Versículos Bíblicos Populares relacionados a Matio' 7

Compartilhar

A 'yba-dih: Nyorsoa deh, :yee' a mu-eh 'ye-:. A 'bhorn-eh dih, :yee' a mu-eh 'ye-:. :Mor a bla :kpaa', :yee' or mu 'o 'wluh-: 'do a bo.

Deh no-eh, nyor⧾-a' klehkpeh :an 'yba-dih-a Nyorsoa deh, an 'ye-eh'. :Yee' nyor :or 'bhorn-a deh dih, or 'ye-eh'. 'De mor nyor :or bla-a :kpaa', or mu 'o 'wluh-: 'do or bo.

:Yee' nyor⧾-a' klehkpeh :on 'worn-a 'an wlu :daa, 'de :on 'chean'-a deh⧾ 'an za-a-' en-' no-a', :yee' on gweh :toror' :korn-nyor: :or po-a or-a'a: 'gbu 'do 'soba ken.

Deh a 'bhorn-a nyor⧾ 'ye-a' no 'do a bo, eh-a' 'jeh :dao', eh-: a 'ye no 'do nyor⧾ bo :ke. Eh-: :Mose'-a' 'tele'-: 'dekorn: Nyorsoa-a' wele-eh: :po-nyor⧾-a' nyor⧾ deh :torne-eh-: en 'dhu-eh:-'.

Jorwor: gba-dih-gba-a' worn, :or se-a bo dih 'beh-: 'dekorn: :gwie: :eh :kma-a 'i 'do kpa 'da-: me-: kpa nyor⧾ 'de 'kmo :sie: :febeh' bo. Eh-a' 'jeh :wor :gwlor-nyor⧾-kpor-a 'ye, 'de an kpa.

:Yee' a :yi-dih: 'do gba-dih-gba-a' worn :yor se-a bo dih 'beh ka. Deh no-eh, gba-dih-gba :or 'beh-a 'worn dih, 'de mor :gwie: :eh :ne-a bo dih bhou, eh-a' :sie: 'da, :wor 'dhu gbe :zie: 'da-'. Gba-dih-gba-a' 'jeh :dao', or-: :gwlor-nyor:⧾ :doru'-a yi-dih 'o 'worn.

'De mor :ka a-a' kplen-a' :yeh :nyni 'yi dih, a yubo: 'nyii'-deh:⧾ 'jeh, a 'ye-a' a-a'a: 'nynuu 'nyi 'weh, :yee' a :Baa' :yor :or :ne-a 'de yai', dha or mu :na-dih: 'do nyor⧾ :an 'yba-dih-or deh⧾ 'jeh, an-a' dhih bo :eh?

:Yee' :Yusu'-a kpa or-a' wlu 'dlu bo :chio'lo:, or 'dae:, A-a' :chehn-' a 'bei'-a' zabe 'i 'suh, 'de Nyorsoa :ne-' a-a' zabe zi :ke. Deh no-eh, :ka a no-a a 'bei'-a' zabe-a' zi-a', 'ka-: Nyorsoa-a mu a-a' ne-a' zi-a' :no :ke. :Yee' :ka a no-a a 'bei'-a' ne-a' :yba-dih-eh, 'ka-: Nyorsoa-a mu a-a' ne-a' :yba-dih-eh :no :ke.

Jorwor: nyor⧾-a' klehkpeh :on 'worn-a 'an wlu :daa, 'de :on se-a deh⧾ 'an za-a-' en-' no-a' 'chean', :yee' on gweh :bobo-nyor: :or po-a or-a'a: 'gbu 'do :bhehneh'-dhu-'.

:Eh no 'de :an 'ye :gbehne-eh-yu :due' :ne-a 'de :an-a' 'de-di' 'yli-e :eh? Jorwor: tu 'kplo :yor :or :ne-a 'de :an-a' 'jeh 'yor-eh 'yli-e, :an-a' 'ye-or' :e? :Yee' :kaa :on 'beh-dih: :on 'ye 'de or bo :wlu-eh no :eh? :On 'ye :ao', 'An 'de-di', 'yle, 'on 'ye :gbehne-eh 'de :on 'yli-e :za, :mor tu 'kplo :ne 'de :an-a' 'jeh-a' 'yli-e :eh?

:Yee' a 'dhu a-a' 'jeh :dhororn', 'do sih 'tmo :wele-eh: :po-nyor:⧾ :an yi-a 'o a bo, 'de :on pa-a 'blae'⧾-a' ku⧾-', jorwor: :on 'ble-a ji⧾-a' :porluh⧾. An-a' 'bi an mu-a :tlo, me-: nyor⧾-a mu-uh yubo-dih:. 'Wu⧾-kwla :se-' 'nyoeh' :tlo i, 'de dlan :se-' gwehn :tlo i.

'Ka-: 'o eh :ne, tu⧾-a' klehkpeh :en no-a tu⧾ 'jeh, en tlo 'bi 'jeh, jorwor: tu 'dhu-a tu-zon-', an tlo 'bi-zon:⧾.

Tu 'jeh se 'beh-dih: on 'ye 'bi-zon⧾ :tlo, 'de tu-zon se 'beh-dih: on 'ye 'bi 'jeh :tlo.

'De tu⧾-a' klehkpeh :en :se-a 'bi 'jeh :tlo i, en mu :dba-eh:, 'de en 'ye 'de neh-' :po-eh:.