Matalikilo 30
30
1Sombi Lakelo taakwe kushalila Jakobo mwaana, paceebo ceeco wakafwita munyono mukwabo akwaambila Jakobo ayi, “Mpe baana, kwabula boobo ntoofwa.”
2Jakobo wakakalalila Lakelo akwaamba ayi, “Nshikoonshi kuba mumusena wakwe Lesa. Lakwe ngowakakulengesha kubula baana.” 3Mpeeke Lakelo wakaamba ayi, “Anu ngooyu mulandakashi wangu Biluya mukumanaakwe kwaamba ayi akanshalileeko mwaana. Munshila iyi ndabona inga anebo ndaba mushali kwiinda muli nguwe.” 4Mpomunyaawo wakasuminisha Biluya kwaamba ayi akumane aibaye, alakwe wakakumanaakwe. 5Mpeeke Biluya wakamita akushalila Jakobo mwaana musankwa. 6Lyalo Lakelo wakaamba ayi, “Lesa woombolosha makani angu. Wanyumfwa mupailo wangu akumpa mwaana musankwa.” Paceebo ceeco wakamutumba ayi Dani. 7Pesule Biluya wakamita alimwi akushalila Jakobo mwaana musankwa wabili. 8Lyalo Lakelo wakaamba ayi, “Ndalwana nkondo ishupite amukwesu, sombi ndakoma.” Paceebo ceeco wakamutumba ayi Nafutali.
9Ono Leya ndyaakeshiba kwaamba ayi lushalo lwamana, wakapa Silipa mulandakashi wakwe kuli Jakobo ayi abe mbuli mukaakwe. 10Mpeeke Silipa wakashalila Jakobo mwaana musankwa. 11Lyalo Leya wakaamba ayi, “Ndalinga kucite coolwe.” Paceebo ceeco wakamutumba ayi Gadi. 12Pesule Silipa wakashalila Jakobo mwaana musankwa aumwi. 13Lyalo Leya wakaamba ayi, “Ndakondwa abuumbi, alimwi bulya balutundu boonse bananoonjita ayi kukondwa.” Paceebo ceeco wakamutumba ayi Asha.
14Muciindi cakucesa witi Lubeni wakaya mumyuunda akucana musamu wa lushalo, uyo ngwaakaleta kuli Leya, banyina. Mpeeke Lakelo wakasenga Leya ayi, “Mpeewo musamu waleta mwanaako.” 15Leya wakakumbula ayi, “Sa uciyanda kwiilikaawo ashimwi? Omuntu womwi unyayeewo beebaangu, ono mpaapa ulisuni kunyaya amusamu waleta mwanaangu.” Lakelo wakaamba ayi, “Na umpeewo musamu wa lushalo waleta mwanaako, utookumana aJakobo sunu mashiku.”
16Jakobo ndyaakaswabo kumyuunda macolesha, Leya wakaya wamukumanya akwaamba ayi, “Sunu mashiku utookumana anebo mukwiinga ndakuula amusamu waleta mwanaangu.” Aboobo mashiku ayo Jakobo wakakumanaakwe. 17Mpeeke Lesa wakanyumfwa mupailo wakwe Leya, aboobo wakamita akushalila Jakobo mwaana musankwa wasanu. 18Lyalo Leya wakaamba ayi, “BaLesa bampa cilambu ceebo ndakasuminisha mulandakashi wangu kukumana abeebaangu.” Paceebo ceeco wakamutumba ayi Isaka. 19Pesule Leya wakamita alimwi akushalila Jakobo mwaana musankwa wasanu awomwi. 20Mpeeke wakaamba ayi, “BaLesa bampa cipo cibotu. Beebaangu ono bananoompa bulemu mukwiinga ndabashalila baana basankwa bosanwe awomwi.” Paceebo ceeco wakamutumba ayi Sebuluni. 21Pesule wakashala mwanakashi uyo ngwaakatumba ayi Daina.
22Mpomunyaawo Lesa wakeebaluka Lakelo akukumbula mupailo wakwe. Mpeeke wakamulengesha kukonsha kuba abaana. 23Lyalo Lakelo wakamita akutumbuka mwaana musankwa. Mpeeke wakaamba ayi, “Lesa wamana musebaanyo pali ndime kwiinda mukumpa mwaana musankwa. 24Ono Mwaami Lesa aakampe aumwi mwaana musankwa.” Paceebo ceeco wakamutumba ayi Josefu.
Jakobo mbwaakacana buboni kuli Labani
25Josefu ndyaakashalwa Jakobo wakaambila Labani ayi, “Amunsuminishe ono mboolele kumisheesu. 26Amumpe bamakaangu abana bangu abo mbondakacana kwiinda mukumusebensela. Mwacita boobo ntoonyamuka nooya. Mwebo mulishi mbondalinga kumusebensela kabotu.” 27Labani wakaamba ayi, “Aŋambe bobulya, kwiinda mukusonda, caboneka patuba kwaamba ayi Mwaami Lesa wampa coolwe ceebo ca ndimwe. 28Ambabo malipilo ngoosuni, ntookupa.”
29Mpomunyaawo Jakobo wakakumbula ayi, “Mulishi nobeene mbondamusebensela alimwi mbelele ampongo mboshafula mubweembeshi bwangu. 30Isho shiniini nshemwakalinga kucite kataanshi shafula abuumbi, alimwi Mwaami Lesa wamupa coolwe kuli koonse nkondakalinga kubete ceebo ca ndime. Ono bulya ndyeelete mbone shaangu anebo.” 31Labani wakeepusha ayi, “Anu ono ntookulipilanshi?” Lyalo Jakobo wakakumbula ayi, “Nshisuni malipilo a mushobo uli woonse. Ntootolelela kulama mbelele ampongo kulilabo na musumine muyeeyo wangu. 32Amunsuminishe nyinde mumatanga anu oonse sunu akubwesa twana twa mbelele toonse tushiya, twamabala atwana twa mpongo toonse twacisekeleli. Sheenka ishi inga aba ngomalipilo angu. 33Muciindi citoosa cilaakuba cuubu kwishiba na ndalinga kushomeka. Mwaakwisa mukubona malipilo angu, na mwacana mpongo iteshi ya cisekeleli, yamabala nabi mbelele ishiya, mulaakwishiba ayi njakwiipa.” 34Mpeeke Labani wakakumbula ayi, “Ico casuminika. Tutoocita mbuli mbowaamba.” 35Sombi bushiku ubu Labani wakapatula bapeepe boonse bakalinga kucite myuubimyuubi nabi batubalabala, pantu pomwi ashanakashi shamabala nabi shacisekeleli, alimwi ashakalinga kucite shituba pamubili. Wakapatula ambelele shoonse shishiya. Ishi shoonse wakashibika mumaansa abana bakwe basankwa ayi banokweembela. 36Lyalo wakanyamuka akweenda mushinso ulaampa cakweenda nshiku shotatwe kuswa kuli Jakobo uyo wakacaala kaaembela mbelele amponga shimwi shakwe Labani.
37Ono Jakobo lakwe wakabwesa misampi itontola ya popula, ya alimondi, alimwi aya shisamu shimwibo akushifunda ayi mumwi shibe amyuubimyuubi ituba. 38Wakabika misampi iyo kunembo lya mbelele ampongo mumankubala umo moshakalinga kunwita. Wakeebika waawo ceebo banyama bakalinga kutanta na bashika mukunwa maanshi. 39Paceebo ceeco mpongo shakalinga kumita kunembo lya misampi, shakalinga kushala twaana tumwi twa myuubimyuubi, tumwi twa cisekeleli alimwi atumwi twa mabalamabala.
40Jakobo wakalinga kupatula mbelele ampongo akushilansha kulubasu kwakalinga sha myuubimyuubi ashishiya mulitanga lyakwe Labani. Litanga lyakwe Jakobo lyakakomena munshila yeenka iyi. Taakalinga kushisenkanya ashakwe Labani sombi wakalinga kushibika ashalo sheenka palubasu.
41Na mbelele ampongo shishimpite shitootantana, Jakobo nkubika misampi iyo kunembo mumankubala umo moshakalinga kunwita ayi shimite pakati ka misampi. 42Sombi isho shinyangite na shitootantana, taakalinga kwiibika kunembo misampi iyo. Aboobo mukuya kwanshiku Labani wakababo ashinyangite, sombi Jakobo shishimpite sheenka. 43Munshila iyi Jakobo wakabila abuumbi. Wakaba ambelele ampongo shiinji, basha baanji basankwa abanakashi, ngamela alimwi ambongolo shiinji.
Atualmente selecionado:
Matalikilo 30: BBBLI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.
Matalikilo 30
30
1Sombi Lakelo taakwe kushalila Jakobo mwaana, paceebo ceeco wakafwita munyono mukwabo akwaambila Jakobo ayi, “Mpe baana, kwabula boobo ntoofwa.”
2Jakobo wakakalalila Lakelo akwaamba ayi, “Nshikoonshi kuba mumusena wakwe Lesa. Lakwe ngowakakulengesha kubula baana.” 3Mpeeke Lakelo wakaamba ayi, “Anu ngooyu mulandakashi wangu Biluya mukumanaakwe kwaamba ayi akanshalileeko mwaana. Munshila iyi ndabona inga anebo ndaba mushali kwiinda muli nguwe.” 4Mpomunyaawo wakasuminisha Biluya kwaamba ayi akumane aibaye, alakwe wakakumanaakwe. 5Mpeeke Biluya wakamita akushalila Jakobo mwaana musankwa. 6Lyalo Lakelo wakaamba ayi, “Lesa woombolosha makani angu. Wanyumfwa mupailo wangu akumpa mwaana musankwa.” Paceebo ceeco wakamutumba ayi Dani. 7Pesule Biluya wakamita alimwi akushalila Jakobo mwaana musankwa wabili. 8Lyalo Lakelo wakaamba ayi, “Ndalwana nkondo ishupite amukwesu, sombi ndakoma.” Paceebo ceeco wakamutumba ayi Nafutali.
9Ono Leya ndyaakeshiba kwaamba ayi lushalo lwamana, wakapa Silipa mulandakashi wakwe kuli Jakobo ayi abe mbuli mukaakwe. 10Mpeeke Silipa wakashalila Jakobo mwaana musankwa. 11Lyalo Leya wakaamba ayi, “Ndalinga kucite coolwe.” Paceebo ceeco wakamutumba ayi Gadi. 12Pesule Silipa wakashalila Jakobo mwaana musankwa aumwi. 13Lyalo Leya wakaamba ayi, “Ndakondwa abuumbi, alimwi bulya balutundu boonse bananoonjita ayi kukondwa.” Paceebo ceeco wakamutumba ayi Asha.
14Muciindi cakucesa witi Lubeni wakaya mumyuunda akucana musamu wa lushalo, uyo ngwaakaleta kuli Leya, banyina. Mpeeke Lakelo wakasenga Leya ayi, “Mpeewo musamu waleta mwanaako.” 15Leya wakakumbula ayi, “Sa uciyanda kwiilikaawo ashimwi? Omuntu womwi unyayeewo beebaangu, ono mpaapa ulisuni kunyaya amusamu waleta mwanaangu.” Lakelo wakaamba ayi, “Na umpeewo musamu wa lushalo waleta mwanaako, utookumana aJakobo sunu mashiku.”
16Jakobo ndyaakaswabo kumyuunda macolesha, Leya wakaya wamukumanya akwaamba ayi, “Sunu mashiku utookumana anebo mukwiinga ndakuula amusamu waleta mwanaangu.” Aboobo mashiku ayo Jakobo wakakumanaakwe. 17Mpeeke Lesa wakanyumfwa mupailo wakwe Leya, aboobo wakamita akushalila Jakobo mwaana musankwa wasanu. 18Lyalo Leya wakaamba ayi, “BaLesa bampa cilambu ceebo ndakasuminisha mulandakashi wangu kukumana abeebaangu.” Paceebo ceeco wakamutumba ayi Isaka. 19Pesule Leya wakamita alimwi akushalila Jakobo mwaana musankwa wasanu awomwi. 20Mpeeke wakaamba ayi, “BaLesa bampa cipo cibotu. Beebaangu ono bananoompa bulemu mukwiinga ndabashalila baana basankwa bosanwe awomwi.” Paceebo ceeco wakamutumba ayi Sebuluni. 21Pesule wakashala mwanakashi uyo ngwaakatumba ayi Daina.
22Mpomunyaawo Lesa wakeebaluka Lakelo akukumbula mupailo wakwe. Mpeeke wakamulengesha kukonsha kuba abaana. 23Lyalo Lakelo wakamita akutumbuka mwaana musankwa. Mpeeke wakaamba ayi, “Lesa wamana musebaanyo pali ndime kwiinda mukumpa mwaana musankwa. 24Ono Mwaami Lesa aakampe aumwi mwaana musankwa.” Paceebo ceeco wakamutumba ayi Josefu.
Jakobo mbwaakacana buboni kuli Labani
25Josefu ndyaakashalwa Jakobo wakaambila Labani ayi, “Amunsuminishe ono mboolele kumisheesu. 26Amumpe bamakaangu abana bangu abo mbondakacana kwiinda mukumusebensela. Mwacita boobo ntoonyamuka nooya. Mwebo mulishi mbondalinga kumusebensela kabotu.” 27Labani wakaamba ayi, “Aŋambe bobulya, kwiinda mukusonda, caboneka patuba kwaamba ayi Mwaami Lesa wampa coolwe ceebo ca ndimwe. 28Ambabo malipilo ngoosuni, ntookupa.”
29Mpomunyaawo Jakobo wakakumbula ayi, “Mulishi nobeene mbondamusebensela alimwi mbelele ampongo mboshafula mubweembeshi bwangu. 30Isho shiniini nshemwakalinga kucite kataanshi shafula abuumbi, alimwi Mwaami Lesa wamupa coolwe kuli koonse nkondakalinga kubete ceebo ca ndime. Ono bulya ndyeelete mbone shaangu anebo.” 31Labani wakeepusha ayi, “Anu ono ntookulipilanshi?” Lyalo Jakobo wakakumbula ayi, “Nshisuni malipilo a mushobo uli woonse. Ntootolelela kulama mbelele ampongo kulilabo na musumine muyeeyo wangu. 32Amunsuminishe nyinde mumatanga anu oonse sunu akubwesa twana twa mbelele toonse tushiya, twamabala atwana twa mpongo toonse twacisekeleli. Sheenka ishi inga aba ngomalipilo angu. 33Muciindi citoosa cilaakuba cuubu kwishiba na ndalinga kushomeka. Mwaakwisa mukubona malipilo angu, na mwacana mpongo iteshi ya cisekeleli, yamabala nabi mbelele ishiya, mulaakwishiba ayi njakwiipa.” 34Mpeeke Labani wakakumbula ayi, “Ico casuminika. Tutoocita mbuli mbowaamba.” 35Sombi bushiku ubu Labani wakapatula bapeepe boonse bakalinga kucite myuubimyuubi nabi batubalabala, pantu pomwi ashanakashi shamabala nabi shacisekeleli, alimwi ashakalinga kucite shituba pamubili. Wakapatula ambelele shoonse shishiya. Ishi shoonse wakashibika mumaansa abana bakwe basankwa ayi banokweembela. 36Lyalo wakanyamuka akweenda mushinso ulaampa cakweenda nshiku shotatwe kuswa kuli Jakobo uyo wakacaala kaaembela mbelele amponga shimwi shakwe Labani.
37Ono Jakobo lakwe wakabwesa misampi itontola ya popula, ya alimondi, alimwi aya shisamu shimwibo akushifunda ayi mumwi shibe amyuubimyuubi ituba. 38Wakabika misampi iyo kunembo lya mbelele ampongo mumankubala umo moshakalinga kunwita. Wakeebika waawo ceebo banyama bakalinga kutanta na bashika mukunwa maanshi. 39Paceebo ceeco mpongo shakalinga kumita kunembo lya misampi, shakalinga kushala twaana tumwi twa myuubimyuubi, tumwi twa cisekeleli alimwi atumwi twa mabalamabala.
40Jakobo wakalinga kupatula mbelele ampongo akushilansha kulubasu kwakalinga sha myuubimyuubi ashishiya mulitanga lyakwe Labani. Litanga lyakwe Jakobo lyakakomena munshila yeenka iyi. Taakalinga kushisenkanya ashakwe Labani sombi wakalinga kushibika ashalo sheenka palubasu.
41Na mbelele ampongo shishimpite shitootantana, Jakobo nkubika misampi iyo kunembo mumankubala umo moshakalinga kunwita ayi shimite pakati ka misampi. 42Sombi isho shinyangite na shitootantana, taakalinga kwiibika kunembo misampi iyo. Aboobo mukuya kwanshiku Labani wakababo ashinyangite, sombi Jakobo shishimpite sheenka. 43Munshila iyi Jakobo wakabila abuumbi. Wakaba ambelele ampongo shiinji, basha baanji basankwa abanakashi, ngamela alimwi ambongolo shiinji.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.