GENESIS 29
29
1Me dush Jacob keühnemahjaud, ketuhgwishin dush emuh ooduhkeemewaung egewh wahbunoong duhzhe anishenahbag.
2Keënahbe dush, benuh dush oondahebaun emuh ketegauning, benuh dush nesing keshingeshinoon mahnishtahnishun emuh; oondahebauning mah oogeöonjemeenahahwaun nebe enewh mahnishtahnishun: keche ahsin dush keähbe emuh oogijuhyeëe oondahebauning.
3Me dush emuh kemahoonjeëdewaud kuhkenuh egewh mahnishtahnishug: kuhya oogetetebewabenahwaun enewh ahsineen oonje emuh oogijuhyeëe oondahebauning, kuhya oogemeenahahwaun enewh mahnishtahnishun nebe, nayaub edush oogeähsahwaun enewh ahsineen emuh oogijuhyeëe oondahebauning emuh koo ahbenid.
4Jacob dush oo‐oo oogeënaun enewh, Nekahnesedoog, ahneende wanjebahyag? Oo‐oo dush oogeëgoon, Haraning nindoonjebahmin.
5Oo‐oo dush oogeënaun, Kekekanemahwah nuh Laban oogwissun owh Nahor? oo‐oo dush oogeëgoon, Nekekanemahnaun suh.
6Oo‐oo dush oogeënaun, Menoo‐bemahdeze nuh? oo‐oo dush oogeëgoon, Aahe menoo‐bemahdeze: benuh dush betausuhmoo-sawun oodahnissun Rachel peëzheweenahnid enewh mahnishtahnishun.
7Oo‐oo dush keëkedoo, Benuh kayahba ishpekezhegud, kah muhshe debishkoosasenoon chemahwunjeïndwah mahnishtahnishug: menuhik nebe egewh mahnishtahnishug, kuhya ahweähshummik.
8Oo‐oo dush keëkedoowun, Kahween nindahkushketoosemin, bahmah atuh kuhkenuh mahnishtahnishug mahwunjeïndwah, kuhya bahmah tetebewabenahwaud enewh ahsineen oonje emuh oogij‐oondahebauning; me dush uhpe kameenuhungidwah mahnishtahnishug nebe.
9¶ Magwah dush guhnoonaud enewh, ketuhgwishin Rachel pemewenaud oosun oomahnishtahnishemene: ween mah kahguhnuhwanemaud.
10Kepuggummeähyahmahyud dush uhpe Jacob kahwahbuhmaud Rachelun oodahnissun owh Laban oogeen oodahwamaune kuhya enewh oomahnishtahnishemun owh Laban oogeen ooduhwamahne, pashoo keëzhah Jacob, kuhya oogetetebewabenaun enewh ahsineen emuh oogijuhyeëe oondahebauning, kuhya oogemeenuhaun oomahnishtahnishemun owh Laban oodahwamaune oogeen.
11Jacob dush oogeöojeemaun Rachelun, kemahduhdamoo dush.
12Jacob dush oogeweenduhmoowaun enewh Rachelun ewh oosun wekahnesun ahwid, kuhya oogwissemegood enewh Rebekahun: Rachel dush oogeähbuttoonun oosun chedebahjemootuhwaud.
13Kepuggummeähyahmahgud dush uhpe Laban kahnoondung anahjememind Jacobun oodahwamaun oonejahnesenene, keähbuttoo chenahquashkahwaud, kuhya oogeähnemekahwaun, kuhya oogeöojeemaun, oogepeendigahnaun dush emuh oowegewauming. Oogeweendahmahwaun dush enewh Labanun kuhkenuh oonoo uhyeëen.
14Laban dush oo‐oo oogeënaun, Kagate kedow nindookunim kuhya neyaus. Oogeweej‐dahmaun dush ningoo‐keezis.
15¶ Laban dush oo‐oo oogeënaun Jacobun, Oonje oowekahnesemeyun, ahnishah nuh kedahbuhmeetow? weenduhmooweshin menik katebahahmoonaun?
16Keneezhewun dush Laban oodahnissun; sasekezenejin Leah keëzhenekahzoowun, Rachel dush keëzhenekahzoowun agahsheenejin.
17Leah kebezwahbe; Rachel dush kequuhnaujewe kuhya keminwahbuhminahgooze.
18Jacob dush oogesahgeäun Rachelun; oo‐oo dush keëkedoo, neezhwahsoo pepoon kegahbuhmeetoon kishpin meezheyun Rachel agahsheïd kedahnis.
19Laban dush oo‐oo keëkedoo, Ahwahshema oonesheshin chemeenenaumbaun keen, bakahnezid dush ween enene: uhpena ahyaun oomah newegewauming.
20Jacob dush kebuhmeetahga neezhwahsoo pepoon oonje Rachel; punge dush kezhegudoon oogeühyenandaunun, kahahpeech‐sahgeäud enewh.
21¶ Jacob dush oo‐oo oogeënaun Labanun, Meezheshin newedegamahgun, debishkoosanoon mah nekezhegudoomun, cheühwewepamug dush.
22Laban dush oogemahwunjeäun kuhkenuh enewh enenewun emuh wahdatoonejin, kuhya oogeöozhetoon wekoongawin.
23Kepuggummeähyahmahgud dush wanahgooshig oogeöodahpenaun Leahun oodahnissun, kuhya oogepeetuhwaun Jacobun; oogewepamaun dush enewh.
24Laban dush oogemeenaun enewh oodahnissun Leahun oobuhmetahga‐equamun Zilpahun chebuhmeetahgood.
25Kepuggummeähyahmahgud dush kekezhab, benuh Leah keähwe: oo‐oo dush oogeënaun Labanun, Wagoonan maunduh kahdoodahweyun? kanuhween kegebuhmeetoosenoon oonje Rachel? wagoonan edush kahoonjewuhyazhemeyun?
26Laban dush oo‐oo keëkedoo, Kahween tahezhewabussenoon oomah ninduhkeemenaung chemeegewangebun owh agahsheïd chepwah wedegamind owh sasekezid.
27Debishkoosetuhmow ooneezhwahsoo‐kezhegudoomun, kegahmeenegoo dush kuhya mahbah oonje ewh buhmeetahgawin kabuhmeetuhweyun kayahbe neezhwahsoo‐pepoon.
28Jacob dush ewh keëzhechega, kuhya oogedebishkoosetuhmoowaun ooneezhwahsoo‐kezhegudoomene: oogemeenaun dush oodahnissun Rachelun chewedegamahnid.
29Laban dush oogemeenaun oodahnissun Rachelun, enewh oobuhmeetahga‐equamun Bilhahun chebuhmeetahgood.
30Jacob dush oogewepamaun Rachelun, ahwahshema dush oogesahgeäun Rachelun Leahun dush ween, menuhwah dush neezhwahsoo pepoon oogebuhmeetuhwaun.
31¶ Uhpe dush Jehovah kahwahbundung kesheenganemind Leah, oogenesahkoonuhmahwaun oopuhyowene: Rachel dush ween kahween keöonejahnesese.
32Keünjegoo dush Leah, kuhya oogeähyahwaun quewezansun, Reuben dush oogeëzhenekahnaun: oo‐oo mah keëkedoo, Kagate Jehovah oogeguhnuhwahbundaun nindahnemezewin; ningahsahgeïk suh dush newedegamahgun.
33Menuhwah dush keünjegoo, kuhya oogeähyahwaun quewezansun; oo‐oo dush keëkedoo, oonje Jehovah kenoondung sheenganemegooyaun, ningemeenig kuhya oonoo quewezansun: Simeon dush oogeëzhenekahnaun.
34Menuhwah dush keünjegoo, kuhya oogeähyahwaun quewezansun; oo‐oo dush keëkedoo, Zhuhyegwah ningahweejewig newedegamahgun, oonje kenegetuhmahwug neswe quewezansun; mesuh Levi kahoonjeëzhenekahzoonid.
35Menuhwah dush keünjegoo, kuhya oogeähyahwaun enewh quewezansun: oo‐oo dush keëkedoo, Noongoom suh ningahwahwezhanemah Jehovah; mesuh Judah kahoonjeëzhenekahnaud; kepoone‐negeähwuhsoo dush.
Atualmente selecionado:
GENESIS 29: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.