Versículos bíblicos populares de ମାତି 11

Partilhar

“ଏ଼ ୱା଼ହୁ ରା଼ତା ଗାଟି ଲ଼କୁ, ବାରେ ନା଼ ତା଼ଣା ୱା଼ଦୁ, ନା଼ନୁ ମିଙ୍ଗେ ଜ଼ମିକିୟାଇଁ ।

ନା଼ ଜୁୱେଡ଼ି ମୀ ବମିତା ଡେ଼କାନା ନା଼ ତା଼ଣାଟି ଜା଼ପାଦୁ, ଇଚିହିଁ ନା଼ନୁ କ଼ପା କାର୍‌ବି ହିଲାଆନା ସୁଦୁ ହିୟାଁ ଗାଟାତେଏଁ, ଇଞ୍ଜାଁ ମୀରୁ ନା଼ ତା଼ଣାଟି ମୀ ଜୀୱୁତା ଜ଼ମିଦେରି

ଇଚିହିଁ ନା଼ ଜୁୱେଡ଼ି ଊସାସା ଅ଼ଡ଼େ ବ଼ଜୁ ଊଣା ମାନେ ।”

“ନା଼ ଆ଼ବା ନାଙ୍ଗେ ବାରେ ହୀହାମାଞ୍ଜାନେସି, ଆ଼ବା ପିସ୍‌ପେ ଆମ୍ବାଆରି ମୀର୍‌ଏଣାଇଁ ପୁନଅରି ଅ଼ଡ଼େ ମୀର୍‌ଏଣା ପିସ୍‌ପେ ଆମ୍ବାଆରି ଆ଼ବାଇଁ ପୁନଅରି, ମୀର୍‌ଏସି ଆମ୍ବାଆରି ତା଼ଣା ତ଼ହ୍‌ନେସି ଏ଼ୱାସି ପୁନେସି ।”

ଜୀସୁ ଏ଼ୱାରାଇଁ ଏଲେଇଚେସି, “ମୀରୁ ୱେଣ୍ଡା ହାଜାନା ଏ଼ନାଆଁ ୱେଞ୍ଜାମାଞ୍ଜେରି ଅ଼ଡ଼େ ମେସିମାଞ୍ଜେରି, ଜହନଇଁ ୱେହ୍‌ଦୁ । କା଼ଣାୟାଁ ମେସିମାନେରି, ସଟାୟାଁ ତାକି ମାନେରି, କାଜା ର଼ଗ ଗାଟାରି ନେହିଁ ଆ଼ହିମାନେରି, ବେ଼ରାୟାଁ ୱେଞ୍ଜିମାନେରି, ହା଼ତାରି ନିଙ୍ଗିମାନେରି ଅ଼ଡ଼େ କାଙ୍ଗାଲା ଗାଟାରି ନେହିଁ କାବ୍ରୁ ୱେଞ୍ଜିମାନେରି

ଆମ୍ବାଆରି କୀର୍କା ମାନୁ ଏ଼ୱାସି ୱେଣ୍‌ମ୍ବାସି ।”