‚ Ŋun ilo ku yi kugele. 24Ku Yosefa laga apure i toto yu‚ lepe druga kondra beti malaikata lo Matalo ma takindri lepe kukuzuna‚ druga ’deba Maria a noka nanye‚ 25’bo lepe aku ’deba keni lo lepelo yeŋadru tozo i ta’du na lepe na ŋirolo. Druga lepe gbizo lepe a Yesu.
Atualmente selecionado:
MATAYO 1: KNT77
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Kakwa New Testament © Bible Society of Uganda, 1974, 1977.