MARKA 5
5
Taqawk Mah Naeh Ih Kami A Hoihsak
(Mat 8:28-34; Luk 8:26-39)
1Jesuh hoi a hnukbangnawk loa Galili Tuili hapbang yaeh Gerasa prae ah to a phak o. 2Jesuh to palong thung hoitoah tacawt rumhoi, to ih taprong hlungkhaw thung hoi-ih ka tacawt kami longto mah a caehthuih. Hae kami loa a tako thungah taqawk to a tawnh moa 3taprong ah kho a sak. Amimah doeh sumqui hoiah pahlet o thaih ai boah; 4a khok hoi a ban to sumqui hoiah pahlet o tuektuek boah, to-e pahlet kruekto sumqui to taprawt patpat moa khok ah pahlet ih sumqui to doeh a thuek dokdok. Tha oh lawnlai pongah mita mah doeh pazawk thaih ai boah. 5Khoving khodai taprong hoi maenui thuemtham ah linglong tuektuek, a hangh doeh a hangh moa angmah hoi angmah to hlung kanoe kamsum hoiah ang-aah raksi rakso.
6Kahla kue hoitoah Jesuh to a hnuk na-ah a cawnh moa a hma-ah a khokkung ah tabok pae, 7khoeh puiah a hangh, “Jesuh, Kasang koek Sithaw ih Capa! Kai na koehhaih ih timaw ka om? Sithaw hmin hoiah kang pacae, na raek hmah. 8(Hitiah a hanghhaih ih loa Jesuh mah, “Pakhra kasae, hi kami ih tako thung hoitoah tacawt ah!” tiah a naa pae pongah ni.)
9Topongah Jesuh mah, “Na hmin loa mimaw?” tiah a duengh. Ato kami mah, “Ka noih o phi pongah ka hmin loa ‘Bupui’ ni,” tiah pathim pae.
10To kami mah taqawk kasaenawk to ato ih prae thung hoitoah patoeh ving han aiah Jesuh khaeah tahmenhaih a hnik.
11To ih taenghaek maezoeng ah ok huto pacah ih to a oh. 12Topongah taqawk kasaenawk mah Jesuh khaeah, “Oknawk khaeah to matoeh oloa a thungah to na kunsak oah,” tiah a hnik pae o. 13A hnik batiah a caehsak moa to kami ih tako thung hoi-ih tacawt o moa oknawk thungah akun o. Ok loa sungqum boih ah sanghnetto a phak, hlung tangang bangah amlet o tathuk bawn moa tuili ah duek o king.
14Ok khenzawn kaminawk loa a cawnh o moa ato kawng to vangpui thung hoi lawk tawnkungnawk khaeah to a thuih pae o. Kaminawk loa hmuen kathok to khet hanah a caeh o. 15Jesuh khaeah a phak o na-ah taqawk kasae ‘Bupui’ ah kaom kami to a hnuk o. Toah to anghnut, khukbuenh to doeh angbuenh moa palung kacaipin ah ka om to a hnuk o. Topongah anihcae boih mah mawnh tasoeh o. 16Ato hmuen to ka hnuhnawk mah taqawk kasae mah naeh ih kami to kawbangmaw a hoih let moa oknawk nuiah timaw ka thok tito mi boih khaeah a thuih o.
17Topongah anihcae ih prae to tacawt tak ving hanah Jesuh to a thuih pae o.
18Jesuh loa palong thungah akun na-ah taqawk kasae ka tawnh vaih kami mah, “Nang khaeah kangzoh toeng han,” tiah a naa.
19To-e Jesuh mah koeh pae ai. “Na im ah amlaem aloa na sanauknawk khaeah Angraeng mah ang sak pae ih hoi a tahmenhaih kawngnawk to thui pae baa,” tiah a naa lat.
20Topongah ato kami to loa Vang Hato naa pae ih prae thung boih ah to caeh moa Jesuh mah a sak pae ih kawng to a thuih taphong. Ato lok ka thaih kami boiboih mah a dawnrai o king.
Jairas Canu hoi Kahnitom Kasui Nongpui
(Mat 9:18-26; Luk 8:40-56)
21Jesuh loa tuili hapbang yaeh ah to a caeh let bae. Ato tuili yaeh ah to kami paroeai Jesuh taenghaek ah acu o. 22Sinakok ukkung Jairas loa angzoh moa Jesuh to a hnuk na-ah a khokkung ah tabok moa tahmenhaih a hnik. 23“Ka canu loa a nat nung parai. Angzo ngaepacae rae aloa a nuiah ban koeng pae rae ah, totibaloa ngantui ueloa hing let tih,” tiah a naa.
24Topacoengah Jesuh loa anih khaeah caeh hanah amsak. Jesuh hoiah nawnto ka caeh kami paroeai pop pongah bangbang hoitoah anih to a et o.
25Toah to saning hlaihnetto thung thipahawt tuektuek hoitoah katingai patang palai ka pacap nongpui longto a oh. 26Dawkta paroeainawk mah tuisi tuibo hoiah a sak pae o boah. A tawnh ih tangka doeh aboeng hmen boah, to-e hoihkhang kue aiah a nung aep aep. 27Ato kami mah Jesuh kawng to a thaih moa mipui salak thungah Jesuh ih ahnuk bangah angzoh. 28“Anih ih kahni khueh mah sui nahaeloa ka nathaih hoih khaeh tih,” tiah a dawn.
29Tomoa Jesuh ih kahni to a sui, a thipahawt to vaipang ta-ah a khap pae roep moa a nathaih ih to a hoih boah tito a panoek. 30Jesuh loa angmah thung hoi-ih hmuensak thaihaih ih tacawt tito a panoek phrat moa mipui bangah to angqoi moa, “Amimaw kai ih kahni ka sui?” tiah anihcae to a duengh.
31A hnukbangnawk mah, “Mipui hi zetto kangkoek kang-ae mah tanawt o to na panoek to loa, tipongmaw mimah maw na sui, na tih?” tiah a naa pae o.
32To-e Jesuh loa amimah maw na sui tito panoek hanah hnukhma a khet toengtoeng bae. 33Nongpui mah a nuiah hmuen kathok to a panoek na-ah tasoeh takuenhaih hoiah angzoh, Jesuh ih khokkung ah tabok moa loktang lok to a thuih pae. 34Jesuh mah anih khaeah, “Ka canu, na taanghaih ih mah hoihsak boah. Kamong ta-ah caeh aloa na nathaih to hoih na soe,” tiah a naa.
35Jesuh loa totiah a thuih li na-ah Jairas im hoitoah patoeh ih qok thangkawk to angzoh o moa anih khaeah, “Na canu duek boah. Tipongmaw Patukkung to palung baecat ah na sak mut?” tiah a naa pae o.
36Jesuh loa anihcae ih lokthuih to tiadoeh sah pae ai#5:36 Tiadoeh sah pae ai tihae Kangthaih ah thaih ai tiah doeh thuih thaih. moa anih khaeah, “Mawn hmah, taang khueh mah taang ah,” tiah a naa. 37Topacoengah Jesuh mah Piter hoi Jaem hoi amnauk Johan tiaialoa amita doeh ahnuk ah baangsak han koeh ai. 38Jairas im ah to a phak o moa Jesuh mah kongcang aiah tuen carawtui ah ka omnawk hoi longlai taphruem hoi palungsae ka qah kaminawk to a hnuk. 39Im thungah akun moa anihcae khaeah, “Tikhoemaw hitiah tuen carawtui ah na oh o? Tipongmaw na qah o mut? Hi naukta nongpui hae dueh ai, ka iip tok ni,” tiah a naa pae.
40Anihcae mah pahnuihthuih o, topongah kaminawk to tacawtsak king moa naukta ih ampa hoi amno hoi a hnukbang longthumto to a caeh haih moa naukta nongpui pasonghaih ih akhaan thungah to akun o. 41Naukta nongpui to a ban ah patawn moa, “Talitha, Koum,” tiah a naa. “Talitha, koum,” ahlong arui loa, “Naukta nongpui, angthawk ah kang naa,” tihaih ih ni.
42Vaipang ta-ah naukta nongpui loa angthawk moa takat roep. (Anih loa saning hlaihnetto kami ni). Ato hmuen kathok to a hnuk o na-ah katingai a dawnrai o. 43To-e Jesuh mah mita khaeah doeh thuih han aiah lok a paek moa, “Cak han maemaeto paek oah,” tiah a naa pae.
Atualmente selecionado:
MARKA 5: AKNT2023
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.
MARKA 5
5
Taqawk Mah Naeh Ih Kami A Hoihsak
(Mat 8:28-34; Luk 8:26-39)
1Jesuh hoi a hnukbangnawk loa Galili Tuili hapbang yaeh Gerasa prae ah to a phak o. 2Jesuh to palong thung hoitoah tacawt rumhoi, to ih taprong hlungkhaw thung hoi-ih ka tacawt kami longto mah a caehthuih. Hae kami loa a tako thungah taqawk to a tawnh moa 3taprong ah kho a sak. Amimah doeh sumqui hoiah pahlet o thaih ai boah; 4a khok hoi a ban to sumqui hoiah pahlet o tuektuek boah, to-e pahlet kruekto sumqui to taprawt patpat moa khok ah pahlet ih sumqui to doeh a thuek dokdok. Tha oh lawnlai pongah mita mah doeh pazawk thaih ai boah. 5Khoving khodai taprong hoi maenui thuemtham ah linglong tuektuek, a hangh doeh a hangh moa angmah hoi angmah to hlung kanoe kamsum hoiah ang-aah raksi rakso.
6Kahla kue hoitoah Jesuh to a hnuk na-ah a cawnh moa a hma-ah a khokkung ah tabok pae, 7khoeh puiah a hangh, “Jesuh, Kasang koek Sithaw ih Capa! Kai na koehhaih ih timaw ka om? Sithaw hmin hoiah kang pacae, na raek hmah. 8(Hitiah a hanghhaih ih loa Jesuh mah, “Pakhra kasae, hi kami ih tako thung hoitoah tacawt ah!” tiah a naa pae pongah ni.)
9Topongah Jesuh mah, “Na hmin loa mimaw?” tiah a duengh. Ato kami mah, “Ka noih o phi pongah ka hmin loa ‘Bupui’ ni,” tiah pathim pae.
10To kami mah taqawk kasaenawk to ato ih prae thung hoitoah patoeh ving han aiah Jesuh khaeah tahmenhaih a hnik.
11To ih taenghaek maezoeng ah ok huto pacah ih to a oh. 12Topongah taqawk kasaenawk mah Jesuh khaeah, “Oknawk khaeah to matoeh oloa a thungah to na kunsak oah,” tiah a hnik pae o. 13A hnik batiah a caehsak moa to kami ih tako thung hoi-ih tacawt o moa oknawk thungah akun o. Ok loa sungqum boih ah sanghnetto a phak, hlung tangang bangah amlet o tathuk bawn moa tuili ah duek o king.
14Ok khenzawn kaminawk loa a cawnh o moa ato kawng to vangpui thung hoi lawk tawnkungnawk khaeah to a thuih pae o. Kaminawk loa hmuen kathok to khet hanah a caeh o. 15Jesuh khaeah a phak o na-ah taqawk kasae ‘Bupui’ ah kaom kami to a hnuk o. Toah to anghnut, khukbuenh to doeh angbuenh moa palung kacaipin ah ka om to a hnuk o. Topongah anihcae boih mah mawnh tasoeh o. 16Ato hmuen to ka hnuhnawk mah taqawk kasae mah naeh ih kami to kawbangmaw a hoih let moa oknawk nuiah timaw ka thok tito mi boih khaeah a thuih o.
17Topongah anihcae ih prae to tacawt tak ving hanah Jesuh to a thuih pae o.
18Jesuh loa palong thungah akun na-ah taqawk kasae ka tawnh vaih kami mah, “Nang khaeah kangzoh toeng han,” tiah a naa.
19To-e Jesuh mah koeh pae ai. “Na im ah amlaem aloa na sanauknawk khaeah Angraeng mah ang sak pae ih hoi a tahmenhaih kawngnawk to thui pae baa,” tiah a naa lat.
20Topongah ato kami to loa Vang Hato naa pae ih prae thung boih ah to caeh moa Jesuh mah a sak pae ih kawng to a thuih taphong. Ato lok ka thaih kami boiboih mah a dawnrai o king.
Jairas Canu hoi Kahnitom Kasui Nongpui
(Mat 9:18-26; Luk 8:40-56)
21Jesuh loa tuili hapbang yaeh ah to a caeh let bae. Ato tuili yaeh ah to kami paroeai Jesuh taenghaek ah acu o. 22Sinakok ukkung Jairas loa angzoh moa Jesuh to a hnuk na-ah a khokkung ah tabok moa tahmenhaih a hnik. 23“Ka canu loa a nat nung parai. Angzo ngaepacae rae aloa a nuiah ban koeng pae rae ah, totibaloa ngantui ueloa hing let tih,” tiah a naa.
24Topacoengah Jesuh loa anih khaeah caeh hanah amsak. Jesuh hoiah nawnto ka caeh kami paroeai pop pongah bangbang hoitoah anih to a et o.
25Toah to saning hlaihnetto thung thipahawt tuektuek hoitoah katingai patang palai ka pacap nongpui longto a oh. 26Dawkta paroeainawk mah tuisi tuibo hoiah a sak pae o boah. A tawnh ih tangka doeh aboeng hmen boah, to-e hoihkhang kue aiah a nung aep aep. 27Ato kami mah Jesuh kawng to a thaih moa mipui salak thungah Jesuh ih ahnuk bangah angzoh. 28“Anih ih kahni khueh mah sui nahaeloa ka nathaih hoih khaeh tih,” tiah a dawn.
29Tomoa Jesuh ih kahni to a sui, a thipahawt to vaipang ta-ah a khap pae roep moa a nathaih ih to a hoih boah tito a panoek. 30Jesuh loa angmah thung hoi-ih hmuensak thaihaih ih tacawt tito a panoek phrat moa mipui bangah to angqoi moa, “Amimaw kai ih kahni ka sui?” tiah anihcae to a duengh.
31A hnukbangnawk mah, “Mipui hi zetto kangkoek kang-ae mah tanawt o to na panoek to loa, tipongmaw mimah maw na sui, na tih?” tiah a naa pae o.
32To-e Jesuh loa amimah maw na sui tito panoek hanah hnukhma a khet toengtoeng bae. 33Nongpui mah a nuiah hmuen kathok to a panoek na-ah tasoeh takuenhaih hoiah angzoh, Jesuh ih khokkung ah tabok moa loktang lok to a thuih pae. 34Jesuh mah anih khaeah, “Ka canu, na taanghaih ih mah hoihsak boah. Kamong ta-ah caeh aloa na nathaih to hoih na soe,” tiah a naa.
35Jesuh loa totiah a thuih li na-ah Jairas im hoitoah patoeh ih qok thangkawk to angzoh o moa anih khaeah, “Na canu duek boah. Tipongmaw Patukkung to palung baecat ah na sak mut?” tiah a naa pae o.
36Jesuh loa anihcae ih lokthuih to tiadoeh sah pae ai#5:36 Tiadoeh sah pae ai tihae Kangthaih ah thaih ai tiah doeh thuih thaih. moa anih khaeah, “Mawn hmah, taang khueh mah taang ah,” tiah a naa. 37Topacoengah Jesuh mah Piter hoi Jaem hoi amnauk Johan tiaialoa amita doeh ahnuk ah baangsak han koeh ai. 38Jairas im ah to a phak o moa Jesuh mah kongcang aiah tuen carawtui ah ka omnawk hoi longlai taphruem hoi palungsae ka qah kaminawk to a hnuk. 39Im thungah akun moa anihcae khaeah, “Tikhoemaw hitiah tuen carawtui ah na oh o? Tipongmaw na qah o mut? Hi naukta nongpui hae dueh ai, ka iip tok ni,” tiah a naa pae.
40Anihcae mah pahnuihthuih o, topongah kaminawk to tacawtsak king moa naukta ih ampa hoi amno hoi a hnukbang longthumto to a caeh haih moa naukta nongpui pasonghaih ih akhaan thungah to akun o. 41Naukta nongpui to a ban ah patawn moa, “Talitha, Koum,” tiah a naa. “Talitha, koum,” ahlong arui loa, “Naukta nongpui, angthawk ah kang naa,” tihaih ih ni.
42Vaipang ta-ah naukta nongpui loa angthawk moa takat roep. (Anih loa saning hlaihnetto kami ni). Ato hmuen kathok to a hnuk o na-ah katingai a dawnrai o. 43To-e Jesuh mah mita khaeah doeh thuih han aiah lok a paek moa, “Cak han maemaeto paek oah,” tiah a naa pae.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.