مَتّی 3
3
یحیی تیَمیددهندَه، رئی مسیحی گه باس بای آمادَه مِهِه
1اِ اَ روژِلَ یحیی تیَمیددهندَه ظاهر بی. او اِ بیاوو یهودیَه موعظَه مَهَردی ئو 2موئِتی: «توئَه بِهَن اَرِیَگه پاتِشائی آسمو نزیکَ!» 3یَه هَر اَوَه‌‌سَ گه اِشعیا پِخَمَر اِبارَه اوءَ موشی:
«دَنگ اَوَه گه اِنوم بیاوونَ مَقارونی:
”رئی خداون آمادَه کَن!
ئو رئیَل او راس کَن!“»
4یحیی کِراسی اژ حُری شتِر اِوَر بیتی ئو قِ‌وَن چرمینی مَوَستیِ قِ، ئو خوراک او قُلَ ئو هَسَل کوئی بی. 5مردِم اورشلیم ئو سِرُسَر هیال یهودیَه ئو کُل هیالَل هِناس روو اُردن، کُلَ مَچیان اِرَه تک او، 6ئو اعترافونَ مَهَردَ گنائَل ووژو، ئو اِنوم روو اُردن وَه دس او خُسِل تیَمیدونَ مَگِرت.
7مِنتائای یحیی وخدی دیتی فِرَه کسَل اژ شیخَل فرقَه‌ل فَریسی ئو صَدّوقی ماهاتِن اِرَه اورَه گه او تیَمیدَ ماتی، وِتی‌ئونو: «اِاِ حَفی‌زائَل! کی هُشتار دائونتو تا اژ خَضوئی گه ها نواتون‌اِر، بِحواینو؟ 8اِسَه کارَلی بِهَن گه نِشو دِ توئَه‌تو کِردیَ. 9وَه لا ووژتونا نوشِن ”باوَه ایمَه ابراهیمَ.“ اَرِیَگه موشِم‌ئونتو، خدا مَتونی اژ ایی کُچِکِلَ اَرِه ابراهیم آیلَلی دُریس کِ. 10جُ‌جُ هَراِسگِه‌یشَ تیشَه نیریاس اَر ریشی دارَل. اِسَه هر داری گه ثمر خو ناری، مُئرِنی ئو ماوژِنی اِنوم آگِر.
11«مِن اَرِه توئَه، وَه آو تیَمیدتونَ میَم؛ مِنتائای اَوَه گه دُما مِنَ مای تَوُناتِر اژ مِنَ ئو مِه جُ‌جُ لائق نیِم گه کِلاشَل جِفت کَمی. او وَه روح‌القدس ئو آگِر تیَمیدتونَ مِ. 12او شَن ووژ هایتیِ دَسا ئو خَرمُجا ووژ پاکا مِهِه ئو گَنِم ووژ اِنوم اَمار جیَمَ مِهِه، مِنتائای کیَه اِنوم آگِری گه هرگِس کورا نِماو، مَسُزِنی.»
خُسِل تیَمید عیسی
13اَسَه عیسی اژ هیال جلیل هات اِرَه روو اُردن تاگَه وَه دس یحیی تیَمید بِگِری. 14مِنتائای یحیی تقِلا کِردی نوا او بِگِری وِتون: «یَه مِنِم گه باس اژ تو تیَمید بِگِرِم، اِسگَه تونَ ماین اِرَه تک مِه؟» 15عیسی وِتیَ یحیی: «بِیل اِسگَه هُنَ بو، اَرِیَگه اَرِه ایمَه دُریس یَسَ گه حکِم خدا تمومِ‌کمال باریمَ جا.» اِسَه یحیی رضائت داتی. 16وخدی عیسی تیَمید گِرتی، هِرازِه اژ آو اِرهات. هَراَ حِنَ آسمو تاقا بی ئو یحیی روحِ خدا دیتی گه چُی کموتری هاتَ هُار ئو نیشت اَررُی عیسی‌آ. 17اَسَه دَنگی اژ آسمو هات گه «یَسَ کُر عزیزگرامیم گه فِرَه وَه دل مِنَ.»
Atualmente selecionado:
مَتّی 3: LBT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
@ 2024 Korpu Company