John 6
6
CHAP. VI.
Yoneghragwaghton tsina awen yondaddenonten wisk niwennyaweghtseraghfen neyongwedage.
1Oghnagenge Jesus wathanyadariyake ne Galilee nene konwayats ne Tiberias kanyàdare. 2Ok kentyoghkowànen wahhonwaghsere, ne wahhòne tsi wahhontkaghthoʼ ne yoneghragwaght tsinisʼhakoyèren tsi shakotjendon ne rodinongh-waktanyoni. 3Ok Jesus wahhanontàrane onontohhàràge, ok raonhha oni ne raotyonghkwa eghwahhontyen. 4Ok nene eren-wa-ondongoghte, wadennyode tfiniyakorigh-hòten ne Jews haga, onontohha waonderighwihhewe.
5Ethone ne onen Jesus tehhatkaghtonyonwe, wahsʼhakoken kentyoghkowànen karo tʼhonenengh-tonhatye, wahhawenhaghse Philip, kàh nonwe endewanàdaraghnínon ne kengayen enhadike? 6Ok yaweght wahhonigonghrisake tsi ne ràwen; roderyendare se raonha tsmenhàyere. 7Philip tentahhawenhaghse, tekeni tewenyawe gwennis tsiniyoríwa ne kanàdarok yaghten enhodiyéri, ne ok enhonaghtane oghstonha. 8Sʼhayadat ne raotyonghkwa nene Andrew, Simon Peter yadaddegen-on, wahhawenhaghse. 9Kengh irèse ne ranikenghderoah, nene rahhawe wisk ne kanadarage ok tekenntsyage; ok do niyore enkayendane nene tsinikenntyoghkwa. 10Ok Jesus wahhenron, kinyoh rontye ne ongwe eso egh nonwe yothondonighne. Etho kadi wahhontye, ne ronongwe nene tsini kentyoghkwa onghte wisk niwennyaweghtseraghsen. 11Ok Jesus wa-atraghkwe ne kanadarohk, ok ne onen wahhadenghraghseronnyen; wahsʼhako-yakhonhaghse ne raotyonghkwa, ok saghsʼhakodi-yakhonhaghse ne rononha nene egh radidaràyen i ok oni ne kentsyo tsinenhonaghtane. 12Neonen wahhonaghtane, wahsʼhakawenhagh-se ne raotyonghkwa, sewaròroke nene tekaghri-séren ne waodadenron, nene yaghothénon tʼenkayésha. 13Ne kadi wa-eròroke, ok wakànaghne tekeni yawenri ne wathèrake ne tekànadaraghriseren ne wisk ne kanadarage, nene yaweght waodadenron, onen tsi rodihkwennda-on. 14Ethone rònen neken ronongwe, neonen wahhontkaghtho tsiniyorighwaneghragwaght tsini hoyèren ne Jesus, togenske naah neken ne Prophet nene karighwsson entre nʼoghwhenjage. 15Neonen kadi Jesus wahsʼhakorighwagense tsini hodinigonghroten nene aontahhonwanonghok Korah ahhonwayonyon, eren sareghde raonhatjonhha tsiyononde. 16Ok ne onen wa-okaraghwe, ne raotyonghkwa kanyadarakta wahhòneghte. 17Ok wahhonditta kahonweyagowaghne, ok wathadmyadaríyake ne Capernaum nonga. Ok onen agwagh wa-okaraghwe, oni Jesus arekho ten sʼhakorà-on. 18Ok ne watyongwarèesden tsiniwatkaweraghkwe kawerowànen. 19Neonen se tewaghsen wisk yawenri, toga nonken aghsen newaghsen furlong tsiniyòre yehoddikàwigh, ok wahhonwaken Jesus kanyadaràge, karo thaweghtonhatye: ok wahhodighderone. 20Ok wahsʼhakawenhaghse iih naah; toghsa fewaghderone. 21Ethone sahhonwayaditta agwagh wahhonon-wessa kahonweyakowaghne, ok oksaok ne kahhonweya wakaghrarhon atsyakda tsi nonwe ronenongh-tonhatye. 22Tsi wa orhenne, ne onen ne ronongwe nene radikennyadaghkwe skanyadaràdihhen nonga wahhontkaghtho, tsi yagh oya egh te kahhonwa-yendaghkwe ne ok ne enskat tsinonwe ronadídda ne raotyonghkwa, ok oni tsi yagh wadògen te honénon ne Jesus tsi wahhonditta, ok ne rononha-on ne raotyonghkwa sahhonghdendi; 23(Ok sane toghka ne kahhonwage nʼoya Tiberias tsyonaghdentyoh egh: wakònewe okhetho tsinonwe wahhadinadarake, neonen ne Royaner wahhadenghraghseronyon:) 24Neonen kadi ne ronongwe wahhontkaghtho tsi yagh etho ten irese ne Jesus, yagh oni ne raotyonghkwa, rononha oni wahhonditta ok egh wahhonewe Capernaum ronwayadisakhonhatye ne Jesus. 25Ok ne onen ronwayadatshenryon eren ne skanyadaràdih, wahhonwenhaghse, Rabbi katke kengh waghsewe? 26Jesus saghsʼhakawenhaghse, agwagh togenske, kwaghrori, takwayadísaks, yagh naah tegen aoriwa tsisewatkaghtho ne yorighwaneghragwaghte, ok denghnon tsisewàkon ne kanadarohk ok wasewaghta-on. 27Toghsa sewatstenyàron nene tsinikahkwòten ne waghtònden, ok denghnon tsinikahkwòten nene eghtekarìghwadatye tsi nʼeterna adonhèta, nene rongwe ronwayeah enghtsitfyon: iken raonha naah Yehovah ne ranihha rorighwaghniraton. 28Ethone sahhonwenhaghfe, Oghnʼenyàkwatyère nene aongwayòde ne raoyodenghsera ne Niyoh. 29Jesus tahharighwaseragon ok wahoʼhakawenhagfe, kengayen naah ne raoyodenghsera ne Yehovah nene aonteseweghdaghkon nene raona-ne yehoriha-on. 30Wahhonwenhaghse kadi, oghnahhoten ne yoderighwatyèren kadi waghsʼkwanadonse, nene enyakwatkaghtho, ok aontayakweghtaghkon isege? Oghne karihhoten sayòdegh? 31Ongwaghsotsera kenhha karhàgon nonwe wahhadike ne manna, tsiniyought tsi kaghyadon, Karonyage nonga wagh sʼhakononten ne kanàdarohk nʼenhàdike. 32Ethone Jesus wahsʼhakawenhaghse, agwagh togenske, kwaghrory, yagh Moses te eghtsifewawigh ne karonyage nʼetho kanadarohk: ok dengh non ne ragenihha karonyàge nonga eghtsisewawighs ne togenske kanadarohk. 33Iken ne naah ne raonàdarohk ne Niyoh nene raonha ne ne Karonyage tʼhoyenghdaghkwen, ok ne oghwhentjàge wahsʼhaka-on ne adonhèta. 34Ethone wahhonwenhaghse, sayàner tuitkon takwanàdaranontenghsek ne kengayen. 35Ok Jesus wakshakawenhaghse, iih na ah ne aonàdarohk ne adonheta; raonha ne ne entre tsi ikese yaghnonwenndon tʼaonsahhadonghkaryake; ok raonha nene tehaweghdaghkon tsini wakerighhòten yagh nonwendon tʼaonsahhonyadathense. 36Wakwenni, waskwatkaghtho oni nʼise, ok yaghten teseweghdaghkon. 37Agwegon nene rakwawihhe ne Ragenihha, iihne entyeghte; ok raonha nene iihne entreghte, yagh ne de gen aonsahhiyadinnegenwe. 38Iken Karonyàge tewakatsnenghton, yaghten kenyende iih aonkadaddenigonrayèrìt, ok denghnon nene enhinigonghrayèrit nene rakkenha-on. 39Ok ne naah tsinireghre ne Rakenihha nene rakhènha-on, nene agwegon tsinihakwawigh yaghoghnahhoten tʼenwakaghdonthak, ok denghnon aonsakeketskwen nene oghnagen weghníserade onen enwadoghwhenjokthen. 40Ok ne kengayen naah tsinireghre ne rakhenha-on, nene tsmiyagon tehonwakànere ne ronwa-yeah, ok raonhage tehoneghdaghkon ne enhodiyendane ne ne eterna adonheta; ok enskheketskoh onen enwadonghwhentjokten. 41Ethone ronwarighwaghswense ne ne Jewshaga, ne aoriwa tsi rawen, iih naah ne kanadarohk ne ne Karonyage te yotsnenghton. 42Ok wahhoniron yaghken raonha te gen ne Jesus, ne ne Joseph Royeah, ronihha ok oni ne ronisdenhha dʼhiyenderi? Ogh kadi na-àwen tsi radon Karonyàge tewakatsnenghton? 43Jesus kadi tahhadadigh, ok wahshakawenhaghse, toghsa sewaderyenda yendonwe. 44Yagh onghka tʼen yegwèni karo aontàyeght iihne, ne ok ne Ranihha nene rakhenha-on aontahhoyadadirònden: ok iih enshiketskwenghte nene onen enwadoghwhentjokten. 45Kaghyàdon naah ne raodersghwage ne Prophethogon, ok agwegon ne Yehovah enshakorighhonyen. Onghka kiok kadi nene rothonde ok oni ronigonghrayenda-on ne Ranihne, iihne entreghte. 46Yagh nene onghka ten hotkaghtho ne Ranihha, ne ok ne raonha nene Yehovaghne tʼhoyenghdaghkwen, raonha naah rotkaghtho ne Ranihha. 47Agwagh togenske, wakwenhaghse, raonha nene tehhaweghdaghkon iihne royen ne eterna adonhèta. 48Iih naah ne aonàdarohk ne adonhèta. 49Yetsighsotshenndaghkwe karhàgon nonwe rodikon ne Manna, ok ronenhèyon. 50Kengayen naah ne kanadarohk ne ne Karonyàge te yotsnenghton, nene ongwe enyeke nʼetho, ok yaghten ayaihheye. 51Iih naah ne yonhe onwe kanadarohk, ne ne karonyàge teyotsnenghton: togat nonken onghka kiok enyenàdarake nʼetho, tsmiyehenwe aghronheke, ok ne kanadarohk ne ne enkhèyon na ah ne akewàron, nene enkheyon (nene enyakonheke ne ongwe) ne aoriwa aodonheta ne oghwhentjagwegon. 52Wathonderyendayendonwe, rondonyon, oghnen-àwen ahagweni ne ken rongwe ensʼhongwànonte ne raowàron? 53Ethone Jesus wahsʼhakawenhaghse, agwagh togenske, togenske wakwenhaghse, togat yaghten ensewake ne raowàron ne Rongwe Ronwaye-ah, ok oni ensewaghnegíra ne raonigwenghsa yaghten sewayen ne adonhèta isege. 54Onghka kiok iraks ne akewàron, ok oni ragbnegirha ne akenigwenghsa, royen ne eterna adonhèta: ok ensʼhiketsgwen onen enwadoghwhenjokten. 55Iken ne akewàron naah togenske ne kahkwa, ok ne akenigwenghsa naah togenske ne kaghnegighratha. 56Raonha nene iraks akewàron ok raghnegirha ne akenigwenghsa, eghyehenderon iihne ok iih raonhage yekideron. 57Tsiniyought ne ronhe onwe ne ranihha rakhenha-on, ok iih ne konheghkon ne ranihha; eghniyought raonha nene iraks niih, iih naah ne; ronheghkon enkenhak. 58Kengayen naah ne etho kandarohle nene Karonyàge teyotsnenghton, yagh egh teyought tsiniyought tsirodikon ne Manna ne yetsighsotserakenhha, ok ronenhéyon; raonha nene iraka ne kengayen kanadarohk tsmiyehenwe aghronhek. 59Nene kengh ne hoyèren kanonghsagon ne synagogue, aghson tsishakorihhonyeni Capernaum tseragon. 60Yawetowanen kadi tsinihadi ne raotyonghkwa, ne onen tsironaghronken ne kengayen, wahhoniron, karighwanoron ne kengh tsinihoyèren, onghka ayegweni enyonigonghrayendane? 61Neonen ne Jesus, roddedògen ne raonigonràgon, tsi wathonderyendayendonwe ne raotyonghkwa, wahshakawenhaghse, yetshighswadènni ken ne ken? 62Oghnen-awen togat enghtsisewatkaghtho ne rongwe rowayeah enegen ensàreghde tsinonwe tʼhaweghton? 63Ne naah ne kanigonra ne waddidògatha; nene Owàron yaghothenon tewatshennonyatha, tsinikawénnage ne kwaghròri, naah ne kanigonra ok oni ne adonheta. 64Ok oddyake tsinitsyon, nene yaghten teseweghdaghkon. Iken Jesus tsidyodaghsawen tsiroderyendare, tsinihadih ne yaghten tehoneghdaghkon ok oni raonha nene enhonigonghràsere. 65Ok wahhenron, ne kadi wakwenhaghse, yagh onghka ne rongwe tʼahagweni iihne entreghte, togat yagh, ne Ragenihha ten horighwàwigh.
66Ethone tondaghsawen yawetowanen ne raotyonghkwa eren sahhoneghte, yagh shegon wadogen teghsʼhonesgwe ne raonha. 67Ethone Jesus wahshakawenhaghse ne tekenishadire, eren ken oni enseweghde nʼise? 68Ethone Simon Peter tahharighwaseràgon, Sayàner, kàh nonwe, enyakweghte? ise se sawennenhhawi ne adonhèta eterna. 69Ok teyakweghtaghkon oni yadegagonte onwe yakweghre ise naah ne Christus, nene royeah ne ronhe-onwe Yehovah. 70Jesus saghshakawenhaghse, yagh ken ten kwayadaragwen tekenisenire, ok shayàdat tsinitsyon oneghshonghrònon naah? 71Ne roghtharaghkwen ne Judas Iscariot, ne Simon roye-ah; iken raonha naah nene aontah-honigonghràsere, rayàdare se ne tekenishadire.
Atualmente Selecionado:
John 6: MOH1804
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Historical text maintained first published by the British and Foreign Bible Society in 1804.