San Mateo Ä'kanä̧ jiäkuäwä
Ä'kanä̧ jiäkuäwä
Jesucrito uwäpächäkua'a ä'kojitä päi'ünä̧, Irae ttü̧ja̧rü̧mä̧ rey Dawi ttu̧ru̧wa̧ jü̧nä̧ weina̧'a̧ ji̧na̧'a̧. Ja̧'wa̧nü̧ ja̧'a̧ttü̧ Irae ttü̧ja̧mä̧, ttu̧ru̧wa̧ Dawi uruwo ji̧nü̧ rü̧ȩnä̧ amükuädinä̧tü̧. Ji̧yȩtȩ mo̧ro̧mä̧ Dawi i̧tti̧mü̧ttü̧ Dio weäkua'a ukuokuinü̧mä̧, wȩä̧kuä̧u̧jä̧ pä'ü, jua̧u̧nü̧ ji̧nü̧ta'anü̧ turuwomä̧ ppa̧wä̧chä̧kuä̧u̧jä̧ pä'ü. Jua̧u̧ i̧chä̧kua̧ pä'ü tta̧ttä̧ri̧nä̧ku̧mä̧, hebreo wȩnȩnä̧mä̧ ja̧'wa̧ta̧nü̧ griego wȩnȩnä̧mä̧, Mesías, jü̧nä̧'i̧nä̧ Crito pä'ü'i̧nä̧ pättinä̧ku̧ «Dio pojopü ȩmi̧nä̧ku̧ ru̧wa̧ pä'ü».
Pi̧yȩ jareü wȩnȩnä̧mä̧, Crito uwäpächäja'a adiwäjuei wȩnȩ Irae ttü̧ja̧rü̧ jittäwinü̧ ukuokua'a (Capíturu 1, 2nä̧mä̧), Jua̧u̧ Jesú-mä̧ Nazare ütawiyä ttü̧ja̧sa̧, dauwiyä roäwä i̧sa̧ José, María-ku tti̧tti̧ ji̧na̧'a̧ (13.55). Ja̧'wa̧nü̧ ja̧'a̧ttü̧ Mateo-mä̧ ä̧kuo̧mȩnä̧ttü̧ kkä̧mä̧dü̧, beipächomȩbü päi'ünä̧ Dio jȩä̧kuȩ päinü̧mä̧, ya'utekutä jiäwa'a Jesú-tätä ja̧'a̧ profeta pä'ümä̧, Moisé i̧wȩyu̧ti̧nü̧ta̧'a̧nü̧ ja̧'wa̧ta̧nü̧ Profetas winä̧tü̧ tti̧wȩyu̧ti̧nü̧ta̧'a̧nü̧. Jua̧u̧ topätüjä̧ Mateo ppa̧'a̧dä̧rü̧ pa̧'a̧nü̧ pä'attü: «Pi̧yȩmä̧ 'kuäopina̧'a̧, Dio juätünä̧ pa̧'a̧nü̧ ukuokuinü̧...» (1.22-25; 21.4); «isopäi'ünä̧ Profeta-mä̧ pa̧'a̧nü̧ pä'inü̧...» (2.5); «ja̧'wa̧nü̧tä̧ 'kuäopina̧'a̧, Dio pa̧'a̧nü̧ profeta-nä̧ ukuokuinü̧'a̧kuä̧tä̧,» (2.15,17,23; 4.14; 12.17; 27.9). Mateo-mä̧, Jesú-rumä̧, suro Dio weinä̧ku̧ jü̧nä̧tä̧mä̧ ukuokuokü; Jesú ütü'kü rü̧ȩnä̧ wo̧juȩkuä̧ i̧sa̧ jü̧nä̧'i̧nä̧ ji'äu. Jua̧u̧ Jesú u̧wo̧juȩti̧nü̧mä̧ «Mü̧ä̧'kattü jiäwinü̧ wȩnȩ» ja̧'a̧, (capíturu 5—7nä̧), sietenü̧ jo̧mȩnä̧ wȩnȩtü̧ ji'äwinü̧ (capíturu 13nä̧), rüjí ja̧'a̧ku̧ capíturunä̧ kä'ädü jiäwa'a (capíturu 23-25). Ja̧'wa̧nü̧ ja̧'a̧ttü̧ Mateo jareü wȩnȩ jiäumä̧, Peduru po̧i̧ 'choäwä i̧sa̧ ädätinü̧tä̧ ja̧'a̧. Jesú u̧wo̧juȩtä̧u̧rü jä'epü ä̧ju̧kui̧nü̧tä̧: Ja̧'wa̧nü̧ ja̧'a̧ ¿ukutu päkuätukumä̧, ttümä̧ dí cha'ajä̧ttü̧? jäepäkumä̧, Peduru-mä̧ a̧'kua̧ u̧wȩnä̧ra̧'a̧ttü̧ ädätinü̧: «Ukumä̧, kkü̧ Dio i̧tti̧, Crito-jä̧, tta̧'kua̧rü̧ iyäwä i̧sa̧,» jü̧nä̧ (16.15-16). Jesú i̧mi̧ ji̧yȩtȩttü̧ profeta Isaía jiäwinü̧'a̧kuä̧ 'kuäopinü̧mä̧, Emanuel pä'ü päwä ja̧'a̧, ja̧'wa̧nü̧ pä'ümä̧: «Dio-mä̧ ujututäku kkü̧» pä'ü päwä ja̧'a̧, (1.22-25). Mateo-mä̧ ji'äu, Jesú u̧mü̧wä̧yotürü rüjí te'äwi'ü päino̧mȩ: «Ttümä̧, ukututäku chü̧jä̧kua̧sä̧ pi̧jä̧ beipächomȩbü päi'ünä̧,» jü̧nä̧ (28.20).
Atualmente selecionado:
San Mateo Ä'kanä̧ jiäkuäwä: PNT13
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© Sociedades Biblicas Unidas en Venezuela