GENESIS 19
19
1Neezh edush angenug kepetuhgwishinoog emuh Sodoming wanahgooshig; Lot dush kenuhmuhduhbe emuh ishquandamewung Sodom: uhpe dush Lot kahwahbuhmaud enewh kepuhsegwe chenuhquashkahwaud; kuhya oogeshahgushketuhwaun metushkuhkummig enuhkuhkayah:
2Oo‐oo dush keëkedoo, Benuh nindoogemahmedoog, pepeendegag kepahgoosaneminim emuh kebuhmeetahgunewah oowegewauming, kuhya duhnezeyook kuhpa tebik, kuhya kesebegesittayook, mahnoo dush kekezhab kegahkooshkooseem, cheühnemahjahyag. Oo‐oo dush keëkedoowug, Kahween; meekunaung suh ningahahyahmin kuhpa tebik.
3Ween dush ahpeche oogewekoojeäun; oogepeendegahgoon dush emuh oowegewauming; oogeöozhetuhmahwaun dush wekoongawin, kuhya oogeëozhetoon wambejishkewuggesinsenook buhquazhegun, kewesenewug dush.
4¶ Chepwah dush kuhwishemoowaud, egewh enenewug, wahdatoojig emuh Sodoming, oogekewetah‐kahbahwetahnahwah ewh wegewaum, katezejig kuhya washke‐bemahdezejig, kuhkenuh ahnishenahbag minzee wanjebahjig.
5Kuhya oogepepahgemahwaun Lotun, oo‐oo dush keënahwaud, Ahneende ahyahwaud egewh enenewug noongoom tebekuk kahpeendigookwah? sahgejeweeduhweshenaum chekekanemungidwah.
6Lot dush kesahguhum emuh ishquanndaming, kuhya oogekebahquahaun ishquandam oobikwuhnaung enuhkayah.
7Oo‐oo dush keëkedoo, kepahgoosanemenim, nekahnesedoog, oo‐oo cheëzhemujje‐ezhechegasewag.
8Benuh nindahyahwaug neezh nindaunisug muhshe kakanemahsigoog enenewun; mahnoo ningahsahgejeweenaug cheähyahwagwah, doodahwik dush wagoodoogwan ananduhmoowagwan; kah ningood kegahdoodahwahsewaug oogoo enenewug; me mah kahoonjepeendegawaud emuh newegewauming.
9Oo‐oo dush keëkedoowug, Ekookahbahwin. Menuhwah dush oo‐oo keëkedoowug, Mahbuh pazhig enenewish kepeëzhah oomah wanebik cheähyaud, noongoom dush enandum chetebahkoonenung; noongoom dush ahwahshema kegahmujje‐doodahgoo wenuhwah dush ween. Oogequaushkoonoodahwahwaun dush enewh enenewun Lotun, pashoo dush kepeëzhahwug wepugooshkahmoowaud ishquaundam.
10Egewh dush enenewug kesahgenikanewug, kuhya oogepeendega‐weekoobenahwaun Lotun, oogekebahquahahnahwah dush ishquandam.
11Oogekuhkepeengwaähwaun dush enewh enenewun ishquaundaming nahbahwenejin, agahsheënejin kuhya kache‐ahyahahwenejin: oogegwenuhwe‐nunduhwandahnahwah dush ishquaundam.
12¶ Egewh dush enenewug oo‐oo oogeënahwaun Lotun, Ahweyah nuh bakahnezid kedahyahwah oomah? keningwunug, kuhya kegwissug, kuhya kedahnissug, kuhya wagoodoogwan, ayahmoowunan, emuh oodanaung sahgejeweezh.
13Ningahbahnahjetoomin mah maunduh oodanah, oonje keche‐oombegezewaud anahsuhmid Jehovah; ningeëzhenahzhahoogoonaun dush Jehovah chebahnahjetooyaung.
14Lot dush kesahguhum keähwekuhnoonaud enewh ooningwunun, kahwedegamahnejin oodahnissun, oo‐oo keëkedood, Puhsegweeg, nuhguhduhmook maunduh oodanah Jehovah mah oogahbahnahjetoon maunduh oodanah; Debishkoo dush pazhig buhyahpenwad oogeühyenanemegoon ooningwunun.
15¶ Uhpe dush kahwahbunenig, egewh augenug oogeënahwaun Lotun chewaweebetahnid, oo‐oo keëkedoowaud, Puhsegween, oodahpin kewedegamahgun, kuhya nuhyazh kedahnissug, oomah ayahjig; koonemah kuhya keen kegahtahgwahkiz emuh azhemujje‐ezhewabuk oodanah.
16Magwah dush kecheekahzood, egewh enenewug oogenahwuddenahwaun emuh ooneenjening, kuhya ooneenjening wewun, kuhya ooneenjeening neezh oodahnissun; oonje keshahwanemegood Jehovahun: oogesahgejewenahwaun dush, keähsahwaud ahgwahjeëng oodanaung.
17¶ Kepuhgummeahyah dush uhpe kahsahgejewenahwaud, oo‐oo keënaud, Oozhemoon suh cheneboosewun; kagoo ween ahbahnahbekan, kagoo kuhya ningooche duhnezekan anegookwaug mushkoota; ezhenezhemoon ewede wahjewing, chechahgezoosewun.
18Lot dush oo‐oo oogeënaun, Kahween oo‐oo tahezhewabussenoon kepahgoosanemin, nindoogemaum:
19Benuh ningeminwandahgooz anahsuhmeyun, kegekechetwahwetoon dush keshahwanjegawin, ewh keshahwanemeyun kebemahjeëyun; kahween nekushketoose wahjewing cheëzhenezhemooyaun, koonemah nindahnoonda‐uhdemenegoon mujjeuhyeëewish, chenebooyaunbaun dush:
20Benuh suh, maunduh oodanah pashoowud cheëzhenezhemooyaumbaun emuh, ahgahsin suh kuhya: mahnoo puggedenuhmahweshin cheëzhenezhemooyaun emuh, (kah nuh ween ahgahsinsenoon) chebemahdezeyaun.
21Oo‐oo dush oogeënaun, Benuh kegebezindoon kuhya maunduh nandoodahmahweyun, kahween ningahbahnahjetoose maunduh oodanah, kenundoodahmahweyun.
22Waweeb ezhenezhemoon emuh; kah mah nindahkushketoose gagoo cheëzhechegayaun, bahmah goo atuh ketuhgwishenun emuh. Me suh Zoar wanjeëzhenekahdag ewh oodanah.
23¶ Kemookesa dush keezis emuh uhkeeng uhpe Lot paundegad emuh Zoaring.
24Me dush uhpe Jehovah kekemewunoodung wazhahwushkookunag ishkooda emuh Sodoming kuhya emuh Gomorrahing oonje ishpeming kezhigoong anduhnuhkeed Jehovah;
25Kuhya oogebahnahjetoonun enewh oodanahwun, kuhya kuhkenuh anegookwaug mushkoota, kuhya kuhkenuh wahdatoopuneen emuh oodanaung, kuhya kuhkenuh mahyahjeginge-buneen emuh uhkeeng.
26¶ Keähbahnahbewun dush ween oowedegamahgunun kahnoopenuhnegoojin, keshewetahgun‐ahbikoowewun dush.
27¶ Kekezhab dush keöonishkah Abraham keëzhah dush ewede kahduhzhe nebahwid anahsuhmid Jehovah.
28Sodoming dush kuhya Gomorrahing enuhkuhkayah keënahbe, kuhya enuhkukkayah kuhkenuh mushkoota uhkeeng, benuh dush, oogewahbundaun bahquananig uhkee debishkoo ningahpekezegun azhebuhquanag.
29¶ Kepuhgummeähyah dush uhpe Kesha‐Muhnedoo kahbahnahjetood mushkoodang duhzhe oodanahwun, Kesha‐Muhnedoo oogemequanemaun Abrahamun kesahgejenahzhahwaud dush Lotun oonje oodanaung kahbahnahjetood, uhpe banahjetood enewh oodanahwun emuh wahdatoopun owh Lot.
30¶ Lot dush oogenuhguhdaun Zoar, kedah dush emuh wahjewing, ween kuhya enewh neezh oodahnissun; kesageze mah weähyaud emuh Zoaring; kedah dush emuh weembahbikahnig, ween kuhya enewh neezh oodahnissun.
31Owh dush sasekezid oo‐oo oogeënaun enewh ooshemayun, Kekah koosenaun, kah dush enene ahyahse oomuh uhkeeng kawedegamenungoobun debishkoo azhewabuk anegookookummegaug uhkeeng:
32Umba, menahahdah koosenaun shooweminahboo, kegah wepamahnaun dush, cheöonejahneseyung dush oonje koosenaun.
33Oogemenahahwaun dush oosewaun shooweminahboo ewh tebekuk, owh dush sasekezid kepeendega, kuhya oogewepamaun oosun; kah dush oogekekanemegooseen enewh oosun uhpe kawishemood, kuhya uhpe wanishkaud.
34Kepuhgummeähyah dush wahyahbunenig, owh sasekezïd oo‐oo keënaud enewh agahsheënejin, Benuh tebikoong ningewepamah noos: umba menahahdah shooweminahboo noongoom kuhya tebekuk; peendigow dush kuhya wepam chëoonje oonejahneseyung oonje koosenaun.
35Menuhwah dush ewh tebekuk oogemenahahwaun oosewaun shooweminahboo: owh dush agahsheïd keoönishkah, kuhya oogewepamaun; kah dush oogekekanemegooseen uhpe kawishemood kuhya uhpe wanishkaud.
36Mesuh nuhyazh oodahnissun owh Lot keähyahwahnid ahbenoojeün, oosewaun suh kahoonjeähyahwahwaud.
37Owh dush sasekezid oogenegeäun quewezansun, Moab dush oogeëzhenekahnaun: Mesuh owh wayoosemegood enewh Moabitun noongoom kezheguk.
38Kuhya owh agahsheïd oogenegeäun quewezansun, Ben‐ammi dush oogeëzhenekahnaun: me suh owh wayoosemegood enewh Ammonitun penish noongoom kezheguk.
Atualmente selecionado:
GENESIS 19: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 19
19
1Neezh edush angenug kepetuhgwishinoog emuh Sodoming wanahgooshig; Lot dush kenuhmuhduhbe emuh ishquandamewung Sodom: uhpe dush Lot kahwahbuhmaud enewh kepuhsegwe chenuhquashkahwaud; kuhya oogeshahgushketuhwaun metushkuhkummig enuhkuhkayah:
2Oo‐oo dush keëkedoo, Benuh nindoogemahmedoog, pepeendegag kepahgoosaneminim emuh kebuhmeetahgunewah oowegewauming, kuhya duhnezeyook kuhpa tebik, kuhya kesebegesittayook, mahnoo dush kekezhab kegahkooshkooseem, cheühnemahjahyag. Oo‐oo dush keëkedoowug, Kahween; meekunaung suh ningahahyahmin kuhpa tebik.
3Ween dush ahpeche oogewekoojeäun; oogepeendegahgoon dush emuh oowegewauming; oogeöozhetuhmahwaun dush wekoongawin, kuhya oogeëozhetoon wambejishkewuggesinsenook buhquazhegun, kewesenewug dush.
4¶ Chepwah dush kuhwishemoowaud, egewh enenewug, wahdatoojig emuh Sodoming, oogekewetah‐kahbahwetahnahwah ewh wegewaum, katezejig kuhya washke‐bemahdezejig, kuhkenuh ahnishenahbag minzee wanjebahjig.
5Kuhya oogepepahgemahwaun Lotun, oo‐oo dush keënahwaud, Ahneende ahyahwaud egewh enenewug noongoom tebekuk kahpeendigookwah? sahgejeweeduhweshenaum chekekanemungidwah.
6Lot dush kesahguhum emuh ishquanndaming, kuhya oogekebahquahaun ishquandam oobikwuhnaung enuhkayah.
7Oo‐oo dush keëkedoo, kepahgoosanemenim, nekahnesedoog, oo‐oo cheëzhemujje‐ezhechegasewag.
8Benuh nindahyahwaug neezh nindaunisug muhshe kakanemahsigoog enenewun; mahnoo ningahsahgejeweenaug cheähyahwagwah, doodahwik dush wagoodoogwan ananduhmoowagwan; kah ningood kegahdoodahwahsewaug oogoo enenewug; me mah kahoonjepeendegawaud emuh newegewauming.
9Oo‐oo dush keëkedoowug, Ekookahbahwin. Menuhwah dush oo‐oo keëkedoowug, Mahbuh pazhig enenewish kepeëzhah oomah wanebik cheähyaud, noongoom dush enandum chetebahkoonenung; noongoom dush ahwahshema kegahmujje‐doodahgoo wenuhwah dush ween. Oogequaushkoonoodahwahwaun dush enewh enenewun Lotun, pashoo dush kepeëzhahwug wepugooshkahmoowaud ishquaundam.
10Egewh dush enenewug kesahgenikanewug, kuhya oogepeendega‐weekoobenahwaun Lotun, oogekebahquahahnahwah dush ishquandam.
11Oogekuhkepeengwaähwaun dush enewh enenewun ishquaundaming nahbahwenejin, agahsheënejin kuhya kache‐ahyahahwenejin: oogegwenuhwe‐nunduhwandahnahwah dush ishquaundam.
12¶ Egewh dush enenewug oo‐oo oogeënahwaun Lotun, Ahweyah nuh bakahnezid kedahyahwah oomah? keningwunug, kuhya kegwissug, kuhya kedahnissug, kuhya wagoodoogwan, ayahmoowunan, emuh oodanaung sahgejeweezh.
13Ningahbahnahjetoomin mah maunduh oodanah, oonje keche‐oombegezewaud anahsuhmid Jehovah; ningeëzhenahzhahoogoonaun dush Jehovah chebahnahjetooyaung.
14Lot dush kesahguhum keähwekuhnoonaud enewh ooningwunun, kahwedegamahnejin oodahnissun, oo‐oo keëkedood, Puhsegweeg, nuhguhduhmook maunduh oodanah Jehovah mah oogahbahnahjetoon maunduh oodanah; Debishkoo dush pazhig buhyahpenwad oogeühyenanemegoon ooningwunun.
15¶ Uhpe dush kahwahbunenig, egewh augenug oogeënahwaun Lotun chewaweebetahnid, oo‐oo keëkedoowaud, Puhsegween, oodahpin kewedegamahgun, kuhya nuhyazh kedahnissug, oomah ayahjig; koonemah kuhya keen kegahtahgwahkiz emuh azhemujje‐ezhewabuk oodanah.
16Magwah dush kecheekahzood, egewh enenewug oogenahwuddenahwaun emuh ooneenjening, kuhya ooneenjening wewun, kuhya ooneenjeening neezh oodahnissun; oonje keshahwanemegood Jehovahun: oogesahgejewenahwaun dush, keähsahwaud ahgwahjeëng oodanaung.
17¶ Kepuhgummeahyah dush uhpe kahsahgejewenahwaud, oo‐oo keënaud, Oozhemoon suh cheneboosewun; kagoo ween ahbahnahbekan, kagoo kuhya ningooche duhnezekan anegookwaug mushkoota; ezhenezhemoon ewede wahjewing, chechahgezoosewun.
18Lot dush oo‐oo oogeënaun, Kahween oo‐oo tahezhewabussenoon kepahgoosanemin, nindoogemaum:
19Benuh ningeminwandahgooz anahsuhmeyun, kegekechetwahwetoon dush keshahwanjegawin, ewh keshahwanemeyun kebemahjeëyun; kahween nekushketoose wahjewing cheëzhenezhemooyaun, koonemah nindahnoonda‐uhdemenegoon mujjeuhyeëewish, chenebooyaunbaun dush:
20Benuh suh, maunduh oodanah pashoowud cheëzhenezhemooyaumbaun emuh, ahgahsin suh kuhya: mahnoo puggedenuhmahweshin cheëzhenezhemooyaun emuh, (kah nuh ween ahgahsinsenoon) chebemahdezeyaun.
21Oo‐oo dush oogeënaun, Benuh kegebezindoon kuhya maunduh nandoodahmahweyun, kahween ningahbahnahjetoose maunduh oodanah, kenundoodahmahweyun.
22Waweeb ezhenezhemoon emuh; kah mah nindahkushketoose gagoo cheëzhechegayaun, bahmah goo atuh ketuhgwishenun emuh. Me suh Zoar wanjeëzhenekahdag ewh oodanah.
23¶ Kemookesa dush keezis emuh uhkeeng uhpe Lot paundegad emuh Zoaring.
24Me dush uhpe Jehovah kekemewunoodung wazhahwushkookunag ishkooda emuh Sodoming kuhya emuh Gomorrahing oonje ishpeming kezhigoong anduhnuhkeed Jehovah;
25Kuhya oogebahnahjetoonun enewh oodanahwun, kuhya kuhkenuh anegookwaug mushkoota, kuhya kuhkenuh wahdatoopuneen emuh oodanaung, kuhya kuhkenuh mahyahjeginge-buneen emuh uhkeeng.
26¶ Keähbahnahbewun dush ween oowedegamahgunun kahnoopenuhnegoojin, keshewetahgun‐ahbikoowewun dush.
27¶ Kekezhab dush keöonishkah Abraham keëzhah dush ewede kahduhzhe nebahwid anahsuhmid Jehovah.
28Sodoming dush kuhya Gomorrahing enuhkuhkayah keënahbe, kuhya enuhkukkayah kuhkenuh mushkoota uhkeeng, benuh dush, oogewahbundaun bahquananig uhkee debishkoo ningahpekezegun azhebuhquanag.
29¶ Kepuhgummeähyah dush uhpe Kesha‐Muhnedoo kahbahnahjetood mushkoodang duhzhe oodanahwun, Kesha‐Muhnedoo oogemequanemaun Abrahamun kesahgejenahzhahwaud dush Lotun oonje oodanaung kahbahnahjetood, uhpe banahjetood enewh oodanahwun emuh wahdatoopun owh Lot.
30¶ Lot dush oogenuhguhdaun Zoar, kedah dush emuh wahjewing, ween kuhya enewh neezh oodahnissun; kesageze mah weähyaud emuh Zoaring; kedah dush emuh weembahbikahnig, ween kuhya enewh neezh oodahnissun.
31Owh dush sasekezid oo‐oo oogeënaun enewh ooshemayun, Kekah koosenaun, kah dush enene ahyahse oomuh uhkeeng kawedegamenungoobun debishkoo azhewabuk anegookookummegaug uhkeeng:
32Umba, menahahdah koosenaun shooweminahboo, kegah wepamahnaun dush, cheöonejahneseyung dush oonje koosenaun.
33Oogemenahahwaun dush oosewaun shooweminahboo ewh tebekuk, owh dush sasekezid kepeendega, kuhya oogewepamaun oosun; kah dush oogekekanemegooseen enewh oosun uhpe kawishemood, kuhya uhpe wanishkaud.
34Kepuhgummeähyah dush wahyahbunenig, owh sasekezïd oo‐oo keënaud enewh agahsheënejin, Benuh tebikoong ningewepamah noos: umba menahahdah shooweminahboo noongoom kuhya tebekuk; peendigow dush kuhya wepam chëoonje oonejahneseyung oonje koosenaun.
35Menuhwah dush ewh tebekuk oogemenahahwaun oosewaun shooweminahboo: owh dush agahsheïd keoönishkah, kuhya oogewepamaun; kah dush oogekekanemegooseen uhpe kawishemood kuhya uhpe wanishkaud.
36Mesuh nuhyazh oodahnissun owh Lot keähyahwahnid ahbenoojeün, oosewaun suh kahoonjeähyahwahwaud.
37Owh dush sasekezid oogenegeäun quewezansun, Moab dush oogeëzhenekahnaun: Mesuh owh wayoosemegood enewh Moabitun noongoom kezheguk.
38Kuhya owh agahsheïd oogenegeäun quewezansun, Ben‐ammi dush oogeëzhenekahnaun: me suh owh wayoosemegood enewh Ammonitun penish noongoom kezheguk.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.