Matalikilo 21
21
Kushalwa kwakwe Isaki
1Mwaami Lesa wakapa coolwe Saala kweelana ambwaakalinga walasha. 2Wakamita akushala mwaana musankwa wakwe Abulaamu kubucembele. Wakashalwa paciindi peenka Lesa mpaakalinga walasha.#Ebulu 11:11 3Abulaamu wakamutumba ayi Isaki. 4Isaki ndyaakaba anshiiku shosanwe ashotatwe, Abulaamu wakapalula mwaana uyo kweelana aLesa mbwaakalasha.#Mata 17:12; Mili 7:8 5Abulaamu wakalinga kucite myaaka ili 100 Isaki ndyaakashalwa. 6Saala wakaamba ayi, “Lesa wanengesha nseko. Boonse beshi bakanyumfwe cikani ici balaakuseka anebo.” 7Lyalo wakeelikaawo ayi, “Anu ngani walinga kuyeeyawo ayi nebo inga ndashala mwaana. Sombi ndashala mwaana wakwe Abulaamu kubucembele bwakwe.”
8Mwaana wakakula, lyalo pabushiku ndyaakaleshekwa, Abulaamu wakabamba kusekelela kunene abuumbi.
Aga aIshimaeli mbobakatandaanishikwa
9Bumwi bushiku Ishimaeli uyo mwaana musankwa Abulaamu ngwaakashalila muli Aga wa kuIjipiti, wakalinga kupensha Isaki mwanaakwe Saala. 10Saala wakababona akwaambila Abulaamu ayi, “Amutande mwanakashi musha uyu amwanaakwe musankwa. Mwaana wa mwanakashi uyu taeelete kubwesaako buboni ubo mwanaangu mbwaaelete kubwesa.”#Gala 4:29-30 11Ici Abulaamu cakamushupa abuumbi mukwiinga Ishimaeli wakalinga ngumwanaakwe alakwe. 12Sombi Lesa wakaambila Abulaamu ayi, “Utalisukami pamwaana uyu amusha wako Aga. Cita coonse nceshi akwaambile Saala mukwiinga nkwiinda muli Isaki mweshi nkakupete bamulunyungu lwako abo mbondakakulasha.#Loma 9:7; Ebulu 11:18 13Mwaana wa mwanakashi musha alakwe ndaakumupa baana baanji kwaamba ayi bakabe mushobo, mukwiinga alakwe ngumwanaako.”
14Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba. 15Ono maanshi ndyaakamumanina, wakashiya mwaana mucikupu 16akwikala palaamfuuko bulya, mpashi mushinso wa ntaamwa mwaanda. Wakalyaamboosha ayi, “Nshikoonshi kubona patoofwita mwanaangu.” Mpomunyaawo wakatalika kulila apo mpwaakalinga kushiite.
17Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako. 18Nyamuka, koya umubwese umuumushe. Ndaakupanga mushobo unene abuumbi pabamulunyungu lwakwe.” 19Mpeeke Lesa wakamucalula meenso, lyalo wakabona mukalo wa maanshi. Mpomunyaawo wakaya wasusha nkomwe ya cipaya maanshi akupawo mwaana amwi. 20Lesa wakalinga amwaana uyo mukukula kwakwe. Mwaana uyo wakakulila muluyanga lwa Palani akuba shikufwima ucibwene. 21Banyina bakamweebela mwanakashi mwine Ijipiti.
Abulaamu aAbimeleki mbobakapangana
22Paciindi ico Abimeleki wakaya aFiko, munene wa bashilumamba bakwe, akulwiita Abulaamu ayi, “Lesa uli amwebo mushintu shoonse nshemucita.#Mata 26:26 23Ono amushomeshe cakulumbila kuli Lesa kwaamba ayi teshi mukacenjeekeewo ndime, bana bangu, nabi bamulunyungu lwangu. Ndashomeka kuli ndimwe, amwebo amushomeshe ayi munanooshomeka kuli ndime alimwi akucishi cino umo momutekwikala.” 24Abulaamu wakaamba ayi, “Ndashomesha.”
25Mpeeke Abulaamu wakatongookela Abimeleki shamukalo uyo basebenshi bakwe Abimeleki ngobakalinga baalisha. 26Abimeleki wakaamba ayi, “Nshimwishi wakacita boobo. Tamuna kundwiitaawo cikani ici, alimwi kwaba nkokwiiya kucinyumfwa.” 27Lyalo Abulaamu wakapa Abimeleki mbelele aŋombe, mpomunyaawo abo bobilo bakapanga cipangano. 28Abulaamu wakapatula twana twa mbelele twanakashi tuli tosanwe atobilo kuswa mulitanga lyakwe. 29Mpeeke Abimeleki wakamwiipusha ayi, “Ino mwacitilanshi bobulya?”
30Abulaamu wakakumbula ayi, “Amutambule twana twa mbelele utu. Mukucita boobo mutoosuminisha ayi mukalo uyu ndime ndakaukaba.” 31Aboobo musena uyo wakatumbwa ayi Biyasheba, ceebo mpobakapangila cipangano abo bobilo.
32Ndibakamana kupanga cipangano ici paBiyasheba, Abimeleki aFiko bakaboolela kuFilisitiya. 33Lyalo Abulaamu wakashanga mubanga muBiyasheba akulambila Mwaami Lesa wamuyayaya. 34Abulaamu wakekala muFilisitiya kwa ciindi cilaamfu.
Atualmente selecionado:
Matalikilo 21: BBBLI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.