Matalikilo 31
31
Jakobo mbwaakacicaako kuli Labani
1Jakobo wakanyumfwa kwaamba ayi bana bakwe Labani basankwa batokwaamba ayi, “Jakobo wabwesa shintu shoonse shalinga kucite baishiwesu. Buboni bwakwe boonse bwaswa kushintu sha baishiwesu.” 2Alimwi wakabona kwaamba ayi Labani wakatalika kumushinamina ubo buteshi mbwaakalinga pakataanshi, 3Lyalo Mwaami Lesa wakamwaambila ayi, “Koya kucishi ca bamashali bako bakulukulu, kubeshikamukowa bako. Nebo ndanooli awebo.”
4Paceebo ceeco Jakobo wakatuma nkombe kuli Lakelo aLeya ayi bese bakumane mumuunda umo mbelele ampongo moshakalinga kubete. 5Mpeeke wakabaambila ayi, “Ndaboona kwaamba ayi baishiwanu batalika kunshinamina ubo buteshi mbobakalinga pakataanshi. Nacibi boobo Lesa wa bata walinga anebo. 6Noonse nobilo mulishi kwaamba ayi ndakalinga kusebensela baishiwanu ankusu shoonse. 7Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise. 8BaLabani balinga kucita na baamba ayi, ‘Malipilo ako alaakuba mpongo sha cisekeleli,’ litanga lyoonse lyakalinga kushalabo twaana twa cisekeleli. Na bapilula akwaamba ayi, ‘Malipilo ako ono nimpongo shamyuubimyuubi,’ litanga lyoonse lyakalinga kushalabo twaana twa myuubimyuubi. 9Lesa mwiine ngwanyaya mbelele ampongo baishiwanu akupa ndime.
10“Muciindi cakushalana ndakalota, ndakabona ayi bapeepe bakalinga kutanta bakalinga bamyuubimyuubi, bamabalamabala, alimwi abacisekeleli. 11Munjelo wakwe Lesa wakabandika anebo muciloto akwaamba ayi, ‘Jakobo!’ Lyalo ndakakumbula ayi, ‘Nkambo.’ 12Wakatolelela ayi, ‘Bona, bapeepe boonse batootanta mbamyuubimyuubi, mabalamabala, alimwi abacisekeleli. Ndime ntoolengesha ayi cicitike bobulya mukwiinga ndaboona shoonse Labani nshaatoocita kuli ndiwe. 13Ndime Lesa uyo wakaboneka kuli ndiwe kuBetelo uko nkowakeemika libwe ayi cibe ciibalusho akulipuumwita mafuta a olifi. Alimwi nkokooko nkowakashomeshesha cakulumbila kuli ndime. Ono libambile kupiluka kucishi nkowakashalilwa.’ ”#Mata 28:18-22
14Mpomunyaawo Lakelo aLeya bakakumbula Jakobo ayi, “Taaku cacaala bulya cakwaamba ayi tukabwese na bata bakafwe. 15Batootucita anga mbaswamashi. Bakatuulisha, ono alimwi banyonyoola maali oonse ngobakalipilwa ceebo cesu. 16Ncakwiila buboni boonse ubo Lesa mbwaanyaya bata mbwesu abana besu. Amucite cili coonse Lesa ncaamwaambila.”
17Kuswawaawo Jakobo wakabika bana bakwe abamakaakwe pangamela. 18Lyalo shifubwa shoonse wakashibingila kunembo. Wakabwesa ashintu shimwi shoonse nshaakalinga wabaasho uko kuMesopotamya, akuboolela kuli Isaki, ishi, kucishi ca Kenani.
19Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi. 20Jakobo wakeenda Labani mwine Alamiya kumaano mukutamwishibisha ayi utooya lweendo. 21Wakabwesa shintu shakwe shoonse akunyamuka calubilolubilo. Wakasotoka Mulonga wa Yufuletisi akululama kuGilyadi, cishi ca tulundu.
Labani mbwaakakonkela Jakobo
22Ndipakeenda nshiku shotatwe, Labani wakalwiitwa ayi Jakobo wakaloboka. 23Wakabwesa bantu bakwe akukonkela Jakobo. Wakatola nsondo kaakonkelabo kushikila wamucana muGilyadi, cishi ca tulundu. 24Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”
25Labani ndyaakeensha Jakobo, Jakobo wakalinga wayaka misumba yakwe mutulundu, alakwe Labani wakayakila nkomunya uko mucishi ca tulundu ca Gilyadi pantu pomwi abeshikamukowa bakwe.
26Labani wakaambila Jakobo ayi, “Ino wanyindilanshi kumaano cakubwesa bana bangu anga mbantu bacatwa munkondo? 27Wayeeyanshi kukweshemukabo kutanshibisha? Niwakandwiita naakwiinga washindikilwa cakusangalala, kwiimba alimwi akulishilwa misebe atulumbu. 28Tookwe kumpa aciindi kwaamba ayi ndashe bashikulu bangu abana bangu calusuno. Tookwe kucitawo cintu ca maano! 29Ndicite nkusu shakukucisa, sombi Lesabo wa baiso ngowancenjesha mashiku ainda ayi ntakulengeshi boowa munshila ili yoonse. 30Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”
31Jakobo wakakumbula ayi, “Ndakaloonda, ceebo ndakalinga kuyeeya ayi mpashi mutoonyaya bana banu banakashi. 32Nacibi boobo na mucane kwaamba ayi womwi pakati kesu ulicite balesa banu, uyo utoocaikwa. Ono pameenso abeshikamukowa besu, amulangoole na kuli cintu canu nceendi aco. Na mucicaane mubwese.” Jakobo taakalinga kwishi ayi Lakelo ngowakeepa balesa abo.
33Labani wakaya walangoola mumusumba wakwe Jakobo, kuswa moomo wakaya muli Leya, lyalo wakaya muwa balandakashi bobilo, sombi taakwe kucanaamo balesa bakwe. Mpeeke wakaya muli Lakelo. 34Ono Lakelo wakabwesa balesa abo akubabika mucakukalaawo pangamela lyalo wekalaawo. Labani wakalangoola moonse mumusumba, sombi taakwe kutucana. 35Mpomunyaawo Lakelo wakaambila baishi ayi, “Mutakalali nkambo, nshikoonshi kunyamuka kamuliiwo mukwiinga ndakubala.” Labani wakalangoola, sombi taakwe kucana balesa ba muŋanda yakwe.
36Lyalo Jakobo wakakalala. Mpeeke wakeepusha cabukali ayi, “Ncibiibinshi ncendacita? Ngumulawonshi ngondasotoka uyo wamupa nkusu shakunoosa cimfwima anga ngumunyama? 37Bulya ono mwalangoola mushintu shangu shoonse, cintunshi ca muŋanda ncemwacana caanu? Amucibiike patuba kwaamba ayi bantu banu abaangu baciboone alimwi baambe ulubite pali ndiswe sobilo. 38Ndekalaanu myaaka makumi obilo kushika sunu. Mbelele ampongo shanu teshakalinga kusansulaawo, alimwi nshikwe kulyaawo mbelele isankwa mulitanga lyanu. 39Na mbelele yacaikwa kubanyama ba muluundu, nshindakalinga kwiileta kuli ndimwe, sombi ndime ndakalinga kuba amulandu, alimwi mwakalinga kunyinshaamo keeteete kwaamba ayi ndipilile ili yoonse yeenga yeepwa malumwi nabi mashiku. 40Liinji liinji ndakalinga kubalwa lumwi alimwi akwaandwa mpewo mashiku. Tulo nshindakalinga kutubonaawo. 41Myaaka yoonse makumi obilo mbondakalinga kwikala amwebo ubo. Ndakatola myaaka likumi ayone kusebensela ayi njebe bana banu bobilo, iyi imwi yosanwe awomwi ndakalinga kusebensela mbelele ampongo. Nakubi boobo, mwakapilula malipilo angu mankanda likumi. 42Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”
Jakobo mbwaakapangana aLabani
43Mpomunyaawo Labani wakakumbula Jakobo ayi, “Bamakaako mbana bangu, bana babo mbaangu, mbelele ampongo ishi nshaangu, alimwi ŋambebo ayi shintu shoonse nshoobwene apa nshaangu. Sombi mukwiinga taaku nceenga ndaciita kwaamba ayi bana bangu abashikulu bangu bacaale, 44ndilibambite kupanga cipangano awebo ayi cibe anga ngukamboni pakati kesu.”
45Aboobo Jakobo wakabwesa libwe waliimika ayi cibe ciibalusho. 46Mpeeke wakalwiita bantu bakwe ayi babunganye mabwe akwailinkanya. Lyalo bakalya cakulya kulubasu lwa mulwi wa mabwe. 47Labani wakautumba ayi Jega Saaduta, lakwe Jakobo wakautumba ayi Galidi. 48Labani wakaambila Jakobo ayi, “Mulwi uyu utooba anga ngukamboni pali ndiswe sobilo.” Nceceeco musena ulya ncebawiitila ayi Galidi. 49Labani alakwe wakaamba alimwi ayi, “Mwaami Lesa kaatubona soonse sobilo ciindi nditutabete pantu pomwi.” Paceebo ceeco musena ulya wakatumbwa alimwi liina lya Misipa. 50Labani wakatolelela akwaamba ayi, “Na ukalele bana bangu aba calunkutwe, nabi kweeba abamwi banakashi, nakubi kwaamba ayi ndabula kwiishiba mbowacita, ibaluka ayi Lesa ulitubwene. 51Ngooyu mulwi wa mabwe ngondapanga pakati kangu awebo amwaandami wa ciibalusho awalo ngooyu. 52Mulwi wa mabwe amwaandami wa ciibalusho shoonse shobilo nshiibalusho. Teshi nkasotokeewo mulwi uyu ayi nkalwaane awebo, alimwi awebo tooelete kusotokaawo libwe lya ciibalusho ili kwaamba ayi undwaane. 53Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici. 54Wakacaya munyama uyo ngwakabenga ayi ngumulambu pakalundu akwiita bantu bakwe kwaamba ayi balye. Ndyebakamana kulya, bakoona pakalundu. 55Macuunsacuunsa bushiku bwakaboolaawo, Labani wakafyonta bashikulu abana bakwe akubalasha. Mpeeke wakanyamuka kuboolela kumishaabo.
Atualmente selecionado:
Matalikilo 31: BBBLI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.
Matalikilo 31
31
Jakobo mbwaakacicaako kuli Labani
1Jakobo wakanyumfwa kwaamba ayi bana bakwe Labani basankwa batokwaamba ayi, “Jakobo wabwesa shintu shoonse shalinga kucite baishiwesu. Buboni bwakwe boonse bwaswa kushintu sha baishiwesu.” 2Alimwi wakabona kwaamba ayi Labani wakatalika kumushinamina ubo buteshi mbwaakalinga pakataanshi, 3Lyalo Mwaami Lesa wakamwaambila ayi, “Koya kucishi ca bamashali bako bakulukulu, kubeshikamukowa bako. Nebo ndanooli awebo.”
4Paceebo ceeco Jakobo wakatuma nkombe kuli Lakelo aLeya ayi bese bakumane mumuunda umo mbelele ampongo moshakalinga kubete. 5Mpeeke wakabaambila ayi, “Ndaboona kwaamba ayi baishiwanu batalika kunshinamina ubo buteshi mbobakalinga pakataanshi. Nacibi boobo Lesa wa bata walinga anebo. 6Noonse nobilo mulishi kwaamba ayi ndakalinga kusebensela baishiwanu ankusu shoonse. 7Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise. 8BaLabani balinga kucita na baamba ayi, ‘Malipilo ako alaakuba mpongo sha cisekeleli,’ litanga lyoonse lyakalinga kushalabo twaana twa cisekeleli. Na bapilula akwaamba ayi, ‘Malipilo ako ono nimpongo shamyuubimyuubi,’ litanga lyoonse lyakalinga kushalabo twaana twa myuubimyuubi. 9Lesa mwiine ngwanyaya mbelele ampongo baishiwanu akupa ndime.
10“Muciindi cakushalana ndakalota, ndakabona ayi bapeepe bakalinga kutanta bakalinga bamyuubimyuubi, bamabalamabala, alimwi abacisekeleli. 11Munjelo wakwe Lesa wakabandika anebo muciloto akwaamba ayi, ‘Jakobo!’ Lyalo ndakakumbula ayi, ‘Nkambo.’ 12Wakatolelela ayi, ‘Bona, bapeepe boonse batootanta mbamyuubimyuubi, mabalamabala, alimwi abacisekeleli. Ndime ntoolengesha ayi cicitike bobulya mukwiinga ndaboona shoonse Labani nshaatoocita kuli ndiwe. 13Ndime Lesa uyo wakaboneka kuli ndiwe kuBetelo uko nkowakeemika libwe ayi cibe ciibalusho akulipuumwita mafuta a olifi. Alimwi nkokooko nkowakashomeshesha cakulumbila kuli ndime. Ono libambile kupiluka kucishi nkowakashalilwa.’ ”#Mata 28:18-22
14Mpomunyaawo Lakelo aLeya bakakumbula Jakobo ayi, “Taaku cacaala bulya cakwaamba ayi tukabwese na bata bakafwe. 15Batootucita anga mbaswamashi. Bakatuulisha, ono alimwi banyonyoola maali oonse ngobakalipilwa ceebo cesu. 16Ncakwiila buboni boonse ubo Lesa mbwaanyaya bata mbwesu abana besu. Amucite cili coonse Lesa ncaamwaambila.”
17Kuswawaawo Jakobo wakabika bana bakwe abamakaakwe pangamela. 18Lyalo shifubwa shoonse wakashibingila kunembo. Wakabwesa ashintu shimwi shoonse nshaakalinga wabaasho uko kuMesopotamya, akuboolela kuli Isaki, ishi, kucishi ca Kenani.
19Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi. 20Jakobo wakeenda Labani mwine Alamiya kumaano mukutamwishibisha ayi utooya lweendo. 21Wakabwesa shintu shakwe shoonse akunyamuka calubilolubilo. Wakasotoka Mulonga wa Yufuletisi akululama kuGilyadi, cishi ca tulundu.
Labani mbwaakakonkela Jakobo
22Ndipakeenda nshiku shotatwe, Labani wakalwiitwa ayi Jakobo wakaloboka. 23Wakabwesa bantu bakwe akukonkela Jakobo. Wakatola nsondo kaakonkelabo kushikila wamucana muGilyadi, cishi ca tulundu. 24Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”
25Labani ndyaakeensha Jakobo, Jakobo wakalinga wayaka misumba yakwe mutulundu, alakwe Labani wakayakila nkomunya uko mucishi ca tulundu ca Gilyadi pantu pomwi abeshikamukowa bakwe.
26Labani wakaambila Jakobo ayi, “Ino wanyindilanshi kumaano cakubwesa bana bangu anga mbantu bacatwa munkondo? 27Wayeeyanshi kukweshemukabo kutanshibisha? Niwakandwiita naakwiinga washindikilwa cakusangalala, kwiimba alimwi akulishilwa misebe atulumbu. 28Tookwe kumpa aciindi kwaamba ayi ndashe bashikulu bangu abana bangu calusuno. Tookwe kucitawo cintu ca maano! 29Ndicite nkusu shakukucisa, sombi Lesabo wa baiso ngowancenjesha mashiku ainda ayi ntakulengeshi boowa munshila ili yoonse. 30Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”
31Jakobo wakakumbula ayi, “Ndakaloonda, ceebo ndakalinga kuyeeya ayi mpashi mutoonyaya bana banu banakashi. 32Nacibi boobo na mucane kwaamba ayi womwi pakati kesu ulicite balesa banu, uyo utoocaikwa. Ono pameenso abeshikamukowa besu, amulangoole na kuli cintu canu nceendi aco. Na mucicaane mubwese.” Jakobo taakalinga kwishi ayi Lakelo ngowakeepa balesa abo.
33Labani wakaya walangoola mumusumba wakwe Jakobo, kuswa moomo wakaya muli Leya, lyalo wakaya muwa balandakashi bobilo, sombi taakwe kucanaamo balesa bakwe. Mpeeke wakaya muli Lakelo. 34Ono Lakelo wakabwesa balesa abo akubabika mucakukalaawo pangamela lyalo wekalaawo. Labani wakalangoola moonse mumusumba, sombi taakwe kutucana. 35Mpomunyaawo Lakelo wakaambila baishi ayi, “Mutakalali nkambo, nshikoonshi kunyamuka kamuliiwo mukwiinga ndakubala.” Labani wakalangoola, sombi taakwe kucana balesa ba muŋanda yakwe.
36Lyalo Jakobo wakakalala. Mpeeke wakeepusha cabukali ayi, “Ncibiibinshi ncendacita? Ngumulawonshi ngondasotoka uyo wamupa nkusu shakunoosa cimfwima anga ngumunyama? 37Bulya ono mwalangoola mushintu shangu shoonse, cintunshi ca muŋanda ncemwacana caanu? Amucibiike patuba kwaamba ayi bantu banu abaangu baciboone alimwi baambe ulubite pali ndiswe sobilo. 38Ndekalaanu myaaka makumi obilo kushika sunu. Mbelele ampongo shanu teshakalinga kusansulaawo, alimwi nshikwe kulyaawo mbelele isankwa mulitanga lyanu. 39Na mbelele yacaikwa kubanyama ba muluundu, nshindakalinga kwiileta kuli ndimwe, sombi ndime ndakalinga kuba amulandu, alimwi mwakalinga kunyinshaamo keeteete kwaamba ayi ndipilile ili yoonse yeenga yeepwa malumwi nabi mashiku. 40Liinji liinji ndakalinga kubalwa lumwi alimwi akwaandwa mpewo mashiku. Tulo nshindakalinga kutubonaawo. 41Myaaka yoonse makumi obilo mbondakalinga kwikala amwebo ubo. Ndakatola myaaka likumi ayone kusebensela ayi njebe bana banu bobilo, iyi imwi yosanwe awomwi ndakalinga kusebensela mbelele ampongo. Nakubi boobo, mwakapilula malipilo angu mankanda likumi. 42Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”
Jakobo mbwaakapangana aLabani
43Mpomunyaawo Labani wakakumbula Jakobo ayi, “Bamakaako mbana bangu, bana babo mbaangu, mbelele ampongo ishi nshaangu, alimwi ŋambebo ayi shintu shoonse nshoobwene apa nshaangu. Sombi mukwiinga taaku nceenga ndaciita kwaamba ayi bana bangu abashikulu bangu bacaale, 44ndilibambite kupanga cipangano awebo ayi cibe anga ngukamboni pakati kesu.”
45Aboobo Jakobo wakabwesa libwe waliimika ayi cibe ciibalusho. 46Mpeeke wakalwiita bantu bakwe ayi babunganye mabwe akwailinkanya. Lyalo bakalya cakulya kulubasu lwa mulwi wa mabwe. 47Labani wakautumba ayi Jega Saaduta, lakwe Jakobo wakautumba ayi Galidi. 48Labani wakaambila Jakobo ayi, “Mulwi uyu utooba anga ngukamboni pali ndiswe sobilo.” Nceceeco musena ulya ncebawiitila ayi Galidi. 49Labani alakwe wakaamba alimwi ayi, “Mwaami Lesa kaatubona soonse sobilo ciindi nditutabete pantu pomwi.” Paceebo ceeco musena ulya wakatumbwa alimwi liina lya Misipa. 50Labani wakatolelela akwaamba ayi, “Na ukalele bana bangu aba calunkutwe, nabi kweeba abamwi banakashi, nakubi kwaamba ayi ndabula kwiishiba mbowacita, ibaluka ayi Lesa ulitubwene. 51Ngooyu mulwi wa mabwe ngondapanga pakati kangu awebo amwaandami wa ciibalusho awalo ngooyu. 52Mulwi wa mabwe amwaandami wa ciibalusho shoonse shobilo nshiibalusho. Teshi nkasotokeewo mulwi uyu ayi nkalwaane awebo, alimwi awebo tooelete kusotokaawo libwe lya ciibalusho ili kwaamba ayi undwaane. 53Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici. 54Wakacaya munyama uyo ngwakabenga ayi ngumulambu pakalundu akwiita bantu bakwe kwaamba ayi balye. Ndyebakamana kulya, bakoona pakalundu. 55Macuunsacuunsa bushiku bwakaboolaawo, Labani wakafyonta bashikulu abana bakwe akubalasha. Mpeeke wakanyamuka kuboolela kumishaabo.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.