GENESIS 24
24
1Abraham dush kekekah, kuhya nebewah keduhsoo‐pepoon‐uhgeze: Jehovah dush oogeshahwanemahbuneen Abrahamun kuhkenuh kahenuhnookeenid.
2Abraham dush oo‐oo oogeënaun enewh sasekezenejin oobuhmeetahgunun emuh oowegewauming, enewh wagemahkunduhmenejin kuhkenuh oodahyeëemun, ahtuhmahweshin keneenj emuh ahnaum‐nebwauming, kepahgoosanemin:
3Kegahenin dush chetuhgoowenud owh Jehovah, wakesha‐muhnedookundung gezhig kuhya uhkee, mushkahwewahween‐dahmahgayun, cheöondenuhmahwahsewud ningwis kawedegamahjin equawun, pazhig enewh oodahnissewaun egewh Canaanitug, ayahjig emuh anduhnuhkeeyaun:
4Kegahezhah suh emuh uhkeeng kahoondahdezeyaun, kuhya ahyahwaud nindenuhwamahgunug, me dush ewede kaöondenuhmahwud nigwis Isaac kawedegamahjin.
5Oo‐oo dush oogeëgoon enewh buhmeetahgunun, Kishpin suh enanduhsig owh equa chenoopenuhzhid oomah uhkeeng peëzhahyaun: kagate nuh nayaub ningahezhewenah kegwis ewede uhkeeng kahoonjebahyun?
6Abraham dush oo‐oo oogeënaun, Aungwahmezin ewede nayaub cheëzheweenahsewud ningwis.
7¶ Owh Jehovah wakesha‐Muhnedookundung gezhig, kahsahgecheweezhid emuh noosebun oowegewauming, kuhya anduhnuhkewaud nindenuhwamahgunug, kahkuhnoozhid kuhya kahmushkahwe‐wahweenduhmahwid kuhya oo‐oo keëzhid, ningahmeenaug kenejahnesug maunduh uhkee, oogahezhenahzhahwaun enewh oodangenemun chenegahnenid emah kaneëzhahyun, ewede dush kegahoondenah ningwis kawedegamahjin.
8Kishpin dush enanduhsig owh equa chepeweejewik, kegahwabenuhmahgoo maunduh kemushkahwe‐wahweendahmahgawin: kah dush ween egoo bahpish nayaub kegahezhewenahse ningwis ewede.
9Owh dush buhmeetahgun keëzheneenjene emuh ahnahmeëe oobwaumening enewh oodoogemahmun Abraham, medush kahezhemushkahwe‐wahweenduhmahwaud enewh.
10¶ Owh dush buhmeetahga wenene oogeöodahpenaun metauswe paquahwegunenejin oodoogemahmun ooduhwahkaunene, keühnemahjah dush; ween mah oogeguhnuhwandaunun kuhkenuh oodoogemahmun ooduhyeëemene: kepuhsegwe dush, keëzhaud Mesopotamiaïng, ewede oodanaung Nahor kahduhzheöodatood.
11Oogeöojecheengwuhnetahaun dush enewh paquahwegunenejin ahgwahjeeng oodanaung emuh tuhkibeeng wanahgooshenig, ewh ahpeech kezheguk nebe‐nahdewaud equawug.
12Oo‐oo dush keëkedoo, O Jehovah waKesha‐Muhnedoowemik nindoogemaum Abraham, kepahgoosanemin chewedookahweyun noongoom kezheguk, kuhya wahbunduhewan kahgate shahwanemud nindoogemaum Abraham.
13Benuh oomah nenebow cheguhyeëe oondahebauning; penebe‐nahteewun suh ooadunissewaun egewh wahdatoojïg emuh oodanaung.
14Mahnoo tahpuhgummeähyahmahgud owh ooshkenegequa oo‐oo kaënug, Puhgedinun kenebenahdahgun kepahgoosanemin, chemenequayaun; kishpin dush oo‐oo ekedood, Menequan, kuhya ningahmenuhaug kepequahwegunemug: mesuh owh kahwuhwanahbuhmud chewewemegood kebuhmeetahgunun Isaacun; me dush kaöonjekekanduhmaun kagate keshahwanemud nindoogemaum.
15¶ Kepuhgummeähyahmahgud edush chepwah poonekekedood, benuh kepesahguhum Rebekah, oodahnissun owh Bethuel, oogwissun owh Milcah, wewun owh Nahor, wekahnesun owh Abraham, oogepemenegahdaun dush oonebenahdahgun.
16Owh dush ooshkenegequa kekeche‐quahnaujewe, kekegaungooquawe, kahwekah kuhya oogekekanemegooseen enenewun: kenesaunduhwa dush emuh oondahebauning, kuhya oogemooshkenabuhtoon oonebenahdahgun, nayaub dush keühquaunduhwa.
17Owh dush buhmeetahgun keähputtoo chenuhquashkahwaud, oo‐oo dush oogeënaun, Mahnoo puggedenuhmahweshin chemenequayaun punge nebe emuh kenebenahdahguning.
18Oo‐oo dush keëkedoowun, Mahnoo menequan nindoogemaum: waweeb edush oogenesenaun oonebenahtahgun, kemenuhaud edush.
19Uhpe dush kahishquah‐menuhaud oo‐oo keëkedoo, Ningahgwahbuhuhmahwaug egewh kepegwahwegunemug, peneesh egoo kemenequawaud menik wahmenequawaud.
20Waweeb edush oogesegenaun ewh nebee emuh oonebenahdahguning kahahtanig emuh uhtoobahguning, menuhwah dush keähputtoo emuh oondahebauning chenebeenahdeed, kaöonjemenequanid dush kuhkenuh enewh oopegwahwegunemun.
21Owh dush enene kahahpeechmahmahkahdanemaud kepezaune‐kahbahwe, chekekandung kishpin kahweedookahgoogwan Jehovahun ewh pahoonzekaud.
22Kepuhgummeähyahmahgud edush uhpe kahishquah‐menequawaud egewh paquahwegungig, owh enene oogeöodahpenaun oozahwah‐shooneyah nahbeshabezoon ahbetah‐wahbik apeetenegwuk, kuhya neezh ahnaunun kaühyoonid emuh ooneenjeening metauswahbik apetenegwuk oozahwah shooneyah;
23Oo‐oo dush keëkedoo, Ahwanan wadahnesemik; weenduhmahweshin kepahgoosanemin; tahwahta nuh emuh koos oowegewauming chenahkuhwa ahbeyaungebun.
24Oo‐oo dush oogeëgoon enewh, Nindoodahnissemik suh owh Bethuel oogwissun owh Milcah, enewh kahnegetuhmahwahjin Nahorun.
25Kuhya dush oo‐oo oogeëgoon enewh, Nindahyahmin buhquazhegunushk kuhya ahwahkaune‐meejim menik chetabesag, kuhya tahwahta cheähbeyagoobun.
26Owh dush enene kenahwuggequane; kuhya oogeshahgushketuhwaun Jehovahun.
27Oo‐oo dush keëkedoo, Tahmahmooyahwahmah owh Jehovah wakesha‐Muhnedoowemegood nindoogemahmun Abrahamun, kahsahgetuhmahwahsig nindoogemahmun ooshahwanjegawin kuhya oodabwawin: emuh meekunaung keähyahyaun ningeëzhewenik Jehovah emuh oowegewaumening nindoogemaum wekahnesun.
28Owh dush ooshkenegequa kemahjebuhtoo, oogeähwe-weenduhmahwaun dush enewh oogeen oowegewahmening dabandahgoozenejin oonoo uhyeëen.
29¶ Rebekah dush oogeähyahwaun oodahwamaun, Laban azhenekahzoonejin; Laban hush keähputtoo ewede oondahebauning, anduhzhe ahyahnid enewh enenewun.
30Kepuggummeähyahmahgud dush uhpe kahwahbundung ewh nahbeshabezoon kuhya enewh ahnaunun emuh ooneenjening oodahwamaun, kuhya uhpe kahnoondung oodekedoowinene enewh oodahwamaun Rebekahün, oo‐oo keëkedoonid, Me suh oo‐oo kahezhid owh enene; oogenaunzekahwaun enewh enenewun; benuh dush kenebahwewun cheguhyeëe oondahebauning weejekahbahwetuhwahnid enewh paquahweguennejin.
31Oo‐oo dush oogeënaun, Peendegan keen shawanemik owh Jehovah; ahnishwin ahgwahjeeng nebahweyun? ningewahwazhetoon mah ewh wegewaum, kuhya kaähyahwaud paquahwegungig.
32¶ Kepeendega dush owh enene emuh wegewauming: kuhya oogeähbahaun enewh paquahwegunejin, kuhya oogeähshumaun mezhushk, kuhya ahwahkaun‐meejim, kuhya oogepeetuhwaun nebee chekesebegesittanid, kuhya chekesebegesittanid enewh enenewun wahjewegoojin.
33Keähtuhwah dush kameejid: oo‐oo dush keëkedoo, Kahween ningahwesenese, chepwah weenduhmaun ewh pahoonzekahyaun: oo‐oo dush oogeëgoon, Debahjemoon suh.
34Oo‐oo dush keëkedoo, Nindoobuhmeetahgunemik suh Abraham.
35Jehovah dush oogekeche‐shahwanemaun nindoogemaumun; kechetwahweze dush owh nindoogemaum; oogemeenegoon suh Jehovahun manishtahnishun, kuhya pezhekewun, kuhya shooneyah, kuhya oozahwah‐shooneyah, kuhya buhmeetahga‐enenewun, kuhya buhmeetahga‐equawun, kuhya paquahwegunenejin, kuhya mamaungeshaün.
36Nindoogemaum dush uhpe katezid oogenegetuhmahgoon enewh wewun Sarahun enewh wagwissejin: mesuh enewh kahmeenahjin kuhkenuh ootebenuhwawezewin.
37Ningeënahkoonig dush nindoogemaum chemushkahwe‐wahweenduhmahwug, oo‐oo keëzhid, Kahween kegahoodah penuhmahwahse ningwis kawedegamahjin pazhig oodahnissewaun egewh Canaanitug, wadukeemejig oomah anduhnuhkeyaun.
38Kegahezhah dush ween emuh noosebun oowegewauming, kuhya egewh anuhwamugig, me dush ewede kaoöndenuhmahwud, ningwis kawedegamahjin.
39Oo‐oo dush ningeënah nindoogemaum, Kishpin dush enanduhsig owh equa chenoopenuhzhid.
40Oo‐oo dush ningeïk, Owh Jehovah, emuh anahsuhmid bamoosayaun, oogahahnoonaun oodangenemun cheühneweejewik, kuhya cheweedookookewh wahenuhnookeeyun; nindinuhwamahgunug anduhnuhkeewaud kuhya noosebun oowegewauming kegahoondenah ningwis kawedegamahjin:
41Kegahwabenuhmahgoo dush maunduh kemushkahwe‐wahweenduhmahgawin azhemuskkahwe‐wahweenduhmahweyun, uhpe keöodissudwah nindenuhwamahgunug; kishpin dush meenesenoowagwah equawun, me uhpe kawabenuhmahgooyun maunduh azhemushkahwe‐wahweenduhmuhweyun.
42Noongoom dush kezheguk ningeöodittaun ewh oondahebaun, oo‐oo dush keëkedooyaun, O Jehovah waKesha‐Muhnedoowemik nindoogemaum Abraham, kishpin wahdookahwewunan ewh pahoonzekahyaun:
43Benuh nenebow cheguhyeëe oondahebauning; tahpuggummeähyahmahgud dush uhpe kegaungooqua penebe-nahdeed, oo‐oo dush enug, Menuheshin kepahgoosanemin punge nebe oonje kenebenahdahguning;
44Ween dush oo‐oo ezhid, Mahnoo menequan keen, kuhya ningahnebenahduhwaug kepequahwegunemug: mesuh owh kaähwid equa Jehovah kahwuhwanahbuhmahjin chewewemegood nindoogemaum oogwissun.
45Chepwah dush poonekekedooyaun emuh nindaïng, benuh, Rebekah kepesahguhum pemenegahdung oonebenahdahgun; emuh dush oondahebauning. Keëzhenesaunduhwa chegwahbahung nebee; oo‐oo dush ningeënah, Menuheshin kepahgoosanemin.
46Waweeb edush oogenesenaun oonebenahdahgun pamenegahdungebun, oo‐oo dush ningeïg, Menequan, kuhya dush ningahmenuhaug kepequahwegunemug: mesuh kemenequayaun, kuhya oogemenuhaun enewh paquahwegunenejin.
47Ningekuhgwajemah dush, oo‐oo keënug, Ahwanan wadahnesemik? Oo‐oo dush keëkedoo, Nindoodahnesemik owh Bethuel, oogwissun owh Nahor, Milcah kahnegetahmahgoojin: ningeähtuhmahwah dush nahbeshabezooon emuh oodangwuhying, kuhya ningeähtuhwah ahnaunun emuh ooneenjeeng.
48Ningenuhwuggequan dush, kuhya ningeshahgushketuhwah Jehovah, kuhya ningemahmooyahwahmah oo Kesha‐Muhnedoomun owh nindoogemaum Abraham, owh kahezheweezhid emuh quuhyuk meekunaung cheöodahpenemug nindoogemaum wekahnissun oodahnene kawedegamahjin oogwissun.
49Kishpin suh dush noongoom kagate wanesheshing kuhya quayukwuk wahdoodahwagwan nindoogemaum, weenduhmahweshig: kishpin dush, kahween, weenduhmuhweshig; cheëzhahyaun dush emuh nekechenikaung enuhkuhkayah gamuh nenuhmunjenikaung.
50Me dush kenuhquatahgood Labanun kuhya Bethuelun oo‐oo keëgood, Jehovahing oonjeemahgud maunduh; kahween nekushketoosemin gagoo cheëkedooyaung wanesheshing gamuh kuhya mahyahnahduk.
51Benuh, Rebekah ahyah anahsuhmeyun, oodahpin, uhnemahjaun dush, mahnoo oogahwedegamegoon enewh kedoogemaum oogwissun, debishkoo kahekedood Jehovah.
52Kepuggummeähyahmahgud dush uhpe Abraham oobuhmeetahgunun kahnoonduhmenid oonoo ekedoowinun, oogeshahgushketuhwaun Jehovahun peenish metushkuhkummig.
53Owh dush buhmeetahgun oogekedenaunun quuhnauj shooneyah‐uhyeëen, kuhya oozahwah‐shooneyah uhyeëen, kuhya ahgwewin, oogemeenaun dush Rebekahun: kuhya dush oogemeenaun oodahwamaune kuhya oogeene kache‐ahpetandahgwukkin uhyeëen.
54Kewesenewug dush kuhya kemenequawug, ween kuhya enewh enenewun kahweejewegoojin, kuhya kuhpa tebik keähyahwug; kekezhab edush keöonishkahwug, oo‐oo dush keëkedoo, Puhgedeneshin suh chemahjahyaun cheëzhahyaun owh nindoogemaum.
55Oo‐oo dush oogeëgoon oodahwamaun owh equa kuhya oogeen, mahnoo kuhnuhga metausoogoon ningahweejewegoonaun owh kegaungooqua; me dush uhpe kamahjaud.
56Ween dush oo‐oo oogeënaun enewh, Kagoo oondummeëshekagoon, kekanduhmung, Jehovah kewedookahwid kepeëzhahyaun; puggedeneshig cheëzhahyaun nindoogemaum.
57Oo‐oo dush oogeëgoon enewh, Ningahnundoomahnaun owh ooshkenegequa, chekuhgwajemungid numunj kaëkedoogwan.
58Oogenundoomahwaun dush Rebekahun, oo‐oo dush keënahwaud, Kegahweejewahnuh wah owh enene? Oo‐oo dush keëkedoowun, Aahe, ningahweejewah.
59Me dush kemahjenahzhahwahwaud Rebekahun oodahwamahwaun, kuhya enewh equawun ganuhwanemegoopuneen, kuhya Abraham oobuhmeetahgunun, kuhya enewh oodenenemene.
60Oogemenoo‐guhnoonahwaun Rebekahun oo‐oo‐keënahwaud, Kedow nindahwamahnaun, mahnoo kegahoogeemigoog nebewah duhching keche‐metauswauk ahnishenahbag, mahnoo kuhya kenejahnesug oogahdebandahnahwah oodishquaundamene enewh shaunganemegoowahjin.
61¶ Rebekah dush kepuhsegwe kuhya oodooshkenegequamun, oogepemoomegoowaun dush enewh paquahwegunenejin, kuhya oogenoopenuhnahwaun enewh enenewun: owh dush buhmeetahgun oogeöodahpenaun Rebekahun, keühnemahjah dush.
62Isaac dush keöonjebah ewede Lahai roi oondahebauning; shahwuhnoong mah duhzhe uhkeeng keduhnuhkee.
63Isaac dush kesahguhum emuh mushkootang chenahkuhwa ahnuhmeäud, oonahgooshegoobun dush ewh uhpe; keöombishkinzhegwane dush kewahbuhmaud paquahwegunenejin petausuhmoosanid.
64Rebekah dush keöombishkinzhegwane, uhpe dush wuhyahbuhmaud Isaacun, paquahwegung oopikwunaung keöonjenese‐quaushquune.
65Oo‐oo mah oogeënahbuneen enewh buhmeetahgunun, Ahwanan wah‐owh enene pahtahsuhmoosad emuh mushkootang puhnuhquashkoonenung? oo‐oo dush oogeëgoobuneen enewh buhmeetahgunun, mesuh owh nindoogemaum: me dush keöodahpenung ahgweengwabezoowin, keähgweengwabezoo dush.
66Owh dush buhmeetahgun oogeweenduhmahwaun Isaacun kuhkenuh enewh uhyeëen kahezhechegad.
67Isaac dush oogepeendigahnaun Rebekahun emuh oowegwaumening oogeebuneen Sarahun, oogeöodahpenaun dush Rebekahun, kewedegamaud dush enewh; oogesahgeäun dush: Isaac dush kemenoodaäah kekushkandungebun oonje oogeebuneen.
Atualmente selecionado:
GENESIS 24: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 24
24
1Abraham dush kekekah, kuhya nebewah keduhsoo‐pepoon‐uhgeze: Jehovah dush oogeshahwanemahbuneen Abrahamun kuhkenuh kahenuhnookeenid.
2Abraham dush oo‐oo oogeënaun enewh sasekezenejin oobuhmeetahgunun emuh oowegewauming, enewh wagemahkunduhmenejin kuhkenuh oodahyeëemun, ahtuhmahweshin keneenj emuh ahnaum‐nebwauming, kepahgoosanemin:
3Kegahenin dush chetuhgoowenud owh Jehovah, wakesha‐muhnedookundung gezhig kuhya uhkee, mushkahwewahween‐dahmahgayun, cheöondenuhmahwahsewud ningwis kawedegamahjin equawun, pazhig enewh oodahnissewaun egewh Canaanitug, ayahjig emuh anduhnuhkeeyaun:
4Kegahezhah suh emuh uhkeeng kahoondahdezeyaun, kuhya ahyahwaud nindenuhwamahgunug, me dush ewede kaöondenuhmahwud nigwis Isaac kawedegamahjin.
5Oo‐oo dush oogeëgoon enewh buhmeetahgunun, Kishpin suh enanduhsig owh equa chenoopenuhzhid oomah uhkeeng peëzhahyaun: kagate nuh nayaub ningahezhewenah kegwis ewede uhkeeng kahoonjebahyun?
6Abraham dush oo‐oo oogeënaun, Aungwahmezin ewede nayaub cheëzheweenahsewud ningwis.
7¶ Owh Jehovah wakesha‐Muhnedookundung gezhig, kahsahgecheweezhid emuh noosebun oowegewauming, kuhya anduhnuhkewaud nindenuhwamahgunug, kahkuhnoozhid kuhya kahmushkahwe‐wahweenduhmahwid kuhya oo‐oo keëzhid, ningahmeenaug kenejahnesug maunduh uhkee, oogahezhenahzhahwaun enewh oodangenemun chenegahnenid emah kaneëzhahyun, ewede dush kegahoondenah ningwis kawedegamahjin.
8Kishpin dush enanduhsig owh equa chepeweejewik, kegahwabenuhmahgoo maunduh kemushkahwe‐wahweendahmahgawin: kah dush ween egoo bahpish nayaub kegahezhewenahse ningwis ewede.
9Owh dush buhmeetahgun keëzheneenjene emuh ahnahmeëe oobwaumening enewh oodoogemahmun Abraham, medush kahezhemushkahwe‐wahweenduhmahwaud enewh.
10¶ Owh dush buhmeetahga wenene oogeöodahpenaun metauswe paquahwegunenejin oodoogemahmun ooduhwahkaunene, keühnemahjah dush; ween mah oogeguhnuhwandaunun kuhkenuh oodoogemahmun ooduhyeëemene: kepuhsegwe dush, keëzhaud Mesopotamiaïng, ewede oodanaung Nahor kahduhzheöodatood.
11Oogeöojecheengwuhnetahaun dush enewh paquahwegunenejin ahgwahjeeng oodanaung emuh tuhkibeeng wanahgooshenig, ewh ahpeech kezheguk nebe‐nahdewaud equawug.
12Oo‐oo dush keëkedoo, O Jehovah waKesha‐Muhnedoowemik nindoogemaum Abraham, kepahgoosanemin chewedookahweyun noongoom kezheguk, kuhya wahbunduhewan kahgate shahwanemud nindoogemaum Abraham.
13Benuh oomah nenebow cheguhyeëe oondahebauning; penebe‐nahteewun suh ooadunissewaun egewh wahdatoojïg emuh oodanaung.
14Mahnoo tahpuhgummeähyahmahgud owh ooshkenegequa oo‐oo kaënug, Puhgedinun kenebenahdahgun kepahgoosanemin, chemenequayaun; kishpin dush oo‐oo ekedood, Menequan, kuhya ningahmenuhaug kepequahwegunemug: mesuh owh kahwuhwanahbuhmud chewewemegood kebuhmeetahgunun Isaacun; me dush kaöonjekekanduhmaun kagate keshahwanemud nindoogemaum.
15¶ Kepuhgummeähyahmahgud edush chepwah poonekekedood, benuh kepesahguhum Rebekah, oodahnissun owh Bethuel, oogwissun owh Milcah, wewun owh Nahor, wekahnesun owh Abraham, oogepemenegahdaun dush oonebenahdahgun.
16Owh dush ooshkenegequa kekeche‐quahnaujewe, kekegaungooquawe, kahwekah kuhya oogekekanemegooseen enenewun: kenesaunduhwa dush emuh oondahebauning, kuhya oogemooshkenabuhtoon oonebenahdahgun, nayaub dush keühquaunduhwa.
17Owh dush buhmeetahgun keähputtoo chenuhquashkahwaud, oo‐oo dush oogeënaun, Mahnoo puggedenuhmahweshin chemenequayaun punge nebe emuh kenebenahdahguning.
18Oo‐oo dush keëkedoowun, Mahnoo menequan nindoogemaum: waweeb edush oogenesenaun oonebenahtahgun, kemenuhaud edush.
19Uhpe dush kahishquah‐menuhaud oo‐oo keëkedoo, Ningahgwahbuhuhmahwaug egewh kepegwahwegunemug, peneesh egoo kemenequawaud menik wahmenequawaud.
20Waweeb edush oogesegenaun ewh nebee emuh oonebenahdahguning kahahtanig emuh uhtoobahguning, menuhwah dush keähputtoo emuh oondahebauning chenebeenahdeed, kaöonjemenequanid dush kuhkenuh enewh oopegwahwegunemun.
21Owh dush enene kahahpeechmahmahkahdanemaud kepezaune‐kahbahwe, chekekandung kishpin kahweedookahgoogwan Jehovahun ewh pahoonzekaud.
22Kepuhgummeähyahmahgud edush uhpe kahishquah‐menequawaud egewh paquahwegungig, owh enene oogeöodahpenaun oozahwah‐shooneyah nahbeshabezoon ahbetah‐wahbik apeetenegwuk, kuhya neezh ahnaunun kaühyoonid emuh ooneenjeening metauswahbik apetenegwuk oozahwah shooneyah;
23Oo‐oo dush keëkedoo, Ahwanan wadahnesemik; weenduhmahweshin kepahgoosanemin; tahwahta nuh emuh koos oowegewauming chenahkuhwa ahbeyaungebun.
24Oo‐oo dush oogeëgoon enewh, Nindoodahnissemik suh owh Bethuel oogwissun owh Milcah, enewh kahnegetuhmahwahjin Nahorun.
25Kuhya dush oo‐oo oogeëgoon enewh, Nindahyahmin buhquazhegunushk kuhya ahwahkaune‐meejim menik chetabesag, kuhya tahwahta cheähbeyagoobun.
26Owh dush enene kenahwuggequane; kuhya oogeshahgushketuhwaun Jehovahun.
27Oo‐oo dush keëkedoo, Tahmahmooyahwahmah owh Jehovah wakesha‐Muhnedoowemegood nindoogemahmun Abrahamun, kahsahgetuhmahwahsig nindoogemahmun ooshahwanjegawin kuhya oodabwawin: emuh meekunaung keähyahyaun ningeëzhewenik Jehovah emuh oowegewaumening nindoogemaum wekahnesun.
28Owh dush ooshkenegequa kemahjebuhtoo, oogeähwe-weenduhmahwaun dush enewh oogeen oowegewahmening dabandahgoozenejin oonoo uhyeëen.
29¶ Rebekah dush oogeähyahwaun oodahwamaun, Laban azhenekahzoonejin; Laban hush keähputtoo ewede oondahebauning, anduhzhe ahyahnid enewh enenewun.
30Kepuggummeähyahmahgud dush uhpe kahwahbundung ewh nahbeshabezoon kuhya enewh ahnaunun emuh ooneenjening oodahwamaun, kuhya uhpe kahnoondung oodekedoowinene enewh oodahwamaun Rebekahün, oo‐oo keëkedoonid, Me suh oo‐oo kahezhid owh enene; oogenaunzekahwaun enewh enenewun; benuh dush kenebahwewun cheguhyeëe oondahebauning weejekahbahwetuhwahnid enewh paquahweguennejin.
31Oo‐oo dush oogeënaun, Peendegan keen shawanemik owh Jehovah; ahnishwin ahgwahjeeng nebahweyun? ningewahwazhetoon mah ewh wegewaum, kuhya kaähyahwaud paquahwegungig.
32¶ Kepeendega dush owh enene emuh wegewauming: kuhya oogeähbahaun enewh paquahwegunejin, kuhya oogeähshumaun mezhushk, kuhya ahwahkaun‐meejim, kuhya oogepeetuhwaun nebee chekesebegesittanid, kuhya chekesebegesittanid enewh enenewun wahjewegoojin.
33Keähtuhwah dush kameejid: oo‐oo dush keëkedoo, Kahween ningahwesenese, chepwah weenduhmaun ewh pahoonzekahyaun: oo‐oo dush oogeëgoon, Debahjemoon suh.
34Oo‐oo dush keëkedoo, Nindoobuhmeetahgunemik suh Abraham.
35Jehovah dush oogekeche‐shahwanemaun nindoogemaumun; kechetwahweze dush owh nindoogemaum; oogemeenegoon suh Jehovahun manishtahnishun, kuhya pezhekewun, kuhya shooneyah, kuhya oozahwah‐shooneyah, kuhya buhmeetahga‐enenewun, kuhya buhmeetahga‐equawun, kuhya paquahwegunenejin, kuhya mamaungeshaün.
36Nindoogemaum dush uhpe katezid oogenegetuhmahgoon enewh wewun Sarahun enewh wagwissejin: mesuh enewh kahmeenahjin kuhkenuh ootebenuhwawezewin.
37Ningeënahkoonig dush nindoogemaum chemushkahwe‐wahweenduhmahwug, oo‐oo keëzhid, Kahween kegahoodah penuhmahwahse ningwis kawedegamahjin pazhig oodahnissewaun egewh Canaanitug, wadukeemejig oomah anduhnuhkeyaun.
38Kegahezhah dush ween emuh noosebun oowegewauming, kuhya egewh anuhwamugig, me dush ewede kaoöndenuhmahwud, ningwis kawedegamahjin.
39Oo‐oo dush ningeënah nindoogemaum, Kishpin dush enanduhsig owh equa chenoopenuhzhid.
40Oo‐oo dush ningeïk, Owh Jehovah, emuh anahsuhmid bamoosayaun, oogahahnoonaun oodangenemun cheühneweejewik, kuhya cheweedookookewh wahenuhnookeeyun; nindinuhwamahgunug anduhnuhkeewaud kuhya noosebun oowegewauming kegahoondenah ningwis kawedegamahjin:
41Kegahwabenuhmahgoo dush maunduh kemushkahwe‐wahweenduhmahgawin azhemuskkahwe‐wahweenduhmahweyun, uhpe keöodissudwah nindenuhwamahgunug; kishpin dush meenesenoowagwah equawun, me uhpe kawabenuhmahgooyun maunduh azhemushkahwe‐wahweenduhmuhweyun.
42Noongoom dush kezheguk ningeöodittaun ewh oondahebaun, oo‐oo dush keëkedooyaun, O Jehovah waKesha‐Muhnedoowemik nindoogemaum Abraham, kishpin wahdookahwewunan ewh pahoonzekahyaun:
43Benuh nenebow cheguhyeëe oondahebauning; tahpuggummeähyahmahgud dush uhpe kegaungooqua penebe-nahdeed, oo‐oo dush enug, Menuheshin kepahgoosanemin punge nebe oonje kenebenahdahguning;
44Ween dush oo‐oo ezhid, Mahnoo menequan keen, kuhya ningahnebenahduhwaug kepequahwegunemug: mesuh owh kaähwid equa Jehovah kahwuhwanahbuhmahjin chewewemegood nindoogemaum oogwissun.
45Chepwah dush poonekekedooyaun emuh nindaïng, benuh, Rebekah kepesahguhum pemenegahdung oonebenahdahgun; emuh dush oondahebauning. Keëzhenesaunduhwa chegwahbahung nebee; oo‐oo dush ningeënah, Menuheshin kepahgoosanemin.
46Waweeb edush oogenesenaun oonebenahdahgun pamenegahdungebun, oo‐oo dush ningeïg, Menequan, kuhya dush ningahmenuhaug kepequahwegunemug: mesuh kemenequayaun, kuhya oogemenuhaun enewh paquahwegunenejin.
47Ningekuhgwajemah dush, oo‐oo keënug, Ahwanan wadahnesemik? Oo‐oo dush keëkedoo, Nindoodahnesemik owh Bethuel, oogwissun owh Nahor, Milcah kahnegetahmahgoojin: ningeähtuhmahwah dush nahbeshabezooon emuh oodangwuhying, kuhya ningeähtuhwah ahnaunun emuh ooneenjeeng.
48Ningenuhwuggequan dush, kuhya ningeshahgushketuhwah Jehovah, kuhya ningemahmooyahwahmah oo Kesha‐Muhnedoomun owh nindoogemaum Abraham, owh kahezheweezhid emuh quuhyuk meekunaung cheöodahpenemug nindoogemaum wekahnissun oodahnene kawedegamahjin oogwissun.
49Kishpin suh dush noongoom kagate wanesheshing kuhya quayukwuk wahdoodahwagwan nindoogemaum, weenduhmahweshig: kishpin dush, kahween, weenduhmuhweshig; cheëzhahyaun dush emuh nekechenikaung enuhkuhkayah gamuh nenuhmunjenikaung.
50Me dush kenuhquatahgood Labanun kuhya Bethuelun oo‐oo keëgood, Jehovahing oonjeemahgud maunduh; kahween nekushketoosemin gagoo cheëkedooyaung wanesheshing gamuh kuhya mahyahnahduk.
51Benuh, Rebekah ahyah anahsuhmeyun, oodahpin, uhnemahjaun dush, mahnoo oogahwedegamegoon enewh kedoogemaum oogwissun, debishkoo kahekedood Jehovah.
52Kepuggummeähyahmahgud dush uhpe Abraham oobuhmeetahgunun kahnoonduhmenid oonoo ekedoowinun, oogeshahgushketuhwaun Jehovahun peenish metushkuhkummig.
53Owh dush buhmeetahgun oogekedenaunun quuhnauj shooneyah‐uhyeëen, kuhya oozahwah‐shooneyah uhyeëen, kuhya ahgwewin, oogemeenaun dush Rebekahun: kuhya dush oogemeenaun oodahwamaune kuhya oogeene kache‐ahpetandahgwukkin uhyeëen.
54Kewesenewug dush kuhya kemenequawug, ween kuhya enewh enenewun kahweejewegoojin, kuhya kuhpa tebik keähyahwug; kekezhab edush keöonishkahwug, oo‐oo dush keëkedoo, Puhgedeneshin suh chemahjahyaun cheëzhahyaun owh nindoogemaum.
55Oo‐oo dush oogeëgoon oodahwamaun owh equa kuhya oogeen, mahnoo kuhnuhga metausoogoon ningahweejewegoonaun owh kegaungooqua; me dush uhpe kamahjaud.
56Ween dush oo‐oo oogeënaun enewh, Kagoo oondummeëshekagoon, kekanduhmung, Jehovah kewedookahwid kepeëzhahyaun; puggedeneshig cheëzhahyaun nindoogemaum.
57Oo‐oo dush oogeëgoon enewh, Ningahnundoomahnaun owh ooshkenegequa, chekuhgwajemungid numunj kaëkedoogwan.
58Oogenundoomahwaun dush Rebekahun, oo‐oo dush keënahwaud, Kegahweejewahnuh wah owh enene? Oo‐oo dush keëkedoowun, Aahe, ningahweejewah.
59Me dush kemahjenahzhahwahwaud Rebekahun oodahwamahwaun, kuhya enewh equawun ganuhwanemegoopuneen, kuhya Abraham oobuhmeetahgunun, kuhya enewh oodenenemene.
60Oogemenoo‐guhnoonahwaun Rebekahun oo‐oo‐keënahwaud, Kedow nindahwamahnaun, mahnoo kegahoogeemigoog nebewah duhching keche‐metauswauk ahnishenahbag, mahnoo kuhya kenejahnesug oogahdebandahnahwah oodishquaundamene enewh shaunganemegoowahjin.
61¶ Rebekah dush kepuhsegwe kuhya oodooshkenegequamun, oogepemoomegoowaun dush enewh paquahwegunenejin, kuhya oogenoopenuhnahwaun enewh enenewun: owh dush buhmeetahgun oogeöodahpenaun Rebekahun, keühnemahjah dush.
62Isaac dush keöonjebah ewede Lahai roi oondahebauning; shahwuhnoong mah duhzhe uhkeeng keduhnuhkee.
63Isaac dush kesahguhum emuh mushkootang chenahkuhwa ahnuhmeäud, oonahgooshegoobun dush ewh uhpe; keöombishkinzhegwane dush kewahbuhmaud paquahwegunenejin petausuhmoosanid.
64Rebekah dush keöombishkinzhegwane, uhpe dush wuhyahbuhmaud Isaacun, paquahwegung oopikwunaung keöonjenese‐quaushquune.
65Oo‐oo mah oogeënahbuneen enewh buhmeetahgunun, Ahwanan wah‐owh enene pahtahsuhmoosad emuh mushkootang puhnuhquashkoonenung? oo‐oo dush oogeëgoobuneen enewh buhmeetahgunun, mesuh owh nindoogemaum: me dush keöodahpenung ahgweengwabezoowin, keähgweengwabezoo dush.
66Owh dush buhmeetahgun oogeweenduhmahwaun Isaacun kuhkenuh enewh uhyeëen kahezhechegad.
67Isaac dush oogepeendigahnaun Rebekahun emuh oowegwaumening oogeebuneen Sarahun, oogeöodahpenaun dush Rebekahun, kewedegamaud dush enewh; oogesahgeäun dush: Isaac dush kemenoodaäah kekushkandungebun oonje oogeebuneen.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.