Versículos Bíblicos Populares relacionados a METIU 7

Compartilhar

“Khanglo, gonyii dakii pyii tangle; fiilo gonyiinii doutangle; sa- teichii takam kakhiilo, gonyiigo laat- pyii tangle.

Kadapokii kakhangmei hang dakii pyiile, kafiimei hangnii doule sateichii kakhiisii kalei mei hang dakii laatpyii tangle.

“Teipiinii gumah samkang hang ai shii wosii katam swikalu meihang teinii kasakaimei hangninanii kuitu kadi gamkii mpou-ki tiimakhii kalu takumle.

“Teijangpii mei kakimeinii gonyii dakii tiisei matu kanyii hang- tei gonyiinado ahnyii dakii tiipyiilo; kadapokii Moses mah ajaitingshang ninado Lungkakalingmei mah ralikapyii akaang tei aile.

Kada- pokii karing bamki pangliit tang karam takam teinii marumle, sateichii pwidi teinii hungle sateichii teitei kadoumei moimakle.

“Pwidi kamarum kiteito liitlo, kadapokii Mibamki pangliit tang karam takam teinii majale sateichii pwidi teinii malahle; sateichii teikito kaliitmei teinii hangkiile.

Teipiinii gonyiinii shyiisii lei kido gonyii nahmei dakii luha kabi pyiiti lepo- dinchiinii, sating gamto kalei gonyii Pfii teinii Mpou dato khangsii kalei ahnyii hang dateikii kadaziikapii kisii kabi pot hangtei pyiitangpo?

“Gonyiigo Samtak tiikasu tiisii meigo samtak tiisulo. Kada- pokii gonyiinii meigo samtak katii takumpiinii Saraanii gonyiigo samtak tiitangle sateichii gonyiinii meigo kapyii zhiikii nangnii doutangle.

“Sateichii Gu mah samkang hang ai shii wosii katam swikasu meihang teinii swi kagamei hangni- nanii kangneng phyiiryiikii mpou-ki tiimakhii kalu takumle.

Gomik ki tinglong kadi kalei tei tisupiinii, gosanapii mik ki kara kalei tei dajangpii juleipo? Gomik ki tinglong kadi leibangpiinii, gosa- namei dakii ‘gomik ki kara kalei tei Inii poitoi seile, sii kada takumpii nangnii tam wotangpo?

“Jao natkai kakai, nlenii lung- tonii sanyii lung pungsii gonyiida kagong Lungkakalingmei dateito sakai wolo. Gonyiinii ahnyiimah riiti kiteito ahnyiigo titangle; tubang gamto darkhati sateichii tiiratbang gamto kadiit ti rikai leipo?

Teipiinii ruibang kabi hangteinii riiti kabi mati leile, nlenii rwibang kashyii hangteinii riiti kashyii mati leile.

Rwibang kabinii riiti kashyii sateichii ruibang kashyiinii riiti kabi matipei wolakle.

Riiti kabi mati kasu ruibang hang gotei bitoi aisii mi kikii toikai aitangle.