Matthew 1
1
1ဤအကြောင်းအရာတို့သည် ယေရှုခရစ်တော်၏ ဆွေစဉ်မျိုးဆက် သမိုင်းကြောင်းများဖြစ်သည်။ 2ကိုယ်တော်ယေရှုသည် ဘုရင်ဒါဝိဒ်မိသားစုမှ ဆင်းသက်လာသူဖြစ်၏။ ဘုရင်ဒါဝိဒ်သည် အာဗြဟံ မိသားစုမှ ဆင်းသက်လာသူလည်းဖြစ်သည်။ အာဗြဟံ ၏ သားသည် ဣဇက်၊ ဣဇက်၏သားသည် ယာကုပ်၊ ယာကုပ်သည် ယုဒညီအစ်ကိုတို့၏ ဖခင်ဖြစ်သည်။ 3ယုဒ၏ ဇနီးတာမာမှ ဖာရက်နှင့် ဇာရကိုမွေးဖွား၏။ ဖာရက်၏သား ဟေဇရံ၊ ဟေဇရံ၏သား အာရံ။ 4အာရံမှ ဆင်းသက်သောအမိနဒပ်၊ အမိနဒပ်မှဆင်းသက်သော နာရှုန်၊နှင့် နာရှုန်မှဆင်းသက်သော စာလမုန်၊ 5စာလမုန်နှင့် ရာခပ်မှရသော ဗောဇ၊ ဗောဇနှင့် ရုသမှရသောသား ဩဗက်၊ ဩဗက်မှဆင်းသက်သော ယေရှဲနှင့်၊ 6ယေရှဲ၏သားမှာ ဒါဝိဒ်မင်း စသည်ဖြင့်ဆင်းသက်လာပြီး ဒါဝိဒ်မင်းနှင့် (ဥရိယ၏ ဇနီးဖြစ်ခဲ့ဖူးသူ)မှ ရသောသားသည် ရှောလမုန်ဖြစ်၍ 7ရှောလမုန်မှဆင်းသက်လာသောသားမှာ ရာဗောင်၊ ရာဗောင် ၏သားမှာ အဘိယ၊ အဘိယမှဆင်းသက်လာသော သားသည်အာသ၊ 8အာသ၏သားမှာ ယောရှေဖတ် ၊ယောရှေဖတ်၏ သားမှာ ယဟောရံ၊ ယဟောရံမှ ဆင်းသက်လာသောသားမှာ ဩဇိ၊ 9ဩဇိ၏သားမှာ ယောသံ၊ ယောသံ၏သားမှာ အာခတ်၊ အာခတ်၏သားမှာ ဟေဇကိ၊ 10ဟေဇကိ၏သားမှာ မနာရှေ၊ မနာရှေ၏သားမှာ အာမုန်၊ အာမုန်မှ ဆင်းသက်လာသောသားမှာ ယောရှိ ဖြစ်သည်။ 11ဗာဗုလုန်မြို့သို့ ဣသရေလ (အစ္စရေး) အမျိုးသားတို့အား ပြည်နှင်ဒဏ်ပေးရန် ဖမ်းဆီးခေါ်ဆောင်သွားချိန်၌ ယောရှိမှ ယေခေါနိနှင့် ညီများကိုမွေးဖွားခဲ့၏။ 12ဗာဗုလုန်သို့ ပြည်နှင်ဒဏ်ပေးခံရပြီးနောက်တွင် ယေခေါနိ ၏သားမှာ ရှာလသေလ၊ ရှာလသေလ၏သားမှာ ဇေရုဗဗေလ၊ 13ဇေရုဗဗေလ၏သားမှာ အဗျုဒ်၊ အဗျုဒ်၏သားမှာ ဧလျာကိမ်၊ ဧလျာကိမ်၏သားမှာ အာဇော်၊ 14အာဇော်၏သားမှာ ဇာဒုတ်၊ ဇာဒုတ်၏သားမှာ အာခိမ်၊ အာခိမ်၏သားမှာ ဧလုဒ်ဖြစ်ခဲ့၏။ 15ဧလုဒ်၏သားမှာ ဧလာဇာ၊ ဧလာဇာ၏သားမှာ မဿန်၊ မဿန်၏သားမှာ ယာကုပ်၊ 16ယာကုပ်၏သားမှာ မာရိ၏ခင်ပွန်းဖြစ်သူ ယောသပ်ဖြစ်၏။ မာရိကား မေရှိယဟု ခေါ်ဝေါ်သမုတ်ခြင်းခံရသော ကိုယ်တော်ယေရှု၏ မယ်တော်ဖြစ်သည်။ 17သို့ဖြစ်၍ ဆွေတော်စဉ် မျိုးတော်ဆက်များမှာ အာဗြဟံမှသည် ဒါဝိဒ်မင်းတိုင်အောင် တစ်ဆယ့်လေးဆက်၊ ဒါဝိဒ်မင်းမှသည် ဣသရေလ (ယုဒ)လူမျိုးတို့ ဗာဗုလုန်မြို့သို့ ဖမ်းဆီးခေါ်ဆောင်ခြင်း ခံရချိန်တိုင်အောင် တစ်ဆယ့်လေးဆက်၊ ဣသရေလ (ယုဒ)လူမျိုးတို့ ဗာဗုလုန်မြို့သို့ရောက်ပြီး မေရှိယ(ခရစ်တော်) ဖွားမြင်သည့်တိုင်အောင် တစ်ဆယ့်လေးဆက်ဖြစ်လေသည်။ 18ယေရှုခရစ်တော်၏မယ်တော်မှာ မာရိဖြစ်ပြီး မာရိသည် ယောသပ်နှင့်လက်ထပ်ရန် စေ့စပ်ထားသူဖြစ်သည်။ ယောသပ်သည်လည်း ဘုရင်ဒါဝိဒ်၏ ဆွေစဉ်မျိုးဆက်ထဲမှ တစ်ဦးဖြစ်သည်။ သို့ရာတွင် ယောသပ်နှင့်လက်မထပ်မီ မာရိတွင် ဘုရားဝိညာဉ်တော်၏ စွမ်းအားတန်ခိုးကြောင့် ကိုယ်ဝန်ရရှိနေသည်ကို မာရိသိရှိနေသည်။ 19ယောသပ်သည် စိတ်သဘောထား မြင့်မြတ်သူဖြစ်၍ မာရိ၏ အရှက်သိက္ခာကိုငဲ့ကွက်ပြီး စေ့စပ်ထားသည်ကို တိတ်တဆိတ် ဖျက်သိမ်းရန် ဆုံးဖြတ်လိုက်လေသည်။ 20ယောသပ်ဤသို့ တွေးတောနေစဉ် အိပ်မက်ထဲ၌ ဘုရားရှင်စေလွှတ်လိုက်သောနတ်စေတမန်တစ်ပါးက “ဒါဝိဒ်၏သားမြေး ယောသပ်၊မြင့်မြတ်သော ဘုရား ဝိညာဉ်တော်တန်ခိုး ဖြင့် မာရိအားကိုယ်ဝန်ရရှိထားစေခြင်းပဲဖြစ်တယ်။ မာရိကို ထိမ်းမြား လက်ထပ်လိုက်ပါ။” 21သူမမွေးဖွားလိုက်တဲ့ ကလေးဟာ လူအားလုံးတို့ကို အပြစ်တရားမှ ကယ်တင်မယ့် သူဖြစ်တဲ့အတွက် ယေရှုလို့ခေါ်ရမယ်”ဟု လာ၍ပြောကြားလေသည်။ 22ဤအကြောင်းအရာတို့အား ဘုရားရှင်သည် အကြားအမြင်ရပညာရှိ(ပရောဖက်)များမှတစ်ဆင့် ဤသို့ဖော်ပြခဲ့သည်။ 23"အပျိုစင်မှ ပဋိသန္ဓေစွဲယူပြီးနောက် သားယောက်ျားကို ဖွားမြင်လိမ့်မည်ဖြစ်ပြီး ထိုသူကို ဧမာနွေလဟု ခေါ်ကြလိမ့်မည်။ (ဧမာနွေလ၏ အဓိပ္ပါယ်မှာ ‘ကျွန်ုပ်တို့နှင့် အတူရှိတော်မူသော ဘုရား’) ဖြစ်သည်။ 24ယောသပ်သည် နိုးလာသောအခါတွင် ဘုရားရှင်စေလွှတ်တော်မူသည့် နတ်ဒေဝါတစ်ဦးမှ မိန့်တော်မူခဲ့သည့်အတိုင်း မာရိအား ချက်ခြင်းထိမ်းမြား လက်ထပ်လိုက်လေသည်။ 25သို့ရာတွင် သူမ၏ကလေး မမွေးဖွားမီကာလအတွင်း အတူတူပေါင်းသင်းနေထိုင်မှုမပြုခဲ့ပေ။ ထို့နောက် ယောသပ်သည် ထိုသားကို ယေရှု ဟူ၍အမည် ပေးလိုက်လေသည်။
Atualmente selecionado:
Matthew 1: TPV-RV
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.