Versículos Bíblicos Populares relacionados a เพรโด่แนพู๊ เต๊เห่ 3

Compartilhar

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

หม่าแน๊เรอ คูเปโตร เฮ๊ ลู เน๊อ, “แวรือแวเท โอ่ เตเป๊ โต่, หม่าแน๊เรอเตเด๊อ อา โอ่ เร๊อ แว เออเนอ, แว เก่ เด๊อะ เน. เด๊อ วีนาซาเร็ธพู๊ เหย่ซู่ครี๊ เด๊อ อามุย โอ่ เร๊อ เตอเรอ ฉว่าชอ เออเตเพร ขว่าคยาเร๊อ แว เฮ๊ เน, ก๊อถ่อ จว๊ามอ!”

อา เฮ๊โท ฮู๊เนอเรอ อา ปื่อ ลูกู๊ขุ จ๊อทว๊า เร๊อ อา จุ่ยก๊อถ่อ ลูลู เน๊อ โตโพ๊โต อากู๊โด่ตารา เน๊อ กู๊โด่ ชาเดอะ อา ฉว่าแถ่ชอแถ่ ล๊อปลี เจ๊อ. เร๊อ อา ป่าก๊อถ่อ เร๊อ อา ก๊อถ่อ จว๊ากาจว๊าแฮ โทเรอ อา จว๊าโน เต่อโหร่ เร๊อ เหย่ซี เด๊อ เตหลู่แตโฮ อากู เร๊อ อา จว๊ากาจว๊าแฮ, อี๊ฉ่าอิปลื๊อ เร๊อ ถู่เซ๊แถ่ จอแปแหร่.

ซี แม๊เถอะซิเงเฮ๊อ เร๊อ แกแย กู๊โด่ด๊าตือรือ เออเตเพร เนอหม่า หม่าเด๊อ อา หยื่อเอ่ เหย่ซู่ อามุย อาขว่าอาคยาเร๊อ, อา แร๊กาคยา แพ๊. เป ซิเง เน๊อ เออเนอหมา หม่า เด๊อ อา หยื่อเอ่ เหย่ซู่ อาขว่าอาคยา, เหย่ซู่ เมแร๊ ลอหล่าตี๊กลิ ลอ เจ๊อ ลู ฮู๊ ซี ล๋อ ปลี แม๊เถอะ ลอดื่อเฮ๊อ กู๊แหน่ เออเนอเฮ๊อ.