Johannes 2
2
ONTOPORUA 2.
Jesus kohango ku Kanaa.
1Mesiku etitatu ko otaku danua ohango ku Kanaan mu Galilea. Hina ha Jesus uo oko a ri.
2Na he uo Jesus naarongua je okua ja shijua ko.
3Omavinju sho ga pu po, hina ha Jesus ta ti ku he: Kaa nomavinju ue.
4Jesus h’ote mu jamukura: Mukiintu, shoka otshohe nenge otshandje? Ecimbo rjandje inari cika nanena.
5Nde Maria ta rombuere aapija: Ajishe, mbi te mu rombuere, ji ningeni tuu!
6Opua ri mpo pu niijuma jeroua jokukuatera mo omeja, ja ri kanekamue. Ja ri jokuikoshera mo komukaro guaajuda, keshe tuu tshimue tshi cike piihemere iijari nenge iitatu.
7Jesus te ja rombuere: Udeni iijuma omeja. Jo taa ju uda sigo okeemurungu.
8Jesus h’ote ja rombuere itshee, ta ti: Pindii mo, mu ete nduno komutopori. Jo taa mu etere nokuri.
9Omutopori, hera a makere omeja ga tshituka omavinju, ke tshi mpo ga zi (aapija, mba ja tekere, oja ri je tshi tshi naua) h’oti icana nakujara.
10Nde ta ti ku he: Keshe muntu ohe eta po tango omavinju omaanaua; aantu sho ja kumua, he ta ke eta ko ngo omaanaua runga. Ndere ngueje oua pungura ouara omavinju omaanaua sigo ongashiingii.
11Shika otsho otshirongankondo tsha Jesus tshotango. A horora natsho ehadimo rje, jo aarongua taa mu iteere.
Jesus motempeli ku Jerusalem.
12Okuza mpoka h’ota hi ku Kafarnaum, he na hina naamuahina naarongua je; oko ja ka kara omasiku omatshon’ike.
13Oshoka Opaska haajuda oha ri popepi. Ano Jesus ta hi ku Jerusalem.
14Nde montempeli ta ada mo aantu, taa tshingica eendumetana neenzi neenguti, otsho mua kaatumba uo mba taa tatura iimariua.
15H’ota ningi ongora homapando, nde ta tida mo montempeli ajeshe, neenzi uo neendumetana; iitafura h’ote ji nganjuna, nd’iimariua jaataturi te ji tireshi.
16Ku mba taa randice eenguti, ta ti: Kucii po iinima jeni mu he, inamu ninga egumbo rja Tate egumbo rjokurandera.
17Ngashiingika aarongua jo taa dimburukua, sho pua tshangua, taku ti: Erama rjokukondjera egumbo rjohe rjo tari ri ndje po.
18Aajuda taa mu pura, taa ti: Edidiriko oriini po to tu urukire, sho to ningi shono?
19Jesus h’ota jamukura, ta ti ku jo: Shanagureni po ontempeli ndjika, ngaje otii ke hi tungurura omasiku gatatu.
20Mpa aajuda taa ti: Ontempeli ndjika oha tungua eemuvo eemurongo iine neemuvo kanekamue, ndere oho to tungurura omasiku gatatu?
21Ndere Jesus okua popi nani ontempeli horutu rue.
22Sho a ka jumuka, aarongua je oja dimburukua eehapu dika, jo taa hiteere eendanda neehapu di da popiua ku Jesus.
23Manka a ri kOpaska mu Jerusalem, ojendji oji iteere medina rje, oshoka oja mono iirongankondo, mbi a ninga ko.
24Ndere Jesus muene ini inekera mu jo, oshoka okue ja dimburura ajeshe.
25Na shoka ina pumbua okupeua ehokororo komuntu, he muene oku tshi, shi tshi ri momuntu.
Atualmente selecionado:
Johannes 2: KWM
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Omission Heklesia Ekatolika, 1951. Namibian Catholic Bishops Conference.