GENESIS 25
25
1Menuhwah dush Abraham oogeöodahpenaun equawun, Keturah azhenekahzoonejin.
2Oogenegetuhmahgoon dush enewh Zimramun, kuhya Jokshanun, kuhya Medanun, kuhya Midianun, kuhya Ishbakun, kuhya Shuahun.
3Kuhya Jokshan oogeöogwissenun Shebaün, kuhya Dedanun. Kuhya Dedan oogeöogwisenun Asshurimun, kuhya Letushimun, kuhya Leummimun.
4Kuhya Midian oogeöogwissenun Ephahun, kuhya Epherun, kuhya Hanochuh, kuhya Abidahun, kuhya Eldaähun. Kuhkenuh suh oonoo oogeöonejahnesenun Keturah.
5¶ Abraham dush oogepuggedenuhmahwaun enewh Isaacun kuhkenuh ootebenuhwawezewinun.
6Oogwissewaun dush ween egewh noondaush apetandahgoozejig equawug, kahahyahwahjin Abraham, Abraham oogemeenaun meegewawinun, kuhya oogemahjenahzhahwaun, magwah kayahbe bemahdezid, cheähyahsenig anduhzhe ähyahnid oogwissun Isaacun wahbunoong enuhkakummig keëzhenahzhahwaud.
7Abraham dush keningoodwauk duhsoo pepoon‐uhgeze ahshe neezhwahsemeduhnuh ahzhe nahnun, me menik kahbemahdezid.
8Keïshquahnahmoo dush Abraham, kuhya keneboo kahkeche‐kekaud, kahuhkewanzeëwid, kuhya nebewah kahduhsoo-pepoon‐uhgezid; keëzhewenah dush anduhzhe ähyahnid enewh oodahnishenahbamun.
9Oogepuggedanemegoon dush enewh oogwissun Isaacun, kuhya Ishmaelun emuh Machpelah weembahbikaug, emuh ooketegauning owh Ephron oogwissun owh Zohar Hittite, debishkoo Mamreing ayahmahguk;
10Ewh ketegaun Abraham kahkishpenuhtuhwahpuneen enewh oogwissun owh Heth: me emuh kepuhgedanemind Abraham, kuhya enewh wewun Sarahun.
11¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.
12¶ Mesuh oo‐oo oodahneka‐bemahdezewinun owh Ishmael, oogwissun owh Abraham, Hagar, Egypting duhzhe equa, Sarah oobuhmeetahga‐equamun, kahnegetahmahwahjin Abrahamun:
13Mesuh oonoo oodezhenekahzoowinene oogwissun owh Ishmael azhenekahzoonid, debishkoo kahezheahneka‐bemahdezenid: Ishmael oonetumoozhaunun, Nebajoth; kuhya Kedar, kuhya Adbeel, kuhya Mibsam,
14Kuhya Mishma, kuhya Dumah, kuhya Massa,
15Hadar, kuhya Tema, Jetur, Naphish, kuhya Kedemah:
16Me suh oogoo kahooyoosemahjig Ishmaelun, mesuh kuhya oonoo oodezhenekahzoowinewaun, kahezheöodatoowaud, kuhya kahezheöowahkahegunewaud; metauswe ahshe neezh oogemaug, pukkaun keëzheweenzoowun oodahnishenahbamewaun.
17Mesuh oo‐oo menik kahbemahdezid Ishmael, keningoodwauk duhsoo‐pepoon‐uhgeze ahshe nesemeduhnuh ahshe neezhwahswe: keïshquahnahmoo dush kuhya keneboo; me dush keëzhaud emuh ahyahnid oodahnishenahbamun.
18Keöonjeduhnuhkewug dush Havilaing nahnauzh Shuring debishkoo Egypting anduhgoog, ahweyah ahneëzhaud Assyriaing enuhkuhkayah; keduhpena dush anahsuhmenid enewh wekahnesun.
19¶ Mesuh oonoo oodahneka‐bemahdezewinun owh Isaac, oogwissun owh Abraham: Abraham oogeöonejahnesenun Isaacun:
20Isaac dush kenemeduhnuh duhsoo pepoon‐uhgeze uhpe wahdegamaud Rebekahun, oodahnun owh Bethuel Syriaing duhzhe enene Padan‐Araming anduhnuhkeed, kuhya oodahwawamaun Laban owh Syriaing duhzhe enene.
21Isaac dush oogeähnuhmeätuhwaun Jehovahun kekuhnooduhmahwaud oowedegamahgunun, oonje oonejahnesesenig: oogebezindahgoon dush Jehovahun, me dush oowedegamahgunun Rebekahun keünjekoonid.
22Kemegahdewun dush enewh ahbenoojeyun emuh oopahyowing; oo‐oo dush keëkedoo, Kishpin kagate azhewabudoogwan, wagoonash suh oo‐oo wanjeëzheähyahyaun? oogeähwe-kuhgwajemaun dush enewh Jehovahun.
23Oo‐oo dush oogeëgoon Jehovahun, nauzhwahyuggezejig ahnishenahbag emuh kepuhyowing ahyahwug, kuhya pukkaun azheweenzoojig ahnishenahbag tahsahguhuhmoog oonje kemesudaung; ningoodwahyug dush ahnishenahbag nahwuj tahmushkahwezewug egewh dush ween pukkaun azheweenzoojig; owh dush saseekezid oogahbuhmeetuhwaun enewh ooshemayun.
24¶ Uhpe dush dabishkoosanig chenegeähwuhsood benuh oogeähyahwaun neezhoodayun emuh oopuhyowing.
25Kemishquuhzha suh owh netum kahbesahguhung, debishkoo mashkeguk ahgwewin keëzhenahgwudenig anegookwahnig weyow, Esau dush oogeëzheweenahwaun enewh;
26Nahguj dush kebesahguhuhmoon ooshemayun, oogesuhgedoondahnanaun dush enewh Esauün; me dush Jacob keëzhenekahzood: keningoodwahse‐meduhnuh duhsoo‐pepoon‐uhgeze dush owh Isaac uhpe Rebekah nahgeäud enewh.
27Kemahjegewug dush egewh quewezansug: Esau dush kenetah‐keösa, moonzhug kuhya kepahpahduhneze emuh mushkootang; Jacob dush kebakahdeze, moonzhug dush wegewauming keähyah.
28Isaac dush oogesahgeäun Esauün, oonje kemeejid oowahwaushkasheweyausemene: Rebekah dush ween oogesahgeaun Jacobun.
29¶ Jacob dush kemishkoodeseminahbooka: Esau dush kepeendega mushkootang keöonjebaud, kebwahnuhwetoo dush:
30Esau dush oo‐oo oogeënaun Jacobun, Ahshummeshin kepahgoosanemin ewh masquahgummeeg miskooteesminahboo nimpwahnuhwetoo mah: mesuh Edom kahoonjeëzhenekahzood;
31Jacob dush oo‐oo oogeenaun, Ahtahmeshin noongoom kezheguk kesuhsekezewine‐enandahgoozewin.
32Esau dush oo‐oo keëkedoo, Benuh gagah nenib: ahneen dush kaënahbujjetooyaun maunduh suhseekezewine‐enandah-goozewin?
33Jacob dush oo‐oo keëkedoo, mushkahwe‐wahweenduhmuhweshin noongoom kezheguk; oogemushkahwe‐wahweendahmahgoon dush: Me suh Esau kahezheähtahmaud Jacobun oosuhsekezewine‐enandahgoozewin.
34Jacob dush oogeähshummaun Esauün buhquazhegun kuhya miskoodeesemin‐ahboo; me dush kewesenid kuhya kemenequad, kepuhsegwe dush, keühnemahjaud: me suh Esau kahezheneshe‐bahpenoodung oosuhsekezewine‐enandahgoozewin.
Atualmente selecionado:
GENESIS 25: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 25
25
1Menuhwah dush Abraham oogeöodahpenaun equawun, Keturah azhenekahzoonejin.
2Oogenegetuhmahgoon dush enewh Zimramun, kuhya Jokshanun, kuhya Medanun, kuhya Midianun, kuhya Ishbakun, kuhya Shuahun.
3Kuhya Jokshan oogeöogwissenun Shebaün, kuhya Dedanun. Kuhya Dedan oogeöogwisenun Asshurimun, kuhya Letushimun, kuhya Leummimun.
4Kuhya Midian oogeöogwissenun Ephahun, kuhya Epherun, kuhya Hanochuh, kuhya Abidahun, kuhya Eldaähun. Kuhkenuh suh oonoo oogeöonejahnesenun Keturah.
5¶ Abraham dush oogepuggedenuhmahwaun enewh Isaacun kuhkenuh ootebenuhwawezewinun.
6Oogwissewaun dush ween egewh noondaush apetandahgoozejig equawug, kahahyahwahjin Abraham, Abraham oogemeenaun meegewawinun, kuhya oogemahjenahzhahwaun, magwah kayahbe bemahdezid, cheähyahsenig anduhzhe ähyahnid oogwissun Isaacun wahbunoong enuhkakummig keëzhenahzhahwaud.
7Abraham dush keningoodwauk duhsoo pepoon‐uhgeze ahshe neezhwahsemeduhnuh ahzhe nahnun, me menik kahbemahdezid.
8Keïshquahnahmoo dush Abraham, kuhya keneboo kahkeche‐kekaud, kahuhkewanzeëwid, kuhya nebewah kahduhsoo-pepoon‐uhgezid; keëzhewenah dush anduhzhe ähyahnid enewh oodahnishenahbamun.
9Oogepuggedanemegoon dush enewh oogwissun Isaacun, kuhya Ishmaelun emuh Machpelah weembahbikaug, emuh ooketegauning owh Ephron oogwissun owh Zohar Hittite, debishkoo Mamreing ayahmahguk;
10Ewh ketegaun Abraham kahkishpenuhtuhwahpuneen enewh oogwissun owh Heth: me emuh kepuhgedanemind Abraham, kuhya enewh wewun Sarahun.
11¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.
12¶ Mesuh oo‐oo oodahneka‐bemahdezewinun owh Ishmael, oogwissun owh Abraham, Hagar, Egypting duhzhe equa, Sarah oobuhmeetahga‐equamun, kahnegetahmahwahjin Abrahamun:
13Mesuh oonoo oodezhenekahzoowinene oogwissun owh Ishmael azhenekahzoonid, debishkoo kahezheahneka‐bemahdezenid: Ishmael oonetumoozhaunun, Nebajoth; kuhya Kedar, kuhya Adbeel, kuhya Mibsam,
14Kuhya Mishma, kuhya Dumah, kuhya Massa,
15Hadar, kuhya Tema, Jetur, Naphish, kuhya Kedemah:
16Me suh oogoo kahooyoosemahjig Ishmaelun, mesuh kuhya oonoo oodezhenekahzoowinewaun, kahezheöodatoowaud, kuhya kahezheöowahkahegunewaud; metauswe ahshe neezh oogemaug, pukkaun keëzheweenzoowun oodahnishenahbamewaun.
17Mesuh oo‐oo menik kahbemahdezid Ishmael, keningoodwauk duhsoo‐pepoon‐uhgeze ahshe nesemeduhnuh ahshe neezhwahswe: keïshquahnahmoo dush kuhya keneboo; me dush keëzhaud emuh ahyahnid oodahnishenahbamun.
18Keöonjeduhnuhkewug dush Havilaing nahnauzh Shuring debishkoo Egypting anduhgoog, ahweyah ahneëzhaud Assyriaing enuhkuhkayah; keduhpena dush anahsuhmenid enewh wekahnesun.
19¶ Mesuh oonoo oodahneka‐bemahdezewinun owh Isaac, oogwissun owh Abraham: Abraham oogeöonejahnesenun Isaacun:
20Isaac dush kenemeduhnuh duhsoo pepoon‐uhgeze uhpe wahdegamaud Rebekahun, oodahnun owh Bethuel Syriaing duhzhe enene Padan‐Araming anduhnuhkeed, kuhya oodahwawamaun Laban owh Syriaing duhzhe enene.
21Isaac dush oogeähnuhmeätuhwaun Jehovahun kekuhnooduhmahwaud oowedegamahgunun, oonje oonejahnesesenig: oogebezindahgoon dush Jehovahun, me dush oowedegamahgunun Rebekahun keünjekoonid.
22Kemegahdewun dush enewh ahbenoojeyun emuh oopahyowing; oo‐oo dush keëkedoo, Kishpin kagate azhewabudoogwan, wagoonash suh oo‐oo wanjeëzheähyahyaun? oogeähwe-kuhgwajemaun dush enewh Jehovahun.
23Oo‐oo dush oogeëgoon Jehovahun, nauzhwahyuggezejig ahnishenahbag emuh kepuhyowing ahyahwug, kuhya pukkaun azheweenzoojig ahnishenahbag tahsahguhuhmoog oonje kemesudaung; ningoodwahyug dush ahnishenahbag nahwuj tahmushkahwezewug egewh dush ween pukkaun azheweenzoojig; owh dush saseekezid oogahbuhmeetuhwaun enewh ooshemayun.
24¶ Uhpe dush dabishkoosanig chenegeähwuhsood benuh oogeähyahwaun neezhoodayun emuh oopuhyowing.
25Kemishquuhzha suh owh netum kahbesahguhung, debishkoo mashkeguk ahgwewin keëzhenahgwudenig anegookwahnig weyow, Esau dush oogeëzheweenahwaun enewh;
26Nahguj dush kebesahguhuhmoon ooshemayun, oogesuhgedoondahnanaun dush enewh Esauün; me dush Jacob keëzhenekahzood: keningoodwahse‐meduhnuh duhsoo‐pepoon‐uhgeze dush owh Isaac uhpe Rebekah nahgeäud enewh.
27Kemahjegewug dush egewh quewezansug: Esau dush kenetah‐keösa, moonzhug kuhya kepahpahduhneze emuh mushkootang; Jacob dush kebakahdeze, moonzhug dush wegewauming keähyah.
28Isaac dush oogesahgeäun Esauün, oonje kemeejid oowahwaushkasheweyausemene: Rebekah dush ween oogesahgeaun Jacobun.
29¶ Jacob dush kemishkoodeseminahbooka: Esau dush kepeendega mushkootang keöonjebaud, kebwahnuhwetoo dush:
30Esau dush oo‐oo oogeënaun Jacobun, Ahshummeshin kepahgoosanemin ewh masquahgummeeg miskooteesminahboo nimpwahnuhwetoo mah: mesuh Edom kahoonjeëzhenekahzood;
31Jacob dush oo‐oo oogeenaun, Ahtahmeshin noongoom kezheguk kesuhsekezewine‐enandahgoozewin.
32Esau dush oo‐oo keëkedoo, Benuh gagah nenib: ahneen dush kaënahbujjetooyaun maunduh suhseekezewine‐enandah-goozewin?
33Jacob dush oo‐oo keëkedoo, mushkahwe‐wahweenduhmuhweshin noongoom kezheguk; oogemushkahwe‐wahweendahmahgoon dush: Me suh Esau kahezheähtahmaud Jacobun oosuhsekezewine‐enandahgoozewin.
34Jacob dush oogeähshummaun Esauün buhquazhegun kuhya miskoodeesemin‐ahboo; me dush kewesenid kuhya kemenequad, kepuhsegwe dush, keühnemahjaud: me suh Esau kahezheneshe‐bahpenoodung oosuhsekezewine‐enandahgoozewin.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.