MARKA 6
6
Nazareth Ah Jesuh Takhoe O
(Mat 13:53-58; Luk 4:16-30)
1Jesuh loa ato hmuenh to tacawt tak moa angmah vang ah a hnukbangnawk hoiah a caeh o. 2Sabbath ni ah sinakok thungah to a patuk pae. Toah to kaminawk a oh o mang moa a thuih ih to ka thaih o na-ah a dawnrai o boih. “Naahoi-ih maw hibatih boiboih hae a hnuk? Kawbatih ciinghaih ih maw a hak vai? Kawbangmaw dawnraihaih hmuen hae a sak thaih? 3Meri ih capa, lehtama na ai maw? Jaem, Joseph, Judas hoi Simon cae ih amza na ai maw? A tanu doeh hiah oh na ai maw?” tiah a naa pae o. Topongah anih to tidoeh pathih pathah o ai.
4 #
Jhn 4:44
Jesuh mah anihcae khaeah, “Tahma loa angmah ohhaih ih a vang, a sanauk hoi a imthungtako tiaialoa hmuenh kalah boih ah khangzahaih to a hnuk,” tiah a naa pae.
5Toah to ngantui ai kami tamsi nuiah ban koeng moa ngantuisak khueh tiaialoa dawnraihaih hmuen kalah tidoeh sah ai. 6Taanghaih tawn o ai pongah Jesuh loa paroeai a dawnrai.
A Hnukbang Hlaihnetto Patoeh
(Mat 10:5-15; Luk 9:1-6)
Topacoengah Jesuh loa to ih taenghaek vang ah to caeh moa kaminawk to a cang haih. 7A hnukbangnawk to a kawk cu moa longhnet longhnetto ah a patoeh. Taqawk kasae pazawkhaih thaih ih akaatawnhhaih to a paek pae moa, 8“Kholong ah nam kaeh o na-ah cunghet tiaialoa kalah tita doeh sin o hmah: Buh doehsoe, pasah doehsoe, laihawnaa ah tangka doehsoe, na sin o mak ai.#Luk 10:4-11 9Khokbuen to a buenh o, to-e laihaw tangkraih to sin o hmah,” a naa pae. 10Anih mah, “Imtoemh ka paek im ah to avang kalah bangah na caeh o airoek loa toah to amdam o rae ah. 11Avang maeto ah na phak o na-ah imtoemh paek han koeh o ai moa lok doeh tahngai han koeh o ai nahaeloa na khok pongih vaiphu to takhoek o thuih ah. Ato loa anihcae hanah acoehaih paek iah om tih,” tiah a naa pae.#Tok 13:51
12Topongah a caeh o moa mi boih mah a zaehaih ih to caeh o tak hanah tamthang lok to a thuih pae o. 13Taqawknawk to pathok o mang moa ngantui ainawk to oliv situi to nok pae o moa ngan a tuisak o.#Jem 5:14
Baptisma Paekkung Johan Duekhaih
(Mat 14:1-12; Luk 9:7-9)
14Jesuh ih tamthang loa vang kruekah amthang pongah Herod#6:14 Herod Sangpahrang hae Galili prae ukkung Herod Antipas ni. Herod Kalen BC 37-4 ih capa ah oh moa (BC 4 AD 37) roekto a uk. Sangpahrang mah ato lok to a thaih toeng. Thoemto kaminawk mah, “Baptisma paekkung Johan loa a hing let boah. Topongah ni dawnrai hmuen sak hanah hmuen sakthaihaih ih to a tawnh,” a ti o.
15To-e mi kalah mah, “Elijah ni,” a naa pae o.
Mi kalah mah loa, “Zanghnii ih tahmanawk batih toeng tahma longlongto ni,” tiah a naa o.
16Ato to Herod mah a thaih toeng na-ah, “Baptisma paekkung Johan ni! A lu to ka boengsak boah e a hing let hae loa,” tiah a ti. 17Herod angmah roeroe mah Johan to naeh moa pahlet moa thongim ah pakhrak hanah lok a paek boah. Herod mah hi hmuen sakhaih ih loa amnauk Filip ih zu Herodias to lomh pae moa angohhaih pongah ni.#Luk 3:19-20 18Johan mah, “Nam nauk ih zu nang ohhaih to amsoem ai,” tiah a thuih pae tuektuek.
19Topongah Herodias loa Johan to a misa ah a suek moa paduek han a koeh, to-e Herod a oh pongah kawbang doeh sah thai ai. 20Herod loa Johan to a zit, kawmawtiah Johan loa kami kahoih hoi kami kacai ah a oh tito a panoek. Topongah kasueng ta-ah a ohsak. A lokthuih ih a thaih roekto palungbetsak e a thuih ih tahngaih to loa a koeh toengtoeng bae.
21Hnukkhuem ah Herodias mah atue kahoih to a hnuk. Herod zahhaih ni a phak na-ah acozah ukkung kacoetanawk boiboih, risa ukkung angraengnawk hoi Galili prae thungih ka om kacoetanawk hanah buhraeng poi to a sak pae. 22Herodias canu#6:22 Herodias canu tihae thoemto banrikcabu ah angmah ih canu Herodias tiah oh. loa akun moa a hnawh amlamh, Herod hoi angmah pacae ih angraengnawk loa palung anghoesak o. Topongah Sangpahrang angraeng mah tanglata khaeah, “Timaw na koeh? Na koeh ih saqui to kang paek han,” tiah a naa pae. 23Lok amaihhaih hoiah, “Na hnik ih saqui to kang paek han, ka uk ih prae ahap khoekto mataeng doeh kang paek han,” tiah loktaaphaih hoiah a thuih.
24Topacoengah tanglata loa a caeh moa amno khaeah, “Timaw ka hnik han?” tiah a duengh.
Amno mah, “Baptisma paekkung Johan ih a lu to hnih a,” tiah a naa pae.
25Tanglata to loa amlaem phrat let moa Sangpahrang angraeng khaeah, “Vaihi roeroe ah hiah Baptisma paekkung Johan ih a lu to sabaepui pongah na paek hanah ka koeh,” tiah a naa pae.
26Ato to a thaih na-ah Sangpahrang loa paroeai palung a set, to-e a pacae ih angraeng hoi kacoetanawk hma-ah loktaaphaih hoiah lok amaih ving boah pongah aek thaih ai boah. 27Topongah misa toepkung risa longto patoeh roep moa Johan ih a lu to sinh hanah lok a paek. Anih loa thongim ah a caeh moa Johan ih lu to a boeng. 28Topacoengah sabaepui pongah a sinh moa tanglata to a paek, anih mah amno khaeah a paek pae patoeng. 29Ato kawng to Johan ih a hnukbangnawk mah a thaih o na-ah angzoh o, a qok to a lak o moa aphum o.
Mipui Sangpangato Buh A Kok
(Mat 14:13-21; Luk 9:10-17; Jhn 6:1-14)
30A patoeh ih kaminawk to anghloih o moa Jesuh hoiah angqum o, a sak o ih boiboih hoi a patukhaih ih boiboih to a thuih pae o. 31A taengah kangzo hoi kamlaem, ka caeh ka om kami katingai pop pongah Jesuh hoi a hnukbangnawk loa buh cak hanah atue boe doeh tawn o thaih ai. Topongah anihcae khaeah, “Amding ruehaih hmuenh ah caeh o siloa aimahcae khueh ah om o si, toah to nawnetta nanghak o thaih tih,” tiah a naa. 32Topongah kami amdinghaih hmuenh ah angmahcae khueh ah palong hoiah a caeh o.
33To-e a caeh o to kami ka pop parai mah a hnuk o moa amimaw tito a panoek o; topongah vang kruek hoitoah tacawt o moa oenglam hoiah hmabang ah cawnh o moa Jesuh hoi a hnukbangnawk phak ai nahlanah ahmuenh ah to a phak o hmaloe. 34Jesuh loa palong thung hoitoah tacawt na-ah mipui paroeai to a hnuk moa palung loa anihcae tahmenhaih hoiah a koi, kawmawtiah tuukroekung hoiaiah tuu batiah a oh o sut. Topongah hmuen zetpui a patuk pae.#Nam 27:17; 1 Sang 22:17; 2 Dung 18:16; Ezk 34:5; Mat 9:36 35Duembang niduemh na-ah a hnukbangnawk angzoh moa, “Niduem ngawt boah, hi hmuenh loa kami amdinghaih tawtaqak hmuenh ni. 36Mipuinawk to patoeh aloa taenghaek ih avangnawk hoi lawk ah to cak hankoi maemaeto qan hanah caeh o na soe,” tiah a naa pae o.
37Jesuh mah, “Nangcae mah a cak o hanih to paek pae o,” tiah a naa.
Anihcae mah, “Ka caeh o moa maku phoisa#6:37 Maku phoisa: Maku phoisa maeto hae kami longto ih nito tok saktho ni (Mat 20:2 khen ah). cumvaihnetto tho takaw to qanh moa anihcae to pacah hanah na koeh maw?” tiah a naa pae o.
38Jesuh mah, “Takaw nazetto maw a oh? Caeh oloa khen o noek ah,” tiah a naa pae.
A khet moa hnuk o na-ah, “Takaw phae pangato hoi tangaa amaeh hnetto,” tiah a naa pae o.
39Topacoengah Jesuh mah a hnukbangnawk khaeah kaminawk boiboih to a bubu ah phroh nuiah anghnutsak hanah a thuih pae. 40Topongah mipuinawk to cumvaito takrah, quipangato takrah tito ah anghnutsak o. 41Topacoengah Jesuh mah takaw kae pangato hoi tangaa hnetto a lak, van bangah a doeng moa Sithaw khaeah kawn lok a thuih. Takaw to a aeh moa mipui to pazet hanah a hnukbangnawk to a paek. Tangaa hnetto doeh mipui boih to pazet. 42Mi boih mah cak o moa a boep o. 43Takaw hoi tangaa cak kamhlai to pakuem o moa daengkraem phawh hlaihnetto ka koi a hak o. 44Ka caanawk boih loa nongpa ngaiah sangpangato a phak.
Jesuh Tui Nuiah Takat
(Mat 14:22-33; Jhn 6:15-21)
45Topacoengah Jesuh mah mipui to amlaemsak li na-ah a hnukbangnawk to palong thungah akunsak phrat moa tuili hapbang zaeh, Bethsaida vang ah caeh hmaloe hanah a patoeh. 46Mipui hoiah ampraek pacoengah khophoeh hanah maenui ah to caeh. 47Duembang khoving na-ah palong loa tuili um ah a phak o. Tona thuemah Jesuh loa angmah bueng oeng bangah to a oh vop. 48A hnukbangnawk loa palong thoek o na-ah takhi mah a daengh pae pongah raihaih katingai a tongh o tito a hnuk. Topongah akhawnbang nitue thumto hoi tarukto salak ah tui nuiah takat moa anihcae khaeah to a caeh. Anihcae to takren moa caehtak han thuih,#6:48 Anihcae to takren moa caehtak han thuih tihae Anihcae to abo han thuih tiah doeh oh thaih. 49to-e tui nuiah taka to a hnuk o. “Kamlaa ni,” tiah a dawn o moa a hangh o tuengprueng. 50A hnuk o na-ah anihcae boih mah a zit o.
Tona-ah karang ah Jesuh mah anihcae khaeah, “Kamong ta-ah om oh! Kai ni, zi o hmah,” tiah a naa pae. 51Topacoengah a hnukbangnawk hoiah palong thungah akun o moa takhi to a dit roep. A hnukbangnawk loa a dawnrai o phi, 52kawmawtiah mipui sangpangato buh pacah ih thuihkoehhaih to thaihkop o ai, palungthin thungah doeh dawn o vaih ai.
Gennesaret Ah Ngannanawk A Hoihsak
(Mat 14:34-36)
53Tuili to angpoeng o moa Gennesaret prae ah to a phak o moa ato hmuenh ah palong to apaeh o. 54Palong hoitoah tacawt o na-ah mipui mah Jesuh to a mat o phrat roep. 55Topongah to prae bum boih ah to karang ah caeh o moa a ohhaih ahmuenh to a thaih o nakruek ah to hmuenh ah to ngantui ainawk to hnibaih hoiah angzawn o. 56Jesuh a caeh nakruek ah vangca ah doehsoe, vangpui ah doehsoe, lawk ah doehsoe, vawnsai zawhhaih hmuenh ah doehsoe ngoi kananawk to angzoh o haih moa kahnitom khueh mah suisak hanah a hnik pae o; ka sui kaminawk boih mah ngantui o.
Atualmente selecionado:
MARKA 6: AKNT2023
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.
MARKA 6
6
Nazareth Ah Jesuh Takhoe O
(Mat 13:53-58; Luk 4:16-30)
1Jesuh loa ato hmuenh to tacawt tak moa angmah vang ah a hnukbangnawk hoiah a caeh o. 2Sabbath ni ah sinakok thungah to a patuk pae. Toah to kaminawk a oh o mang moa a thuih ih to ka thaih o na-ah a dawnrai o boih. “Naahoi-ih maw hibatih boiboih hae a hnuk? Kawbatih ciinghaih ih maw a hak vai? Kawbangmaw dawnraihaih hmuen hae a sak thaih? 3Meri ih capa, lehtama na ai maw? Jaem, Joseph, Judas hoi Simon cae ih amza na ai maw? A tanu doeh hiah oh na ai maw?” tiah a naa pae o. Topongah anih to tidoeh pathih pathah o ai.
4 #
Jhn 4:44
Jesuh mah anihcae khaeah, “Tahma loa angmah ohhaih ih a vang, a sanauk hoi a imthungtako tiaialoa hmuenh kalah boih ah khangzahaih to a hnuk,” tiah a naa pae.
5Toah to ngantui ai kami tamsi nuiah ban koeng moa ngantuisak khueh tiaialoa dawnraihaih hmuen kalah tidoeh sah ai. 6Taanghaih tawn o ai pongah Jesuh loa paroeai a dawnrai.
A Hnukbang Hlaihnetto Patoeh
(Mat 10:5-15; Luk 9:1-6)
Topacoengah Jesuh loa to ih taenghaek vang ah to caeh moa kaminawk to a cang haih. 7A hnukbangnawk to a kawk cu moa longhnet longhnetto ah a patoeh. Taqawk kasae pazawkhaih thaih ih akaatawnhhaih to a paek pae moa, 8“Kholong ah nam kaeh o na-ah cunghet tiaialoa kalah tita doeh sin o hmah: Buh doehsoe, pasah doehsoe, laihawnaa ah tangka doehsoe, na sin o mak ai.#Luk 10:4-11 9Khokbuen to a buenh o, to-e laihaw tangkraih to sin o hmah,” a naa pae. 10Anih mah, “Imtoemh ka paek im ah to avang kalah bangah na caeh o airoek loa toah to amdam o rae ah. 11Avang maeto ah na phak o na-ah imtoemh paek han koeh o ai moa lok doeh tahngai han koeh o ai nahaeloa na khok pongih vaiphu to takhoek o thuih ah. Ato loa anihcae hanah acoehaih paek iah om tih,” tiah a naa pae.#Tok 13:51
12Topongah a caeh o moa mi boih mah a zaehaih ih to caeh o tak hanah tamthang lok to a thuih pae o. 13Taqawknawk to pathok o mang moa ngantui ainawk to oliv situi to nok pae o moa ngan a tuisak o.#Jem 5:14
Baptisma Paekkung Johan Duekhaih
(Mat 14:1-12; Luk 9:7-9)
14Jesuh ih tamthang loa vang kruekah amthang pongah Herod#6:14 Herod Sangpahrang hae Galili prae ukkung Herod Antipas ni. Herod Kalen BC 37-4 ih capa ah oh moa (BC 4 AD 37) roekto a uk. Sangpahrang mah ato lok to a thaih toeng. Thoemto kaminawk mah, “Baptisma paekkung Johan loa a hing let boah. Topongah ni dawnrai hmuen sak hanah hmuen sakthaihaih ih to a tawnh,” a ti o.
15To-e mi kalah mah, “Elijah ni,” a naa pae o.
Mi kalah mah loa, “Zanghnii ih tahmanawk batih toeng tahma longlongto ni,” tiah a naa o.
16Ato to Herod mah a thaih toeng na-ah, “Baptisma paekkung Johan ni! A lu to ka boengsak boah e a hing let hae loa,” tiah a ti. 17Herod angmah roeroe mah Johan to naeh moa pahlet moa thongim ah pakhrak hanah lok a paek boah. Herod mah hi hmuen sakhaih ih loa amnauk Filip ih zu Herodias to lomh pae moa angohhaih pongah ni.#Luk 3:19-20 18Johan mah, “Nam nauk ih zu nang ohhaih to amsoem ai,” tiah a thuih pae tuektuek.
19Topongah Herodias loa Johan to a misa ah a suek moa paduek han a koeh, to-e Herod a oh pongah kawbang doeh sah thai ai. 20Herod loa Johan to a zit, kawmawtiah Johan loa kami kahoih hoi kami kacai ah a oh tito a panoek. Topongah kasueng ta-ah a ohsak. A lokthuih ih a thaih roekto palungbetsak e a thuih ih tahngaih to loa a koeh toengtoeng bae.
21Hnukkhuem ah Herodias mah atue kahoih to a hnuk. Herod zahhaih ni a phak na-ah acozah ukkung kacoetanawk boiboih, risa ukkung angraengnawk hoi Galili prae thungih ka om kacoetanawk hanah buhraeng poi to a sak pae. 22Herodias canu#6:22 Herodias canu tihae thoemto banrikcabu ah angmah ih canu Herodias tiah oh. loa akun moa a hnawh amlamh, Herod hoi angmah pacae ih angraengnawk loa palung anghoesak o. Topongah Sangpahrang angraeng mah tanglata khaeah, “Timaw na koeh? Na koeh ih saqui to kang paek han,” tiah a naa pae. 23Lok amaihhaih hoiah, “Na hnik ih saqui to kang paek han, ka uk ih prae ahap khoekto mataeng doeh kang paek han,” tiah loktaaphaih hoiah a thuih.
24Topacoengah tanglata loa a caeh moa amno khaeah, “Timaw ka hnik han?” tiah a duengh.
Amno mah, “Baptisma paekkung Johan ih a lu to hnih a,” tiah a naa pae.
25Tanglata to loa amlaem phrat let moa Sangpahrang angraeng khaeah, “Vaihi roeroe ah hiah Baptisma paekkung Johan ih a lu to sabaepui pongah na paek hanah ka koeh,” tiah a naa pae.
26Ato to a thaih na-ah Sangpahrang loa paroeai palung a set, to-e a pacae ih angraeng hoi kacoetanawk hma-ah loktaaphaih hoiah lok amaih ving boah pongah aek thaih ai boah. 27Topongah misa toepkung risa longto patoeh roep moa Johan ih a lu to sinh hanah lok a paek. Anih loa thongim ah a caeh moa Johan ih lu to a boeng. 28Topacoengah sabaepui pongah a sinh moa tanglata to a paek, anih mah amno khaeah a paek pae patoeng. 29Ato kawng to Johan ih a hnukbangnawk mah a thaih o na-ah angzoh o, a qok to a lak o moa aphum o.
Mipui Sangpangato Buh A Kok
(Mat 14:13-21; Luk 9:10-17; Jhn 6:1-14)
30A patoeh ih kaminawk to anghloih o moa Jesuh hoiah angqum o, a sak o ih boiboih hoi a patukhaih ih boiboih to a thuih pae o. 31A taengah kangzo hoi kamlaem, ka caeh ka om kami katingai pop pongah Jesuh hoi a hnukbangnawk loa buh cak hanah atue boe doeh tawn o thaih ai. Topongah anihcae khaeah, “Amding ruehaih hmuenh ah caeh o siloa aimahcae khueh ah om o si, toah to nawnetta nanghak o thaih tih,” tiah a naa. 32Topongah kami amdinghaih hmuenh ah angmahcae khueh ah palong hoiah a caeh o.
33To-e a caeh o to kami ka pop parai mah a hnuk o moa amimaw tito a panoek o; topongah vang kruek hoitoah tacawt o moa oenglam hoiah hmabang ah cawnh o moa Jesuh hoi a hnukbangnawk phak ai nahlanah ahmuenh ah to a phak o hmaloe. 34Jesuh loa palong thung hoitoah tacawt na-ah mipui paroeai to a hnuk moa palung loa anihcae tahmenhaih hoiah a koi, kawmawtiah tuukroekung hoiaiah tuu batiah a oh o sut. Topongah hmuen zetpui a patuk pae.#Nam 27:17; 1 Sang 22:17; 2 Dung 18:16; Ezk 34:5; Mat 9:36 35Duembang niduemh na-ah a hnukbangnawk angzoh moa, “Niduem ngawt boah, hi hmuenh loa kami amdinghaih tawtaqak hmuenh ni. 36Mipuinawk to patoeh aloa taenghaek ih avangnawk hoi lawk ah to cak hankoi maemaeto qan hanah caeh o na soe,” tiah a naa pae o.
37Jesuh mah, “Nangcae mah a cak o hanih to paek pae o,” tiah a naa.
Anihcae mah, “Ka caeh o moa maku phoisa#6:37 Maku phoisa: Maku phoisa maeto hae kami longto ih nito tok saktho ni (Mat 20:2 khen ah). cumvaihnetto tho takaw to qanh moa anihcae to pacah hanah na koeh maw?” tiah a naa pae o.
38Jesuh mah, “Takaw nazetto maw a oh? Caeh oloa khen o noek ah,” tiah a naa pae.
A khet moa hnuk o na-ah, “Takaw phae pangato hoi tangaa amaeh hnetto,” tiah a naa pae o.
39Topacoengah Jesuh mah a hnukbangnawk khaeah kaminawk boiboih to a bubu ah phroh nuiah anghnutsak hanah a thuih pae. 40Topongah mipuinawk to cumvaito takrah, quipangato takrah tito ah anghnutsak o. 41Topacoengah Jesuh mah takaw kae pangato hoi tangaa hnetto a lak, van bangah a doeng moa Sithaw khaeah kawn lok a thuih. Takaw to a aeh moa mipui to pazet hanah a hnukbangnawk to a paek. Tangaa hnetto doeh mipui boih to pazet. 42Mi boih mah cak o moa a boep o. 43Takaw hoi tangaa cak kamhlai to pakuem o moa daengkraem phawh hlaihnetto ka koi a hak o. 44Ka caanawk boih loa nongpa ngaiah sangpangato a phak.
Jesuh Tui Nuiah Takat
(Mat 14:22-33; Jhn 6:15-21)
45Topacoengah Jesuh mah mipui to amlaemsak li na-ah a hnukbangnawk to palong thungah akunsak phrat moa tuili hapbang zaeh, Bethsaida vang ah caeh hmaloe hanah a patoeh. 46Mipui hoiah ampraek pacoengah khophoeh hanah maenui ah to caeh. 47Duembang khoving na-ah palong loa tuili um ah a phak o. Tona thuemah Jesuh loa angmah bueng oeng bangah to a oh vop. 48A hnukbangnawk loa palong thoek o na-ah takhi mah a daengh pae pongah raihaih katingai a tongh o tito a hnuk. Topongah akhawnbang nitue thumto hoi tarukto salak ah tui nuiah takat moa anihcae khaeah to a caeh. Anihcae to takren moa caehtak han thuih,#6:48 Anihcae to takren moa caehtak han thuih tihae Anihcae to abo han thuih tiah doeh oh thaih. 49to-e tui nuiah taka to a hnuk o. “Kamlaa ni,” tiah a dawn o moa a hangh o tuengprueng. 50A hnuk o na-ah anihcae boih mah a zit o.
Tona-ah karang ah Jesuh mah anihcae khaeah, “Kamong ta-ah om oh! Kai ni, zi o hmah,” tiah a naa pae. 51Topacoengah a hnukbangnawk hoiah palong thungah akun o moa takhi to a dit roep. A hnukbangnawk loa a dawnrai o phi, 52kawmawtiah mipui sangpangato buh pacah ih thuihkoehhaih to thaihkop o ai, palungthin thungah doeh dawn o vaih ai.
Gennesaret Ah Ngannanawk A Hoihsak
(Mat 14:34-36)
53Tuili to angpoeng o moa Gennesaret prae ah to a phak o moa ato hmuenh ah palong to apaeh o. 54Palong hoitoah tacawt o na-ah mipui mah Jesuh to a mat o phrat roep. 55Topongah to prae bum boih ah to karang ah caeh o moa a ohhaih ahmuenh to a thaih o nakruek ah to hmuenh ah to ngantui ainawk to hnibaih hoiah angzawn o. 56Jesuh a caeh nakruek ah vangca ah doehsoe, vangpui ah doehsoe, lawk ah doehsoe, vawnsai zawhhaih hmuenh ah doehsoe ngoi kananawk to angzoh o haih moa kahnitom khueh mah suisak hanah a hnik pae o; ka sui kaminawk boih mah ngantui o.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.