Versículos Bíblicos Populares relacionados a เพรโด่แนพู๊ เต๊เห่ 4

Compartilhar

แกแย เด๊อ อา เมแลเปล๊ แจ่ เป หม่า ตือแพ๊ เหย่ซู่ เตเพร แพ๊. แกแย อาโร เด๊อ จอแปแหร่ เด๊อ เหย่ซี เร๊อ อา เก่ เมแลเปล๊กา เป อาเงเนอ, เด๊อ เห่ขุ เออต๊าบ่า ล๊อ เจ๊อ เนอ อา โอ่ เตเพร่ว โต่.”

เบ๊อะเหย่ซี กุยจ๊อเบ โทเฮ๊อ เบ๊อะเนอ, เหล่โอ่ เบ๊อะเหย่ซี เหล่โอ่ปล๊อ เต่อลู เนอโต๊โผะ อา อาว๊าหรี่รือเจ๊อ เร๊อ เหย่ซี เล๊อบา ลอปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี ปว๋า เตเพร แด๊โฉ่โด่แน คือฮา เป่ แลแค อู เร๊อ จอแปแหร่ อาหรี่อาแก.

หม่าแน๊เนอ, เก๋อ แบ่เจ๋, หนิดา แม๊มอ เหย่ซี เฮ๊ ต๊อหร่อเซ๊ ซิอิเช แลแค เป กู๊แหน่เออ เต๊เห่เนอ, โท๊โต่ แซ่ฮู๊ เป ทวา เนหลู่ เออเต๊เห่ เก่ เฮ๊เบ่คือเฮ๊บื่อ แร๊เกอ เนหรี่เนแก เนอเร๊อ, เมจว่าเหร่อ เป.

เหย่ซู่ หม่า, ‘อา แซ่เน๊อ หล่อ เตเม เด๊อ ซี แบ๊แถ่ หี่ เร๊อ ซี ต่าแก อา หม่าแน๊เร๊อ เด๊อคยาเนอ อา ทวาแถ่ หล่อ เด๊อ อู นอจ่อ อา เด๊อ หี่หนะ เด๊อ อา โหล่ดุเล๊อ อู เตเม.’

แกแยยิวพู๊ เด๊อ อา ทวาดุทวาเต เต๊เห่เนอ, อา แม๊เถอะ เร๊อ คูเปโตร เร๊อ คูยอห์น ซิปล่อคือเฮ๊บื่อ เร๊อ อา ซิเง เร๊อ เหย่ซี หม่า แกแย แจ่ลีแจ่ลา หม่าโต่ โท๊โต่ เหย่ซี หม่า แกแย แจ่ลีแจ่ลาโต่ เต๊เห่ อาขว่าอาคยา, อา คย๊ายื๊อ แลแค เจ๊อ. โท๊โต่ เหย่ซี ซิเง โป่ เร๊อ คูเปโตร เร๊อ คูยอห์น หม่า แกแย เด๊อ อา ครวาแบ๊ซว๊า เกอ เร๊อ เหย่ซู่ เต๊เห่.

เพร เด๊อ อา หยื่อเอ่แหน่หยื่อรี เต๊เห่เนอ เหย่ซี โอ่ลู เร๊อ ซิปล่อ เตเม๋ จือ, เตเตเน เต๊อเจ๋อลู. เหย่ซี ตาหมื่อตาเต เต๊เห่เนอ เหย่ซี แด่กว๊า เกอเร๊อ แลแค เร๊อ อาเต เตเพร่ว โต่. เตเด๊อ อา โอ่ เร๊อ เหย่ซี เต๊เห่เนอ เหย่ซี เอ่โหร่พย๊าโหร่ แคลู.