GENESIS 27
27
1Kepuggummeahyahmahgud dush uhpe Isaac kakaud, kekuhkepeengwad, kewahbesig dush, kenundoomaud Esauun sasekesenejin oogwissun, oo‐oo dush keënaud, Ningwissa; oo‐oo dush keëgood enewh, Benuh oomah nindahyah.
2Oo‐oo dush oogeënaun, Benuh noongoom zhuhyegwah nekekah, kah dush nekekanduhse uhpe kaneboowaunan:
3Noongoom suh dush kepahgoosanemin oodahpinun kedushwewinun, kepeendunwaun, kuhya kemetigwaub, ezhaun dush emuh mushkootang, kuhya nunduhwahbunduhmahweshin wahwaushkashe‐weyaus;
4Kuhya oozhetoomahweshin manoopoogwuk meejim, ewh manwanduhmaun beeduhweshin dush, cheöonjeweseneyaun, kuhya cheshahwanemenaun chepwah nebooyaun.
5Rebekah dush kenoondum uhpe Isaac ganoonaud enewh oogwissun Esauün. Esau dush keëzhah mushkoodang wenunduhwahbundung wahwaushkashe‐weyaus, kuhya webedood.
6¶ Rebekah dush oogeguhnoonaun enewh oogwissun Jacobun, oo‐oo keënaud, Benuh ningenoonduhwah koos kuhnoonaud kekahnisun Esau oo‐oo keënaud.
7Peetuhweshin wahwaushkashe‐weyaus, kuhya oozhetuhmooweshin manoopoogwuk meejim, cheweseneyaun, cheshahwanemenaun dush anahsuhmid Jehovah chepwah ishquah‐bemahdezeyaun.
8Benuh suh dush ningwissa, bezindun nindekedoowin debishkoo azheguhnoonenaun.
9Ezhaun suh egewh mahnishtahnishug anduhzhe ahyahwaud, kuhya nauzh neezh mesahboozoonsug mesahboozoog oonejahnesewaun: ningahoozhetoomahwah dush koos ewh manoopoogwuk meejim, ewh manwandung:
10Kegahmahjetuhwah dush koos cheöonjewesenid cheöonjeshahwanemik chepwah nebood.
11Jacob dush oo‐oo oogeënaun enewh Rebekahun oogeen, Benuh nekahnis Esau mesheze, neen dush ween nepushkooz:
12Koonemah noos ningahnundoojeenig, wuhyazhingashke ningahenanemig dush; ningahoondenuhmahdiz dush kuhgwahnesuggandahgoozewin, kahween ewh shahwandahgoozewin.
13Oo‐oo dush oogeëgoon enewh oogeen, Neen suh ningahoodissegoon kekuhgwahnesuggandahgoozewin, ningwis, bezindun atuh nindekedoowin, Ahwenauzh dush egewh.
14Kemahjah dush, kenahnaud, kemeenaud dush enewh oogeen: Oogeen dush oogeöozhetoone manoopoogwuk meejim, ewh manwanduhmenid oosun.
15Rebekah dush oogeöodahpenaun wanesheshinenig oodahgwewinene sasekesenejin oogwissun Esau, kahahyaung emuh wegewauming, oogepesekoowaun dush enewh agahsheënejin oogwissun Jacobun;
16Kuhya oogeähtuhwaun mesahboozoonse‐wuhyaunun emuh ooneenjeening kuhya ooquagunauning:
17Kuhya oogeënenuhmoowaun enewh oogwissun Jacobun ewh manoopoogwuk meejim kuhya ewh bahquazhegun, kahoozhetood.
18¶ Oogenaunzekahwaun dush enewh oosun, oo‐oo dush keëekedoo, Noosa: oo‐oo dush oogeëgoon, oomah Nindahyah: ahwanan keen ningwissa?
19Jacob dush oo‐oo oogeënaun enewh oosun, Nindow suh Esau kenetuhmoozhaun; ningeëzhechega debishkoo kahezheyun: puhsegween kepahgoosanemin, nuhmuhduhbin chemeejeyun newahwaushkashe‐weyausim cheöonjeshahwanemeyun.
20Isaac dush oo‐oo oogeënaun enewh oogwissun, Ahnish waweeb kahezhemekahmun, ningwissa? oo‐oo dush keëkedoowun, Ningenahdahmaug suh Jehovah ke Kesha‐Muhnedoom.
21Isaac dush oo‐oo oogeënaun Jacobun, Pashoo penaunzekahweshin kepahgoosanemin, chekuhgwadenenaun, ningwissa, kishpin kagate ahyahwewunan ningwis Esau gamuh kuhya goo kah.
22Jacob dush pashoo oogepenaunzekahwaun oosun Isaacun; oogekuhgwadenegoon dush oo‐oo keëkedoonid, Jacob oodinwawin mesuh anetuhmaun ewh inwawin, ooneenjemaun dush ween Esau ooneenjeen ahwunoon.
23Kah dush oogequuhyukwanemahseen, oonje kemesheneenjenid, debishkoo wekahnesun Esau: me suh kahezheshahwanemaud.
24Oo‐oo dush keëkedoo, Kagate enuh kedow ningwis Esau? oo‐oo dush oogeëgoon, Kagate suh nindow.
25Oo‐oo dush keëkedoo, Peeduhweshin pashoo, chemeejeyaun dush ningwis oowahwaushkasheweyausim, cheöoonje-shahwanemenaun. Oogepeetuhwaun dush pashoo, kewesenewun dush, oogepeetuhwaun dush shooweminahboo, me dush kemenequanid.
26Oo‐oo dush oogeëgoon enewh oosun Isaacun, Pashoo penaunzekahweshin, kuhya oojeemeshin, ningwissa.
27Pashoo dush oogenaunzekahwaun, kuhya oogeöojeemaun: kemenaunduhmoon dush oodahgwewin, kuhya oogeshahwanemegoon, oo‐oo dush keëkedood, Benuh ningwis ezhemahgooze debishkoo azhemahgwuk ewh ketegaun ewh kahshahwandung owh Jehovah.
28Mesuh Kesha‐Muhnedoo kaöonjemeenik mindookud ishpeming wanjebahmahguk kuhya uhkeeng azheweeninoowung, kuhya nebewah buhquazhegun kuhya shooweminahboo:
29Mahnoo ahnishenahbag kegahbuhmeetahgoog, mahnoo kuhya ahnooj azheweenzoojig ahnishenahbag kegahshahgushketahgoog: oogemahkundowh kekahnesug, mahnoo kuhya kegahshahgushketahgoog keguh oogwissun: tahkuhgwahnesuggandahgooze owh kakuhgwahnesugganemik, kuhya tahshahwanemah owh kashahwanemik.
30¶ Kepuggummeähyahmahgud dush uhpe Isaac kahishquahshahwanemaud Jacobun, ahgahwah kedasahguhung owh Jacob oonje emuh ahyahnid Isaacun enewh oosun, wekahnesun Esauün kepeendegawun kahishquah‐keöosanid.
31Kuhya ween suh oogeöozhetoon manoo‐poogwuk meejim, kuhya oogepeetuhwaun enewh oosun, oo‐oo dush keënaud enewh ooosun. Mahnoo tahpuhsegwe noos, kuhya oogahmeejin enewh oogwissun oowahwaushkashe‐weyausemene, cheöonjeshahwanemeyun.
32Oo‐oo dush oogeëgoon enewh oosun Isaacun, Ahwanan keen? oo‐oo dush keëkedoo, Nindow kegwis kenetuhmoozhaun Esau.
33Isaac dush kekeche‐nuhningishkah, oo‐oo dush keëkedood, Ahwanan? ahneende ayaud owh kahoodahpenung wahwaushkashe‐weyaus, kepeetuhwid edush, ningekedaun dush kuhkenuh chepwah tahgwishenun, kuhya ningeshahwanemah? aahe, kagate dush egoo tahshahwanemah.
34Uhpe dush Esau kahnoondung oodekedoowinene enewh oosun, kekeche‐wesuggedamoo, oo‐oo dush keënaud enewh oosun, Shahwanemeshin kuhya neen, O noosa.
35Oo‐oo dush keëkedoowun, Kepekuhkuhyaneze kekahnis, oogemuhkundwan dush keshahwandahgoozewin.
36Oo‐oo dush keëkedoo, Kahnuh ween quuhyuk Jacob ezhenekahzoose? neezhing mah ningewuhyazhemik: ningemuhkummik nesuhsekezewandahgoozewin; noongoom dush ningemuhkummik neshahwandahgoozewin. Oo‐oo dush keëkedoo, Kahnuhween kayahbe kedahyaunseen shahwandahgoozewin kaëzheshahwanemeyumbun?
37Isaac dush oogenuhquatuhwaun, oo‐oo dush keënaud Esauün, Benuh ningeënahkoonah cheöogemahkundauk, kuhya ningemeenah kuhkenuh wekahnisun cheöobuhmeetahgunid enewh, kuhya ningeähshummah buhquazhegun kuhya shooweminahboo: wagoonan edush kadoodoonaun ningwissa?
38Esau dush oo‐oo oogeënaun enewh oosun, Pazhigwun nuh atuh keshahwanjegawin, noosa? shahwanemeshin kuhya neen, O noosa. Kemahduhdamoo dush Esau.
39Oogenuhquatahgoon dush enewh oosun Isaacun, oo‐oo keëgood, Benuh kegahdah emuh akoo‐weeninoowung uhkee, kuhya akoo‐mindookuk ewh ishpeming wanjebahmahguk;
40Kedahzhahwashkoom dush kegahoonjebemahdiz, kegahbuhmeetuhwah dush kekahnis; tahpuhgummeähyahmahgud edush uhpe kaöogemahweyun, kegahpeegoobetoon oonahbek-oowahgun oonje kequagunaung.
41¶ Esau dush oogesheenganemaun Jacobun oonje ewh shahwandahgoozewin kahshahwanemegood enewh oosun: Esau dush oo‐oo keëkedoo emuh oodaïng, Gagah zhuhyegwah tahdebishkoosa uhpe kamuhwemind noos; mesuh ewh uhpe kanesug nekahnis Jacob.
42Kedebahjemootuhwah dush Rebekah oonoo oodekedoowinene enewh sasekezenejin oogwissun Esau: keähnookee dush chenundoomemind agahsheenejin oogwissun Jacob, oo‐oo dush keënaud, Benuh kekahnis Esau, menoodaaëdezoo keen oonje wenesik.
43Umba suhnoo, ningwissa, bezindun nindekedoowin: kuhya puhsegween, ezhenezhemoon ewede Haraning anduhnuhkeed Laban nindahwamah;
44Ewede dush nahkuhwa duhnuhkeen, nahnauzh egoo chepoonekedahzood kekahnis.
45Nahnauzh poonanemik kekahnis, wuhnandung edush ewh kahdoodahwud: me dush uhpe cheähnookeyaun chenahnegooyun: wagoonan suh kaöonjewuneëenuhgoogebun nuhyazh kenuhwah pazhig kezheguk?
46Rebekah dush oo‐oo ogeënaun Isaacun, Nezhegahdandaun nebemahdezewin oonje oodahnissun owh Heth; kishpin Jacob wedegamaud pazhig Heth oodahnissun, azhewabezenejin debishkoo azhewabezewaud egewh wadahnesemindjig oomuh uhkeeng, ahneen kaënahbuduk nimbemahdezewin?
Atualmente selecionado:
GENESIS 27: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 27
27
1Kepuggummeahyahmahgud dush uhpe Isaac kakaud, kekuhkepeengwad, kewahbesig dush, kenundoomaud Esauun sasekesenejin oogwissun, oo‐oo dush keënaud, Ningwissa; oo‐oo dush keëgood enewh, Benuh oomah nindahyah.
2Oo‐oo dush oogeënaun, Benuh noongoom zhuhyegwah nekekah, kah dush nekekanduhse uhpe kaneboowaunan:
3Noongoom suh dush kepahgoosanemin oodahpinun kedushwewinun, kepeendunwaun, kuhya kemetigwaub, ezhaun dush emuh mushkootang, kuhya nunduhwahbunduhmahweshin wahwaushkashe‐weyaus;
4Kuhya oozhetoomahweshin manoopoogwuk meejim, ewh manwanduhmaun beeduhweshin dush, cheöonjeweseneyaun, kuhya cheshahwanemenaun chepwah nebooyaun.
5Rebekah dush kenoondum uhpe Isaac ganoonaud enewh oogwissun Esauün. Esau dush keëzhah mushkoodang wenunduhwahbundung wahwaushkashe‐weyaus, kuhya webedood.
6¶ Rebekah dush oogeguhnoonaun enewh oogwissun Jacobun, oo‐oo keënaud, Benuh ningenoonduhwah koos kuhnoonaud kekahnisun Esau oo‐oo keënaud.
7Peetuhweshin wahwaushkashe‐weyaus, kuhya oozhetuhmooweshin manoopoogwuk meejim, cheweseneyaun, cheshahwanemenaun dush anahsuhmid Jehovah chepwah ishquah‐bemahdezeyaun.
8Benuh suh dush ningwissa, bezindun nindekedoowin debishkoo azheguhnoonenaun.
9Ezhaun suh egewh mahnishtahnishug anduhzhe ahyahwaud, kuhya nauzh neezh mesahboozoonsug mesahboozoog oonejahnesewaun: ningahoozhetoomahwah dush koos ewh manoopoogwuk meejim, ewh manwandung:
10Kegahmahjetuhwah dush koos cheöonjewesenid cheöonjeshahwanemik chepwah nebood.
11Jacob dush oo‐oo oogeënaun enewh Rebekahun oogeen, Benuh nekahnis Esau mesheze, neen dush ween nepushkooz:
12Koonemah noos ningahnundoojeenig, wuhyazhingashke ningahenanemig dush; ningahoondenuhmahdiz dush kuhgwahnesuggandahgoozewin, kahween ewh shahwandahgoozewin.
13Oo‐oo dush oogeëgoon enewh oogeen, Neen suh ningahoodissegoon kekuhgwahnesuggandahgoozewin, ningwis, bezindun atuh nindekedoowin, Ahwenauzh dush egewh.
14Kemahjah dush, kenahnaud, kemeenaud dush enewh oogeen: Oogeen dush oogeöozhetoone manoopoogwuk meejim, ewh manwanduhmenid oosun.
15Rebekah dush oogeöodahpenaun wanesheshinenig oodahgwewinene sasekesenejin oogwissun Esau, kahahyaung emuh wegewauming, oogepesekoowaun dush enewh agahsheënejin oogwissun Jacobun;
16Kuhya oogeähtuhwaun mesahboozoonse‐wuhyaunun emuh ooneenjeening kuhya ooquagunauning:
17Kuhya oogeënenuhmoowaun enewh oogwissun Jacobun ewh manoopoogwuk meejim kuhya ewh bahquazhegun, kahoozhetood.
18¶ Oogenaunzekahwaun dush enewh oosun, oo‐oo dush keëekedoo, Noosa: oo‐oo dush oogeëgoon, oomah Nindahyah: ahwanan keen ningwissa?
19Jacob dush oo‐oo oogeënaun enewh oosun, Nindow suh Esau kenetuhmoozhaun; ningeëzhechega debishkoo kahezheyun: puhsegween kepahgoosanemin, nuhmuhduhbin chemeejeyun newahwaushkashe‐weyausim cheöonjeshahwanemeyun.
20Isaac dush oo‐oo oogeënaun enewh oogwissun, Ahnish waweeb kahezhemekahmun, ningwissa? oo‐oo dush keëkedoowun, Ningenahdahmaug suh Jehovah ke Kesha‐Muhnedoom.
21Isaac dush oo‐oo oogeënaun Jacobun, Pashoo penaunzekahweshin kepahgoosanemin, chekuhgwadenenaun, ningwissa, kishpin kagate ahyahwewunan ningwis Esau gamuh kuhya goo kah.
22Jacob dush pashoo oogepenaunzekahwaun oosun Isaacun; oogekuhgwadenegoon dush oo‐oo keëkedoonid, Jacob oodinwawin mesuh anetuhmaun ewh inwawin, ooneenjemaun dush ween Esau ooneenjeen ahwunoon.
23Kah dush oogequuhyukwanemahseen, oonje kemesheneenjenid, debishkoo wekahnesun Esau: me suh kahezheshahwanemaud.
24Oo‐oo dush keëkedoo, Kagate enuh kedow ningwis Esau? oo‐oo dush oogeëgoon, Kagate suh nindow.
25Oo‐oo dush keëkedoo, Peeduhweshin pashoo, chemeejeyaun dush ningwis oowahwaushkasheweyausim, cheöoonje-shahwanemenaun. Oogepeetuhwaun dush pashoo, kewesenewun dush, oogepeetuhwaun dush shooweminahboo, me dush kemenequanid.
26Oo‐oo dush oogeëgoon enewh oosun Isaacun, Pashoo penaunzekahweshin, kuhya oojeemeshin, ningwissa.
27Pashoo dush oogenaunzekahwaun, kuhya oogeöojeemaun: kemenaunduhmoon dush oodahgwewin, kuhya oogeshahwanemegoon, oo‐oo dush keëkedood, Benuh ningwis ezhemahgooze debishkoo azhemahgwuk ewh ketegaun ewh kahshahwandung owh Jehovah.
28Mesuh Kesha‐Muhnedoo kaöonjemeenik mindookud ishpeming wanjebahmahguk kuhya uhkeeng azheweeninoowung, kuhya nebewah buhquazhegun kuhya shooweminahboo:
29Mahnoo ahnishenahbag kegahbuhmeetahgoog, mahnoo kuhya ahnooj azheweenzoojig ahnishenahbag kegahshahgushketahgoog: oogemahkundowh kekahnesug, mahnoo kuhya kegahshahgushketahgoog keguh oogwissun: tahkuhgwahnesuggandahgooze owh kakuhgwahnesugganemik, kuhya tahshahwanemah owh kashahwanemik.
30¶ Kepuggummeähyahmahgud dush uhpe Isaac kahishquahshahwanemaud Jacobun, ahgahwah kedasahguhung owh Jacob oonje emuh ahyahnid Isaacun enewh oosun, wekahnesun Esauün kepeendegawun kahishquah‐keöosanid.
31Kuhya ween suh oogeöozhetoon manoo‐poogwuk meejim, kuhya oogepeetuhwaun enewh oosun, oo‐oo dush keënaud enewh ooosun. Mahnoo tahpuhsegwe noos, kuhya oogahmeejin enewh oogwissun oowahwaushkashe‐weyausemene, cheöonjeshahwanemeyun.
32Oo‐oo dush oogeëgoon enewh oosun Isaacun, Ahwanan keen? oo‐oo dush keëkedoo, Nindow kegwis kenetuhmoozhaun Esau.
33Isaac dush kekeche‐nuhningishkah, oo‐oo dush keëkedood, Ahwanan? ahneende ayaud owh kahoodahpenung wahwaushkashe‐weyaus, kepeetuhwid edush, ningekedaun dush kuhkenuh chepwah tahgwishenun, kuhya ningeshahwanemah? aahe, kagate dush egoo tahshahwanemah.
34Uhpe dush Esau kahnoondung oodekedoowinene enewh oosun, kekeche‐wesuggedamoo, oo‐oo dush keënaud enewh oosun, Shahwanemeshin kuhya neen, O noosa.
35Oo‐oo dush keëkedoowun, Kepekuhkuhyaneze kekahnis, oogemuhkundwan dush keshahwandahgoozewin.
36Oo‐oo dush keëkedoo, Kahnuh ween quuhyuk Jacob ezhenekahzoose? neezhing mah ningewuhyazhemik: ningemuhkummik nesuhsekezewandahgoozewin; noongoom dush ningemuhkummik neshahwandahgoozewin. Oo‐oo dush keëkedoo, Kahnuhween kayahbe kedahyaunseen shahwandahgoozewin kaëzheshahwanemeyumbun?
37Isaac dush oogenuhquatuhwaun, oo‐oo dush keënaud Esauün, Benuh ningeënahkoonah cheöogemahkundauk, kuhya ningemeenah kuhkenuh wekahnisun cheöobuhmeetahgunid enewh, kuhya ningeähshummah buhquazhegun kuhya shooweminahboo: wagoonan edush kadoodoonaun ningwissa?
38Esau dush oo‐oo oogeënaun enewh oosun, Pazhigwun nuh atuh keshahwanjegawin, noosa? shahwanemeshin kuhya neen, O noosa. Kemahduhdamoo dush Esau.
39Oogenuhquatahgoon dush enewh oosun Isaacun, oo‐oo keëgood, Benuh kegahdah emuh akoo‐weeninoowung uhkee, kuhya akoo‐mindookuk ewh ishpeming wanjebahmahguk;
40Kedahzhahwashkoom dush kegahoonjebemahdiz, kegahbuhmeetuhwah dush kekahnis; tahpuhgummeähyahmahgud edush uhpe kaöogemahweyun, kegahpeegoobetoon oonahbek-oowahgun oonje kequagunaung.
41¶ Esau dush oogesheenganemaun Jacobun oonje ewh shahwandahgoozewin kahshahwanemegood enewh oosun: Esau dush oo‐oo keëkedoo emuh oodaïng, Gagah zhuhyegwah tahdebishkoosa uhpe kamuhwemind noos; mesuh ewh uhpe kanesug nekahnis Jacob.
42Kedebahjemootuhwah dush Rebekah oonoo oodekedoowinene enewh sasekezenejin oogwissun Esau: keähnookee dush chenundoomemind agahsheenejin oogwissun Jacob, oo‐oo dush keënaud, Benuh kekahnis Esau, menoodaaëdezoo keen oonje wenesik.
43Umba suhnoo, ningwissa, bezindun nindekedoowin: kuhya puhsegween, ezhenezhemoon ewede Haraning anduhnuhkeed Laban nindahwamah;
44Ewede dush nahkuhwa duhnuhkeen, nahnauzh egoo chepoonekedahzood kekahnis.
45Nahnauzh poonanemik kekahnis, wuhnandung edush ewh kahdoodahwud: me dush uhpe cheähnookeyaun chenahnegooyun: wagoonan suh kaöonjewuneëenuhgoogebun nuhyazh kenuhwah pazhig kezheguk?
46Rebekah dush oo‐oo ogeënaun Isaacun, Nezhegahdandaun nebemahdezewin oonje oodahnissun owh Heth; kishpin Jacob wedegamaud pazhig Heth oodahnissun, azhewabezenejin debishkoo azhewabezewaud egewh wadahnesemindjig oomuh uhkeeng, ahneen kaënahbuduk nimbemahdezewin?
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.