GENESIS 15
15
1Kahishquahahyaug oonoo Abram oogeöodissegoon oodekedoowin owh Jehovah emuh wazhebahbunduhmoowining, oo‐oo keëgood, Kagoo sagezekan, Abram; neen mah nindow kepuhkuhahquaun, kuhya kekeche‐tebahahmahgoowin.
2Abram dush oo‐oo keëkedoo, Jehovah Kasha‐Muhnedooweyun, wagoonash kameezheyun, oonje oonejahnesesewaun, kuhya owh ganuhwandung newegewaum me suh mahbuh Eliziezer Damascusing duhzhe wenene?
3Abram dush oo‐oo keëkedo Benuh kahween kegemeezhese kaöonejahneseyaun: pazhig dush nahgid emuh newegewauming oogahdebandaun netebenuhwawezewin.
4Benuh dush oogeöodissegoon oodekedoowin owh Jehovah, oo‐oo keëgood, Kahween mahbuh oogahdebanduhseen ketebenuhwawezewin; owh atuh kasahguhung oonje kenuhgezheeng mesuh owh kadebandung ketebenuhwawezewin.
5Oogesahgejewenaun dush ewede ahgwahjeeng, oo‐oo dush keënaud, Ishpeming enuhkuhkayah enahbin, ughim dush egewh ahnungoog, kishpin kushketooyun cheühgemudwah: oo‐oo dush oogeënaun, Mesuh kaëshenoowaud kenejahnesug.
6Oogedabwayanemaun dush Jehovahun; mesuh minwandahgooze kahoonjeënanemind.
7Oo‐oo kuhya oogeënaun, Neen nindow owh Jehovah kahsahgejewenik oonje Uring Chaldœanong anduhgoog, chemeen enaun maunduh uhkee chedebanduhmun.
8Oo‐oo dush keëkedoo Abram, Jehovah Kasha‐Muhnedooweyun, wagoonash kaöonjekekanduhmaun kagate wedebanduhmaun?
9Oo‐oo dush oogeënaun, Oodahpenuhmahweshin noozha pezhekee nasoo‐pepoon‐uhgezid, kuhya noozha mesahbooz nasoo‐pepoon‐uhgezid, kuhya ahyahba‐mahnishtahnish nasoo‐pepoon‐uhgezid, kuhya keche‐oomeemee; kuhya oomeemeense.
10Oogeöodahpenuhmoowaun dush kuhkenuh oonoo, kuhya oogetaushkezhwaum, kuhya dadebishkoo oogepuhgedenaun: kah ween oogetaushkezhwahseen enewh penasheeün.
11Uhpe dush pahjesawaud penasheyug emuh ahtagin weyowemaun, Abraham oogeëkoonahzhahwaun.
12Uhpe dush pangeshemook keezis, kekeche‐nebah Abram; kuhya oogeähpuggezekahgoon gwatahmegwuk paeuhgishkaug.
13Kesha‐Muhnedoo dush oo‐oo oogeënaun Abramun, Kekandun kagate wemahyuggezewaud kenejahnesug emuh uhkeeng debanduhsigwah, kuhya oogahbuameetahwahwaun anduhnuhkeenejin emuh; kuhya oogahkooduggeëgoowaun enewh newauk duhsoo pepoon;
14Kuhya egewh ahnishenahbag, kabuhmeetahwahwahjin, ningahtebahkoonaug; bahmah dush tahsahguhuhmoog keche-tebenuhwawezewaud.
15Keen dush kegahezhahnaug koosebuneeg emuh pezaunezewining; kuhya kegahpuggedanemegoo uhpe kekeche‐kekahyun.
16Uhpe newing keähneka‐bemahdezewaud kenejahnesug menuhwah tahpeëzhahwug oomah: kahmah muhshe mooshkenasinene oomujje‐ezhewabezewinewah egewh Amoritug.
17Kepuggummeähyahmahgud dush, kahpungeshemoog, kuhya kahkushke‐tebekuk, benuh ningahpekezegun baquanag, kuhya sakittag wahsuhkoonanjegun azhahmahguk emuh nesuhwuhyeëe atagin enewh kahtaushkezhegahdagin.
18Me ewh uhpe kezheguk Jehovah kewahweenduhmahwaud Abrahamun, oo‐oo keënaud, Ningemeenaug kenejahnesug maunduh uhkee, oonje Egypt duhzhe seebeeng peenish ewh keche‐sebe Euphrates azhenekahdag.
19Enewh Kenitun, kuhya enewh Kenizzitun, kuhya enewh Kadmonitun.
20Kuhya enewh Hittiteün, kuhya enewh Perizzitun, kuhya Raphaimun,
21Kuhya enewh Amoritun, kuhya enewh Canaanitun kuhya Girgashitun, kuhya Jebusitun.
Atualmente selecionado:
GENESIS 15: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.