MARKA 4
4
Cangti Haehkung Patahhaih
(Mat 13:1-9; Luk 8:4-8)
1Jesuh mah Galili tuilitaeng ah to patuk pae bae. A taengah kangzo cunawk to pop o parai pongah palong thungah akun moa toah to anghnut. Palong loa tui nuiah kahla kue ah to a oh moa mipui loa tui taengah angdoet o.#Luk 5:1-3 2Patahhaih patoh hoiah hmuen zetpui patuk pae. Jesuh mah:
3“Tahngai oah: Vaito na-ah kami longto a oh moa cangti haeh hanah a caeh. 4Lawk thungah cangti a haeh na-ah thoemto loa loklam ah a krak moa tava mah akhuih poeng. 5Thoemto loa long tampa ih ahmuenh hlungrong ah krak. Long thah ai pongah cangti loa amprawk roeprap. 6To-e ni tacawt tahang na-ah cang kamprawk tanawk to ni kana mah a dawk; tangzun to thuk ai pongah cang kamprawk to angqo o king roep. 7Thoemto loa khringzang thungah a krak; khringkung loa a qoengh moa cang kamprawk to tacetthuih kang pongah aquih athaih om thaih ai. 8To-e thoemto cangti loa longtang kahoih pongah a krak, hoihdak ta-ah amprawk, a qoeng tahang moa aquih athaih doeh a oh. Thoemto loa alet quithumto, thoemto loa alet quitarukto, thoemto loa alet cumvai khoekto aquih athaih a thawn,” tiah a naa.
9Hnukkhuem ah Jesuh mah, “Thaihhaih ih naa ka tawn loa thaih o na soe,” tiah a naa pae.
Patahhaihnawk Thuihkoehhaih
(Mat 13:10-17; Luk 8:9-10)
10Jesuh loa angmah buengah oh na-ah a lokthuih ih ka thaih thoemto loa a hnukbangnawk hoiah angzoh o moa a patahhaih ih ahlongrui to kacai ta-ah thuih hanah pacae o. 11Jesuh mah, “Sithaw Poenghaih loktamqu to nangcae khaeah paek ah oh boah. To-e tasabang ah kaom kaminawk hanah loa patahhaih lok hoiah ni hmuen boiboih hae a thaih oh; 12topongah,
‘A khet loa khet o,
to-e hnuh o ai;
A tahngaih loa tahngaih o,
to-e thaihkop o ai.
Kawmawtiah a hnuk o moa
thaihkop o nahaeloa,
Sithaw khaeah amlaem o ueloa
zaehaih to tahmen pae o moeng tih,’ tiah thuih batiah om tih,” tiah a naa.#Isa 6:9-10
Cangti Patahhaih Ih Thuihpacaihhaih
(Mat 13:18-23; Luk 8:11-15)
13Topacoengah Jesuh mah, “Hi patahhaih lok hae na thaih o kop ai maw? Totibaloa kawbangmaw patahhaih kalah to loa na thaih o thaih tih? 14Cangti ka haehkung mah Sithaw ih tamthang lok to a haeh. 15Kami thoemto loa loklam ah cangti ka krah batiah ni a oh o. Tamthang lok to a thaih o pacoeng rumhoi Setan to angzoh moa a thungih tamthang lok to a lak pae ving. 16Kami kalah thoemto loa hlungrong ah ka krah cangti batiah ni a oh o. Tamthang lok to a thaih o hoiloa kanghoe ta-ah talawk o phrat. 17To-e a thungah kathuk ah akun ai pongah kraa paraiah om ai. Topongah tamthang lok pongah raihaih hoi pacaekhlaekhaih phak na-ah hnukbang ah amlaem roeprap. 18Kami kalah thoemto loa khringzang thungah kakrah cangti batiah ni a oh o. Sithaw lok to a thaih loa a thaih o boah, 19to-e longnui hing khosakhaih pongah palungdawn angphohaih, angraeng koehhaih hoi kalah kalah koehhaih ihnawk mah tamthang lok to a khuk kang pongah athaih to athaii thaih ai. 20To-e kami kalah thoemto loa longtang kahoih pongah ka krah cangti batiah ni a oh o. Tamthang lok to a thaih o, kacak ta-ah tapom moa aquih athaih to thawn. Thoemto loa alet quithumto, thoemto loa alet quitarukto, thoemto loa alet cumvaito khoekto thawn,” a naa pae.
Takho Hlim Ih Hmai-im
(Luk 8:16-18)
21Jesuh mah, “Mimah doeh hmai-im to sinh moa takho hlimah maw, tiaibaloa iihkroeng hlimah maw suem vaih ai. Hmai-im pa-aanghaih ih hmaitoeng pongah ni loa a suek na ai maw?#Mat 5:15; Luk 11:33 22Kawbatih doeh hawk hmoep ih boih to mi mikhnuk ah taphong ah om ueloa kawbatih doeh kraeng hmoek ih boih to amtuengsak boih tih.#Mat 10:26; Luk 12:2 23Thaihhaih ih naa ka tawn mah loa thaih na soe,” tiah a naa pae.
24Jesuh mah anihcae khaeah, “Na thaih o ih to hoihdak ta-ah dawn oah. Minawk lokcaekhaih hanah na patoh o ih taring batiah Sithaw mah doeh nangcae lokcaek hanah patoh let toeng ueloa ato pongdoeh kamhlai ah patoh tih.#Mat 7:2; Luk 6:38 25Ka tawn kami loa paek pacoih ah om ueloa tidoeh ka tawn ai kami to loa a tawn ih ta mataeng doeh la pae kik tih,” tiah a naa.#Mat 13:12; 25:29; Luk 19:26
Kaqoeng Tahang Cangti Patahhaih
26Jesuh mah, “Sithaw Poenghaih loa hitiah a oh. Kami longto mah a lawk ah cangti to a haeh. 27Aqum ah a iih, khawnthaw ah angthawk moa athun ah tok a sak, tona-ah cangti loa amprawk moa a qoengh tahang. To-e kawbangmaw totitoah a oh tito panoek ai. 28Longlai mah cangti kamprawk to a qoenghsak moa athaih to a thaihsak, hmaloe koek ah aqam kanauk to tacawt, topacoengah aquih tacawt moa hnukkhuem ah loa athaih to a oh. 29Cang loa a hminh na-ah toksahkung mah cangaah tue a phak boah pongah cangaahhaih ih cakraa hoiah to a aah.#Jol 3:13
Antam Muu Patahhaih
(Mat 13:31-32,34; Luk 13:18-19)
30“Sithaw Poenghaih loa tihoiah maw ahmong tito aicae mah thuih o han? Thuihpacaihhaih hanah kawbatih Patahhaih ih to maw patoh o han? 31Antam muu batiah ni a oh. Kami longto mah longnui ih atimu ka thoeng koek antam muu to a lak moa long ah to patit. 32Nawnetta pacoengah amprawk moa akung kalahnawk boiboih pongdoeh kalen koek ah a coengh. Tanghangnawk kalen paraiah tacawt, tavanawk angzoh o moa akung tahlip takuih ah tabu boh o,” tiah a naa.
33Jesuh loa hibatih patahhaih kalah zetpui patohhaih hoiah mipui khaeah tamthang lok to a thuih; a thaih o thaih roekto ah a thuih pae. 34Patahhaih patoh aialoa anihcae khaeah lok thui vaih ai, to-e a hnukbangnawk hoiah angmahcae buengah oh o na-ah tiboih to kacai ta-ah a thuih pae.
Jesuh Mah Takhipui Ditsak
(Mat 8:23-27; Luk 8:22-25)
35Tona ni duembang ah Jesuh mah a hnukbangnawk khaeah, “Tuili hapbang yaeh ah to caeh o si,” tiah a naa. 36Topongah mipuinawk to a caeh o tak moa a hnukbangnawk loa palong thungah to akun o. To palong thungah Jesuh anghnut pacoeng boah moa Palong mah a caeh haih o. Toah to palong kalahnawk doeh a oh toengh. 37Poeklak ai puiah takhi kaham parai to songh moa tuiphu kangthawk to palong thungah akun moa palong loa tui a koi duih boah. 38Jesuh loa palong tamaii bangah a oh moa luhngoeng nuiah a iih. A hnukbangnawk mah palawt o moa, “Patukkung, duek hanah oh sut boah hae, tidoeh dawncang aiah maw na oh?” tiah a naa pae o.
39Jesuh loa angthawk moa takhi to, “Di ah!” tiah lok a paek moa tuiphu to, “Angnong ah!” tiah a naa. Tona-ah takhi to a dit moa tuiphu doeh angtawt angqoe ai boah. 40Topacoengah Jesuh mah a hnukbangnawk khaeah, “Tipongmaw hitih khoekto na mawnh o? Taanghaih na tawn o ai vop maw?” tiah a naa pae.
41Tolangla cadoehsoe anihcae loa tasoeh o qawtqawt moa longto hoi longto to, “Hi kami loa ami kawbatih maw vai? Takhipui hoi tuiphu mataeng mah doeh a lok tahngaih pae hae!” tiah a thuih o.
Atualmente selecionado:
MARKA 4: AKNT2023
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.
MARKA 4
4
Cangti Haehkung Patahhaih
(Mat 13:1-9; Luk 8:4-8)
1Jesuh mah Galili tuilitaeng ah to patuk pae bae. A taengah kangzo cunawk to pop o parai pongah palong thungah akun moa toah to anghnut. Palong loa tui nuiah kahla kue ah to a oh moa mipui loa tui taengah angdoet o.#Luk 5:1-3 2Patahhaih patoh hoiah hmuen zetpui patuk pae. Jesuh mah:
3“Tahngai oah: Vaito na-ah kami longto a oh moa cangti haeh hanah a caeh. 4Lawk thungah cangti a haeh na-ah thoemto loa loklam ah a krak moa tava mah akhuih poeng. 5Thoemto loa long tampa ih ahmuenh hlungrong ah krak. Long thah ai pongah cangti loa amprawk roeprap. 6To-e ni tacawt tahang na-ah cang kamprawk tanawk to ni kana mah a dawk; tangzun to thuk ai pongah cang kamprawk to angqo o king roep. 7Thoemto loa khringzang thungah a krak; khringkung loa a qoengh moa cang kamprawk to tacetthuih kang pongah aquih athaih om thaih ai. 8To-e thoemto cangti loa longtang kahoih pongah a krak, hoihdak ta-ah amprawk, a qoeng tahang moa aquih athaih doeh a oh. Thoemto loa alet quithumto, thoemto loa alet quitarukto, thoemto loa alet cumvai khoekto aquih athaih a thawn,” tiah a naa.
9Hnukkhuem ah Jesuh mah, “Thaihhaih ih naa ka tawn loa thaih o na soe,” tiah a naa pae.
Patahhaihnawk Thuihkoehhaih
(Mat 13:10-17; Luk 8:9-10)
10Jesuh loa angmah buengah oh na-ah a lokthuih ih ka thaih thoemto loa a hnukbangnawk hoiah angzoh o moa a patahhaih ih ahlongrui to kacai ta-ah thuih hanah pacae o. 11Jesuh mah, “Sithaw Poenghaih loktamqu to nangcae khaeah paek ah oh boah. To-e tasabang ah kaom kaminawk hanah loa patahhaih lok hoiah ni hmuen boiboih hae a thaih oh; 12topongah,
‘A khet loa khet o,
to-e hnuh o ai;
A tahngaih loa tahngaih o,
to-e thaihkop o ai.
Kawmawtiah a hnuk o moa
thaihkop o nahaeloa,
Sithaw khaeah amlaem o ueloa
zaehaih to tahmen pae o moeng tih,’ tiah thuih batiah om tih,” tiah a naa.#Isa 6:9-10
Cangti Patahhaih Ih Thuihpacaihhaih
(Mat 13:18-23; Luk 8:11-15)
13Topacoengah Jesuh mah, “Hi patahhaih lok hae na thaih o kop ai maw? Totibaloa kawbangmaw patahhaih kalah to loa na thaih o thaih tih? 14Cangti ka haehkung mah Sithaw ih tamthang lok to a haeh. 15Kami thoemto loa loklam ah cangti ka krah batiah ni a oh o. Tamthang lok to a thaih o pacoeng rumhoi Setan to angzoh moa a thungih tamthang lok to a lak pae ving. 16Kami kalah thoemto loa hlungrong ah ka krah cangti batiah ni a oh o. Tamthang lok to a thaih o hoiloa kanghoe ta-ah talawk o phrat. 17To-e a thungah kathuk ah akun ai pongah kraa paraiah om ai. Topongah tamthang lok pongah raihaih hoi pacaekhlaekhaih phak na-ah hnukbang ah amlaem roeprap. 18Kami kalah thoemto loa khringzang thungah kakrah cangti batiah ni a oh o. Sithaw lok to a thaih loa a thaih o boah, 19to-e longnui hing khosakhaih pongah palungdawn angphohaih, angraeng koehhaih hoi kalah kalah koehhaih ihnawk mah tamthang lok to a khuk kang pongah athaih to athaii thaih ai. 20To-e kami kalah thoemto loa longtang kahoih pongah ka krah cangti batiah ni a oh o. Tamthang lok to a thaih o, kacak ta-ah tapom moa aquih athaih to thawn. Thoemto loa alet quithumto, thoemto loa alet quitarukto, thoemto loa alet cumvaito khoekto thawn,” a naa pae.
Takho Hlim Ih Hmai-im
(Luk 8:16-18)
21Jesuh mah, “Mimah doeh hmai-im to sinh moa takho hlimah maw, tiaibaloa iihkroeng hlimah maw suem vaih ai. Hmai-im pa-aanghaih ih hmaitoeng pongah ni loa a suek na ai maw?#Mat 5:15; Luk 11:33 22Kawbatih doeh hawk hmoep ih boih to mi mikhnuk ah taphong ah om ueloa kawbatih doeh kraeng hmoek ih boih to amtuengsak boih tih.#Mat 10:26; Luk 12:2 23Thaihhaih ih naa ka tawn mah loa thaih na soe,” tiah a naa pae.
24Jesuh mah anihcae khaeah, “Na thaih o ih to hoihdak ta-ah dawn oah. Minawk lokcaekhaih hanah na patoh o ih taring batiah Sithaw mah doeh nangcae lokcaek hanah patoh let toeng ueloa ato pongdoeh kamhlai ah patoh tih.#Mat 7:2; Luk 6:38 25Ka tawn kami loa paek pacoih ah om ueloa tidoeh ka tawn ai kami to loa a tawn ih ta mataeng doeh la pae kik tih,” tiah a naa.#Mat 13:12; 25:29; Luk 19:26
Kaqoeng Tahang Cangti Patahhaih
26Jesuh mah, “Sithaw Poenghaih loa hitiah a oh. Kami longto mah a lawk ah cangti to a haeh. 27Aqum ah a iih, khawnthaw ah angthawk moa athun ah tok a sak, tona-ah cangti loa amprawk moa a qoengh tahang. To-e kawbangmaw totitoah a oh tito panoek ai. 28Longlai mah cangti kamprawk to a qoenghsak moa athaih to a thaihsak, hmaloe koek ah aqam kanauk to tacawt, topacoengah aquih tacawt moa hnukkhuem ah loa athaih to a oh. 29Cang loa a hminh na-ah toksahkung mah cangaah tue a phak boah pongah cangaahhaih ih cakraa hoiah to a aah.#Jol 3:13
Antam Muu Patahhaih
(Mat 13:31-32,34; Luk 13:18-19)
30“Sithaw Poenghaih loa tihoiah maw ahmong tito aicae mah thuih o han? Thuihpacaihhaih hanah kawbatih Patahhaih ih to maw patoh o han? 31Antam muu batiah ni a oh. Kami longto mah longnui ih atimu ka thoeng koek antam muu to a lak moa long ah to patit. 32Nawnetta pacoengah amprawk moa akung kalahnawk boiboih pongdoeh kalen koek ah a coengh. Tanghangnawk kalen paraiah tacawt, tavanawk angzoh o moa akung tahlip takuih ah tabu boh o,” tiah a naa.
33Jesuh loa hibatih patahhaih kalah zetpui patohhaih hoiah mipui khaeah tamthang lok to a thuih; a thaih o thaih roekto ah a thuih pae. 34Patahhaih patoh aialoa anihcae khaeah lok thui vaih ai, to-e a hnukbangnawk hoiah angmahcae buengah oh o na-ah tiboih to kacai ta-ah a thuih pae.
Jesuh Mah Takhipui Ditsak
(Mat 8:23-27; Luk 8:22-25)
35Tona ni duembang ah Jesuh mah a hnukbangnawk khaeah, “Tuili hapbang yaeh ah to caeh o si,” tiah a naa. 36Topongah mipuinawk to a caeh o tak moa a hnukbangnawk loa palong thungah to akun o. To palong thungah Jesuh anghnut pacoeng boah moa Palong mah a caeh haih o. Toah to palong kalahnawk doeh a oh toengh. 37Poeklak ai puiah takhi kaham parai to songh moa tuiphu kangthawk to palong thungah akun moa palong loa tui a koi duih boah. 38Jesuh loa palong tamaii bangah a oh moa luhngoeng nuiah a iih. A hnukbangnawk mah palawt o moa, “Patukkung, duek hanah oh sut boah hae, tidoeh dawncang aiah maw na oh?” tiah a naa pae o.
39Jesuh loa angthawk moa takhi to, “Di ah!” tiah lok a paek moa tuiphu to, “Angnong ah!” tiah a naa. Tona-ah takhi to a dit moa tuiphu doeh angtawt angqoe ai boah. 40Topacoengah Jesuh mah a hnukbangnawk khaeah, “Tipongmaw hitih khoekto na mawnh o? Taanghaih na tawn o ai vop maw?” tiah a naa pae.
41Tolangla cadoehsoe anihcae loa tasoeh o qawtqawt moa longto hoi longto to, “Hi kami loa ami kawbatih maw vai? Takhipui hoi tuiphu mataeng mah doeh a lok tahngaih pae hae!” tiah a thuih o.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.