GENESIS 18
18
1Abraham dush oogewahbuhmaun Jehovahun emuh pahdukezood metigoomeezh emuh Mamreing: kahnuhmuhduhbepun dush emuh ishquaundamewunenig oowegewaum magwah kezhahtanig.
2Keöombishkinzhegwane dush kuhya keënahbe, benuh neswe enenewun pashoo kenebahwewun: uhpe dush kahwahbuhmaud, keähputtoo ahwenuhquashkahwaud enewh oonje ishquandame wung wegewaum, kuhya keshahgushketuhwaud metushkuhkummig anuhkayah.
3Oo‐oo dush keënaud, Nindoogemaum; kishpin noongoom manwahbuhmewunan, kagoo nuhguhnahkan kebuhmeetahgun kepahgoosanemin:
4Mahnoo punge nebe tahnahjegahda, chekesebegesittayag, kuhya aunwabeyook emuh ahgahwahtaähyaug uhnaume metigoong:
5Ningahnahtin dush punge buhquazhegun, menoodaäedezooyook dush; me dush uhpe chemahjahyag: me mah wanjepenaunzekahwag kebuhmeetahgunewah. Oo‐oo dush oogeëgoon enewh, Mahnoo ezhechegan ewh kahekedooyun.
6Abraham dush waweeb oogeëzhahnun Sarahun peendig wegewauming, oo‐oo dush keënaud Waweeb nesoo‐tebuhegun pahseboodag buhquazhegun wahwazhetoon, oonahdenun dush, kuhya oozheeh buhquazhegaunsug emuh chegishkooda.
7Abraham dush, oogeähbuttoonun enewh ahwahkaunun, kuhya oogepeenaun pezhekeensun nwahkewuggezenejin kuhya wanesheshenejin, oogemeenaun dush ooshkenuhwan; waweeb dush oogepahkoonaun.
8Oogeöodahpenaun dush doodoosh‐pemeda, kuhya doodooshahboo, kuhya enewh pezhekeensun kahpahkoonahjin, kepuggedenuhmahwaud edush; ween dush kenebahwe pashoo ahyahnid emuh ahgahwahtaähyahnig uhnaume metigoong, me dush kewesenenid.
9¶ Oo‐oo dush oogeënahwaun, Ahneende ahyaud Sarah kewedegamahgun? Oo‐oo dush kekeëdoo Abraham, Benuh, peendig ahyah emuh wegewauming.
10Oo‐oo dush oogeënaun, Ahbetakummig kegahpenaunzekoon uhpe debishkoosag chebemahdezing; Sarah dush kewedegamahgun oogahahyahwaun quewezansun. Sarah dush kedabetum ahyaud emuh ishquaundamewung wegewaum emuh oopequunauning ayahmahguk.
11Abraham dush kuhya Sarah ahzhe kekeche‐kekahwug; Sarah dush kepooneëzhe‐ahyah azheähyahwaud equawug.
12Mesuh Sarah kahoonjebahpid peenjenuh; oo‐oo keëkedood, Kagate enuh ningahahyaun wahwezhanduhmoowin neen katezeyaun, kuhya ketezid owh tabanemid?
13Jehovah dush oo‐oo oogeënaun Abrahamun, Wagoonash kahoonjebahpid Sarah, oo‐oo keëkedood Kagate enuh ningahoonejahnis neen katezeyaun?
14Gagoo nuh oobawhnuhwetoon owh Jehovah? Uhpe debishkoosag ewh kahekedooyaun menuhwah kegahoodissin, nhpe debishkoosag chebemahdezing, kuhya Sarah oogahahyahwaun quewezansun.
15Sarah dush keähgoonwatum, oo‐oo ekedood, Kahween ningebahpese; kesageze mah. Ween dush keëkedoo, Kagate kegebaup.
16¶ Kahpuhsegwewaud dush egewh enenewug emuh, Sodoming enuhkuhkayah keënahbewug; Abraham dush oogeuhneweejewaun chemizzesekahwaud.
17Jehovah dush oo‐oo keëkedoo, Nindahkahduhmahwah nuh Abraham ewh wahezhechegayaun?
18Kekanduhmaun kagate wekeche‐enandahgoozid kuhya wekeche‐meshenood Abraham, ween dush tahoonjeshahwandahgoosewug kuhkenuh ahnooj azheweenzoojig ahnishenahbag.
19Nekekanemah mah kagate wekahgaunzoomaud oonejahnesun kuhya oowegewauming ayahnejin keïshquah‐bemahdezid, cheguhnuhwanduhmenid oodezhetwahwin Jehovah, cheëzhecheganid ewh quayukwuk kuhya manooëzhewabuk; chedoodahwaud dush owh Jehovah enewh Abrahamun ewh kahenaud.
20Jehovah dush oo‐oo keëkedoo, Oonzaum suh oombege-zeem ewede Sodoming kuhya Gomorahing, kuhya kuhgwahnesugge‐mujje‐ezhewabud;
21Noongoom ningahezhah, cheähwewahbunduhmaun kishpin kagate kahezhechegawahgwan debishkoo anandahgwudenig oodoombegezewinewah wadissegooyaun; kishpin dush azhewabussenoogwan ningahkekandaun.
22Emuh dush keöonjequakekahbahwewug egewh enenewug, kuhya keëzhahwug Sodoming enuhkuhkayah: Abraham dush ween kayahbe kenebahwe anahsuhmid Jehovah.
23Abraham dush pashoo kepenebahwe, oo‐oo dush keëkedood, Kegahnesaug nuh kuhya egewh manoo‐ezhewabezejig uhpe nasudwah egewh maje‐ezhewabezejig?
24Kishpin nahnemeduhnuhwawaud egewh manoo‐ezhewabezejig emuh oodanaung, kegahduhgoo‐nesaug nuh egewh? kahnuhween kegahshahgwanemoose webahnuhjetooyun oodanah oonje nahnemeduhnuhwawaud egewh manoo‐ezhewabezejig emuh wahdatoojig?
25Kahbah bahpish kedahezhechegase, chenesudwah egewh manoo‐ezhewabezejig uhpe nesudwah egewh maje‐ezhewabezejig: kuhya manoo‐ezhewabezejig cheëzheähyahwaud debishkoo azheähyahwaud egewh maje‐ezhewabezejig, kahween kedahezhechegase, Kahnuh ween tahquuhyukoochegase owh kadebahkoonung uhkee?
26Jehovah dush oo‐oo keëkedoo, Kishpin mekahwugwah emuh Sodoming nahnemeduhnuh manoo‐ezhewabezejig, ningahbemahjetoon kuhkenuh ewh oodanuh oonje egewh nahnemeduhnuh.
27Abraham dush oogeguhnoonaun, oo‐oo keëkedood, Benuh neen wahyuggussaëweyaun kuhya pangweeweyaun, ningeöodahpenuhmahdiz cheguhnoonug Jehovah:
28Koonemahnahnun tahnoonda‐duhchewug egewh nahnemeduhnuh manoo‐ezhewabezejig; kegahbahnahjetoon nuh kuhkenuh anegookwaug ewh oodanah oonje nahnun noondaduhchewaud? Oo‐oo dush keëkedoo, Kishpin mekahwugwah nemeduhnuh ahshe nahnun kahween ningahbahnahjetoose.
29Menuhwah dush oogeguhnoonaun, oo‐oo keënaud, Kishpin dush nemeduhnuh mekahwindwah emuh: Oo‐oo keëkedoowun, Kahween ningahezhechegase kishpin nemeduhnuhwawaud.
30Oo‐oo dush oogeënaun, Kagoo tahnishkahdezese Jehovah, kishpin menuhwah kekedooyaun: kishpin nesemeduhnuh mekahwindwah emuh. Oo‐oo dush keëkedoowun, Kahween ningahezhechegase kishpin mekuhwugwah nesemeduhnuh emuh.
31Oo‐oo dush keëkedoo, Benuh ningeöodahpenuhmahdiz cheguhnoonug Jehovah; Kishpin nishtuhnuh mekahwindwah emuh. Oo‐oo dush keëkedoowun, Kahween ningahbahnahjetooseen kishpin nishtuhnuhwawaud.
32Oo‐oo dush keëkedoo, Kagoo tahnishkahdezese Jehovah, kayahbe ningooding atuh ningahkekid: Kishpin metauswe mekahwindwah emuh. Oo‐oo dush keëkedoowun, Kahween ningah‐bahnahjetooseen, kishpin metahchewaud.
33Kemahjah dush Jehovah, kahishquah‐guhnoonegood Abrahamun: Abraham dush keëzhekewa emuh andaud.
Atualmente selecionado:
GENESIS 18: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 18
18
1Abraham dush oogewahbuhmaun Jehovahun emuh pahdukezood metigoomeezh emuh Mamreing: kahnuhmuhduhbepun dush emuh ishquaundamewunenig oowegewaum magwah kezhahtanig.
2Keöombishkinzhegwane dush kuhya keënahbe, benuh neswe enenewun pashoo kenebahwewun: uhpe dush kahwahbuhmaud, keähputtoo ahwenuhquashkahwaud enewh oonje ishquandame wung wegewaum, kuhya keshahgushketuhwaud metushkuhkummig anuhkayah.
3Oo‐oo dush keënaud, Nindoogemaum; kishpin noongoom manwahbuhmewunan, kagoo nuhguhnahkan kebuhmeetahgun kepahgoosanemin:
4Mahnoo punge nebe tahnahjegahda, chekesebegesittayag, kuhya aunwabeyook emuh ahgahwahtaähyaug uhnaume metigoong:
5Ningahnahtin dush punge buhquazhegun, menoodaäedezooyook dush; me dush uhpe chemahjahyag: me mah wanjepenaunzekahwag kebuhmeetahgunewah. Oo‐oo dush oogeëgoon enewh, Mahnoo ezhechegan ewh kahekedooyun.
6Abraham dush waweeb oogeëzhahnun Sarahun peendig wegewauming, oo‐oo dush keënaud Waweeb nesoo‐tebuhegun pahseboodag buhquazhegun wahwazhetoon, oonahdenun dush, kuhya oozheeh buhquazhegaunsug emuh chegishkooda.
7Abraham dush, oogeähbuttoonun enewh ahwahkaunun, kuhya oogepeenaun pezhekeensun nwahkewuggezenejin kuhya wanesheshenejin, oogemeenaun dush ooshkenuhwan; waweeb dush oogepahkoonaun.
8Oogeöodahpenaun dush doodoosh‐pemeda, kuhya doodooshahboo, kuhya enewh pezhekeensun kahpahkoonahjin, kepuggedenuhmahwaud edush; ween dush kenebahwe pashoo ahyahnid emuh ahgahwahtaähyahnig uhnaume metigoong, me dush kewesenenid.
9¶ Oo‐oo dush oogeënahwaun, Ahneende ahyaud Sarah kewedegamahgun? Oo‐oo dush kekeëdoo Abraham, Benuh, peendig ahyah emuh wegewauming.
10Oo‐oo dush oogeënaun, Ahbetakummig kegahpenaunzekoon uhpe debishkoosag chebemahdezing; Sarah dush kewedegamahgun oogahahyahwaun quewezansun. Sarah dush kedabetum ahyaud emuh ishquaundamewung wegewaum emuh oopequunauning ayahmahguk.
11Abraham dush kuhya Sarah ahzhe kekeche‐kekahwug; Sarah dush kepooneëzhe‐ahyah azheähyahwaud equawug.
12Mesuh Sarah kahoonjebahpid peenjenuh; oo‐oo keëkedood, Kagate enuh ningahahyaun wahwezhanduhmoowin neen katezeyaun, kuhya ketezid owh tabanemid?
13Jehovah dush oo‐oo oogeënaun Abrahamun, Wagoonash kahoonjebahpid Sarah, oo‐oo keëkedood Kagate enuh ningahoonejahnis neen katezeyaun?
14Gagoo nuh oobawhnuhwetoon owh Jehovah? Uhpe debishkoosag ewh kahekedooyaun menuhwah kegahoodissin, nhpe debishkoosag chebemahdezing, kuhya Sarah oogahahyahwaun quewezansun.
15Sarah dush keähgoonwatum, oo‐oo ekedood, Kahween ningebahpese; kesageze mah. Ween dush keëkedoo, Kagate kegebaup.
16¶ Kahpuhsegwewaud dush egewh enenewug emuh, Sodoming enuhkuhkayah keënahbewug; Abraham dush oogeuhneweejewaun chemizzesekahwaud.
17Jehovah dush oo‐oo keëkedoo, Nindahkahduhmahwah nuh Abraham ewh wahezhechegayaun?
18Kekanduhmaun kagate wekeche‐enandahgoozid kuhya wekeche‐meshenood Abraham, ween dush tahoonjeshahwandahgoosewug kuhkenuh ahnooj azheweenzoojig ahnishenahbag.
19Nekekanemah mah kagate wekahgaunzoomaud oonejahnesun kuhya oowegewauming ayahnejin keïshquah‐bemahdezid, cheguhnuhwanduhmenid oodezhetwahwin Jehovah, cheëzhecheganid ewh quayukwuk kuhya manooëzhewabuk; chedoodahwaud dush owh Jehovah enewh Abrahamun ewh kahenaud.
20Jehovah dush oo‐oo keëkedoo, Oonzaum suh oombege-zeem ewede Sodoming kuhya Gomorahing, kuhya kuhgwahnesugge‐mujje‐ezhewabud;
21Noongoom ningahezhah, cheähwewahbunduhmaun kishpin kagate kahezhechegawahgwan debishkoo anandahgwudenig oodoombegezewinewah wadissegooyaun; kishpin dush azhewabussenoogwan ningahkekandaun.
22Emuh dush keöonjequakekahbahwewug egewh enenewug, kuhya keëzhahwug Sodoming enuhkuhkayah: Abraham dush ween kayahbe kenebahwe anahsuhmid Jehovah.
23Abraham dush pashoo kepenebahwe, oo‐oo dush keëkedood, Kegahnesaug nuh kuhya egewh manoo‐ezhewabezejig uhpe nasudwah egewh maje‐ezhewabezejig?
24Kishpin nahnemeduhnuhwawaud egewh manoo‐ezhewabezejig emuh oodanaung, kegahduhgoo‐nesaug nuh egewh? kahnuhween kegahshahgwanemoose webahnuhjetooyun oodanah oonje nahnemeduhnuhwawaud egewh manoo‐ezhewabezejig emuh wahdatoojig?
25Kahbah bahpish kedahezhechegase, chenesudwah egewh manoo‐ezhewabezejig uhpe nesudwah egewh maje‐ezhewabezejig: kuhya manoo‐ezhewabezejig cheëzheähyahwaud debishkoo azheähyahwaud egewh maje‐ezhewabezejig, kahween kedahezhechegase, Kahnuh ween tahquuhyukoochegase owh kadebahkoonung uhkee?
26Jehovah dush oo‐oo keëkedoo, Kishpin mekahwugwah emuh Sodoming nahnemeduhnuh manoo‐ezhewabezejig, ningahbemahjetoon kuhkenuh ewh oodanuh oonje egewh nahnemeduhnuh.
27Abraham dush oogeguhnoonaun, oo‐oo keëkedood, Benuh neen wahyuggussaëweyaun kuhya pangweeweyaun, ningeöodahpenuhmahdiz cheguhnoonug Jehovah:
28Koonemahnahnun tahnoonda‐duhchewug egewh nahnemeduhnuh manoo‐ezhewabezejig; kegahbahnahjetoon nuh kuhkenuh anegookwaug ewh oodanah oonje nahnun noondaduhchewaud? Oo‐oo dush keëkedoo, Kishpin mekahwugwah nemeduhnuh ahshe nahnun kahween ningahbahnahjetoose.
29Menuhwah dush oogeguhnoonaun, oo‐oo keënaud, Kishpin dush nemeduhnuh mekahwindwah emuh: Oo‐oo keëkedoowun, Kahween ningahezhechegase kishpin nemeduhnuhwawaud.
30Oo‐oo dush oogeënaun, Kagoo tahnishkahdezese Jehovah, kishpin menuhwah kekedooyaun: kishpin nesemeduhnuh mekahwindwah emuh. Oo‐oo dush keëkedoowun, Kahween ningahezhechegase kishpin mekuhwugwah nesemeduhnuh emuh.
31Oo‐oo dush keëkedoo, Benuh ningeöodahpenuhmahdiz cheguhnoonug Jehovah; Kishpin nishtuhnuh mekahwindwah emuh. Oo‐oo dush keëkedoowun, Kahween ningahbahnahjetooseen kishpin nishtuhnuhwawaud.
32Oo‐oo dush keëkedoo, Kagoo tahnishkahdezese Jehovah, kayahbe ningooding atuh ningahkekid: Kishpin metauswe mekahwindwah emuh. Oo‐oo dush keëkedoowun, Kahween ningah‐bahnahjetooseen, kishpin metahchewaud.
33Kemahjah dush Jehovah, kahishquah‐guhnoonegood Abrahamun: Abraham dush keëzhekewa emuh andaud.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.